شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 29 - كۇنى تۇستەن كەيىن، اۆتونوميالى رايوندىق قارتتار قىزمەتى كوميتەتى جالپى ءماجىلىس اشتى. ءماجىلىس باس شۋجي شي جينپيڭنىڭ قارتتار قىزمەتىن كۇشەيتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاعدايعا تالداۋ جاساپ، ماسەلەلەردى زەرتتەپ، تۇتاس رايوننىڭ قارتتار ىستەرىنىڭ جالپى بەتتىك، سايكەستى، باياندى دامۋىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق قارتتار قىزمەتى كوميتەتىنىڭ مەڭگەرۋشىسى لي پىڭشين ءماجىلىستى باسقاردى ءارى ءسوز سويلەدى.
ءماجىلىس اۆتونوميالى رايوننىڭ قارتتار قىزمەتى جاعدايىنان جاسالعان مالىمەتتى تىڭدادى، «اۆتونوميالى رايوندىق قارتتار قىزمەتى كوميتەتىنىڭ قىزمەت ەرەجەسىن»، «اۆتونوميالى رايوندىق قارتتار قىزمەتى كوميتەتىنە مۇشە ورىنداردىڭ قىزمەت جاۋاپكەرشىلىگىن» قاراپ ماقۇلدادى.
ءماجىلىس مىنانى اتاپ كورسەتتى: تۇتاس رايوندا حالىق سانىنىڭ قارتتانۋ دەڭگەيىنىڭ ۇزدىكسىز جوعارىلاۋىنا ىلەسە، ءار ۇلت قارتتار قاۋىمىنىڭ كوپ جاقتاعى قاجەتىن قاناعاتتاندىرۋدىڭ، حالىق سانىنىڭ جاپپاي قارتتانۋىنان تۋىنداعان قوعامدىق ماسەلەلەردى تىڭعىلىقتى شەشۋدىڭ جاۋاپكەرشىلىگى زور، ءمانى تەرەڭ. جەر - جەر، قاتىستى تاراۋلار جاۋاپكەرشىلىك سەزىمدى جانە بورىشتىلىق سەزىمدى شىنايى كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ بيىگىن نەگىزگە الىپ، قارتتار قىزمەتىن تىڭعىلىقتى ويداعىداي ىستەپ، تۇتاس رايونداعى قارتتاردىڭ تۇرمىس ساپاسىن جوعارىلاتىپ، قارتتاردىڭ اتاق - ابىرويى مەن ۇقىعىن قورعاپ، ەكونوميكانىڭ دامۋىن جەبەپ، قوعامنىڭ جاراسىمدىلىعىن ارتتىرۋ كەرەك.
ءماجىلىس مىنالاردى باسا دارىپتەدى: پارتكوم باسشىلىعىمەن، ۇكىمەت جەتەكشىلىگىمەن، قوعامنىڭ ات سالىسۋىمەن، جالپى حالىقتىڭ ارەكەتكە كەلۋىمەن ۇشتاستىرۋعا تاباندى بولىپ، حالىق سانىنىڭ قارتتانۋىنا توتەپ بەرۋ مەن ەكونوميكالىق، قوعامدىق دامۋدى جەبەۋدى ءوزارا ۇشتاستىرىپ، قارتتاردىڭ قاجەتىن قاناعاتتاندىرۋ مەن حالىق سانىنىڭ قارتتانۋ ماسەلەسىن شەشۋدى ءوزارا ۇشتاستىرىپ، ماڭىزدى ءتۇيىندى كورنەكتىلەندىرىپ، شەشۋشى بۋىندى مىقتاپ ۇستاپ، قىزمەت وتەۋمەن قامداۋدى ۇلعايتۋ، ساياساتتىق قولداۋدى كۇشەيتۋ، قىزمەت مەحانيزمىن كەمەلدەندىرۋ جاعىندا كۇش سالىپ، قارتتاردىڭ نەگىزگى تۇرمىسى، نەگىزدىك ەمدەلۋى جانە نەگىزگى قارايلاسۋ سياقتى جاقتارىنداعى ماسەلەلەرىن كۇش سالا شەشىپ، قارتتاردى كۇتىمدەۋدىڭ، قارتتاردى قادىرلەۋدىڭ، قارتتاردى قۇرمەتتەۋدىڭ ساياساتتىق جۇيەسى مەن قوعامدىق ورتاسىن بەلسەنە قۇرۋ كەرەك. قارتتاردىڭ سالاماتتىعىن باسقارۋدى كۇشەيتىپ، قارتتاردىڭ سالاماتتىعىن جەبەۋ قيمىلىن بەلسەنە ىلگەرىلەتىپ، ەمدەۋ مەن كۇتىمدەۋدى ۇشتاستىرۋدى تەرەڭ ىلگەرىلەتىپ، قارتتاردىڭ سالاماتتىعىنا قىزمەت وتەۋ جۇيەسىن اقاۋسىزداندىرۋ، كەمەلدەندىرۋ كەرەك. قارتتاردى كۇتىمدەۋگە قىزمەت وتەۋ جۇيەسى قۇرىلىسىنىڭ اياق الىسىن جەدەلدەتىپ، اسىرەسە، ۇيىندە، الەۋمەتتىك اۋماقتا قارتتاردى كۇتىمدەۋگە قىزمەت وتەۋ جاعىنداعى ولقىلىقتاردى تولىقتاۋدى جەدەلدەتۋ كەرەك. قوعامدىق قامتاماسىزداندىرۋ جۇيەسىن اقاۋسىزداندىرىپ، كەمەلدەندىرىپ، ءوز قاجەتىنەن شىعا المايتىن قارتتارعا، اۋىل - قىستاقتارداعى ۇيدە قالعان قارتتارعا كومەك كورسەتۋ، قارايلاسۋ، قىزمەت وتەۋ سياقتى قىزمەتتەردى تىڭعىلىقتى ويداعىداي ىستەپ، سول جەردىڭ ەرەكشەلىگىنە قاراي ”باقىت اۋلاسى“ سياقتى اۋىل - قىستاقتىڭ ءىس جۇزىندىگىنە ۇيلەسەتىن قارتتاردى كۇتىمدەۋگە قىزمەت وتەۋ ۇلگىسىن دامىتىپ، تۇتاس رايونداعى ءار ۇلت قارتتارىنىڭ جاپپاي دوڭگەلەك داۋلەتتى قوعامعا بىردەي قادام تاستاۋىنا كەپىلدىك ەتۋ كەرەك. قارتتار كاسىبى سالاسىن جەدەل دامىتۋدى بەلسەنە ىلگەرىلەتىپ، قارتتار كاسىبى سالاسىنىڭ تىڭ ارتۋ ءتۇيىنىن جەتىلدىرۋ كەرەك. قارتتاردىڭ بەلسەندى رولىن كۇش سالا ساۋلەلەندىرىپ، قارتتاردى اقاۋسىز كوڭىل كۇيدى جانە العا باسۋ رۋحىن ساقتاۋعا جەتەكتەپ، وڭ ەنەرگيانى ساۋلەلەندىرىپ، تىڭ ۇلەستەر قوسۋ كەرەك.
ءماجىلىس مىنانى تالاپ ەتتى: جەر - جەر، تاراۋلار قارتتار قىزمەتىن ماڭىزدى كەڭەستىك كۇن تارتىپكە ەنگىزىپ، ۇيىمدىق باسشىلىقتى كۇشەيتىپ، قىزمەتتى قامتاماسىزداندىرۋدى نىعايتىپ، قىزمەتتىڭ بىرىككەن كۇشىن قالىپتاستىرىپ، ءار جاقتىڭ قارتتارعا ساياتىن بايلىق قاينارىن بەلسەنە اتتانىسقا كەلتىرىپ، قوعامداعى ءار سالانى قارتتار قىزمەتىنە ات سالىسۋعا جۇمىلدىرىپ، تۇتاس رايوننىڭ قارتتار ءىسىنىڭ دامۋىندا قۇلشىنا جاڭا جاعداي اشۋ كەرەك.
اۆتونوميالى رايوننىڭ ورىنباسار ءتوراعاسى ماڭلىك سەيىت ماجىلىسكە قاتىناستى.
