تيانشان تورى
تيانشان تورى   ›   جاڭالىقتار   ›   ماڭىزدى حابارلار

13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 20 - رەتكى ءماجىلىسى شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ زاڭىن داۋىسقا سالىپ ماقۇلدادى

شي جينپيڭ ءتوراعا بۇيرىعىنا قول قويىپ جاريالادى

شياڭگاڭ ەرەكشە اكىمشىلىك رايونى ءتۇبىرلى زاڭىنىڭ قوسىمشاسى − 3كە تىركەلگەن مەملەكەتتىك زاڭداردى كوبەيتۋ جونىندەگى قاراردى داۋىسقا سالىپ ماقۇلدادى

لي جانشۋ ماجىلىسكە قاتىناستى

  شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 20 - رەتكى ءماجىلىسى 6 - ايدىڭ 30 - كۇنى بەيجيڭ حالىق سارايىندا ەكىنشى جالپى جيىنىن، ءۇشىنشى جالپى جيىنىن جانە جابىلۋ جيىنىن وتكىزدى. ءماجىلىس «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ زاڭىن» داۋىسقا سالىپ ماقۇلدادى، مەملەكەت ءتوراعاسى شي جينپيڭ 49 - ءنومىرلى ءتوراعا بۇيرىعىنا قول قويىپ جاريالادى؛ مەملەكەتتىك حالىق قۇرىلتايى تۇراقتى كوميتەتىنىڭ شياڭگاڭ ەرەكشە اكىمشىلىك رايونى ءتۇبىرلى زاڭىنىڭ قوسىمشاسى − 3كە تىركەلگەن مەملەكەتتىك زاڭداردى كوبەيتۋ جونىندەگى قارارىن داۋىسقا سالىپ ماقۇلدادى. ءماجىلىس حۋ زىجۇندى قازىنالىق باقىلاۋ مەكەمەسىنىڭ باستىعى مىندەتىنەن قالدىرۋدى، حوۋ كايدى قازىنالىق باقىلاۋ مەكەمەسىنىڭ باستىعى ەتىپ تاعايىنداۋدى ۇيعاردى، مەملەكەت ءتوراعاسى شي جينپيڭ 50 - ءنومىرلى ءتوراعا بۇيرىعىنا قول قويىپ مىندەتتەن قالدىردى، مىندەتكە تاعايىندادى. كوميتەت باستىعى لي جانشۋ ماجىلىسكە قاتىناستى.

  6 - ايدىڭ 30 - كۇنى تۇستەن بۇرىن تۇراقتى كوميتەتتىڭ 20 - رەتكى ءماجىلىسى ەكىنشى جالپى جيىنىن وتكىزدى. تۇراقتى كوميتەت قۇرامىنداعىلاردان 162 ادام جيىنعا قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى. جيىن داۋىسقا سالۋ ارقىلى «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ زاڭىن» تولىق داۋىسپەن ماقۇلدادى. ءماجىلىس جانە قاتىستى مىندەتكە تاعايىنداۋ جانە مىندەتتەن قالدىرۋ جوباسىن قارادى.

  6 - ايدىڭ 30 - كۇنى تۇستەن كەيىن تۇراقتى كوميتەتتىڭ 20 - رەتكى ءماجىلىسى ءۇشىنشى جالپى جيىنىن وتكىزدى. تۇراقتى كوميتەت قۇرامىنداعىلاردان 163 ادام جيىنعا قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى. جيىن كوميتەت باستىقتارى ءماجىلىسىنىڭ «مەملەكەتتىك حالىق قۇرىلتايى تۇراقتى كوميتەتىنىڭ <جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى ءتۇبىرلى زاڭىنىڭ> قوسىمشاسى − 3كە تىركەلگەن مەملەكەتتىك زاڭداردى كوبەيتۋ جونىندەگى قارارىن (جوبا)» قاراۋدى ۇسىنۋ جونىندەگى كەڭەستىك جوبانى قارادى. كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.

  6 - ايدىڭ 30 - كۇنى تۇستەن كەيىن تۇراقتى كوميتەتتىڭ 20 - رەتكى ءماجىلىسى جابىلۋ جيىنىن وتكىزدى. تۇراقتى كوميتەت قۇرامىنداعىلاردان 163 ادام جيىنعا قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى. جيىن داۋىسقا سالۋ ارقىلى «مەملەكەتتىك حالىق قۇرىلتايى تۇراقتى كوميتەتىنىڭ <جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى ءتۇبىرلى زاڭىنىڭ> قوسىمشاسى − 3كە تىركەلگەن مەملەكەتتىك زاڭداردى كوبەيتۋ جونىندەگى قارارىن» تولىق داۋىسپەن ماقۇلداپ، «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى مەملەكەت حاۋىپسىزدىگىن قورعاۋ زاڭىن» «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونى ءتۇبىرلى زاڭىنىڭ» قوسىمشاسى − 3كە ەنگىزۋدى ۇيعارىپ، شياڭگاڭ ەرەكشە اكىمشىلىك رايونىنىڭ جەرگىلىكتى ورىندا جاريالاپ اتقاراتىندىعىن ايقىندادى. جيىن داۋىسقا سالۋ ارقىلى حوۋ كايدى مەملەكەتتىك باقىلاۋ - تەكسەرۋ كوميتەتىنىڭ مۇشەلىگى مىندەتىنەن قالدىرۋدى ۇيعاردى.

  كوميتەت باستىعى لي جانشۋ ەكىنشى جالپى جيىندى جانە جابىلۋ جيىنىن باسقاردى، ورىنباسار كوميتەت باستىعى حاۋ ميڭجين ءۇشىنشى جالپى جيىندى باسقاردى.

  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، باس حاتشى ياڭ جىن - ۋ ماجىلىسكە قاتىناستى.

  مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەلەرى ۋاڭ يۇڭ، شياۋ جيە، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك باقىلاۋ - تەكسەرۋ كوميتەتىنىڭ جاۋاپتىلارى، مەملەكەتتىك حالىق قۇرىلتايىنىڭ ءارقايسى ارناۋلى كوميتەتتەرىنىڭ ءىشىنارا مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلارداعى جاۋاپتى جولداستار، ت. ب لار قاتىستى ماجىلىستەرگە جەكە - جەكە سىرتتاي قاتىناستى.

  ءار رەتكى جالپى جيىننان بۇرىن، كوميتەت باستىعى لي جانشۋ جەكە - جەكە 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 66 - رەتكى، 67 - رەتكى جانە 68 - رەتكى كوميتەت باستىقتارى ءماجىلىسىن باسقارىپ اشىپ، قاتىستى كەڭەستىك تاقىرىپتاردى قارادى. مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋ، مەملەكەتتىك حالىق قۇرىلتايى تۇراقتى كوميتەتىنىڭ قاتىستى ورىنباسار باس حاتشىلارى، مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ، تۇراقتى كوميتەتتىڭ قاتىستى قىزمەت كوميتەتتەرىنىڭ جاۋاپتىلارى قاتىستى كەڭەستىك تاقىرىپتار جونىندە مالىمەت بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.