شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ قۇراستىرعان «شي جينپيڭ ەل باسقارۋ جونىندە» 3 - تومىنىڭ حانزۋشا - اعىلشىنشا باسىلىمىن جاقىندا شەتەل ءتىلى باسپاسى باسپادان شىعارىپ، ەل ىشىندە جانە شەتەلدەردە تاراتتى.
پارتيانىڭ 19 - قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيانىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى ەتىپ تۇراقتاندىردى ءارى ونى پارتيا ۋستاۆىنا جازدى، 13 - كەزەكتى مەملەكەتتىك حالىق قۇرىلتايىنىڭ ءبىرىنشى ءماجىلىسى وسى ماڭىزدى يدەيانى نەگىزگى زاڭعا ەنگىزىپ، پارتيا مەن مەملەكەتتىڭ جەتەكشى يدەياسىنىڭ داۋىرمەن بىرگە ىلگەرىلەۋىن جۇزەگە اسىردى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى جۇڭگو كوممۋنيستىك پارتياسىنىڭ يدەيالىق تۋى، مەملەكەتتىڭ ساياسي تۇرمىسىنىڭ جانە قوعامدىق تۇرمىسىنىڭ ءتۇبىرلى باعدار كورسەتكىشى، قازىرگى زامان جۇڭگونىڭ ماركسيزمى، 21 - عاسىردىڭ ماركسيزمى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ارەكەت باعدارناماسىن ازىرلەدى.
«شي جينپيڭ ەل باسقارۋ جونىندە» 1 - تومى، 2 - تومى باسپادان شىققاننان بەرى، ەل ءىشى - سىرتىندا كۇشتى اڭىس قوزعادى. پارتيانىڭ 19 - قۇرىلتايىنان بەرى، باس شۋجي شي جينپيڭ جاڭا داۋىردەگى ەل باسقارۋدى ىلگەرىلەتۋگە باسشىلىق ەتۋ امالياتى بارىسىندا تاعى ءبىر قىدىرۋ ماڭىزدى بايىمداۋلار جاريالاپ، جاسامپازدىق سيپات، داۋىرلىك سيپات، جەتەكشىلىك سيپات العان كوپتەگەن ماڭىزدى يدەيالار مەن كوزقاراستاردى العا قويىپ، پارتيانىڭ نازاريالىق جاڭالىق اشۋ جەتىستىكتەرىن اناعۇرلىم بايىتتى جانە دامىتتى.
«شي جينپيڭ ەل باسقارۋ جونىندە» 3 - تومىنا باس شۋجي شي جينپيڭنىڭ 2017 - جىلى 10 - ايدىڭ 18 - كۇنىنەن 2020 - جىلى 1 - ايدىڭ 13 - كۇنىنە دەيىنگى باياندامالارى، سوزدەرى، سۇحپاتتارى، لەكسيالارى، بەكىتۋلەرى، نۇسقاۋلارى، قۇتتىقتاۋ حاتتارى سياقتى 92 شىعارماسى ەنگىزىلىپ، 19 ارناۋلى تاقىرىپقا ءبولىندى. وقىرمانداردىڭ وقۋىنا قولايلى بولۋ ءۇشىن، كىتاپتا قاجەتتى تۇسىندىرمەلەر جاسالدى. بۇل كىتاپقا جانە باس شۋجي شي جينپيڭنىڭ وسى مەزگىلدەگى 41 فوتو سۋرەتى كىرىستىرىلدى.
«شي جينپيڭ ەل باسقارۋ جونىندە» 3 - تومى پارتيانىڭ 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندەگى 100 جىلدا بولماعان زور وزگەرىستى كوزدەي وتىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جان - جاقتىلى مەڭگەرگەن، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، پارتيا مەن مەملەكەتتىڭ ءتۇرلى ىستەرىنىڭ جاڭا دا ماڭىزدى ىلگەرىلەۋشىلىكتەرگە قول جەتكىزۋىن ىلگەرىلەتكەن ۇلى امالياتىن جاندى ەستەلىككە العان، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن شوعىرلى ايگىلەگەن، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ارناعان اقىل - پاراسات جوباسىن تولىق بەينەلەگەن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى ايگىلەگەن بەدەلدى شىعارما.
«شي جينپيڭ ەل باسقارۋ جونىندە» 3 - تومىنىڭ باسپادان شىعىپ، تاراتىلۋى قالىڭ كادرلار مەن بۇقارانىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋىن، جەتە يگەرۋىن، شىنايى تياناقتاندىرۋىن ىلگەرىلەتۋ، وعان سىڭىرىلگەن ماركسيزمدىك تۇرعىنى، كوزقاراستى، ءادىستى جۇيەلى يگەرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزۋ جونىنەن؛ حالىقارالىق قوعامنىڭ وسى ماڭىزدى يدەيانىڭ باستى مازمۇنىن اناعۇرلىم جاقسى تۇسىنۋىنە كومەكتەسىپ، جۇڭگو كوممۋنيستىك پارتياسىنىڭ نە ءۇشىن ىسكەر ەكەندىگى، ماركسيزمنىڭ نە ءۇشىن ىسكە اساتىندىعى، جۇڭگوشا سوتسياليزمنىڭ نە ءۇشىن جاقسى ەكەندىگى جونىندەگى تانىمىن جانە تۇسىنىگىن نىعايتۋ جونىنەن ماڭىزدى مانگە يە.
