رەفورماعا سۇيەنىپ جاعدايدىڭ وزگەرىسىنە توتەپ بەرىپ، جاڭا جاعداي اشىپ، تەتىكتى مىقتى ۇستاپ، ىزدەنىس جاساۋعا شابىتتاندىرىپ، ناقتى ونىمدىلىكتى كورنەكتىلەندىرۋ كەرەك
لي كىچياڭ، ۋاڭ حۋنيڭ قاتىناستى
شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جالپى بەتتىك تەرەڭدەتۋ كوميتەتىنىڭ مەڭگەرۋشىسى شي جينپيڭ 6 - ايدىڭ 30 - كۇنى تۇستەن كەيىن ورتالىق رەفورمانى جالپى بەتتىك تەرەڭدەتۋ كوميتەتىنىڭ 14 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: ”13 - بەسجىلدىق“ جوبانىڭ باستى نىسانالارى مەن مىندەتتەرىن جەڭىسپەن ورىنداپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتىپ، قولايلى ساتتە قيمىلداپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاۋدا، ءسوز جوق، رەفورمانىڭ سونى ءورىس اشۋ جانە جەتەكشىلىك ەتۋ رولىن ويداعىداي ساۋلەلەندىرىپ، رەفورماعا سۇيەنىپ جاعدايدىڭ وزگەرىسىنە توتەپ بەرىپ، جاڭا جاعداي اشىپ، نىسانانى جەتەكشى ەتۋگە جانە ماسەلەنى باعدار ەتۋگە تاباندى بولىپ، كۇش جيناۋعا، تەبىن ساقتاۋعا، اۋقىمدى جوسپارلاۋعا شەبەر بولۋمەن بىرگە، وزگەرىستى تانۋعا، وزگەرىسكە تالپىنۋعا، وزگەرىسكە توتەپ بەرۋگە دە شەبەر بولىپ، تەتىكتى مىقتى ۇستاپ، ىزدەنىس جاساۋعا بەلسەنە شابىتتاندىرىپ، رەفورمانىڭ ناقتى ونىمدىلىگىن كورنەكتىلەندىرىپ، رەفورمانىڭ ەكونوميكالىق، قوعامدىق دامۋ كەلەلى جاعدايىنا اناعۇرلىم جاقسى قىزمەت ەتۋىن ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جالپى بەتتىك تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ ماجىلىسكە قاتىناستى.
ءماجىلىس «مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن (2020 − 2022 - جىل)»، «جاڭا ۇرپاق ينفورماتسيا تەحنيكاسى مەن جاساۋ كاسىبىنىڭ توعىسا دامۋىن تەرەڭدەتۋ جونىندەگى جەتەكشى پىكىردى»، «اۋىل - قىستاق قورا - جايلىق جەر ءتۇزىمى رەفورماسىن تەرەڭدەتۋ سىناق ءتۇيىنى جوباسىن»، «اقپارات قۇرالدارىنىڭ تەرەڭ توعىسا دامۋىن جەدەل ىلگەرىلەتۋ جونىندەگى جەتەكشى پىكىردى»، «جاڭا ءداۋىر وقۋ - اعارتۋىن باعالاۋ رەفورماسىن تەرەڭدەتۋدىڭ جالپى تۇلعالىق جوباسىن»، «مەملەكەت مەنشىگىندەگى ادەبيەت - كوركەمونەر مەكەمە - ۇيىرمەلەرى رەفورماسىن تەرەڭدەتۋ جونىندەگى اتقارۋ پىكىرىن» قاراپ ماقۇلدادى. ءماجىلىس تاعى پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىنىڭ ىلگەرىلەۋ جاعدايىنان بەرىلگەن مالىمەتتى تىڭدادى.
ءماجىلىس مىنالاردى اتاپ كورسەتتى: مەملەكەت مەنشىگىندەگى كاسىپورىندار جۇڭگوشا سوتسياليزمنىڭ ماڭىزدى زاتتىق نەگىزى جانە ساياسي نەگىزى، پارتيانىڭ بيلىك جۇرگىزىپ، مەملەكەتتى گۇلدەندىرۋىنىڭ ماڭىزدى تىرەگى جانە تايانىش كۇشى. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بارىسىندا مەملەكەت مەنشىگىندەگى كاسىپورىندار باتىلدىقپەن اۋىر جۇك ارقالاپ، شۇعىل جاعدايعا توتەپ بەرۋ، قامداۋدى قامتاماسىز ەتۋ، ەمدەۋ جاعىنان كومەكتەسۋ، جۇمىستى، ءوندىرىستى قالپىنا كەلتىرۋ، كاسىپ سالاسى تىزبەگىن، قامداۋ تىزبەگىن ورنىقتىرۋ سياقتى جاقتاردا ماڭىزدى رول اتقاردى. الداعى 3 جىل مەملەكەت مەنشىگىندەگى كاسىپورىندار رەفورماسىنىڭ شەشۋشى كەزەڭى، پارتيانىڭ مەملەكەت مەنشىگىندەگى كاسىپورىندارعا جالپى بەتتىك باسشىلىعىنا تاباندى بولىپ جانە ونى كۇشەيتىپ، نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، سوتسياليستىك بازار شارۋاشىلىعى رەفورماسى بەتالىسىنا تاباندى بولىپ، ءتۇيىندى يگەرىپ، ولقىلىقتاردى تولىقتاپ، ءالسىز تۇستاردى كۇشەيتىپ، مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرۋدى جانە قۇرىلىمدى رەتتەۋدى ىلگەرىلەتىپ، مەملەكەت مەنشىگىندەگى شارۋاشىلىقتىڭ باسەكەلىك قۋاتىن، جاسامپازدىق قۋاتىن، مەڭگەرۋ قۋاتىن، ىقپال كۇشىن، حاۋىپ - قاتەرگە توتەپ بەرۋ قابىلەتىن كۇشەيتۋ كەرەك.
ءماجىلىس مىنالاردى باسا دارىپتەدى: جاڭا ۇرپاق ينفورماتسيا تەحنيكاسى مەن جاساۋ كاسىبىنىڭ توعىسا دامۋىن جەدەل ىلگەرىلەتۋدە جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ بەتالىسىنا ۇيلەسىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، زەردەلى جاساۋدى نەگىزگى شابۋىل باعدارى ەتىپ، ونەركاسىپ ينتەرنەتىندە جاڭالىق اشا دامۋدى جەدەلدەتىپ، جاساۋ كاسىبىنىڭ ءوندىرىس تاسىلىندەگى جانە كاسىپورىن كۇيىندەگى ءتۇبىرلى وزگەرىستى جەدەلدەتىپ، توعىسىپ دامۋدىڭ نەگىزگى تىرەگىن بەكەمدەپ، زاڭداردى، زاڭ ەرەجەلەردى اقاۋسىزداندىرىپ، جاساۋ كاسىبىنىڭ سيفرلانا، ينتەرنەتتەنە، زەردەلىلەنە دامۋ ورەسىن جوعارىلاتۋ كەرەك.
ءماجىلىس مىنالاردى اتاپ كورسەتتى: اۋىل - قىستاق قورا - جايلىق جەر ءتۇزىمى رەفورماسىن تەرەڭدەتۋدە، قورا - جايلىق جەردىڭ كوللەكتيۆ يەلىك ۇقىعىن تياناقتاندىرۋدا، قورا - جايلىق جەر جاعىنداعى شارۋا وتباسىلارىنىڭ تولىمدىلىق ۇقىعى مەن شارۋالار ءۇيىنىڭ مال - مۇلىك ۇقىعىن قامتاماسىز ەتۋدە قورا - جايلىق جەر مەن شارۋالار ءۇيىنىڭ پايدالانۋ ۇقىعىن لايىقتى جانداندىرۋدىڭ ناقتى جولى مەن ءادىس - امالىندا بەلسەندىلىكپەن ىزدەنىس جاساپ، جەردىڭ جالپىلىق مەنشىك سيپاتىن وزگەرتپەۋ، ەگىستىك جەردىڭ قىزىل سىزىعىن بۇزباۋ، شارۋالاردىڭ مۇددەسىن زيانعا ۇشىراتپاۋ سىندى 3 تومەنگى شەكتى باتىل ساقتاپ، شارۋالاردىڭ ۇقىق - مۇددەسىن ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ كەرەك.
ءماجىلىس مىنالاردى باسا دارىپتەدى: اقپارات قۇرالدارىنىڭ توعىسا تەرەڭدەي دامۋىن ىلگەرىلەتۋدە، ءتۇزىلىس مەحانيزم رەفورماسىن تەرەڭدەتىپ، جالپىلىق اقپارات قۇرالدارى دارىندىلارىن باۋلۋ تەبىنىن ارتتىرىپ، قۋاتتى ىقپال كۇشىنە جانە باسەكەلىك قۋاتقا يە ءبىر توپ جاڭا نەگىزگى اعىندىق اقپارات قۇرالدارىن تۇلعالاپ، ينتەرنەت جەلىسىندە جانە ينتەرنەت جەلىسىنەن تىس ءبىر تۇلعالاندىرىلعان، ىشكى ۇگىت پەن سىرتقى ۇگىت قوسىلا ارەكەت ەتەتىن نەگىزگى اعىندىق قوعامدىق پىكىر ارناسىن جەدەل ورناتىپ، مازمۇن قۇرىلىسىن ءتۇبىرلى نەگىز، وزىق تەحنيكانى تىرەك، جاسامپازدىقپەن باسقارۋدى قامتاماسىزدىق ەتكەن جالپىلىق اقپارات قۇرالدارى تاراتۋ جۇيەسىن قۇرىپ، قوعامدىق پىكىرگە جەتەكشىلىك ەتەتىن، يدەياعا جول باستايتىن، مادەنيەتتى جالعاستىراتىن، حالىققا قىزمەت ەتەتىن تاراتۋ بيىگىن بەرىك يەلەۋ كەرەك.
ءماجىلىس مىنالاردى اتاپ كورسەتتى: وقۋ - اعارتۋدى باعالاۋ وقۋ - اعارتۋدىڭ دامۋ بەتالىسىنا سايادى، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سوتسياليستىك مەكتەپ باسقارۋ بەتالىسىنان جازباي، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ زاڭدىلىعىنا بويسۇنىپ، تۇرلىشە تۇلعالارعا جانە تۇرلىشە وقۋ كەزەڭىنە، تۇرلىشە وقىتۋ ەرەكشەلىگىنە باعىتتاپ، ناتيجەلەردى باعالاۋدى جاقسارتىپ، بارىسىن باعالاۋدى كۇشەيتىپ، ارتقان قۇن باعالاۋىندا ىزدەنىس جاساپ، جالپىلىق باعالاۋدى اقاۋسىزداندىرىپ، ءنومىردى، جوعارىلاپ وقۋدى، وقۋ ءبىتىرۋ كۋالىگىن، ديسسەرتاتسيانى، قالپاقتى عانا ولشەم ەتەتىن ەسكىلىكتى دەرتتى كۇش سالا جويىپ، عىلمي، زامان تالابىنا ۇيلەسەتىن وقۋ - اعارتۋ باعالاۋى ءتۇزىمى مەن مەحانيزمىن ورناتۋ كەرەك.
ءماجىلىس مىنالاردى باسا دارىپتەدى: مەملەكەت مەنشىگىندەگى ادەبيەت - كوركەمونەر مەكەمە - ۇيىرمەلەرى سوتسياليستىك ادەبيەت - كوركەمونەردى گۇلدەندىرۋدەگى، دامىتۋداعى تىرەكتى كۇش، سوتسياليستىك وزەكتى قۇن كوزقاراسىن جەتەكشى ەتىپ، تۋ ۇستاۋ، جۇرت تىلەگىن ۇيىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى ايگىلەۋ بورىش - مىندەتىن توڭىرەكتەي وتىرىپ، ماسەلەنى باعدار ەتۋدى كورنەكتىلەندىرىپ، تۇرگە ءبولىپ جەتەكشىلىك ەتۋگە تاباندى بولىپ، كونسەرت قويۋدى ورتالىق بۋىن ەتىپ، مەملەكەت مەنشىگىندەگى ادەبيەت - كوركەمونەر مەكەمە - ۇيىرمەلەرىنىڭ تىرشىلىك تىنىسىن، ومىرشەڭدىك كۇشىن قاۋلاتىپ، يدەياسى تەرەڭ، كوركەمدىككە باي، جاسالۋى بىرەگەي ساحنالىق كوركەمونەر سارا تۋىندىلارىن جاراتىپ، ءوندىرىپ، حالىقتىڭ تاماشا تۇرمىسقا تالپىنعان رۋحاني مادەنيەت قاجەتىن قاناعاتتاندىرۋ كەرەك.
ءماجىلىس مىنالاردى اتاپ كورسەتتى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، ءبىز دەنساۋلىق ساقتاۋ، سالاماتتىق بويىنشا جونگە سالۋ جۇيەسىنىڭ جالپى تۇلعالىق ونىمدىلىگىن كۇش سالا كۇشەيتىپ، ەمدەۋ، ءدارى - دارمەك، دەنساۋلىق ساقتاۋ بايلىعىن سايكەستىرە ورنالاستىرۋدى جاقسارتىپ، ەمدەۋ، دەنساۋلىق ساقتاۋدا قىزمەت وتەۋ ورەسىن جوعارىلاتىپ، دۇنيە جۇزىندەگى كولەمى ەڭ زور نەگىزگى ەمدەۋ قامتاماسىزدىعى تورىن ورناتۋدى ىلگەرىلەتىپ، ناۋقاستاردىڭ ەمدەلۋدەگى اۋىرتپالىعىن بىرتىندەپ جەڭىلدەتىپ، حالىقتىڭ سالاماتتىق جاعدايىن جانە نەگىزگى ەمدەۋ، دەنساۋلىق ساقتاۋدا قىزمەت وتەۋدىڭ ادىلدىگىن، قولجەتىمدىلىگىن ۇزدىكسىز جاقسارتتىق. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدە ءبىزدىڭ ەمدەۋ، ءدارى - دارمەك، دەنساۋلىق ساقتاۋ جۇيەمىز سىننان ءوتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدە ماڭىزدى رول اتقاردى. حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، زور دەنساۋلىق ساقتاۋ، زور سالاماتتىق ۇستانىمىن كۇشەيتىپ، الدىن الۋدى نەگىز ەتۋدى اناعۇرلىم كورنەكتى ورىنعا قويۋ كەرەك. جەر - جەردىڭ ەمدەۋ رەفورماسىن تەرەڭدەتۋ جاعدايىن سالالاپ، جاقسى تاجىريبەلەردى، ءادىس - امالداردى قورىتىندىلاپ، دارەجەگە ءبولىپ دياگنوز قويىپ ەمدەۋ ءتۇزىمىن اقاۋسىزداندىرۋ، ەمدەۋ مەن ساقتانۋدى سايكەستىرۋ مەحانيزمىن كەمەلدەندىرۋ، ۇكىمەتتىك شيپاحانالار رەفورماسىن تەرەڭدەتۋ، ەمدەۋ قامسىزداندىرۋى تولەۋ ءتاسىلى رەفورماسىن تەرەڭدەتۋ، ەمدەۋ قامسىزداندىرۋى قورىن باقىلاۋ - باسقارۋدى كۇشەيتۋ، نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ قابىلەت قۇرىلىسىن كۇشەيتۋ، ءدارى - دارمەكپەن قامداۋ، قامتاماسىز ەتۋ جۇيەسىن كەمەلدەندىرۋ سياقتى ءتۇيىندى مىندەتتەردى جەدەل ىلگەرىلەتىپ، قاتىستى سايكەستى سۇيەمەلدەۋ ساياساتتارىن كەمەلدەندىرىپ، رەفورما كەشەندى شارالارىن جاقسى جۇرگىزۋ كەرەك. جاڭا ۇرپاق ينفورماتسيا تەحنيكاسىنىڭ ەمدەۋ، ءدارى - دارمەك، دەنساۋلىق ساقتاۋ سالاسىندا قولدانىلۋىنا وسكەلەڭ ءمان بەرىپ، ەمدەۋ، ءدارى - دارمەك، دەنساۋلىق ساقتاۋدى باسقارۋ جانە قىزمەت وتەۋ ۇلگىسىن قايتا تۇلعالاپ، بايلىقتى سايكەستىرە ورنالاستىرۋدى جاقسارتۋ، قىزمەت وتەۋ ونىمدىلىگىن جوعارىلاتۋ كەرەك. جۋىردا كەيبىر جەرلەردەگى ىندەتتەن ساقتانۋ - تىزگىندەۋ بارىسىندا تۋىلعان كورنەكتى ماسەلەلەرگە قاراتا، ءتۇزىلىس - مەحانيزم جاعىندا جەدەل ءادىس - امال قاراستىرىپ، ساڭلاۋلاردى بىتەپ، ىندەتتىڭ قايتا بەلەڭ بەرۋىنەن باتىل ساقتانۋ كەرەك.
ءماجىلىس مىنالاردى باسا دارىپتەدى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى ورنالاستىرىلعان رەفورما مىندەتتەرىن تياناقتاندىرۋدى جاقسى يگەرۋدى ”13 - بەسجىلدىق“ جوبانىڭ باستى نىسانالارى مەن مىندەتتەرىن ورىنداۋمەن، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋمەن، جاپپاي دوڭگەلەك داۋلەتتى قوعام ورناتۋمەن ۇشتاستىرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى ساباقتاستىرىپ، شەشۋشى سيپاتتى رەفورمانى باعىتتامالى تۇردە ورنالاستىرىپ ىلگەرىلەتۋ كەرەك. ”14 - بەسجىلدىق“ مەزگىلىندەگى رەفورما قىزمەتىن الدىن الا جوسپارلاپ، ءتۇزىم جانە جونگە سالۋ جۇيەسى قۇرىلىسىنا اناعۇرلىم ءمان بەرىپ، تەرەڭ قاتپارلى ءتۇزىلىس مەحانيزمدىك ماسەلەلەردى اناعۇرلىم كوپ شەشۋ كەرەك. رەفورما جاساۋدىڭ، جاڭالىق اشۋدىڭ ەڭ زور ومىرشەڭدىك كۇشى نەگىزگى ساتى مەن بۇقارا اراسىندا، جاڭا ىستەر مەن جاڭا ءادىس - امالدارعا مامىلە جاساۋدا شابىتتاندىرۋ مەن جەتەكتەۋدى كۇشەيتىپ، جاڭا ىستەردىڭ اقاۋسىز جەتىلۋىنە، دامۋدىڭ جاڭا قوزعاۋشى قۋاتىنىڭ جەدەل كۇشەيۋىنە مۇمكىندىك جاساۋ كەرەك.
ورتالىقتىڭ رەفورمانى جالپى بەتتىك تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنىڭ جاۋاپتى جولداستارى ماجىلىسكە سىرتتاي قاتىناستى.
