تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىق كوميتەت ساياسي بيۋروسىنىڭ 21 - رەتكى توپتىق ۇيرەنۋىندە بىلاي دەپ باسا دارىپتەدى

جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق

  شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 29 - كۇنى تۇستەن كەيىن ”جاڭا داۋىردەگى پارتيانىڭ ۇيىمدىق لۋشيانىن ىشكەرىلەي ۇيرەنۋ، ءتۇسىنۋ جانە دايەكتىلەندىرۋ، تياناقتاندىرۋ“ جونىندە 21 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ۇيىمدىق قۇرىلىس − پارتيا قۇرىلىسىنىڭ ماڭىزدى نەگىزى. پارتيانىڭ ۇيىمدىق لۋشيانى پارتيانىڭ ساياسي لۋشيانى ءۇشىن قىزمەت ەتەدى. ءبىزدىڭ پارتيامىز ۇزاق ۋاقىت بيلىك جۇرگىزىپ، ومىرشەڭدىك كۇشتى ماڭگى ساقتاپ، بۇكىل ەلدەگى ءار ۇلت حالقىن ىنتىماقتاستىرىپ باستاپ جۇڭگوشا سوتسياليزم جولىن بويلاي جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ەڭ ماڭىزدىسى، پارتيانى اناعۇرلىم بەرىك، پارمەندى ەتىپ قۇرىپ شىعۋىمىز كەرەك. جاڭا داۋىردەگى پارتيانىڭ ۇيىمدىق لۋشيانى پارتيانىڭ ۇيىمدىق قۇرىلىسىن كۇشەيتۋگە عىلمي بويسۇنۋ ولشەمىن ازىرلەدى، پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن كۇشەيتۋگە ماڭىزدى كەپىلدىك ازىرلەدى. ءبىز پارتيانىڭ باسشىلىعىنا تيتتەي دە اۋىتقىماستان تاباندى بولىپ جانە ونى كەمەلدەندىرىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز تۇردە اناعۇرلىم بەرىك تە پارمەندى ەتىپ قۇرىپ شىعۋىمىز كەرەك.

  ورتالىق كوميتەت ۇيىمداستىرۋ ءبولىمىنىڭ باس حاتشىسى حۋ جينچي جولداس وسى ماسەلەنى ءتۇسىندىرىپ، پىكىر جانە ۇسىنىس قويدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: ەندى 2 كۇننەن كەيىن، پارتيامىزدىڭ قۇرىلعاندىعىنا 99 جىل تولادى. ورتالىق كوميتەت ساياسي بيۋروسىنىڭ بۇل جولعى توپتىق ۇيرەنۋى پارتيانىڭ قۇرىلعان كۇنىن قۇتتىقتاۋعا ارنالعان ءبىر رەتكى ماڭىزدى قيمىل، سونداي - اق بۇكىل پارتيانىڭ تانىمدى تەرەڭدەتۋىن ءارى جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرۋىن، تياناقتاندىرۋىن ىلگەرىلەتۋ ماقساتىندا ورنالاستىرىلدى. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ كوممۋنيستىك پارتيا مۇشەلەرىن مەرەكە بايلانىسىمەن قىزۋ قۇتتىقتادى.

  شي جينپيڭ بىلاي دەپ باسا دارىپتەدى: پارتيانىڭ تاريحى قاي كەزدە دۇرىس ۇيىمدىق لۋشيانعا تاباندى بولسا، پارتيا ۇيىمىنىڭ قارىشتاپ دامىپ، پارتيا ىستەرىنىڭ ءساتتى ىلگەرىلەگەندىگىن؛ قاي كەزدە ۇيىمدىق لۋشياندا اۋىتقۋ پايدا بولسا، پارتيا ۇيىمىنىڭ بۇلدىرۋگە ۇشىراپ، پارتيا ىستەرىندە ساتسىزدىكتەر جارىققا شىعاتىندىعىن كورسەتتى. پارتيانىڭ 18 - قۇرىلتايىنان بەرى، پارتيا ورتالىق كوميتەتى پارتيانىڭ ۇيىمدىق قۇرىلىسىندا ورىن تەپكەن كورنەكتى ماسەلەلەرگە باعىتتاي وتىرىپ بۇلجىماستان پارتيانى جاپپاي قاتاڭ جونگە سالىپ، پارتيانىڭ جالپى بەتتىك باسشىلىعىن كۇشەيتۋ، پارتيانىڭ ۇيىمدىق جۇيەسىن اقاۋسىزداندىرۋ، ادام تاڭداۋ، ادام ىستەتۋ ولشەمى مەن قىزمەت مەحانيزمىن كەمەلدەندىرۋ، پارتيانىڭ ىشكى ساياسي تۇرمىسى مەن ۇيىمدىق تۇرمىس ءتۇزىمىن اقاۋسىزداندىرۋ سياقتى جاقتاردا ءبىر قىدىرۋ كەلەلى شارالاردى قولداندى ءارى پارتيانىڭ نازاريامەن قارۋلانۋىن كۇشەيتۋ، پارتيانىڭ ستيل قۇرىلىسىن كۇشەيتۋ، پارتيانىڭ ءتارتىبىن قاتايتۋ، شىرىكتەسۋگە قارسى تۇرۋ كۇرەسىن ىشكەرىلەي ورىستەتۋ سياقتىلارمەن سايكەستىرىپ، پارتيانىڭ توڭكەرىستىك شىڭدالۋ بارىسىندا اناعۇرلىم بەرىكتەنە ءتۇسۋىن ىلگەرىلەتتى. پارتيانىڭ 19 - قۇرىلتايىنان كەيىن، ءبىز تاريحي تاجىريبەلەردى، اسىرەسە، پارتيانىڭ 18 - قۇرىلتايىنان بەرگى پارتيانى جاپپاي قاتاڭ جونگە سالۋداعى تابىستى تاجىريبەلەردى قورىتىندىلاۋ نەگىزىندە، جاڭا داۋىردەگى پارتيانىڭ ۇيىمدىق لۋشيانىن تۇجىرىمدادىق. ءبىز جاڭا داۋىردەگى پارتيانىڭ ۇيىمدىق لۋشيانىنىڭ عىلمي ءمانى مەن امالياتتىق تالابىن دۇرىس ءتۇسىنىپ، نىسانانى باعدار ەتۋدىڭ، ماسەلەنى باعدار ەتۋدىڭ، ناتيجەنى باعدار ەتۋدىڭ بىرلىگىنە تاباندى بولىپ، دايەكتىلەندىرۋدىڭ، تياناقتاندىرۋدىڭ نەگىزگى تالابىن ءدال ويداعىداي يگەرۋىمىز كەرەك.

  شي جينپيڭ بىلاي دەپ اتاپ كورسەتتى: پارتيانىڭ باسشىلىعىنا تاباندى بولۋ مەن ونى كەمەلدەندىرۋدى، جۇڭگوشا سوتسياليزمگە تاباندى بولۋ مەن ونى دامىتۋدى ويداعىداي يگەرۋ كەرەك. پارتيانىڭ ۇيىمدىق قۇرىلىسىن كۇشەيتۋدەگى ءتۇبىرلى ماقسات − پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، جۇڭگوشا سوتسياليزم ىستەرىن ىلگەرىلەتۋگە پارمەندى كەپىل ازىرلەۋ. قازىر ءبىرىنشى 100 جىلدىق كۇرەس نىساناسى جەڭىسپەن جۇزەگە اسۋ الدىندا تۇر، ءبىز ەندى جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىن باستايمىز. كۇردەلى جاعداي مەن جاپالى مىندەتتەر الدىندا، ءبىزدىڭ دۇنيە جۇزىندە عاسىردا بولماعان زور وزگەرىستەردى جانە جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جاپپاي يگەرىپ، ەلەۋلى سىن - سايىستارعا پارمەندى تۇردە توتەپ بەرىپ، ەلەۋلى حاۋىپ - قاتەرلەرگە قارسى تۇرىپ، ەلەۋلى كەدەرگىلەردى جەڭىپ، ەلەۋلى قايشىلىقتاردى شەشىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستى جۇرگىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىمىزعا، تۇپتەپ كەلگەندە، جانە دە پارتيانىڭ باسشىلىعى كەپىل بولادى. بۇكىل پارتيانى سانالى تۇردە يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا، پارمەندى ساياسي تاباندىلىق پەن دۇرىس العا باسۋ بەتالىسىن ساقتاۋعا تاربيەلەپ، جەتەكتەپ، ءار دارەجەلى پارتكومداردىڭ (پارتيا باسشىلىق گرۋپپاسى)، ءار سالاداعى نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن تولىق ساۋلەلەندىرىپ، قالىڭ پارتيا مۇشەلەرىن، كادرلاردى جانە ءار جاقتاعى دارىندىلاردى ءونىمدى تۇردە ۇيىمداستىرىپ، قالىڭ حالىق بۇقاراسىن جاپپاي ۇيىستىرىپ، جاڭا داۋىردە جۇڭگوشا سوتسياليزمنىڭ جاڭا جەڭىسىنە قول جەتكىزۋ جولىندا ىنتىماقتاسا كۇرەس جۇرگىزۋدىڭ قۋاتتى كۇشىن قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: بۇكىل پارتيانى پارتيانىڭ عىلمي نازارياسىمەن قارۋلاندىرۋدى ويداعىداي يگەرۋ كەرەك. ماركسيزم، اسىرەسە، جاڭا داۋىردەگى جۇڭگوشا سوتسياليزم يدەياسىمەن نازاريالىق قارۋلانۋدى كۇشەيتىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ ماركسيزم نازارياسىمەن قارۋلانۋدى مەڭگەرۋىنە مۇمكىندىك جاساپ، ماركسيزم نازارياسى دەڭگەيى مەن ونى قولدانۋ قابىلەتىن ءوسىرىپ، پارتيانىڭ جاسامپاز نازارياسىن جاڭا داۋىردە جۇڭگوشا سوتسياليزم ۇلى ىستەرىن ىلگەرىلەتۋدىڭ امالياتتىق كۇشىنە بىرگە اينالدىرۋ كەرەك. ءار دارەجەلى پارتكومدار مەن ولاردىڭ ۇيىمداستىرۋ تاراۋلارى پارتيانىڭ عىلمي نازارياسى ارقىلى پارتيانىڭ ۇيىمدىق قۇرىلىسىنا سانالى تۇردە جەتەكشىلىك ەتىپ، جاڭا ءىس جۇزىندىك جاعدايمەن ۇشتاستىرا وتىرىپ رەفورمادا جاڭالىق اشۋدى ىلگەرىلەتىپ، ءتۇرلى قىزمەتتەردىڭ ونان ارى ويداعىداي داۋىرلىك سيپاتتى ايگىلەۋىنە، زاڭدىلىقتى يگەرۋىنە، باي جاسامپازدىققا يە بولۋىنا مۇمكىندىك جاساپ، جاڭا داۋىردەگى پارتيانىڭ تاريحي بورىشىن جۇزەگە اسىرۋعا پارمەندى ۇيىمدىق كەپىل ازىرلەۋى كەرەك.

  شي جينپيڭ بىلاي دەپ اتاپ كورسەتتى: پارتيانىڭ ۇيىمدىق جۇيەسى قۇرىلىسىن ويداعىداي يگەرۋ كەرەك. بەرىك ۇيىمدىق جۇيە − ماركستىك ساياسي پارتيانىڭ باسىمدىعى، كۇش - قۋاتى. پارتيانىڭ 18 - قۇرىلتايىنان بەرى، ءبىز پارتيا قۇرىلىسىن يگەرۋدە، الدىمەن ورتالىق كوميتەتتىڭ، ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ قۇرىلىسىن يگەردىك، بەلگىلەگەن پارتيانىڭ ىشكى زاڭ ەرەجەلەرىندە ورتالىقتاعى باسشى جولداستارعا اناعۇرلىم جوعارى ولشەم قويىپ، ورتالىقتاعى باسشى جولداستاردىڭ تارتىپكە بويسۇنىپ، قاعيداعا ءمان بەرۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن اتقارۋ جاقتارىندا بۇكىل پارتياداعى جولداستارعا ۇلگى كورسەتىپ، ونەگە بولۋىن تالاپ ەتتىك. ورتالىق پەن مەملەكەت ورگاندارى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ”ەڭ العاشقى ءبىر كيلومەتر“، پارتيا باسشىلىق گرۋپپاسىنىڭ قىزمەت ەرەجەسىن جانە پارتيانىڭ قىزمەت ورگاندارى ەرەجەسىن مۇقيات دايەكتى اتقارىپ، ورتالىق پەن مەملەكەت ورگاندارىن ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، ونىمدىلىگى بار ۇلگىلى ورگان ەتىپ قۇرىپ شىعۋ كەرەك. جەرگىلىكتى پارتكومدار − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ورتا بولىگى“، جەرگىلىكتى پارتكومدار قىزمەتى ەرەجەسىن مۇقيات دايەكتى اتقارىپ، جەرگىلىكتى پارتكومداردى پارتيا ورتالىق كوميتەتىنىڭ قولباسشىلىعىنا قۇلاق اساتىن، قاتاڭ باسقاراتىن، پارمەندى تۇردە باقىلايتىن، القاسى ىنتىماقتى، سالتى كىرشىكسىز پارمەندى ۇيىم ەتىپ قۇرىپ شىعۋ كەرەك. نەگىزگى ساتى پارتيا ۇيىمدارى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ”ەڭ سوڭعى ءبىر كيلومەتر“، نەگىزگى ساتىنى جاپپاي يگەرۋدىڭ ايقىن بەتالىسىنان جازباي، نەگىزگى ساتى پارتيا ۇيىمىنىڭ نەگىزگى ساتىعا باسشىلىق ەتىپ جونگە سالۋىنداعى ءتۇرلى ولقىلىقتاردى تولىقتىرۋدى مىقتى يگەرىپ، ءار سالاداعى نەگىزگى ساتى پارتيا ۇيىمدارىن پارتيانىڭ باسشىلىعىن جۇزەگە اسىرۋداعى بەرىك جاۋىنگەر قورعان ەتىپ قۇرىپ، قالىڭ پارتيا مۇشەلەرىنىڭ رەفورما، دامۋ، ورنىقتىلىقتاعى اۆانگارد، ۇلگىلىك رولىن تولىق ساۋلەلەندىرۋ كەرەك. ءار دارەجەلى پارتيا ۇيىمدارى ساياسي باسشىلىق قابىلەتىن، يدەيالىق جەتەكشىلىك ەتۋ قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن جوعارىلاتىپ، قالىڭ حالىق بۇقاراسىن پارتيانىڭ توڭىرەگىنە تىعىز ىنتىماقتاستىرۋى كەرەك.

  شي جينپيڭ بىلاي دەپ باسا دارىپتەدى: بيلىك جۇرگىزۋدەگى تىرەكتى قوسىن مەن دارىندىلار قوسىنى قۇرىلىسىن ويداعىداي يگەرۋ كەرەك. جاڭا داۋىردەگى پارتيانىڭ ۇيىمدىق لۋشيانىندا ءمورالدى دا دارىندى بولۋ، ءمورالدى الدىڭعى ورىنعا قويۋ، جارامدىلاردى قىزمەتكە قويۋ باعىتىنا تاباندى بولۋ باعىتى العا قويىلدى، ياعني كادر تاڭداۋدا، دارىندى ىستەتۋدە احىلاعىنا ءمان بەرۋمەن قاتار، دارىنىنا دا ەلەۋسىز قاراۋعا بولمايتىندىعى باسا دارىپتەلدى. جونگە سالۋ قابىلەتىن جوعارىلاتۋدى جاڭا داۋىردەگى كادرلار قوسىنى قۇرىلىسىنىڭ كەلەلى مىندەتى ەتىپ، يدەيالىق شىڭالۋدى، ساياسي ىسىلۋدى، امالياتتىق شىنىعۋدى، كاسىپتىك توسەلۋدى كۇشەيتۋ ارقىلى، قالىڭ كادرلاردىڭ تۇزىمگە قاتاڭ نەگىزدەلە وتىرىپ قىزمەت جاۋاپكەرشىلىگىن اتقارۋىن، ۇقىقتى جۇرگىزۋىن، قىزمەتتى ورىستەتۋىن ىلگەرىلەتۋ كەرەك. ءار دارەجەلى پارتيا ۇيىمدارى ساياسي وتكەلدى، پاكتىك وتكەلىن قاتاڭ يگەرىپ، ساپا، قابىلەت وتكەلىن قاتاڭ يگەرىپ، ىستەۋدى قالايتىن، شىنايى ىستەيتىن، ءىس تىندىراتىن كادرلاردى دەر كەزىندە بايقاۋى، مىندەتكە قويۋى كەرەك. كادرلاردى تاربيەلەۋ مەن باۋلۋدى كۇشەيتىپ، قالىڭ كادرلاردىڭ ساياسي ساپاسىنىڭ، نازاريالىق دەڭگەيىنىڭ، كاسىپتىك قابىلەتىنىڭ، امالياتتىق قابىلەتىنىڭ ءداۋىردىڭ دامۋ اياق الىسىنا ىلەسۋىنە مۇمكىندىك جاساۋ كەرەك. كادرلار ءتۇزىمى رەفورماسىن تەرەڭدەتىپ، يدەيانى باسقاراتىن، قىزمەتتى باسقاراتىن، ستيلدى باسقاراتىن، ءتارتىپتى باسقاراتىن قاتاڭ باسقارۋ مەحانيزمىن كەمەلدەندىرىپ، قابىلەتتىلەردى جوعارىعا شىعارۋ، ۇزدىكتەردى سيلاۋ، توعىشارلاردى ءتۇسىرۋ، ناشارلاردى قالدىرۋ دۇرىس بەتالىسىنىڭ قالىپتاسۋىن ىلگەرىلەتۋ كەرەك. دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، دارىندىلار ەنگىزۋ، باۋلۋ، ىستەتۋ، باعالاۋ، جىلجىتۋ، شابىتتاندىرۋ سياقتى جاقتارداعى تۇزىلىستىك - مەحانيزمدىك كەدەرگىلەردى الاستاپ، اناعۇرلىم بەلسەندى، اناعۇرلىم اشىق، اناعۇرلىم ءونىمدى دارىندىلار ساياساتىن جولعا قويىپ، باۋراۋ قۋاتىنا جانە حالىقارالىق باسەكەلىك قۋاتقا يە دارىندىلار ءتۇزىمى جۇيەسىن قالىپتاستىرىپ، جەر جۇزىندەگى دارىندىلاردى توپتاۋعا قۇلشىنۋ كەرەك.

  شي جينپيڭ بىلاي دەپ اتاپ كورسەتتى: پارتيانىڭ ۇيىمدىق ءتۇزىم قۇرىلىسىن ويداعىداي يگەرۋ كەرەك. پارتيانىڭ 18 - قۇرىلتايىنان بەرى، پارتيا ورتالىق كوميتەتى ىلگەرىندى - كەيىندى پارتيانىڭ ىشكى ساياسي تۇرمىسىنا قاتىستى بىرنەشە ەرەجە، پارتيا باسشىلىق گرۋپپاسىنىڭ قىزمەت ەرەجەسى، جەرگىلىكتى پارتكومداردىڭ قىزمەت ەرەجەسى، پارتيانىڭ قىزمەت ورگاندارى ەرەجەسى، ياچەيكانىڭ قىزمەت ەرەجەسى، سونداي - اق اۋىل - قىستاق، مەملەكەت مەنشىگىندەگى كاسىپورىندار، ورگاندار، جوعارى مەكتەپتەر نەگىزگى ساتى پارتيا ۇيىمدارىنىڭ قىزمەت ەرەجەسى سياقتى ءبىر قىدىرۋ ۇيىمدىق قۇرىلىس جاقتارىنداعى پارتيا ىشىندەگى زاڭ ەرەجەلەردى بەلگىلەدى جانە وزگەرىس ەنگىزدى. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى پارتيانىڭ ورتالىقتانعان ءبىر تۇتاس ۇيىمدىق ءتۇزىمىن اقاۋسىزداندىرۋدى، قورعاۋدى پارتيانىڭ باسشىلىق ءتۇزىم جۇيەسىنە تاباندى بولۋ مەن ونى اقاۋسىزداندىرۋدىڭ ماڭىزدى مازمۇنى ەتىپ، مەملەكەت ءتۇزىمى مەن مەملەكەتتىڭ جونگە سالۋ جۇيەسىنە ەنگىزدى. ورتالىقتاعى قاتىستى تاراۋلار، ءار دارەجەلى پارتكومدار (پارتيا باسشىلىق گرۋپپاسى) ءىس جۇزىندىك جاعدايمەن ۇشتاستىرىپ، پارتيانىڭ ىشكى ۇيىمدىق زاڭ ەرەجەلەرى مەن پارتيا ورتالىق كوميتەتى العا قويعان تالاپتاردى ناقتىلاندىرىپ، ۇيىمدىق ورنالاستىرۋ، ۇيىمدىق تۇرمىس، ۇيىمنىڭ جۇمىس جۇرگىزۋى، ۇيىمدىق باسقارۋ، ۇيىمدىق باقىلاۋ سياقتىلاردى قامتىعان كەمەلدى ۇيىمدىق ءتۇزىم جۇيەسىن ورناتىپ، اقاۋسىزداندىرىپ، پارتكومنىڭ (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرۋ ءتۇزىمىن كەمەلدەندىرىپ ءارى ونىڭ اتقارىلۋىن قاتاڭ يگەرىپ، پارتيانىڭ ۇيىمدىق قۇرىلىسىنىڭ تۇزىمدەنۋ، ارناعا ءتۇسۋ، عىلميلانۋ دەڭگەيىن ۇزدىكسىز جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.