تيانشان تورى   ›   جاڭالىقتار   ›   شينجياڭ حابارلارى

اۋەلگى ماقساتتى ىندەتكە قارسى اتتانۋدىڭ ءبىرىنشى شەبىندە ايگىلەدى

رايونىمىزداعى قالىڭ پارتيا مۇشەلەرى ىندەتتەن ساقتانۋ - تىزگىندەۋ بارىسىندا كورنەكتى رول اتقاردى

اۋەلگى ماقساتتى ىندەتكە قارسى اتتانۋدىڭ ءبىرىنشى شەبىندە ايگىلەدى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  اجالمەن بەلدەسكەن شيپاحانانىڭ ناۋقاستار بولمەسىنەن سىرتتان كىرۋدەن ساقتانۋدىڭ شەكارا وتكەلدەرىنە دەيىن، وتباسى سايىن ارالاپ جاعداي ۇعىسىپ، اداقتاپ تەكسەرۋ جۇرگىزگەن نەگىزگى ساتى الەۋمەتتىك اۋماقتارىنان ۇستەمە جۇمىس ىستەپ قارقىندى جەدەلدەتىپ، ءوندىرىستى يگەرگەن كاسىپورىن، زاۆودتارعا دەيىن... جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە تيانشاننىڭ وڭتۇستىگى مەن سولتۇستىگىندەگى ءار كاسىپ، ءار سالاداعى كوممۋنيستىك پارتيا مۇشەلەرى اۋەلگى ماقساتتى ءبىرىنشى شەپتە جازىپ، باستان - اياق ەڭ الدىدا كۇرەس جاساپ، ءبىر نيەتتە ىندەتپەن شايقاسۋدىڭ بەرىك ساقتىق شەبىن ورناتىپ، پارتيا تۋىن ىندەتكە قارسى اتتانۋدىڭ ءبىرىنشى شەبىندە بيىك جەلبىرەتتى.

اتويلاپ الدا ءجۇردى، ارەكەتتەرى ارقىلى پارتياعا كىرۋ سەرتىن امالياتتا ايگىلەدى

  ”پارتيا مۇشەسى ەكەنسىڭ، قيىن - قىستاۋ ساتتە اتويلاپ ەڭ الدا ءجۇرۋ كەرەك“، - دەدى 6 - ايدىڭ 30 - كۇنى اۆتونوميالى رايوندىق حالىق شيپاحاناسى شۇعىل ەمدەۋ ءبولىمىنىڭ ورىنباسار مەڭگەرۋشىسى لۋ جينشۋاي مىعىم سەنىممەن.

  ىندەت كەزىندە لۋ جينشۋاي 3 - توپتاعى شينجياڭنان حۋبەيعا كومەككە اتتانعان ەمدەۋ اترەتىنىڭ مۇشەسى بولۋعا ىرىقتىلىقپەن ءوتىنىش ەتىپ، ۋحان داشۋەسىنە قاراستى حالىق شيپاحاناسى شىعىس شيپاحاناسى سۇڭگىمەتۇتىك گرۋپپاسى 2 - قاتار اترەتىنىڭ جاۋاپتىسى مىندەتىن وتەدى. ۋحاندا ول ۋحان داشۋەسىنە قاراستى حالىق شيپاحاناسى شىعىس شيپاحاناسىنىڭ 14 -، 15 - ناۋقاستار اۋماعىنداعى بارلىق ناۋقاستىڭ تىنىس جولىنا تۇتىك جىبەرۋ، تەرەڭ ۆەناعا تۇتىك قويۋ سياقتى جاراقاتتىق جۇمىستارىن ارقالاپ، ەڭ زور قاتەردى وزىنە قالدىردى. ۋحاننان قايتىپ كەلگەننەن كەيىن، لۋ جينشۋاي شۇعىل ەمدەۋ ءبولىمىنىڭ قاربالاس قىزمەتىنە قايتادان كىرىستى.

  مەيلى ۋحاندا، الدە شينجياڭدا بولسىن، مەيلى شيپاحانادا، الدە باسقا قىزمەت ورنىندا بولسىن، ىندەتكە قارسى اتتانۋدىڭ ءبىرىنشى شەبىندەگى كوممۋنيستىك پارتيا مۇشەلەرى باستان - اياق اتويلاپ الدا ءجۇرىپ، ارەكەتتەرى ارقىلى ”پارتيا مەن حالىققا بارىمدى قۇربان ەتۋگە قاي - قاشان دا دايىنمىن“ دەگەن پارتياعا كىرۋ سەرتىن امالياتتا ايگىلەدى.

  6 - ايدىڭ 29 - كۇنى ساعات 20 شاماسىندا الاتاۋ تاس جول شەكارا وتكەلىندە الاتاۋ كەدەنى تەكسەرۋ 2 - ءبولىمىنىڭ 4 - دارەجەلى اعا ءىس جۇرگىزۋشىسى باتىر سول كۇنى شەكارادان ەڭ سوڭىندا شىققان قازاقستاندىق شوفەرگە ەپيدەميولوگيالىق تەكسەرۋ جۇرگىزگەننەن كەيىن، ءبىر كۇندىك قىزمەتىن اياقتاتتى. بيىل 51 جاستاعى باتىر الاتاۋ كەدەنىندە وتكەلدىك الەۋمەتتىك دەنساۋلىق ساقتاۋ قىزمەتىمەن اينالىسقانىنا 30 جىل بولعان 25 جىلدىق پارتيا ستاجى بار ساقا پارتيا مۇشەسى. بيىلعى كوكتەم مەرەكەسىنىڭ دەمالىسىندا اسىلىندە دەمالاتىن باتىر ىندەت حابارىن ەستىگەننەن كەيىن دەمالىسىنان باز كەشىپ، ىرىقتىلىقپەن قىزمەت ورنىنا كەلىپ، وتكەلدىك دەنساۋلىق ساقتاۋ، كارەنتين ءبىرىنشى شەبىندە تابان اۋدارماي جارىم جىل ىستەدى.

  3 - ايدان بەرى، الاتاۋ شەكارا وتكەلى جۇڭگونىڭ ورتا ازياعا، ەۆروپاعا باعىتتالعان ماڭىزدى شەكارا وتكەلى رەتىندە، جۇك تاسىمالىنىڭ قاۋىرت مەزگىلىن قارسى الدى. سونىمەن بىرگە، ىندەت بۇكىل جەر شارىندا ورشىگەن كەزدە، باتىر مەن قىزمەتتەستەرى ”سىرتتان كىرۋدەن ساقتانۋدىڭ“ ءبىرىنشى ساقتىق شەبىنە اينالدى. ولار ءار كۇنى شەكارادان كىرىپ - شىققان شوفەرلەردىڭ سالاماتتىعىن مالىمدەۋ، ەپيدەميولوگيالىق تەكسەرۋ جۇرگىزۋ سياقتى قىزمەتتەردى ورىستەتتى. ”ءبىزدىڭ قىزمەتىمىز قانشالىق مۇقيات بولعان سايىن، ىندەتتەن ساقتانۋ - تىزگىندەۋ قىزمەتىن سونشالىق جاقسى ىستەۋگە بولادى. ىندەتتى توسىپ قالا الساق بولعانى، ءار كۇنگى قىزمەتتە قانشا ارىپ - شارشاساق تا تاتيدى“، - دەدى باتىر.

تاباندىلىقپەن تاپجىلماي قورعادى، ءاربىر ساقتىق قامالىن بەكەمدەدى

  6 - ايدىڭ 29 - كۇنى قۇمىل قالاسى يجوۋ رايونىنىڭ شيڭشيڭشيا قوعام حاۋىپسىزدىگى تەكسەرۋ پۋنكتىندە وسى پۋنكتتىڭ قىزمەت 1 - ورتا اترەتىنىڭ باستىعى ءمۇزاپپار ءماردان قورعانۋ كيىمىن كيىپ، كورۋ ارالىعى نەبارى 20 مەتر كەلەتىن قۇم - توپىراقتا سول جەردەگى اۆتوكولىكتەردىڭ تەكسەرۋ ءتارتىبىن سايكەستىرىپ تۇر. ”ىندەت اياقتاعان جوق، ساقتانۋ - تىزگىندەۋ قىزمەتىن ۇدايىلاندىرۋدا تيتتەي دە بوساڭسۋعا بولمايدى“، - دەدى ول.

  ىندەتكە قارسى كۇرەس قاي ارادا ورىستەتىلسە، پارتيا ۇيىمى سول ارادا قۇرىلادى. ىندەت تۋىلعاننان كەيىن، قۇمىل قالالىق ىندەتتەن ساقتانۋ - تىزگىندەۋ قولباسشىلىق شتابى دەرەۋ شيڭشيڭشيا قالاشىعىندا ىندەتتەن ساقتانۋ وتكەلەگىن ورنالاستىرىپ، شيڭشيڭشيا ىندەتكە قارسى اتتانۋ قولباسشىلىق شتابىندا ۋاقىتتىق پارتكوم قۇرىپ، قوعام حاۋىپسىزدىگى حالىق ساقشىلارىن، ەمدەۋ قىزمەتكەرلەرىن، ەرىكتىلەردى ءبىر تۇتاس جوسپارلاپ ورنالاستىرىپ، ىندەتتەن ساقتانۋ - تىزگىندەۋ قىزمەتىن ورىستەتتى. 60تان استام پارتيا مۇشەسى مەن باسقا دا قىزمەتكەرلەر ىنتىماقتاسا سەلبەسىپ، حاۋىپ - قاتەردەن جاسقانباي، شينجياڭعا كىرەتىن كولىكتەر مەن ادامداردى قاتاڭ تەكسەرۋمەن بىرگە، جول بويىنداعى شينجياڭعا كىرەتىن كولىكتەرگە ىستىق سۋ، ازىق - تۇلىك، جانار مايمەن قامداۋ سياقتى قىزمەتتەر كورسەتتى.

  ”قازىر شيڭشيڭشيا قوعام حاۋىپسىزدىگى تەكسەرۋ پۋنكتىنىڭ كۇنىنە تەكسەرەتىن كولىك سانى 6000عا جەتەدى. پارتيا مۇشەسى، ساقشى رەتىندە، مەن، ءسوزسىز، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، شينجياڭعا كىرەتىن ’شىعىس قاقپانى‘ باتىل قورعايمىن“، - دەيدى ءمۇزاپپار.

  الەۋمەتتىك اۋماق ىندەتتەن بىرلەسىپ ساقتانىپ، بىرلەسىپ تىزگىندەۋدىڭ ءبىرىنشى شەبى، سونداي - اق سىرتتان كىرۋدەن ساقتاناتىن، ىشتە قايتا بەلەڭ بەرۋدەن ساقتاناتىن ەڭ ءونىمدى قورعانىس شەبى. وسى قورعانىس شەبىن قورعاۋ ءۇشىن، رايونىمىزداعى قالىڭ الەۋمەتتىك اۋماق پارتيالى كادرلار ءۇنسىز ۇلەس قوسىپ كەلەدى.

  ”كوپشىلىك قيمىلعا قاتىناساردا ’ءبىر مەتر‘ ارالىق ساقتاڭىزدار!“، ”تۇرعىندار ءبىز جولداعان ىندەتتەن ساقتانۋ - تىزگىندەۋ بىلىمدەرىن مۇقيات وقىڭىزدار“. 7 - ايدىڭ 1 - كۇنى تاڭەرتەڭ ءۇرىمجى قالاسى تيانشان رايونى ىنتىماق جولى اۋماعىن باسقارۋ كوميتەتى جۇڭچۋان جولى وڭتۇستىك الەۋمەتتىك اۋماق پارتيا ياچەيكاسىنداعى پارتيالى كادرلار ءارقايسى تۇرعىندار ۋيچات توبىندا ىندەتتەن ساقتانۋ - تىزگىندەۋ ينفورماتسيالارى مەن ەسكەرتۋلەرىن جاريالاي باستادى.

  جۇڭچۋان جولى وڭتۇستىك الەۋمەتتىك اۋماعىندا 1174 وتباسى، 3500دەن استام ادام تۇرادى، ىندەتتەن ساقتانۋ - تىزگىندەۋدىڭ مىندەتى جاپالى. الەۋمەتتىك اۋماق پارتيا ياچەيكاسىنىڭ شۋجيى گۇلباھار عوپۇر ۇيىندەگى 2 بالاسىنا قاراۋعا مۇرساسى تيمەي، ءوزى باس بولىپ، الەۋمەتتىك اۋماقتا كۇندىز - ءتۇنى 40 نەشە كۇن تاپجىلمادى. پارتيا ياچەيكاسىنداعى 40تان استام پارتيا مۇشەلەرى دە قيىندىقتاردى جەڭىپ، قاتاڭ ساقتانۋ شارالارى جانە قامقور دا مەيىرلى قىزمەت كورسەتۋلەر ارقىلى تۇرعىنداردىڭ اماندىعى مەن دەنساۋلىعىن قورعاپ، ءىس جۇزىندىك ارەكەتتەرى ارقىلى كەۋدەلەرىنە تاققان پارتيا زناگىن جارقىراتا ءتۇستى.

ۋاقىت پەن جارىستى، تالاپتانىپ ىسكەرلىك كورسەتۋ بارىسىندا اۋەلگى ماقساتتى، بورىشتى امالياتتا ايگىلەدى

  6 - ايدىڭ 30 - كۇنى تاڭ اتىسىمەن شينجياڭ گوتاي شينحۋا كەن شارۋاشىلىعى جارنا شەكتى سەرىكتەستىگى ورگانيكالىق ىستەر ءبولىمىنىڭ ءوندىرىس سەحىندا سەح مەڭگەرۋشىسى جاڭ چيۋميڭ جابدىقتاردى ارالاپ تەكسەرە باستادى.

  ىندەت كەزىندە جاڭ چيۋميڭ ىشكى وڭىردەگى ۇيىندە بولاتىن، ءار جولى سەحتاعى ماشينا - جابدىقتاردان كىنارات شىققانىن بىلگەندە، تۇگەلدەي دەر كەزىندە قىزمەتتەستەرىمەن تىلدەسىپ شەشەتىن. قىزمەت ورنىنا قايتىپ كەلگەننەن كەيىن، ىندەت سالعان زياننىڭ ورنىن تولتىرۋ ءۇشىن، ول ءار كۇنى تەك 4 − 5 ساعات قانا دەمالىپ، تەحنولوگيالىق ءوندىرىس اعاتتىقتارى سياقتى 23 ءتۇرلى ماسەلەنى ويداعىداي شەشتى. ول بىلاي دەدى: ”مەن پارتيا مۇشەسىمىن، ءسوز جوق، پارتيا مۇشەسى بەينەم بولۋ كەرەك“.

  ”سەرىكتەستىكتىڭ 115 پارتيا مۇشەسى اۆانگاردتىق ۇلگىلىك رولدارىن تولىق ساۋلەلەندىرىپ، ’ماعان قارا، ماعان ىلەس‘ دەيتىن قىزمەتكە قىزۋ ىنتامەن كادرلار مەن قىزمەتشىلەردىڭ قىزمەت بەلسەندىلىگىن ايرىقشا جەتەكتەدى. 1 - ايدان 5 - ايعا دەيىن سەرىكتەستىكتىڭ ءتۇرلى ءونىم قۇنى ادامدى ريزا ەتەرلىكتەي ناتيجەلەرگە قول جەتكىزدى“، - دەدى شينجياڭ گوتاي شينحۋا كەن شارۋاشىلىعى جارنا شەكتى سەرىكتەستىگى پارتكومىنىڭ شۋجيى ۋاڭ شياڭياڭ.

  ءبىر پارتيا مۇشەسى − ءبىر تۋ، ءبىر ياچەيكا − ءبىر قورعان. ۇلان - بايتاق اۋىل - قىستاقتاردا نەگىزگى ساتى پارتيا مۇشەلەرى ىندەتتەن ساقتانۋ، ءوندىرىس، كەدەيلىكتەن ارىلتۋدان قامال الۋ سياقتى قىزمەتتەردى بار كۇشپەن ويداعىداي ىستەپ، ۇلكەن شايقاس، ۇلكەن سىناقتا جاۋاپكەرشىلىك ارقالاپ، ىسكەرلىك كورسەتەتىندەرىن ايگىلەدى.

  6 - ايدىڭ 30 - كۇنى ءۇشتۇرپان اۋدانى العا قىستاعى ياربەشى قىستاعىندا اۆتونوميالى رايوندىق پارتكوم ۇيىمداستىرۋ ءبولىمىنىڭ وسى قىستاقتا تۇراتىن ءبىرىنشى شۋجيى شالقار كادرقان ءبيداي اتىزىن ارالاپ، جازعى جيىن - تەرىننىڭ ءارقايسى بۋىندارىن قاداعالاپ، ءتۇرلى ەگىن شارۋاشىلىق ماشينالارىن سايكەستىرىپ، استىقتاردىڭ قامباعا كىرۋىنە شىنايى كەپىلدىك ەتتى.

  ىندەتتەن ساقتانۋ - تىزگىندەۋ كەزىندە اۆتونوميالى رايوندىق پارتكوم ۇيىمداستىرۋ ءبولىمىنىڭ ياربەشى قىستاعىندا تۇراتىن قىزمەت اترەتى مەن قىستاق پارتيا ياچەيكاسى ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ سىندى ەكى ءتۇيىندى مىقتى ۇستاپ، بۇكىل قىستاقتاعى پارتيا مۇشەلەرىن ”ىندەتتەن قاتاڭ ساقتانۋ، مەيىرلى قىزمەت كورسەتۋ، ەگىن شارۋاشىلىعى ماتەريالدارىمەن قامداۋ، كوكتەمگى ەگىستى ورنىقتىرۋ، جۇمىستى قالپىنا كەلتىرۋدى يگەرۋ، كىرىستى جوعارىلاتۋ“ سياقتىلاردىڭ ءارقايسى بۋىندارىنا جىبەرىپ، پارتيا مۇشەلەرىنىڭ ۇلگىلىك، باستاماشىلدىق رولىن ساۋلەلەندىرىپ، بۇقارانى ءوندىرىس پەن جۇمىستانۋدى تارتىپپەن دامىتۋعا جەتەكتەپ، بۇقارانىڭ ىشكى قوزعاۋشى كۇشى ۇزدىكسىز كۇشەيدى.

  بۇگىندە ياربەشى قىستاعىنىڭ ۇساق كاسىپ سالاسى باقشاسى قالىپتى جۇمىس جۇرگىزىپ، ەرەكشە ەگىمشىلىك، باعىمشىلىق سياقتى كوپتەگەن كاسىپ سالالارى باعىمشىلىعى 500دەن استام ادامدى كەدەيلىكتەن ارىلتىپ، كىرىستەرىن ارتتىرۋعا جەتەكتەدى. ”كەلەسى باسقىشتا ءبىز ىندەتتەن ساقتانۋ - تىزگىندەۋ شارالارىن ۇدايىلاندىرۋدى ويداعىداي تياناقتاندىرۋ العى شارتىندا، پارتيا قۇرىلىسى ارقىلى كەدەيلىكتەن ارىلتۋدى جەبەۋ سياقتى قىزمەتتەردى ۇزدىكسىز ويداعىداي يگەرىپ، قىستاق تۇرعىندارىن باستاپ اناعۇرلىم تاماشا تۇرمىسقا جەتەمىز“، - دەدى شالقار.

  (ءتىلشى جاڭ يانفاڭ، جازۋعا قاتىناسقان تىلشىلەر يۇي مىڭران، چىن چياڭۋي، ءرايدا، يۇي شي، ەرىكتى تىلشىلەر ۋاڭ چيانشي، ياڭ لەي، يىن تيڭتيڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى