تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

قۇنى بۇرىنعىدان بەتەر ارتقان يەڭەسار ورىگى ”سىمەيرىن“ شينجياڭنان شىقتى، شارۋالار شاتتىققا شومدى

  6 - ايدىڭ 20 - كۇنى يەڭەسار اۋدانى لومپا اۋىلىنىڭ تەترباق قىستاعىنىڭ تۇرعىنى جاڭادان ءۇزىپ الىنعان ورىكتى كورسەتۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  بەتاشار

  ۇزاق ۋاقىت كەدەيلىك قامىتىنا شىرمالىپ، دوڭگەلەك داۋلەتتىلىككە جەتۋدى ارماندادى. بۇل جۇڭحۋا ۇلتىنىڭ تالىقپاي تالپىنىپ كەلگەن مىڭ جىلدىق ارمانى. بۇل جۇڭگو كوممۋنيستەرىنىڭ الدىڭعىلاردىڭ ءىزىن سوڭعىلار باسىپ 100 جىلعا تاياۋ جۇرگىزگەن جان قيارلىق شايقاسى. پارتيامىز قۇرىلعاندىعىنىڭ 99 جىلدىعى قارساڭىندا جۇڭحۋا ۇلتى جاپپاي دوڭگەلەك داۋلەتتى قوعام ورناتۋدىڭ ءبىرىنشى 100 جىلدىق كۇرەس نىساناسىنىڭ تابالدىرىعىن اتتاعالى تۇر.

  جاپپاي دوڭگەلەك داۋلەتتى قوعام ورناتۋ، پارتيامىزدىڭ حالىققا، تاريحقا بەرگەن ايبىندى ۋادەسى. باس شۋجي شي جينپيڭ بىلاي دەپ اتاپ كورسەتتى: ”ۇزاق مەزگىل ماشاقاتتى ىزدەنىس جانە تالىقپاي قۇلشىنىس جاساۋ ارقىلى ءبىز جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى جەڭىسىنە قول جەتكىزۋ الدىندا تۇرمىز. بۇل قاجىماي - تالماي، ۇزاق ۋاقىت كۇرەس جاساۋدىڭ جەمىسى، جانە دە جاڭا ساپارعا اتتانىپ، جەلكەن جايىپ تاعى جولعا شىعۋدىڭ اتتانىسى“.

  ”حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز“. باس شۋجي شي جينپيڭنىڭ كوكەيىنەن شىعارماي كەلگەنى، حالىقتى جاقسى تۇرمىسقا كەنەلتۋ، تەرەڭ سۇيىسپەنشىلىكپەن ويلاعانى ءار ۇلت بۇقاراسىنىڭ دوڭگەلەك داۋلەتتىلىك جولى، باقىت جولى. بۇگىنگى شينجياڭ وتانىمىزداعى باۋىرلاس ولكە، اۆتونوميالى رايون، قالالار سياقتى، تاريحتاعى ەڭ جاقسى گۇلدەنۋ، دامۋ مەزگىلىندە تۇر، ءار ۇلت بۇقاراسى تىنىش ءومىر، شات - شادىمان تىرشىلىك كەشىپ، تۇرمىستارى الاڭسىز دا بەرەكەلى بولىپ، تاپسىرمانى ەستە بەرىك ساقتاپ، سەنىمدى بەكەمدەپ، ۇدەرە العا تارتىپ، دوڭگەلەك داۋلەتتىلىككە ۇمتىلۋدا.

  بۇگىننەن باستاپ، گازەتىمىز ”دوڭگەلەك داۋلەتتى تۇرمىسىمىزعا قادام تاستايىق“ ارناۋلى ايدارىن اشىپ، جۇڭگو كوممۋنيستىك پارتياسىنىڭ باسشىلىعىندا تيانشان ۇلاندارىنىڭ تالىقپاي تالپىنىپ، ىنتىماقتاسا قول ۇستاسىپ دوڭگەلەك داۋلەتتىلىككە ۇمتىلعان داۋىرلىك كوركەم جىرلارىن ەستەلىككە الىپ، پارتيامىزدىڭ حالىقتى بارىنەن جوعارى قوياتىن قۇن ۇستانىمىن، حالىققا دەگەن شىنايى دا تەرەڭ سۇيىسپەنشىلىگىن ەگجەي - تەگجەيلى تەرەڭ ءتۇسىندىرىپ، رايونىمىزداعى ءار ۇلت حالقىنىڭ كورىكتى مەكەندى بىرگە قۇرعان، باقىتتى تۇرمىستان تەڭ يگىلىكتەنگەن جاندى امالياتىن ايگىلەپ، سەنىمدى بەكەمدەپ قيىندىقتاردان قامال العان، ءبىر نيەت، ءبىر تىلەكپەن دوڭگەلەك داۋلەتتىلىككە ۇمتىلعان قۇدىرەتتى كۇش - قۋات ۇيىستىرادى. الدىمەن نازارلارىڭىزعا ۇسىناتىنىمىز، گازەتىمىزدىڭ جالپىلىق اقپارات قۇرالدارى تىلشىلەرىنىڭ تيانشاننىڭ وڭتۇستىگى مەن سولتۇستىگىندە نەگىزگى ساتى ءبىرىنشى شەبىنەن جولداعان ”كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ“ جەلىلەس حابارى، نازار سالىڭىزدار.

شينجياڭ گازەتىنىڭ جالپىلىق اقپارات قۇرالدارى تىلشىلەرى ءپاريزات ابدۇل، جيڭ بو، زوۋ ي، ان شىيۇي، يىن تۇڭيۋان

  ءبىر جىلدىڭ ورىك پىساتىن مەزگىلى دە كەلىپ جەتتى، يەڭەسار اۋدانىنىڭ تاياۋ ماڭىنداعى اۋىل - قىستاقتاردى ارالاعانىمىزدا سامسىعان سارى ورىكتەر، كورگەن جاننىڭ كوزىنە وتتاي باسىلادى.

  6 - ايدىڭ 20 - كۇنى تاڭەرتەڭگى استان كەيىن، يەڭەسار اۋدانى لومپا اۋىلىنىڭ توقاي قىستاعىنداعى 82 جاستاعى قىستاق تۇرعىنى توقان قادىر ءوز وتباسىنىڭ ورىك باعىنا كەلىپ، وتباسىنداعىلاردىڭ ورىك ءۇزىپ جاتقانىنا كۇلىمسىرەي قاراپ تۇردى. ورىكتىڭ حوش ءيىسى اڭقىعان ورىك باعىندا ورىك ءۇزىپ جاتقانداردىڭ، ورىكتى دوربالاپ، قوراپتاپ جاتقانداردىڭ جۇزىنەن مول ءونىم شاتتىعىنىڭ لەبى ەسەدى.

  يەڭەسار ورىگىنىڭ قابىعى جۇقا، شىرىنى مول، ەتى ءتاتتى، ءىش جاعى قىزعىلتىم بولىپ كەلەدى، ”سىمەيرىن“ دەگەن اتى بار. بۇگىندە يەڭەسار اۋدانى سياقتى كۇنلۇن تاۋىنىڭ سولتۇستىك بوكتەرىنە، تارىم ويپاتىنىڭ باتىس جيەگىنە ورنالاسقان وسى اۋىر كەدەي اۋدان، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ جولىندا، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن امالياتتا ايگىلەپ، يەڭەساردى ۋاكىلدىك ەتكەن ەرەكشە جەمىس ورمان شارۋاشىلىعىنىڭ ساپاسىنىڭ ءوسىپ، ونىمدىلىگىنىڭ ارتۋىن، تيبىنىڭ جاڭالانىپ، دارەجەسىنىڭ جوعارىلاۋىن ىلگەرىلەتتى، شارۋالار كەدەيلىكتەن ارىلىپ كىرىستەرىن ارتتىرۋ بارىسىندا مول باقىتقا كەنەلدى.

ۇلگى كورسەتىپ جەتەكتەدى:

اقشاعا جاراماۋدان التىن جەمىسكە دەيىن

  ”ءۇزۋ سورەسى بولعاننان كەيىن كوپ قولايلى بولدى، ورىك كوپ ىسىراپ بولمايدى“. 6 - ايدىڭ 20 - كۇنى توقاي قىستاعىنىڭ 30 نەشە جاستاعى ورمان قورعاۋشىسى رايىمحان اللابەردى جىلجىمالى ءۇزۋ سورەسىنىڭ ۇستىندە تۇرىپ، قولىنا اق قولعاپ كيىپ، ورىكتەردى ابايلاپ ءۇزىپ جاتتى.

  بالا كەزىندە قىستاقتاعى بارلىق وتباسىلارىندا ورىك اعاشى بار ەكەندىگى ءالى دە رايىمحاننىڭ ەسىندە. ول كەزدە ورىك اقشاعا جارامايتىن، ءار جىلى ورىك پىسقاندا ول كىشكەنتاي دوستارىمەن بيىك بۇتاقتاعى ورىكتەردى ۇزە الماي، اعاشتى بار كۇشتەرىمەن ىرعايتىن، ابدەن پىسقان ورىكتەر جەرگە تۇسەتىن، جەۋدەن قالعان ورىكتەر جەردە ەزىلىپ جاتاتىن.

  ”قازىر ۇقسامايدى، ءاربىر ورىكتىڭ ءبارى قۇندى، تاياقپەن ۇرۋعا بولمايدى، ءۇزۋ سورەسىنە شىعىپ، ءبىر - بىردەن ءۇزىپ الامىز“، - دەدى رايىمحان.

  كورشى قىستاقتىڭ ورىك اعاشىن ەگۋدەن ۇلگى كورسەتۋ بازاسىندا رايىمحان ورىك اعاشىن بۇتاۋ سياقتى ەگۋ، باعىپ - باپتاۋ تەحنيكالارىن ۇيرەندى. بيىل عىلمي باعىپ - باپتاۋمەن رايىمحان وتباسىنىڭ 7 مۋ جەردەگى ورىك اعاشىنان 10 مىڭ يۋانعا تاياۋ كىرىس كىرەتىندىگى مەجەلەنىپ وتىر. ”قىستاقتا مەن سياقتى ورىك اعاشىن ەگىپ كەدەيلىكتەن ارىلعان قىستاق تۇرعىندارى وتە كوپ“، - دەدى رايىمحان ايرىقشا شاتتانىپ.

  كىرىستى ارتتىرۋدىڭ شاتتىعىنا بولەنگەندەردەن تاعى توقاي قىستاعىنىڭ قىستاق تۇرعىنى توقاش ءومار بار، 6 - ايدىڭ 20 - كۇنى ول ساتقان 80 كيلوگرام ورىگىنىڭ اقشاسىن الدى. ”جيىنى 708 يۋان، 64 كيلوگرامى 1 - دارەجەلى ورىك، كيلوگرامى 10 يۋان“، - دەدى توقاش.

  ”قىستاق تۇرعىندارىنا جەمىس اعاشتارىن بۇتاۋ، تولىقتاپ ەگۋ، تىڭايتقىش بەرۋ، ءدارى شاشۋ، دەرت - دەربەز، زياندى جاندىكتەردەن ساقتانۋ سياقتى تەحنيكالاردى ۇيرەتۋگە، اۋدانداعى، اۋىلداعى جەمىس ورمانى تەحنيكالىق قىزمەت وتەۋ اترەتىن سايكەستىردىك. ورىك ءۇزۋ مەزگىلىندە ورمان قورعاۋشىلارىن، قىستاقتا تۇراتىن قىزمەت اترەتىنىڭ مۇشەلەرىن، سونداي - اق قىستاق كادرلارىن شوعىرلى ورىك ۇزۋگە ۇيىمداستىرىپ، ءبىر تۇتاس سورتقا ايىرىپ، ىرىكتەپ، جاڭا ورىكتىڭ ساپاسىنا كەپىلدىك ەتتىك“، - دەدى اۆتونوميالى رايوندىق وقۋ - اعارتۋ مەڭگەرمەسىنىڭ توقاي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋاڭ حاي.

  ”قىستاق تۇرعىندارى ورىك اعاشىن باعىپ - باپتاۋ تەحنيكاسىن يگەرىپ الدى، ’سىمەيرىن‘ جان - جاقتى قورعالىپ، ورىكتىڭ مۋ باسىندىق ءونىمى مەن ساپاسى بارىنشا جوعارىلادى“. ۋاڭ حاي بىلاي دەدى: ”كوپشىلىكتىڭ ورىك اعاشىن ەگۋ بەلسەندىلىگى بارىنشا ارتىپ، كەدەيلىكتەن ارىلۋ سەنىمى اناعۇرلىم كۇشەيدى. بيىل قىستاعىمىز جەمىس ورمانىنان تۇسەتىن جان باسىندىق ورتاشا كىرىستى 2000 يۋان ارتتىرۋعا كۇش سالادى“.

  قازىر يەڭەسار اۋدانىندا ورىك، جاڭعاق، بادام، شينمەي سياقتى ەرەكشە جەمىس ورمانى بار، جەمىس ورمانىنىڭ جەر اۋدانى 250 مىڭ مۋ، مۇنىڭ ىشىندە 150 مىڭ مۋ جەرگە ورىك اعاشى ەگىلگەن.

شوعىرلى باسقارۋ:

جەمىس ونىمدەرىنىڭ تاۋارلانۋ سالىستىرماسى 80 پايىزدان استى

  ”دەرەۋ ءۇزىپ قوراپتاماساق، كىرىسكە ىقپال جاسايدى“، - دەدى 6 - ايدىڭ 20 - كۇنى سەبەتكە سالىنعان ورىكتەردى قوراپتاۋعا جونەلتۋدىڭ قاربالاستىعىندا جۇرگەن توقاي قىستاعىنىڭ تۇرعىنى ماريامگۇل ياقۇپ.

       ورىك اعاشىن يەڭەسار اۋدانىنىڭ اۋىل - قىستاقتارىندا ۇنەمى ۇشىراتۋعا بولادى. بۇرىندارى قىستاق تۇرعىندارى باعىپ - باپتاۋعا ونشا كوڭىل بولمەيتىن، ورىك ءونىمىن تۇسكەنىنە قاراي الاتىن. 2017 - جىلى يەڭەسار اۋدانىندا ورىك باعى دەرت - دەربەز، زياندى جاندىكتەر اپاتىنا ۇشىرادى، قىستاق تۇرعىندارى قۇرت جەگەن ورىكتەردى سەبەت - سەبەتىمەن تاستاپ، ورىك باعىنىڭ كىرىسى 90 پايىزعا تاياۋ ازايدى.

  2018 - جىلى رايونىمىز وڭتۇستىك شينجياڭنىڭ ەرەكشە جەمىس ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرىپ، كەدەيلىكتەن ارىلتۋعا دەم بەرۋ ارەكەتىن زور كۇشپەن ورىستەتتى، يەڭەسار اۋدانى ”جاندىكتەرمەن“ شايقاسىپ، بيولوگيالىق ەلىكتىرۋ، ۇشاقپەن ءدارى شاشىپ ساقتانۋ سياقتى شوعىرلى باسقارۋ شارالارىن اتقاردى.

  وتباسىندا 9 مۋ ورىك اعاشى بار ماريامگۇل قىستاقتاعى ورمان قورعاۋشىلار قوسىنىنا قاتىناسقاننان كەيىن، جەمىس اعاشتارىن باپتاۋ تەحنيكاسىن ۇيرەنىپ الدى. وسى 2 جىلدا ماريامگۇلدىڭ نەگىزگى مىندەتى وسى ”سىمەيرىنداردى“ باپتاۋ بولدى.

  2019 - جىلى يەڭەسار ورىگىنىڭ جەمىستەرىنە زياندى جاندىكتەر ءتۇسۋ سالىستىرماسى %5كە تومەندەدى، ادەتتەگى جاس ورىكتىڭ ورتاشا ساتىپ الۋ باعاسى ءار كيلوگرامى 5 يۋان بولىپ، بۇكىل اۋدانداعى شارۋالار تەك ورىك ارقىلى جان باسىندىق كىرىستەرىن 800 يۋان ارتتىردى. ”بىلتىر وتباسىمىز ورىك اعاشىن ەگىپ 7000 نەشە يۋان كىرىس كىرگىزدى، بۇعان ورمان قورعاۋشىسى بولىپ تاپقان 10 مىڭ يۋاندى قوسقاندا، وتباسىمىز كەدەيلىكتەن ارىلدى“، - دەدى ماريامگۇل.

  ەرەكشە جەمىس ورمانى كاسىپ سالاسىنىڭ جوعارى ساپادا دامۋىن ىلگەرىلەتۋ ءۇشىن، يەڭەسار اۋدانى تاعى الي بابامەن، شينجياڭ جەمىس شارۋاشىلىعى توبىمەن 400 نەشە مۋلىق ”تاۋشياڭتيان سيفرلى ەگىس الاڭى يەڭەسار ورىگىنىڭ ولشەمدى ۇلگى كورسەتۋ بازاسىن“ قۇرىپ، الي يۇن ەگىن شارۋاشىلىعى ۇلكەن ساندى مالىمەتكە تالداۋ جاساۋ جۇيەسىنە سۇيەنىپ، زەردەلى ەگىس الاڭىنا ىزدەنىس جاسادى.

  ”ەرەكشە جەمىس ورمانى يەڭەسار اۋدانىنىڭ كەدەيلىكتەن ارىلتۋدان قامال الۋداعى ماڭىزدى تىرەكتىك كاسىپ سالاسى. بيىل بۇكىل اۋدان ارحيۆ تۇرعىزىلىپ، كارتچكالاندىرىلعان وتباسىلارىنىڭ 93 مىڭ مۋدان استام ورىك اعاشىن تولىقتاپ ەگىپ، تولىقتاپ باپتاۋ، بۋدانداستىرىپ ساپالىلاندىرۋ، تەحنيكالىق قىزمەت كورسەتۋ سياقتىلارعا 46 ميلليون يۋان استام قارجى سالدى، مەجەمەن جەمىس ونىمدەرىنىڭ تاۋارلانۋ سالىسترماسى %80تەن اسادى“. يەڭەسار اۋدانى جاراتىلىستىق بايلىقتار مەكەمەسىنىڭ قاتىستى جاۋاپتىسى حى ۋيجياڭ بىلاي دەدى: مىندەت نەعۇرلىم اۋىر بولعان سايىن، زەيىن - زەردەنى سولعۇرلىم شوعىرلاندىرىپ، ەكپىندەي العا ىلگەرىلەپ، جاپپاي دوڭگەلەك داۋلەتتى قوعام ورناتۋدىڭ ”ەڭ سوڭعى ءبىر كيلومەترىن“ ويداعىداي باسۋ كەرەك.

ينتەرنەت جەلىسىندە ساتىلدى:

”جاس كۇيىن ساقتايتىن كيىم“ كيدىرىلىپ، بۇكىل ەلگە ساتىلدى

  يەڭەسار اۋدانىندا جۋىقتا وتكىزىلگەن 8 - كەزەكتى يەڭەسار ورىگىن ءۇزۋ مەرەكەسىندە يەڭەسار اۋداندىق پارتكومنىڭ ورىنباسار شۋجيى، اۋدان اكىمى ميھىرگۇل ءومار تىكە تاراتۋدا زات تانىستىرىپ، يەڭەسار ورىگىنىڭ ۇگىتشىسى بولادى. 2 ساعاتتا 6 ميلليوننان استام توراپ دوستارىن بىرگە ينتەرنەت جەلىسىندە كورۋگە باۋراپ، يەڭەساردىڭ جاس ورىگىنەن 10 مىڭ جاشىككە جۋىق ساتتى.

  توقاننىڭ ەسىندە، قىستاق تۇرعىندارى ۇنەمى ورىكتى بازارعا اپارىپ ساتقاندا ساتۋ اۋماعى نەبارى 7 − 8 كيلومەتر عانا بولاتىن. ”قازىر، ورىك بۇكىل ەلدىڭ جەر - جەرىنە ساتىلىپ جاتىر“، - دەدى توقان.

  ”الاقاندا باپتالعان“ ”سىمەيرىننىڭ“ مىڭ كيلومەتر شالعايداعى ۇلكەن قالالارعا بۇزىلماي جەتۋى جاس كۇيىندە ساقتايتىن ادەمى ”كيىم“ كيدىرىلىپ، سۋىق تىزبەك زات اينالىمى ارقىلى بۇكىل ەلدىڭ جەر - جەرىنە ءتىپتى دە اقاۋسىز جەتكىزىلۋى سەبەپ بولىپ وتىر.

  6 - ايدىڭ 20 - كۇنى شينجياڭ يوۋلىگو ەگىن شارۋاشىلىعى عىلىم - تەحنيكاسى شەكتى سەرىكتەستىگىنىڭ جەمىس ونىمدەرىن ايىرىپ تاڭداۋ سەحىندا اق ءتۇستى جۇمىس كيىمىن كيگەن جۇمىسشىلار جاس ورىكتەرگە ”جاڭا كيىم“ كيدىرىپ، سودان كەيىن جاشىككە سالىپ، پەشەتتەپ جاتىر. ”وسى جاس جەمىستەر 48 ساعات ىشىندە بەيجيڭ، شاڭحاي سياقتى جەرلەرگە جەتكىزىلەدى“. وسى سەرىكتەستىكتىڭ القا باستىعى ۋاڭ يۇيچيان بىلاي دەدى: ”جەمىس پەن كوكونىستى مۇزداتىپ كەپتىرۋ، تابيعي جايىپ كەپتىرۋ جانە جەمىس پەن كوكونىستى شەكەرلەۋ سىندى ’ءۇش ۇلكەن جەلىلەس‘ ءادىس ارقىلى ورىكتى ’تولىق تۇتىنۋعا‘ بولادى، ورىك ءدانىن تاعى اكتيۆتى كومىرگە اينالدىرۋعا بولادى“.

  4 جىلدان بەرى، يوۋلىگو سەرىكتەستىگى يەڭەسار اۋدانىنداعى 12 مىڭنان استام ارحيۆ تۇرعىزىلىپ، كارتچكالاندىرىلعان كەدەي وتباسىن كىرىستەرىن ارتتىرۋعا جەتەكتەدى ءارى 280 ادامنىڭ جۇمىستانۋ ماسەلەسىن شەشتى، مۇنىڭ ىشىندە ارحيۆ تۇرعىزىلىپ، كارتچكالاندىرىلعان 216 ادام بار.

  ”ءبىز شينجياڭ جەمىس شارۋاشىلىعى توبى، الي بابا، جۇيحۋاسۋان سياقتى ەلەكتروندى ساۋدا تۇعىرلارىمەن سەلبەسىپ، ءداستۇرلى جەمىس ورمان شارۋاشىلىعىن ينتەرنەتپەن تەرەڭ توعىستىرىپ، ەرەكشە جەمىس ورمانى ونىمدەرىن ينتەرنەت جەلىسىندە ساتۋ ارناسىن تۇلعالادىق ءارى 194 ەگىن شارۋاشىلىعى ونىمدەرى جەمىس ورمان شارۋاشىلىعى كاسىپتىك سەلبەستىك كووپەراتيۆىن نەگىز ەتىپ، يەڭەسار اۋدانى ەرەكشە ورمان شارۋاشىلىعى كاسىپ سالاسى تىرەگى جۇيەسىن ورناتتىق. بيىل بۇكىل اۋداننىڭ تەك جاس ورىك ءونىم مولشەرى 42 مىڭ تونناعا جەتەدى، شارۋالاردىڭ جان باسىندىق كىرىسىنىڭ 1200 يۋاننان اساتىندىعى مەجەلەنىپ وتىر“. حى ۋيجياڭ بىلاي دەدى: كەدەيلىكتەن ارىلتۋ سوڭعى كومبە ەمەس، قايتا تىڭ تۇرمىستىڭ باستاماسى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.