تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

شينجياڭعا كومەككە كەلگەن قىزمەت اترەتى حىڭياڭ مەن ٴپىشاننىڭ ”جاراسىمدى ىستەرى“نە دانەكەر بولىپ، تۇڭعىش توپتاعى شينجياڭ ٴپىشان قۇمىل قاۋىنى حىڭياڭعا جونەلتىلدى

جالىنتاۋ ەتەگىندەگى تۇيىق اۋىلى ياڭحايۋان الەۋمەتتىك اۋماعىنداعى قۇمىل قاۋىنى ەگىمشىلىك بازاسى.

  5-ايدىڭ 31-كۇنى تۇستەن كەيىن، جالىنتاۋ ەتەگىندەگى شينجياڭ تۇرپان قالاسى تۇيىق اۋىلى ياڭحايۋان الەۋمەتتىك اۋماعىنىڭ قۇمىل قاۋىنى ەگىمشىلىك بازاسىندا، ” جالىنتاۋ ٴتاتتى قاۋىنى “تولتىرا تيەلگەن ٴىرى تۇرپاتتى سالقىن تىزبەكتى اۆتوموبيلى (冷链车) باياۋ جولعا شىعىپ، 3-4 كۇننەن كەيىن حۋنان ولكەسىنىڭ حىڭياڭ قالاسىنا جەتەدى. سول كۇنى، تۇيىق اۋىلى ياڭحايشيا قىستاعىنىڭ قۇمىل قاۋىنى ەگىمشىلىك بازاسىندا ” حۋنان-تۇرپان. شىلان باقشاسى “ قۇمىل قاۋىنىن تولتىرا تيەگەن ٴىرى تۇرپاتتى سالقىن تىزبەكتى ەكى اۆتوموبيلى دە ىلگەرىندى-كەيىندى حۋنانعا جولعا شىقتى. بۇل حىڭياڭ قالاسىنان 9-توپتا شينجياڭعا كومەككە كەلگەن قىزمەت اترەتىنىڭ قۇمىل قاۋىنىن كومەكتەسىپ ساتۋعا دانەكەر بولۋىنىڭ اسا زور ىلگەرىلەۋشىلىككە قول جەتكىزگەندىگىنىڭ بەلگىسى.

  بيىل ٴپىشان اۋدانىندا قۇمىل قاۋىنى ەگىلگەن جەر اۋدانى 50 مىڭ مۋعا تاياپ، ٴونىم مولشەرى 125 مىڭ توننا مولشەرىندە بولىپ، مول ٴونىم الىندى. الايدا جاڭا تيپتى ايدارشا ۆيرۋس وكپە قابىنۋ ىندەتتىڭ ىقپالىنان ساتۋدا قيىنشىلىق كورىلدى. اتىزداعى قاۋىنداردىڭ كۇن سايىن پىسىپ كەلە جاتقانىن، ٴبىراق ساتۋ جولىنىڭ اشىلماعانىن كورگەن قاۋىن ەگەتىن ديقاندار شاراسىز قالادى. حىڭياڭ قالاسىنان 9-توپتا شينجياڭعا كومەككە كەلگەن قىزمەت اترەتى تۇرپان قالالىق پارتكوم مەن قالالىق ۇكىمەتتىڭ، حۋنان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ ۇندەۋىنە بەلسەنە ٴۇن قوسىپ، شينجياڭعا باعىتتامالى كومەكتەسۋ ٴابزالدىلىعىنان پايدالانىپ، قۇمىل قاۋىنىن ساتۋعا كومەكتەسىپ، حۋنان ولكەسىنەن 9-توپتا شينجياڭعا كومەككە كەلگەن قىزمەت اترەتى «قىزىل انار. حۋنان–شينجياڭ تاڭداۋلى ٴونىمى» شينجياڭعا كومەكتەسۋ ايگىلى ماركا نىسانىن ىشكەرىلەي دامىتۋعا دەم بەردى.

  جۋاڭ جيۋيىڭ تۇيىق اۋىلى ياڭحايشيا قىستاعىنداعى ەگىمشىلىك ٴىرى وتباسى بولىپ، بيىل 100 مۋدان استام جەرگە قۇمىل قاۋىنىن ەكتى. حىڭياڭ قالاسىنان 9-توپتا شينجياڭعا كومەككە كەلگەن قىزمەت اترەتىنىڭ كومەگىندە وسى رەت 42 مۋ جەردەگى قۇمىل قاۋىنىنان ٴبىر جولدا 53 تونناداي ساتتى. ” قازىر مەنىڭ باسىمىم بارىنشا جەڭىلدەدى “، ـ دەدى جۋاڭ جيۋيىڭ قۋانا.

  ٴپىشاننان حىڭياڭعا دەيىن 3700 كيلومەتردەن استام جول، قايتكەندە تاسىمالدىڭ وزىندىك قۇنىن تىزگىندەۋمەن بىرگە قۇمىل قاۋىنىنىڭ جاس قالپىن ساقتاۋعا بولادى ؟ حىڭياڭعا جەتكەننەن ساتىلماي قالۋدان قالاي ساقتانۋعا بولادى ؟ وسى قيىن ماسەلەلەردى شەشۋ ٴۇشىن، قۇمىل قاۋىنىن جيناۋ، جاس كۇيىندە ساقتاۋ، تاسىمالداۋ، جەتكىزۋ جانە ساتۋ جولى ماسەلەسىن ٴسوز جوق، جۇيەلى شەشۋگە تۋرا كەلەدى. ۇعىسىۋىمىزشا، حىڭياڭ قالاسىنان 9-توپتا شينجياڭعا كومەككە كەلگەن قىزمەت اترەتى « ۇكىمەت جەتەكشىلىك ەتۋ، سەرىكتەستىك جۇرگىزۋ» ۇلگىسىن قاراستىرىپ، حىڭياڭ قالالىق ساۋدا، استىق مەكەمەسى سياقتى كوپ تاراۋدىڭ كومەگىندە، ٴپىشان اۋدانى سۇيدا جەمىس شارۋاشىلىعى، لينۇڭ جەمىس شارۋاشىلىعى سياقتى شارۋالار كاسىپتىك سەلبەستىك كووپەراتيۆتەرى شياڭجياڭ ٴتۇرلى بۇيىمدارى، بۋبۋگاۋ ەرەن بازارى، گوشياۋ-ي قاتارلى جەمىس-جيدەك دۇكەندەرى، سونداي-اق نوڭمين بوبو (شارۋا اعا)، ۋانحو يوۋشۋان (سانسىز زاتتى تالداپ ساتىپ الىڭىز) سياقتى جەرگىلىكتى ەلەكتروندى ساۋدا تەكشەلەرىمەن سەلبەستىك ورناتىپ، جەلىدە جانە جەلىدەن تىس ستەرولدى ساتۋدى جەدەلدەتكەن. بۇل شارۋالار كاسىپتىك سەلبەستىك كوپەراتيۆتەرىندە ەگىنشىلىك بازاسى ٴارى سالقىن جەلىلەس تاسىمال اۆتوموبيلى بار، ولاردىڭ حىڭياڭداعى سەلبەستىك سەرىگى شينحىڭ ەلەكتروندى ساۋدا شەكتى جاۋاپكەرشىلىك سەرىكتىگىندە تاعى كاسىپتىك جەتكىزۋ توبى بولعاندىقتان، قۇمىل قاۋىنىنىڭ ٴپىشاننان حىڭياڭعا دەيىنگى جيناۋ، جاس كۇيىندە ساقتاۋ، تاسىمالداۋ، جەتكىزۋ جانە ساتۋ جولى ماسەلەسىن ” تۇتاس جەلى“ بويىنشا شەشتى. بۇدان سىرت، شينجياڭعا كومەككە كەلگەن قىزمەت اترەتى حىڭياڭ گازەتى مەكەمەسى، حىڭياڭ راديو-تەلەۆيزيا ستانسياسى سياقتى مەديالارمەن بايلانىس جاساپ، ۇگىت تەبىنىن ۇزدىكسىز ارتتىرىپ، قۇمىل قاۋىنىنىڭ اتاعىن حىڭياڭدا تەز كوتەردى .

  ٴپىشان اۋدانى سۇيدا جەمىس شارۋاشىلىعى شارۋالار كاسىپتىك سەلبەستىك كووپەراتيۆى شينجياڭعا كومەككە كەلگەن قىزمەت اترەتىنىڭ كومەگىندە حىڭياڭ بازارىن تۇتاستىرعان سەلبەستىك كووپەراتيۆتەرىنىڭ ٴبىرى. بۇل كوپەراتيۆتىڭ باس القاسى شۇي شىيىن تىلشىگە بىلاي دەدى: قازىر حىڭياڭعا تۇڭعىش توپتا جىبەرىلگەن 23 توننا قۇمىل قاۋىنىنا كۇنى بۇرىن زاكاز بەرىلىپ بولدى، ەرتەڭ-بۇرسىكۇنى ەكى كۇندە جالعاستى ”تولاسسىز“ زات جونەلتەمىز.

  ۇعىسۋعا قاراعاندا، وسى رەت حىڭياڭعا ەنگىزىلىپ ساتىلاتىن قۇمىل قاۋىنى شيجوۋ بالى 25- ٴنومىرلى جانە شيجوۋ بالى 17-ٴنومىرلى، ەكەۋى دە ٴپىشاندا بۇرىن وندىرىلگەن 1-دارەجەلى ايگىلى قۇمىل قاۋىنى، باعاسى وتە ارزان، بولشەك ساتىپ الۋشىلارعا ۇيلەرىنە دەيىن جەتكىزىپ بەرەدى.

حىڭياڭ قالاسىنان 9-توپتا شينجياڭعا كومەككە كەلگەن قىزمەت اترەتى قۇمىل قاۋىنىنىڭ ساتىلۋىنا كومەكتەستى.

ديقان جۇمىسكەرلەر قايراتتانا قاۋىن تاڭداۋدا.

تەرىلگەن قۇمىل قاۋىندارى ٴبىر جەرگە ٴۇيىپ قويىلدى.

1-دارەجەلى قۇمىل قاۋىنىن تاڭداۋدا.

قۇمىل قاۋىنىن جاشىككە سالۋدا.

  (جۇڭگو گازەتى شينجياڭ تىلشىلەر پۋنكتىنەن ۋاڭ جيڭ ، ليۋ حۇيليڭ)

اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى