شينجياڭدا نان اۋىزعا الىنسا بولعانى ٴۇرىمجى قالالىق نان مادەنيەت كاسىپ باقشاسىن اتاماي تۇرا المايمىز. بۇل ارا راسىندا ٴارى ارالاپ كورۋگە، ٴارى سەيىل ـ سەرۋەن قۇرىپ، سۋرەتكە تۇسەتىن تاماشا جەر.
قازىر شينجياڭدا تاعى ٴبىر نان كاسىپ باقشاسى قورعاستا قۇرىلعاندىعى جايىنداعى قۋانىشتى حابار تارالدى.
6 ـ ايدىڭ 8 ـ كۇنى، جالپى 150 ميلليون يۋان قارجى قوسىلعان قورعاس نان كاسىپ باقشاسى رەسمي تيجارات باستادى.
قورعاس نان كاسىپ باقشاسىنىڭ قاقپاسى.
قورعاس نان كاسىپ باقشاسىنىڭ يەلەگەن جەر كولەمى 40 مۋدان استام، قۇرىلىس كولەمى 9188 شارشى مەتر. بۇل كاسىپ باقشاسىنا نان مادەنيەتى كورمە سارايى، نان ٴوندىرۋ بازاسى، ساياحاتشىلاردىڭ ۇيرەنۋ ورتالىعى، ”ٴبىر بەلدەۋ، ٴبىر جول“ شينجياڭ ەرەكشە اۋىل شارۋاشىلىق ونىمدەرىن كورمەلەۋ ـ ساتۋ ورتالىعى، كەدەن ىستەرىن ٴبىر جايلى ەتۋ ورتالىعى سياقتى جيىنى 10 جۇمىس رايونى ورنالاستىرىلعان.
قورعاس نان كاسىپ باقشاسىنداعى نان ٴوندىرۋ سەحى.
كاسىپ باقشاسى”ونەركاسىپ + ەكسپورت ساۋداسى + ساياحات“ ۇلگىسىن قولدانىپ، ٴونىم مانەرلەۋ بازاسىن قۇرىپ، نەگىزىنەن ٴار ٴتۇرلى ەرەكشە پىسىرىلعان نان، بولكا، لەبا (ورىس بولكاسى) سياقتى ونىمدەردى وندىرەدى.
جيىنى 73 تونار بار، كۇنىنە 50 مىڭ اينالاسىندا نان شىعارادى.
قورعاس نان كاسىپ باقشاسىندا جۇمىسشىلار ساياحاتشىلارعا نان جاساۋ بارىسىن كورسەتۋدە.
قورعاس نان كاسىپ باقشاسىنداعى مادەنيەت جاسامپازدىعىن ساتۋ رايونى.
ٴوندىرىس سەحىندا قىزمەت كيىمىن كيگەن جاڭ گوچيڭ ون نەشە قىزمەتكەردى باستاپ، بىرگە لەبا جاساۋدا. ٴبىر ايدىڭ الدىندا بەس قىزمەتكەر عانا بار ەدى. قورعاستا شاعىن دۇكەن اشاتىن ول لەبانى قازاقستانعا ساتۋ ورايىنا يە بولاتىنىن ويلاماعان ەدى.
”مەن جۇمىسشى ـ قىزمەتكەرلەردى ەرتىپ ’بوقشامدى الىپ كەلدىم‘، سەحتاعى ٴوندىرىس جەلىسى تۇگەلدەي دايىندالدى. بۇرىن كۇنىنە 700 گە جۋىق لەبا جاساپ ساتاتىنمىن، وسى ەكى كۇندە سىناق رەتىندە ٴوندىرىپ، ٴونىم مولشەرى 3000 عا جەتىپ، وسى جەردە تۇگەلدەي ساتىلىپ بولدى. قازىر سىرتقى ساۋدا سەرىكتەستىىكتەرى كەلىپ، ەكسپورت ەتۋدى اقىلداستى“، ـ دەدى جاڭ گوچيڭ قۋانىشتى تۇردە.
قازىر بۇل كاسىپ باقشاسىنا سىرتقا باعىتتالعان مانەرلەۋ كاسىپورىندارىنان 10نان استام، يمپورت-ەكسپورت ساۋدا كاسىپورىندارىنان 60تان استامى ىرگە تەۋىپ، ”الدىڭعى جاعى دۇكەن، ارتقى جاعى زاۆود بولۋ“ سىندى تيجارات جۇيەسىن قالىپتاستىرىپ، 500 دەن استام ادامدى جۇمىسقا ورنالاستىردى.
قورعاس نان كاسىپ باقشاسىنداعى لەبانى مانەرلەۋ سەحى.
قورعاس ەكونوميكالىق اشۋ رايونى باسقارۋ كوميتەتىنىڭ ورىنباسار مەڭگەرۋشىسى، اشۋ رايونى وتكەل باسقارۋ مەكەمەسى پارتيا باسشىلىق گرۋپپاسىنىڭ شۋجيى جاڭ يۇڭنيڭ بىلاي دەدى: بۇل كاسىپ باقشاسى اۆتونوم رايوننىڭ ”ءٴبىر پورت، ەكى رايون، بەس ۇلكەن ورتالىق، وتكەل ەكونوميكالىق بەلدەۋى“جوبا، ورنالاستىرۋى بويىنشا، قورعاس وتكەلىنىڭ ابزالدىلىعىن تولىق ساۋلەلەندىرىپ، ورتا ازيا بازارىنا بەت العان، نان ٴوندىرۋدى نەگىز ەتكەن ەكسپورتتىق مانەرلەۋ تيپىندەگى كاسىپورىنداردى جەتىلدىردى. كاسىپ باقشاسى اسەردى توپتاۋ ارقىلى ٴوندىرىس مانەرلەۋ كولەمى ابزالدىلىعىن قالىپتاستىرىپ، يمپورت-ەكسپورت ساۋدا كاسىپورىندارىنىڭ ساتۋ ارناسىنىڭ باسىمدىلعىن قايتا ساۋلەلەندىرىپ، كۇشتىلەر بىرلەسىپ، قورعاس ەكسپورت ـ مانەرلەۋ كاسىپ سالاسىنىڭ دامۋىن بىرگە ىلگەرىلەتەدى.
قازىر قورعاس نان كاسىپ باقشاسى كۇنىنە 5000نان استام ساياحاتشى قابىلداپ، جىلدىق ٴونىم قۇنى 45 ميلليون يۋاننان استاتىنى مەجەلەندى.
نان تۋرالى قانشالىق بىلەسىز؟
تولىقسىز ساناققا قاراعاندا، نان ٴتۇرى 300 دەن اسادى ەكەن، جاساۋ ٴادىسى بويىنشا ٴبالىش جانە ٴداستۇرلى نان دەپ بولىنەدى،
ۇلكەن - كىشىلىگىنە جانە فورماسىنا قاراي تاعى جۇقا، قالىڭ، ۇلكەن، كىشكەنە دەپ پارىقتالادى،
جاساۋعا پايدالانىلاتىن شيكىزاتتىڭ ۇقساماۋىنا قاراي تاعى ٴبيداي نان، جۇگەرى نان، نوقۇت نانى دەپ بولىنەدى.
كوپ ساندى نان ٴبيداي ۇنىن باستى شيكىزات ەتەدى.
تۇز، جۇمىرتقا، سيىر ٴسۇتى، پياز سياقتىلار قوسىلادى.
قامىر يلەۋ، نان جاساۋ، پىسىرۋ قاتارلى ٴۇش جۇمىس ٴتارتىبى ارقىلى جاسالادى.
ساپالى، ساعىز ۇنعا جۇمىرتقا، سيىر ٴسۇتى جانە تۇز قوسىپ، قامىر دايىنداپ، ونى اشىتقاننان كەيىن قايتا-قايتا ىسقىلايمىز.
ناندى جاساپ، ٴبىر سانتيمەتر قالىڭدىقتاعى ناننىڭ ورتاسىنداعى جۇقا جەرگە نان بىزىمەن باسىپ بەدەر شىعارامىز. بۇلاي ىستەگەندە كورىنىسى كوركەم بولۋمەن بىرگە، ٴارى ناندى قاقتاپ پىسىرۋ بارىسىندا ٴپىشىنى بۇزىلۋدان ساقتانۋعا بولادى.
ونان سوڭ، تۋرالعان پيازدى نەمەسە اق كۇنجۇتتى ناننىڭ بەتىنە سەپسەك، نان جاسالىپ بولادى.
ەڭ سوڭىندا، ناندى نان جاستىعىنا جاۋىپ تونارعا جاپسىرىپ پىسىرامىز.
ءبىراز ۋاقىت تىنىش كۇتسەك، بۋى بۇرقىراعان نان توناردان پىسىپ شىعادى.
ٴبىر پارشا ىستىق ناندى سىندىرىپ، وعان ٴسۇتتى شاي، قاربىز، كۇرىش ۇنتاعىن، كاۋاپ قوسىپ جەسەك بولادى.
تەك كوڭىل قويساڭىز بولعانى، مۇمكىن بولمايتىن ٴىس جوق.
ٴبيداي ٴدامى تازا، حوش ٴيىسى اڭقىعان ناننىڭ ٴدامىن تاتساڭىز، ول راحاتتىڭ قانشالىقتى كەرەمەت ەكەنىن ايتپاساقتا بولادى.
ايتا بەرمەيىك، نان ساتىپ الايىق.
اۋدارعان: قادىر ماقان
