شينحۋا تورىنىڭ ٴتىلشىسى گاۋ حاننىڭ 5-ايدىڭ 28-كۇنى ۇرىمجىدەن بەرگەن حابارى. شاڭحاي شينجياڭعا كومەكتەسۋدە قاشقار ايماعىنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىن دەمەپ، تۇتىنۋ ارقىلى كەدەيلەردى سۇيەمەلدەۋ كەلىسىمىنە قول قويۋ جانە اۆتوبوبيل جۇرگىزۋ سالتى ياركەن اۋدانىنداعى كەدەيلەردى سۇيەمەلدەۋ كاسىپ باقشاسىندا وتكىزىلدى.
وسى رەتكى تۇتىنۋ ارقىلى كەدەيلەردى سۇيەمەلدەۋ كەلىسىمىنە قول قويۋ سالتىندا، شاڭحايدىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى 6 ٴتۇيىندى ەلەكتروندىق ساۋدا تۇعىرىندىق كاسىپورىنىمەن ستراتەگيالىق سەلبەستىك كەلىسىمىنە قول قويدى، شاڭحاي-قاشقار ەكى جەردەگى تۇتىنۋ ارقىلى كەدەيلەردى سۇيەمەلدەۋ ٴتۇيىندى كاسىپورنى مينلۇڭ ونەركاسىپ شەكتى سەرىكتىگى، سىلۋ گوشياڭ ەلەكتروندى ساۋدا قىزمەت وتەۋ شەكتى سەرىكتىگىمەن توقتام جاساساستى، قاشقار ايماعىنىڭ اۋىل شارۋاشىلىق ونىمدەرىن ساتىپ الۋعا جيىنى 360 ميلليون يۋان تياناقتاندىردى. سونىمەن بىرگە، شاڭحاي قالاسىنىڭ تۇتىنۋ ارقىلى كەدەيلەردى سۇيەمەلدەۋ اۋىل شارۋاشىلىق ونىمدەرىنە اۆتوموبيل جۇرگىزۋ سالتى دا ناق مايداندا وتكىزىلدى.
تۇتىنۋ ارقىلى كەدەيلەردى سۇيەمەلدەۋدى دەمەۋ ٴۇشىن، شاڭحاي باعىتتامالى كومەكتەسەتىن قاشقاردىڭ 4 اۋدانىنداعى بولىمشە قولباسشىلىق شتابى دا جەكە-جەكە تۇتاس جىلدىق ساتۋ نىساناسىن العا قويدى: ياركەن اۋدانى مەجەمەن 10 ميلليون يۋاندىق تارتۋ-تارالعى، 150 ميلليون يۋاندىق اۋىل شارۋاشىلىق ونىمدەرىن ساتۋدى ؛ قاعىلىق اۋدانى مەجەمەن 8 ميلليون يۋاندىق تارتۋ-تارالعى، 100 ميلليون يۋاندىق اۋىل شارۋاشىلىق ونىمدەرىن ساتىپ الۋ ـ ساتۋدى؛ پوسكام اۋدانى مەجەمەن 6 ميلليون يۋاندىق تارتۋ-تارالعى، 69 ميلليون يۋاندىق اۋىل شارۋاشىلىق ونىمدەرىن ساتۋدى؛ مارالباسى اۋدانى مەجەمەن 4 ميلليون يۋاندىق تارتۋ-تارالعى، 3 ميلليون يۋاندىق اۋىل شارۋاشىلىق ونىمدەرىن ساتۋدى جوسپارلادى.
بۇل ياركەن اۋدانىنداعى كەدەيلەردى سۇيەمەلدەۋ كاسىپ باقشاسىنداعى تۇتىنۋ ارقىلى كەدەيلەردى سۇيەمەلدەۋ كەلىسىمىنە قول قويۋ جانە اۆتوكوموبيل جۇرگىزۋ سالتى. ( شينحۋا اگەنتتىگىنىڭ ٴتىلشىسى گاۋ حان فوتوسى)
تۇتىنۋ ارقىلى كەدەيلەردى سۇيەمەلدەۋ قىزمەتىن ىلگەرىلەتۋ بارىسىندا، شاڭحاي باستان-اياق قاشقارعا زور كومەك كورسەتتى. 2018-جىلى شاڭحايدىڭ شينجياڭعا كومەكتەسۋ الدىڭعى شەپ قولباسشىلىق شتابى تۇتىنۋ ارقىلى كەدەيلەردى سۇيەمەلدەۋ جاڭاشا ۇلگىسىن بەلسەنە قاراستىرىپ، ”جەلى دە، ناقتى دۇكەن دە بىردەي ارەكەتتەنۋ“ جانە ”ساۋدا اۋماعىنا كىرۋ، الەۋمەتتىك اۋماققا كىرۋ، كوكونىس بازارىنا كىرۋ، ورگانعا كىرۋ، مەكتەپكە كىرۋ، كاسىپورىنعا كىرۋ، مەتروعا كىرۋ، قوناق ۇيگە كىرۋ، بانكەگە كىرۋ“ سىندى ”قوس جەلىدە توعىزعا كىرۋ“ قيمىلىن جاسامپازدىقپەن ورىستەتىپ، قوعامدىق كۇشتەردى تولىق اتتانىسقا كەلتىرىپ، قاشقاردىڭ ەرەكشە اۋىل شارۋاشىلىق ونىمدەرىن شاڭحايداعى قالا تۇرعىندارىنا جەتكىزدى. 2019-جىلى شاڭحايدىڭ تۇتىنۋ ارقىلى كەدەيلەردى سۇيەمەلدەۋىنىڭ جەتەكتەۋىندە قاشقاردىڭ ەرەكشە اۋىل شارۋاشىلىق ونىمدەرىنىڭ شاڭحايداعى جالپى ساتىلۋ مولشەرى 135 مىڭ تونناعا جەتىپ، ساتىلۋ سوماسى ٴبىر ميلليارد 160 ميلليون يۋاننان استى.
2010-جىلى قاشقارعا باعىتتامالى كومەكتەسكەن ٴتورت جىلدان بەرى، شاڭحاي ىلگەرىندى-كەيىندى شينجياڭعا كومەكتەسۋگە 1000نان استام كادر دارىندىنى تاڭداپ جىبەردى، جيىنى 19 ميلليارد 500 ميلليون يۋان قازىنالىق كومەك قارجىسىن ورنالاستىردى، 1180نەن استام نىساندى كومەكتەسىپ قۇردى. قاشقاردىڭ 1144 قارجى قوسۋ نىسانىن ەنگىزۋگە، 60 ميلليارد 500 ميلليون يۋان قارجىنىڭ تياناقتاندىرىلۋىنا كومەكتەستى، 45 مىڭ ادامدى جۇمىستانۋعا جەبەدى. شينجياڭعا كومەكتەسۋ قارجىسىنىڭ %90 تەن استامى باعىتتامالى كومەكتەسەتىن 4 اۋدانعا، %80 تەن استامى حالىق تۇرمىسى سالاسىنا جۇمسالدى. 2019-جىلى باعىتتامالى كومەكتەسەتىن 4 اۋداننان 14 مىڭ وتباسىنداعى 49 مىڭ ادامدى كەدەيلىكتەن ارىلتتى.
ياركەن اۋدانىنداعى كەدەيلەردى سۇيەمەلدەۋ كاسىپ باقشاسىندا جۇمىسشىلار تۇتىنۋ ارقىلى كەدەيلەردى سۇيەمەلدەۋ ۇلكەن تارتۋىن اۆتوموبيلگە تيەۋدە. (شينحۋا اگەنتتىگىنىڭ ٴتىلشىسى گاۋ حان فوتوسى)
قاشقار ايماقتىق پارتكومنىڭ ورىنباسار شۋجيى، شاڭحايدىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى حوۋ جيجۇن مىنانى ٴبىلدىردى: بۇل رەتكى توقتامعا قول قويۋدا مىناداي ەكى ماقسات بار : ٴبىرى، ٴتىپتى دە كوپ قوعامدىق كۇشتەردى كەدەيلىكتەن ارىلتۋدان قامال الۋ قىزمەتىنە بىرگە قاتىناسۋعا جۇمىلدىرۋ. بۇل رەتكى قيمىلعا قاتىناسقان كاسىپورىندار ٴبىرشاما كۇشتى قوعامدىق ىقپال كۇشى جانە ۇندەۋ كۇشىنە يە، زور توپتاعى جوعارى، تومەن كاسىپورىنداردىڭ تۇتىنۋ ارقىلى كەدەيلەردى سۇيەمەلدەۋ قىزمەتىن سەلبەسىپ ويداعىداي ىستەۋىنە جەتەكشىلىك ەتە الادى. ەكىنشىسى، تۇتىنۋ ارقىلى كەدەيلەردى سۇيەمەلدەۋ ۇلگىسىندە جاڭالىق اشۋ، ەلەكتروندىق ساۋدا تۇعىرىنداعى ٴبىر توپ كاسىپورىنداردى تۇتىنۋ ارقىلى كەدەيلەردى سۇيەمەلدەۋ بايلىعى قامباسىنا جيناۋدى سىناپ ەتىپ، جەتەكتەۋ اسەرىن ەسەلەپ كۇشەيتۋگە قۇلشىنۋ بولىپ تابىلادى.
اۋدارعان: قادىر ماقان
