7-ايدىڭ 1-كۇنىنەن باستاپ ٴۇرىمجى قالاسى 2020-جىلدىق تۇرعىن ٴۇي الەۋمەتتىك قورىن تاپسىرۋ جيناق سانىن اتقارادى. ەڭ جوعارى تاپسىرۋ جيناق سانى 17 مىڭ 852 يۋان بولادى، بۇل 2019-جىلداعىمەن سالىستىرعاندا 1253 يۋان ٴوسىرىلدى. ەڭ تومەنگى امانات قويۋ جيناق سانى 1620 يۋان بولىپ، بىلتىرعىمەن ۇقساس.
6-ايدىڭ 9-كۇنى ٴۇرىمجى قالالىق تۇرعىن ٴۇي الەۋمەتتىك قورىن باسقارۋ ورتالىعى «2020-جىلعى ٴۇرىمجى قالاسىنىڭ تۇرعىن ٴۇي الەۋمەتتىك قورىن تاپسىرۋ جيناق سانى سالىستىرماسىن رەتتەۋ جانە اي سايىن تاپسىراتىن امانات سوماسىنىڭ جوعارى ـ تومەن شەگى جونىندەگى ۇقتىرۋدى» جاريالاپ، 7 ـ ايدىڭ 1 ـ كۇنىنەن باستاپ، ٴار قايسى ورىندار 2019-جىلدىق جۇمىسشى-قىزمەتكەرلەردىڭ ايلىق ورتاشا ەڭبەكاقىسىنىڭ جالپى سانىن سول جۇمىسشى-قىزمەتكەرلەردىڭ تۇرعىن ٴۇي الەۋمەتتىك قورىن تاپسىرۋ جيناق سانى ەتەدى. ەڭبەكاقى جالپى سانى ۋاقىتىنا قاراي بەرىلەتىن ەڭبەكاقى، جۇمىسىنا قاراي بەرىلەتىن ەڭبەكاقى، سيلىق اقشا، قوسىمشا قاراجات جانە قازىنالىق جاردەم، ۇستەمە ەڭبەكاقى جانە ەرەكشە جاعدايدا بەرىلەتىن ەڭبەكاقى قاتارلىلاردى قامتيدى.
1
تۇرعىن ٴۇي الەۋمەتتىك قورىن تاپسىرۋ نەگىزدىك ساننىڭ جوعارى شەگى وتكەن جىلعى ايلىق قوعامدىق ورتاشا ەڭبەكاقىنىڭ ٴۇش ەسەسىندەي بولادى وسى تالاپقا ساي، 2020-جىلعى تۇرعىن ٴۇي الەۋمەتتىك قورىن تاپسىرۋ نەگىزدىك ساننىڭ جوعارى شەگى 17 مىڭ 852 يۋان بولادى.بۇل 2019-جىلعى 16599 يۋانمەن سالىستىرعاندا 1253 يۋان ٴوسىرىلدى.
ٴۇرىمجى تۇرعىن ٴۇي الەۋمەتتىك قورىن باسقارۋ ورتالىعى شوعىرلى باسقارۋ ٴبولىمىنىڭ ورىنباسار باستىعى ۋاڭ جۇن بىلەي دەپ تانىستىردى: تۇرعىن ٴۇي الەۋمەتتىك قورىنىڭ اي سايىن تاپسىراتىن سوماسى ورىنداردىڭ اي سايىن تاپسىراتىن سوماسى مەن جەكەلەردىڭ اي سايىن تاپسىراتىن سوماسى سىندى ەكى بولەكتەن قۇرالادى، بۇلار تۇگەلدەي جۇمىسشى - قىزمەتكەرلەردىڭ جەكە تۇرعىن ٴۇي الەۋمەتتىك قورى ەسەبىنە كىرەدى. جۇمىسشى-قىزمەتكەرلەردىڭ وزدەرى مەن ورىنداردىڭ تۇرعىن ٴۇي الەۋمەتتىك قورىن تاپسىرۋ سالىستىرماسى % 5 - % 12 (ٴبۇتىن سان ٴمانى الىنادى) بولادى . ورىندار جوعارىدا ايتىلعان سالىستىرما كولەمىندە تۇرعىن ٴۇي الەۋمەتتىك قورىن تاپسىرۋدىڭ ناقتى سالىستىرماسىن دەربەس بەلگىلەۋىنە بولادى.
2
رەتتەگەننەن كەيىن تاپسىراتىن نەگىزدىك ساننىڭ جوعارى شەگى 17 مىڭ 852 يۋان جانە ەڭ جوعارى تاپسىرۋ سالىستىرماسى%12 بويىنشا ەسەپتەگەندە، جەكەلەردىڭ اي سايىن تاپسىراتىن سوماسى 2142 يۋان، ورىنداردىڭ ايىنا تاپسىراتىن سوماسى دا 2142 يۋان بولادى. سوندىقتان اي سايىن تاپسىراتىن سومانىڭ جوعارى شەگى 4284 يۋان بولىپ، وتكەن جىلعى جوعارى شەك 3984 يۋاننان 300 يۋان ارتقان. بىلايشا ايتقاندا، جەكەلەر مەن ورىنداردىڭ اي سايىن تاپسىراتىن سوماسىنىڭ جوعارى شەگى تۇگەلدەي 150 يۋان ارتقان.
3
تۇرعىن ٴۇي الەۋمەتتىك قورىنداعى تاپسىراتىن نەگىزدىك سانىنىڭ تومەنگى شەگى 1620 يۋان بولىپ، وتكەن جىلداعىمەن سالىستىرعاندا وزگەرىس بولمادى. جۇمىسشى-قىزمەتكەرلەردىڭ وزدەرى مەن ورىنداردىڭ ٴار قايسىسى %5 تىك تاپسىرۋ سالىستىرماسى بويىنشا ەسەپتەگەندە، اي سايىن تاپسىراتىن سوماسىنىڭ تومەنگى شەگى 162 يۋان بولادى. مۇنىڭ ىشىندە جەكەلەردىڭ اي سايىن تاپسىراتىن سوماسى 81 يۋان، ورىنداردىڭ اي سايىن تاپسىراتىن سوماسى 81 يۋان.
4
تاپسىراتىن سومانىڭ نەگىزدىك سانىنىڭ ۇقساس تاپسىرۋ سالىستىرماسى جوعارىلاتىلادى.
تاپسىرۋ سوماسىن ٴوسىرۋ قارىز اقشا العان جۇمىسشى-قىزمەتكەرلەر جونىنەن العاندا، تۇرعىن ٴۇي الەۋمەتتىك قورى قارىز اقشاسىن قايتارۋ ايلىق قىسىمىن جەڭىلدەتەدى. مەكەمە قىزمەتكەرى ۋاڭ × ×تى مىسالعا الساق، قازىر ونىڭ تۇرعىن ٴۇي الەۋمەتتىك قورىنا اي سايىن تاپسىراتىن امانات سوماسى 2614 يۋان، قارىز العان سوماسى 400 مىڭ يۋان، قارىز اقشانىڭ جىل شەگى 15 جىل، اي سايىن تولەيتىنى 2810 يۋان. ەگەر ونىڭ الەۋمەتتىك قورىنان اي سايىن تاپسىراتىن امانات سوماسى 2850 يۋانعا وسىرىلسە، ٴار ايلىق تۇرعىن ٴۇي الەۋمەتتىك قورى ونىڭ اي سايىن تولەيتىن قارىز اقشاسىمەن تولىق دولايلاسادى.
تۇرعىن ٴۇي الەۋمەتتىك قورىن تاپسىرۋ شىنىندا قيىن بولعان ورىندار ٴوز ورنىنداعى جۇمىسشى-قىزمەتكەرلەر ۋاكىلدەر قۇرىلتايىنىڭ نەمەسە جۇمىسشى ۇيىمى مۇشەلەرى ۋاكىلدەرىنىڭ تالقىلاپ ماقۇلداۋىنان وتكىزىپ ٴارى قاتىستى تاراۋلاردىڭ تەكسەرىپ بەكىتۋىنەن وتكىزگەننەن كەيىن، امانات سالىستىرماسىن تومەندەتۋدى (%5 تەن تومەن بولماۋ) نەمەسە كەشىكتىرىپ تاپسىرۋدى ٴوتىنىش ەتۋىنە بولادى. بيىل جاڭا تيپتى ارتەريا وكپە قابىنۋ ىندەت جاعدايىنىڭ ىقپالىنا ۇشىراعان كاسىپورىندار، بەلگىلەمە بويىنشا 2020-جىلى 6-ايدىڭ 30 –كۇنىنەن بۇرىن تۇرعىن ٴۇي الەۋمەتتىك قورىن كەشىكتىرىپ تاپسىرۋدى ٴوتىنىش ەتسە بولادى، كەشىكتىرىپ تاپسىرۋ مەزگىلىندە امانات قويۋ ۋاقىتى جالعاستى ەسەپتەلەدى، جۇمىسشى-قىزمەتكەرلەردىڭ تۇرعىن ٴۇي الەۋمەتتىك قورى قارىز اقشاسىن قالىپتى الۋىنا جانە ٴوتىنىش ەتۋىنە ىقپال جاسامايدى. ورىنداردىڭ ەكونوميكالىق جاعدايى جاقسارعاننان كەيىن، تاپسىرۋ سالىستىرماسىن جوعارىلاتۋ جانە تولىقتاپ تاپسىرۋ كەرەك.
تاپسىرۋشى ورىن شينجياڭ تۇرعىن ٴۇي الەۋمەتتىك قورى تورىنداعى ( www.xinjianggjj.com ) ٴۇرىمجى قالالىق مەكەمە-ورىندار تورى زالىندا تىكەلەي ٴوتىنىش ەتۋگە جانە بىتىرۋىنە بولادى.
5
2020ـ جىلعى تۇرعىن ٴۇي الەۋمەتتىك قورىن تاپسىرۋ نەگىزدىك سانىن رەتتەۋ قىزمەتى 6-ايدىڭ 15-كۇنىنەن باستاپ اتقارىلادى، 7-ايدىڭ 31-كۇنى اياقتايدى. رەتتەلگەننەن كەيىنگى تاپسىرۋ نەگىزدىك ساننىڭ اتقارىلۋ ۋاقىتى 2020-جىلى 7-ايدىڭ 1-كۇنىنەن 2021-جىلى 6-ايدىڭ 30-كۇنىنە دەيىن. ٴارقايسى ورىندار جۇمىسشى-قىزمەتكەرلەردىڭ تۇرعىن ٴۇي الەۋمەتتىك قورىن تاپسىرۋ نەگىزدىك سانىن شىنايى رەتتەۋى، رەتتەلگەننەن كەيىنگى تاپسىرۋ نەگىزدىك سانى مەن اي سايىن تاپسىراتىن امانات سوماسىن اشىق جاريالاپ، جۇمىسشى-قىزمەتكەرلەردىڭ زاڭدى ۇقىق-مۇددەسىن قورعاۋى كەرەك.
اۋدارعان: قادىر ماقان
