شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا
بيىل ىندەت سەبەبىنەن كەشىكتىرىلگەن جوعارى مەكتەپ ەمتيحانى ۋاقىتتى كەرى ساناۋ كەزەڭىنە ءوتتى، ەمتيحان تاپسىراتىن وقۋشىلار جوعارى مەكتەپ ەمتيحانى سەبەبىنەن تۋىلاتىن پسيحولوگيالىق داعدارۋ، ابىرجۋ جانە مازاسىزدانۋ كوڭىل كۇيىن قايتكەندە جەڭىپ، ەڭ تاماشا كۇيمەن جوعارى مەكتەپ ەمتيحانىنا دايىندالۋ كەرەك؟ ءتىلشى ءۇرىمجى 1 - تامىز ورتا مەكتەبىنىڭ پسيحولوگيالىق اقاۋسىزدىق وقىتۋشىسى حۋ جيەمەن ارناۋلى سۇحبات وتكىزدى.
حۋ جيە بىلاي دەپ تانىستىردى: ەمتيحان تاپسىراتىن وقۋشىلاردا ەمتيحاننان بۇرىن ابىرجۋ، الاڭداۋ كوڭىل كۇيى بولماي قويمايدى، ازداپ قوبالجۋ اقىل - پاراسات كومەسكى كۇشىن اشۋعا پايدالى، ەمتيحان تاپسىراتىن وقۋشىلاردىڭ جانە ولاردىڭ اتا - انالارىنىڭ تىم الاڭداۋىنىڭ قاجەتى جوق. ەمتيحان تاپسىرۋدان بۇرىن ەمتيحان تاپسىراتىن وقۋشىلار ۇيرەنۋ ۋاقىتىن ۇيلەسىمدى ورنالاستىرۋ، جوعارى مەكتەپ ەمتيحانىنا تولىق زەيىن - قۋاتىمەن قاتىناسۋعا كەپىلدىك ەتۋ ءۇشىن، قازىردەن باستاپ، ۇيىقتايتىن ۋاقىتتى بىرتىندەپ العا ىلگەرىلەتۋ، ءوزىن ەرتە تۇرىپ، جاي جاتىپ ساباق پىسىقتاۋعا ماجبۇرلەمەۋ؛ وتباسىنداعىلارمەن، دوستارىمەن كوبىرەك اڭگىمەلەسىپ، سىرلاسىپ، قىسىمىن جەڭىلدەتۋ؛ ۇيرەنۋ ارەدىگىندە جەڭىل مۋزيكا تىڭداپ، ۇلكەن ميىن دەمالدىرۋ كەرەك.
ازىقتانۋ جاعىندا، مۇمكىندىگىنشە ادەتتەگى ازىقتانۋ ادەتى بويىنشا ازىقتانۋدى، قورەكتىكتىڭ تەپە - تەڭدىگىن ساقتاۋعا، تاعامداردىڭ مايسىز بولۋىنا كوڭىل ءبولۋدى، قورەكتىكتى كۇشەيتۋ ءۇشىن استە وتە ارتىق تاماقتانباۋدى ۇسىنىس ەتەمىن. وبىرلانا ءىشىپ - جەۋ اسقازان، ىشەك قىزمەتىن ءبۇلدىرىپ، كوڭىل كۇيدىڭ ورنىقتىلىعىنا ىقپال جاسايدى، ەمتيحانعا ءتيىمسىز.
ەڭ سوڭعى ۇمتىلۋ كەزەڭىندە حۋ جيە مىنالاردى ۇسىنىس ەتتى: ەمتيحاننىڭ الدىنداعى پىسىقتاۋ امال بار مەكتەپتە بولۋ، ەڭ ءابزالى ۇيرەنۋ ورتاسىن وزگەرتپەۋ كەرەك، 3 جىل ۋاقىتتا نەگىزىنەن مەكتەپتە وقىعاندىقتان، ەمتيحان بەرەتىن وقۋشى مەكتەپتىڭ ورتاسىنا نەداۋىر ۇيلەسكەن، ەمتيحانعا تابيعي كىرىسە الادى، كوڭىل كۇيى ءبىرشاما ورنىقتى بولادى، ەمتيحاندى جاقسى بەرۋىنە ءتيىمدى. مەكتەپتە ماسەلەگە جولىققاندا وقىتۋشىلار مەن ساباقتاستارىنان سۇراپ، دەر كەزىندە شەشۋگە بولادى، ماسەلەنى شەشۋ بارىسىندا سەنىمى جوعارىلايدى، بۇل رۋحاني كۇيدى رەتتەۋگە ءتيىمدى. بۇدان سىرت، تاڭەرتەڭ ورنىنان تۇرعاننان كەيىنگى جارىم ساعاتتا جانە تۇندە ۇيىقتار الدىنداعى جارىم ساعاتتا ەستە ساقتاۋ ءونىمى ەرەكشە جاقسى بولادى، ەمتيحان بەرەتىن وقۋشىلار ەڭ شەشۋشى، ەڭ ماڭىزدى ەمتيحان مازمۇندارىن، ماسەلەن، فورمۋلا، تەورەما، زاڭدىلىق، عىلمي اتاۋلار سياقتىلاردى جاتتاسا بولادى.
”قازىردەن باستاپ ەمتيحان تاپسىراتىن وقۋشىلاردىڭ قيىن سۇراۋلاردى جانە جاڭا ماسەلەلەردى ورىنداماۋىن، ءوزى يگەرگەن بىلىمدەردى بەكەمدەپ، سەنىمىن كۇشەيتۋىن ۇسىنىس ەتەمىن. ءاربىر ادامنىڭ ءبىلىمدى يگەرۋ دارەجەسى ۇقسامايدى، تەك ءوز قابىلەتى جەتەتىن نىساناعا جەتسە بولعانى تابىس“. حۋ جيە بىلاي دەدى: ەمتيحاننىڭ الدىنداعى وسى بىرنەشە كۇندە ەمتيحان تاپسىراتىن وقۋشىلار ءار كۇنى كەۋدەسىن كەرىپ، باسىن كوتەرىپ تەز جۇرسە سەنىمدى كۇشەيتۋگە پايدالى، وزىنە سەنۋ كەرەك، تاماشا كوڭىل كۇي بولعاندا عانا، شاماسى جەتەتىن ەمتيحان نىساناسىنا جەتۋگە بولادى.
”ءاربىر ساباقتىڭ ەمتيحانى اياقتاعاننان كەيىن، كەلەر - كەتەرمەن ساناسىپ، قايتا - قايتا ويلاي بەرمەي، نازاردى ەندىگى ساباقتىڭ ەمتيحانىنا جەدەل شوعىرلاندىرىپ، تاماشا ەمتيحان بەرۋ كۇيىمەن الداعى ەمتيحاندى اياقتاتۋ كەرەك“. حۋ جيە مىنالاردى ءبىلدىردى: جوعارى مەكتەپ ەمتيحانى ءبىلىم الۋ جولىنداعى ءبىر رەتكى ەمتيحان، ەمتيحان تاپسىراتىن وقۋشى قالىپتى كوڭىل كۇيمەن جاي ەمتيحان تاپسىرعانداي تاپسىرىپ، جۇرەكتىلىكپەن، دەن قويىپ، ابىرجىماي، سىرتقى دۇنيەنىڭ كەدەرگىسىنەن بويىن اۋلاققا سالىپ، جايدارى كوڭىل كۇيمەن ەمتيحان بەرسە بولعانى.
