− رايونىمىزدىڭ جەر - جەرىندەگى پارتيالى كادرلار، بۇقارا پارتيا قۇرىلعاندىعىنىڭ 99 جىلدىعىن قىزۋ قۇتتىقتادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
جۇڭگو كوممۋنيستىك پارتياسى قۇرىلعاندىعىنىڭ 99 جىلدىعىن قۇتتىقتاۋ ءۇشىن، رايونىمىزدىڭ جەر - جەرى، تاراۋلارى نەگىزگى تاقىرىپتىق پارتيا كۇنى قيمىلى، پارتيا تاريحى مۇراجايىن ەكسكۋرسيالاۋ، ينتەرنەتتە ءوزارا ىقپالداسۋ سياقتى الۋان ءتۇرلى قيمىلدار وتكىزۋ ارقىلى قالىڭ پارتيالى كادرلاردى توڭكەرىستىك رۋحتى اسقاقتاتۋعا، پارتيانىڭ داڭقتى ءداستۇرى مەن تاماشا ستيلىن جالعاستىرۋعا جانە ساۋلەلەندىرۋگە، شىنايى يگەرىپ، ناقتى ىستەۋگە، باتىلدىقپەن جاۋاپكەرشىلىك ارقالاۋعا، كوممۋنيزم ۇلى مۇراتىنىڭ جانە جۇڭگوشا سوتسياليزم ورتاق مۇراتىنىڭ تاباندى سەنۋشىلەرىنەن جانە ادال امالياتتا ايگىلەۋشىلەرىنەن بولۋعا ىنتالاندىردى.
نەگىزگى تاقىرىپتىق پارتيا كۇنى قيمىلى اۋەلگى ماقساتتى بەكەمدەدى
6 - ايدىڭ 30 - كۇنى اۆتونوميالى رايوندىق حالىق ۇكىمەتى كەڭسەسى ”1 - شىلدەنى“ قۇتتىقتاۋ اڭگىمە ءماجىلىسىن اشىپ، پارتيا مۇشەلەرىن جاۋاپكەرشىلىك تانىم مەن جاۋاپكەرلىك ارقالاۋ تانىمىن كۇشەيتۋگە، اۆانگارد ۇلگىلىك رولدارىن اناعۇرلىم ويداعىداي ساۋلەلەندىرۋگە تاربيەلەدى، ىنتالاندىردى.
كەڭسەدەگى پارتيالى كادرلار جابال مىنالاردى ءبىلدىردى: تۋىمىز ايقىن تۇردە ساياسيدى دارىپتەپ، پارتيا قۇرىلىسىنىڭ ساپاسىن جالپى بەتتىك جوعارىلاتىپ، ساياسيدا بەرىك، حالىق بۇقاراسى رازى بولاتىن ۇلگىلى ورگان قۇرىپ شىعامىز. ساياسي نەگىزگى شەكتى قاتاڭ ساقتاپ، ىرىقتى تۇردە يدەيادا قورعانىس شەپتى كۇشەيتىپ، ارەكەتتە شەت - شەكارانى ايقىنداپ، قاشاندا ”شەشۋشى ساتتە پارتيا سەنىم ارتاتىن، سۇيەنەتىن، الاڭسىز بولاتىن“ پارتيالى كادرلاردان بولامىز.
7 - ايدىڭ 1 - كۇنى تۇستەن بۇرىن حوتان قالالىق تۇرعىن ءۇي جانە قالا، اۋىل قۇرىلىسى مەكەمەسى بارلىق پارتيا مۇشەلەرىن حوتان قۇرباندار قابىرستانىنا بارىپ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“، ”1 - شىلدەنى“ قۇتتىقتاۋ نەگىزگى تاقىرىپتىق پارتيا كۇنىن ورىستەتۋگە ۇيىمداستىردى. توڭكەرىستىك قاھارماندار ەسكەرتكىشى الدىندا بارلىق پارتيا مۇشەلەرى حوتاننىڭ ازاتتىق، ورنىقتىلىق، دامۋ ىستەرى ءۇشىن كورنەكتى ۇلەس قوسقان توڭكەرىستىك اعا بۋىندارعا ءۇنسىز ازا تۇتىپ، قۇرمەت ءبىلدىرىپ، ولاردىڭ ۇشان تەڭىز ەڭبەكتەرىن شىن ىقىلاسپەن ساعىنا ەسكە الىپ، توڭكەرىستىك اعا بۋىنداردىڭ مۇراتىن جالعاپ، اناعۇرلىم بەرىك سەنىممەن، اناعۇرلىم تاباندى ىسكەرلىكپەن، اناعۇرلىم ناقتى ستيلمەن حوتاندى دامىتۋدىڭ جاڭا تاراۋىن كۇش سالا جازاتىندىقتارىن ءبىلدىردى. وسى مەكەمەنىڭ كادرى لي ۋىنحۇڭ بىلاي دەدى: ”ءبىز كوممۋنيستەردىڭ اۆانگارد ۇلگىلىك رولىن ساۋلەلەندىرىپ، اناعۇرلىم تاسقىنداعان ىنتامەن قىزمەتكە كىرىسەمىز“.
7 - ايدىڭ 1 - كۇنى التاي پارتيا قۇرىلىسى كىتاپحاناسى التاي ايماقتىق اۋىل شارۋاشىلىعى، اۋىل - قىستاق مەكەمەسىمەن، التاي قالالىق پارتكوم پارتيا مەكتەبىمەن، التاي ايماقتىق ەمدەۋ قامتاماسىزداندىرۋ مەكەمەسىمەن بىرلەسىپ ”پارتيا تۋى تيانشاندى نۇرلاندىردى. التىن تاۋ وزگەشە قىزىل تۇسكە بولەندى“ نەگىزگى تاقىرىپتىق پارتيا كۇنى قيمىلىن وتكىزدى. التاي ايماقتىق اۋىل شارۋاشىلىعى، اۋىل - قىستاق مەكەمەسىنەن، التاي قالالىق پارتكوم پارتيا مەكتەبىنەن كەلگەن پارتيا مۇشەلەرى ميكرو پارتيا ساباعى، ميكرو داۋىستاپ وقۋ، ميكرو ورتاقتاسۋ، ميكرو اڭگىمەلەر سياقتى الۋان فورماداعى قيمىلدارمەن پارتيانىڭ دۇنيەگە كەلگەن كۇنىن قۇتتىقتادى. ”بۇگىنگى قيمىل ەرەكشە ءماندى بولدى، پارتيالى كادرلار ۇيرەنۋ مەن قولدانۋدى توعىستىرۋ بارىسىندا سەنىمدى بەكەمدەپ، ۇيرەنۋ، ويلانۋ، امالياتتا ايگىلەۋ، ۇعىنۋ بارىسىندا پارتيالىلىقتارىن ءوسىرىپ، تانىم مەن ارەكەتتىڭ بىرلىگى بارىسىندا ادالدىقتارىن شىڭدادى“، - دەدى التاي ايماقتىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى ياڭ شين - ۋ.
پارتيا تاريحىن قايتا ەسكە الىپ، قىزىل گەندى جالعاستىردى
7 - ايدىڭ 1 - كۇنى اقسۋ ايماقتىق پارتكوم ساياسي - زاڭ كوميتەتى پارتيالى كادرلاردى اقسۋ ايماعىنىڭ مادەنيەت مۇراجايىنا (مۇراجاي) بارىپ ”پارتيا تاريحى مۇراجايىن ەكسكۋرسيالاپ، پارتياعا كىرگەندەگى سەرتىن قايتا ەسكە الۋ“ نەگىزگى تاقىرىپتىق پارتيا كۇنى قيمىلىن وتكىزۋگە ۇيىمداستىردى. پارتيالى كادرلار ءبىر اۋىزدان مىنالاردى ءبىلدىردى: پارتيانىڭ تاريحىن ەستە بەرىك ساقتاپ، قىزىل گەندى جالعاستىرىپ، سانالى تۇردە مۇرات - سەنىمدى بەكەمدەپ، ساياسي رۋحتى بەرىك سومداپ، ساياسي - زاڭ قىزمەتىندە ۇزدىكسىز جاڭا جاعداي اشامىز.
پارتيا قۇرىلعاندىعىنىڭ 99 جىلدىعىن قۇتتىقتاۋ ءۇشىن، اقسۋ ايماعىندا ىلگەرىندى - كەيىن 60تان استام مەكەمە 2500دەن استام پارتيالى كادردى شوعىرلى تۇردە اقسۋ ايماقتىق مادەنيەت مۇراجايىن (مۇراجاي) ەكسكۋرسيالاۋعا ۇيىمداستىرىپ، پارتيا مۇشەلەرىنىڭ تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ، تاريحتى ءبىلىپ جاۋاپكەرشىلىك ارقالاۋ تانىمىن كۇشەيتىپ، پارتيالىلىق شىڭدالۋدى جانە ءمورالدىق ساپالارىن نىعايتتى.
7 - ايدىڭ 1 - كۇنى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىندەگى بارلىق پارتيالى كادرلار پارتيانىڭ شۇعىلالى تاريحىن ەسكە الىپ، ءوز ءىس جۇزىندىكتەرىمەن بايلانىستىرىپ پارتياعا كىرگەندەگى سەرتىمەن سالىستىرا وتىرىپ پارىقتاردى تاۋىپ، پارتيا ۋستاۆى ارقىلى ءوز ءسوز - ارەكەتتەرىن ارناعا ءتۇسىردى. كوپشىلىك اۆتونوميالى رايوندىق تۇرعىن ءۇي الەۋمەتتىك قورى جالپىلىق قىزمەت وتەۋ ورتالىعىن ەكسكۋرسيالادى، بارلىق پارتيا مۇشەلەرى بۇكىل ىنتا - پەيىلىمەن حالىق ءۇشىن قىزمەت ىستەۋ باستى ماقسات تانىمىن ونان ارى بەكەمدەدى.
7 - ايدىڭ 1 - كۇنى اتۇش قالاسى كاتتايايلاق اۋىلى قورعان قىستاعىندا قىزىلسۋ قىرعىز اۆتونوميالى وبلىستىق ءادىليا مەكەمەسىنىڭ اتالعان قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جۇپ قۇراعان كادرلاردى، قىستاق كادرلارىن، قىستاق تۇرعىندارى پارتيا مۇشەلەرىن ۇيىمداستىرىپ، ”پارتيا تۋى تيانشاندى نۇرلاندىردى“ باستى تاقىرىپ ەتىلگەن پارتيا كۇنى قيمىلىن وتكىزدى. قىزمەت اترەتىنىڭ باستىعى بارلىق پارتيا مۇشەلەرىنە ”پارتياعا ادال بولۋ“ ارناۋلى تاقىرىبىندا پارتيا ساباعىن سويلەپ، پارتيا مۇشەلەرىن اۆانگارد ۇلگىلىك رولدارىن اناعۇرلىم ويداعىداي ساۋلەلەندىرۋگە ىنتالاندىردى. ”پارتيا تاريحىن قايتا ەسكە الۋ مەنى قاشاندا حالىقتى وزەك ەتۋگە، حالىق بۇقاراسى ءۇشىن ويداعىداي قىزمەت وتەۋگە، ناقتى ارەكەتىممەن ولاردىڭ قۇپتاۋىنا يە بولۋعا ىنتالاندىردى“، - دەيدى قىزمەت اترەتىنىڭ مۇشەسى حۋاڭ جىچياڭ.
”بۇلتتىق“ تەرمينال ارقىلى قايراتتانا ىستەۋگە ىنتالاندىردى
”1 - شىلدە“ قارساڭىندا بۇگىر اۋدانى جەلىدە ميكرو پارتيا ساباعىن سويلەۋ، H5 ساياسي تۋعان كۇن قۇتتىقتاۋ كارتچكاسىن تاراتۋ، ”پارتياعا ايتار لەبىزىم“ سياقتى قيمىلدار وتكىزۋ ارقىلى قالىڭ پارتيالى كادرلاردى بورىشتى ەستە بەرىك ساقتاۋعا، اۆانگارد بولۋعا ىنتالاندىردى. ”تاڭەرتەڭ ەرتەمەن مەن ۋيچاتتان قىستاق پارتيا ياچەيكاسى جىبەرگەن ’ساياسي تۋعان كۇن‘ قۇتتىقتاۋ كارتچكاسىن تاپسىرىپ الىپ، ايرىقشا اسەرلەندىم! مەن، ءسوز جوق، رولىمدى ساۋلەلەندىرىپ، قىستاقتىڭ دامۋىنا ۇلەس قوسامىن“، - دەدى 7 - ايدىڭ 1 - كۇنى بۇگىر اۋدانى تەرەكبازار اۋىلى مانچۇلۇق قىستاعىنداعى 35 جىلدىق پارتيا ستاجى بار ساقا پارتيا مۇشەسى ۇسەن اسەن قۋانىشپەن. بۇگىر اۋداندىق حالىق سوتى مەكەمەسىندەگى جاس كادر گو شياۋحۋا بۇگىر اۋداندىق پارتكوم ۇيىمداستىرۋ ءبولىمى، توتە قاراستى ورگاندار قىزمەت كوميتەتى دەن قويا دايىنداعان پارتيا مۇشەلەرىنىڭ ”ساياسي تۋعان كۇنىن“ ەلەكتروندى قۇتتىقتاۋ كارتچكاسىن تاپسىرىپ العان سوڭ بىلاي دەدى: ”مىناداي قۇتتىقتاۋ كارتچكاسىن تاپسىرىپ العانىم ەرەكشە ءماندى بولدى. بۇدان كەيىن مەن ونان ارى قۇلشىنىپ، پارتيا مۇشەسىنىڭ ۇلگىلىك، باستاماشىلدىق رولىن تولىق ساۋلەلەندىرەمىن“.
6 - ايدىڭ 29 - كۇنى بۇراتالا قالالىق پارتكوم ۇيىمداستىرۋ ءبولىمىنىڭ بۇراتالا قالاسى چىندەل ءمالىسى دۇڭفاڭحۇڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى الەۋمەتتىك اۋماق پارتيا باس ياچەيكاسىمەن بىرگە كورسەتپەلى پارتيا ساباعىن تىكە تاراتۋ قيمىلىن وتكىزدى. قيمىلعا داۋىستاپ وقۋ، قور ايتۋ، مەلودراما سياقتىلار قامتىلىپ، سۇراۋعا جاۋاپ بەرۋ، ويىن ويناۋ سياقتى جاڭاشا ەلەمەنتتەر توعىستىرىلدى، 2600دەن استام پارتيا مۇشەسىمەن بەينە ەكران ارقىلى بايلانىسقا شىعىپ پارتياعا كىرگەندەگى سەرتتى قايتا ەسكە الىپ، پارتيالى كادرلاردىڭ پارتيا ساباعىن ۇيرەنۋگە قاتىناسۋ بەلسەندىلىگىن كۇشەيتتى، 3000نان استام پارتيا مۇشەسى جالعانىمدى ءتۇرتىپ، ءبىر ۋاقىتتا تىكە تاراتۋدى كوردى.
(ءتىلشى شيا چيڭ، قاتىناسقان تىلشىلەر جاڭ تيڭ، ۋاڭ يۇيجاۋ، يۋان لەي، اقسۋ تىلشىلەر پۋنكتىنەن رىن چۇنحۋا، بايىنعولين وبلىسىنداعى تىلشىلەر پۋنكتىنەن جاڭ حۇيجياڭ، ەرىكتى تىلشىلەر ۋاڭ جيانجۇن، ياڭ پىڭ، دۇڭ يەبو)
