شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جوۋ، لي شيڭ
6 - ايدىڭ 20 - كۇنى اسپان شايداي اشىق، حوتان اۋدانىنىڭ تۇرعىنى ابلىميت ابدۇللانىڭ اۋلاسىندا تىڭ تىرشىلىك لەبى ەسىپ، ءجۇزىم ساباعى ءجۇزىم سورەنى جاۋىپ، جاسىل جەلەك اۋلا سىرتىنداعى جولعا دەيىن كەڭەيىپ، جاپ - جاسىل ءجۇزىم بۇتاقتا سامسىپ تۇر. ”ەندى ءبىر اي وتكەننەن كەيىن، بۇل جۇزىمدەردى جەۋگە كەلەدى. ءوزىمىز ەككەن، ەرەكشە ءتاتتى“، - دەدى ابلىميت كۇلىمسىرەپ.
ابلىميتتىڭ قازىرگى تۇرمىسى سورەدە سامسىپ تۇرعان جۇزىمدەر سياقتى ۇمىتكە تولدى. ول قازىرگى كەزدە ءبىر ءدارى جاساۋ سەرىكتەستىگىندە جۇمىس ىستەيدى، جۇمىس ورنى ۇيىنەن 5 كيلومەتر كەلەدى، قىزمەت ىستەگەن جارتى جىلدا ءوزى تۇرعان ورىننىڭ كاسىپتىك تىرەكتىسىنە اينالدى.
قىزمەتىنە ءدان ريزا، وتباسى تاتۋ - ءتاتتى
”شەشە، ۇيگە قوناق كەلدى“. ۇيگە كىرىسىمەن ابلىميت جەمىس - جيدەك جۋىپ، قاربىز كەسىپ، جاڭعاق پەن مەيىز ءتىزىپ قاربالاستىققا ءتۇستى. ”مەن جاقىندا عانا حوتان قالاسىنان ءۇي ساتىپ الدىم، 113 شارشى مەتر، وتە كەڭ. كەيىن حوتان قالاسىنا بارىپ تۇرامىن با، الدە كونە ۇيدە تۇرامىن با، ءبارىن كوڭىل كۇيىم بەلگىلەيدى“، - دەدى ابلىميت قۋاقىلانا.
ابلىميت ءدارى جاساۋ سەرىكتەستىگىنىڭ ساپانى باسقارۋ بولىمىندە قىزمەت ىستەيدى، جۋىقتان بەرى سەرىكتەستىككە كاسىپتىك تەكسەرۋ جۇرگىزىلگەندىكتەن، وسى ۋاقىتتاردا ەرەكشە قاربالاستىققا ءتۇستى. ابلىميت تىلشىگە ءوز قىزمەت ورنىنىڭ جاۋاپكەرشىلىگى زور، ءاربىر بۋىننىڭ بارلىعىندا شالاعايلىق ىستەۋگە بولمايتىندىعىن ايتتى.
ءسوز ارەدىگىندە قىزمەتتەستەرى تەلەفون شالىپ ءبىر حۇجاتتى قاجەت ەتەتىندىگىن ايتتى، ابلىميت قول تەلەفونىن دەرەۋ اشىپ قىزمەتتەسىنە كومەكتەسىپ قاجەتتى ماتەريالداردى تەز ارادا تاۋىپ بەردى. ابلىميت جونىنەن العاندا، ينتەرنەت پەن زەردەلى قول تەلەفوننان پايدالانىپ قىزمەتتەگى ماسەلەلەردى تەز ارادا ءبىر جاقتى ەتۋ قالىپتى كۇيگە اينالدى.
”مەن قازىر ايىنا 5400 يۋان ەڭبەكاقى الامىن، ايەلىم جاقىن ماڭداعى بالاباقشادا مۇعاليما، وتباسى كىرىسىمىز جامان ەمەس“، - دەپ ءسوزىن ساباقتاعان ابلىميت: اكە - شەشەمدە زەينەتاقى بار، اعام مەن اپەكەم دە وقىتۋشى، بۇكىل وتباسىمىزدىڭ كىرىسى ورنىقتى، تۇرمىسىمىز وتە جايلى“، - دەدى.
اڭگىمە كەزىندە ابلىميتتىڭ 4 جاستاعى قىزى تەلەۆيزورداعى قۋىرشاق فيلمدى بار زەيىنىمەن كورىپ وتىردى. ”بالام ورتالىق تەلەۆيزياسى بالدىرعاندار كانالىنىڭ نومىرلەرىن ۇناتىپ كورەدى، تەلەۆيزوردى ول نەگىزىنەن مەنشىكتەنىپ الدى“. ءوزىن ايتىپ وتىرعانىن ەستىگەن ءسابي بالا ورنىنان تۇرىپ ابلىميتتىڭ موينىنا اسىلىپ، اكەسىنىڭ بەتىنەن مەيىرلەنە ءسۇيىپ الدى. ”ول ماعان اسىلعاندى جاقسى كورەدى، قايتەم ەندى“، ابلىميت قىزىن قۇشاعىنا الدى، بالعىن قىز سىقىلىقتاپ كۇلدى.
قاسىندا وتىرعان ابلىميتتىڭ شەشەسى تۇرسۇنيسا ابدۇلىمنىڭ جانارى تولعان ءسۇيىنىش. ”بالامنىڭ ءوزى ريزا بولاتىن قىزمەتى بار ەكەندىگىن، وتباسىنىڭ باقىتتى، بەرەكەلى ەكەندىگىن كورىپ، اكەسى ەكەۋىمىز قاتتى قۋاندىق“، بالاسىنىڭ وزگەرىسىن تىلگە العاندا، تۇرسۇنيسا ەگەر دە كاسىپتىك شەبەرلىككە تاربيەلەۋ - باۋلۋ ورتالىعىندا ۇيرەنبەسە، ابلىميتتىڭ قازىرگى باقىتتى تۇرمىسى بولماس ەدى، - دەدى ءسۇيىنىشىن ءبىلدىرىپ.
بارسا كەلمەس جولعا تۇسە جازدادى
ابلىميت حوتان اۋدانىندا تۋعان، اكەسى جەرگىلىكتى ورىنداعى ورتا مەكتەپ وقىتۋشىسى بولاتىن، ابلىميت كىشكەنتايىنان جاقسى تاربيە العان، جوعارى مەكتەپكە ەمتيحان تاپسىرعاندا ۇزدىك ناتيجەمەن جىجياڭداعى ءبىر داشۋەگە ءوتىپ وقىعان.
داشۋەدەن وقۋ تاۋىسقاننان كەيىن، ابلىميت اۋىلعا قايتىپ، عاشىعىن تاۋىپ ۇيلەنەدى. باس قۇراعانىمەن ابلىميت ءتۇرلى سەبەپتەرمەن لايىقتى قىزمەت تابا الماي، ۇيىندە بولادى. وسى ارالىقتا ول قول تەلەفونىنان ۇشقارى يدەيانى ۋاعىزدايتىن دىبىس، بەينە كەسكىندەردى كورەدى. باستاپتا ول وسى مازمۇنداردى ەلەمەگەنىمەن، اينالاسىنداعى ۇشقارى يدەياسى بار ادامداردىڭ ازعىرۋىنا توتەپ بەرە الماي، بارعان سايىن كوپ كورىپ، سودان بىرتە - بىرتە قۇنىعادى.
ۇشقارى يدەيا ابلىميتكە بىرتە - بىرتە ىقپال جاسايدى، ونىڭ ارەكەتى مەن تۇرمىس ءتاسىلى دە ۇشقارى بولا باستايدى. ول ايەلىنەن وقىتۋشىلىق قىزمەتتەن شەگىنۋدى تالاپ ەتەدى، ايەلىنىڭ ساندەنۋىنە جول بەرمەيدى. ونىمەن بىردەي داشۋەدەن وقۋ تاۋىسقان ايەلى ونى ءجون بىلمەدى دەپ قارايدى، وسى سەبەپتى ەكەۋى ۇنەمى جاڭجالداسادى، ابلىميت نەشە رەت قول جۇمساۋعا شاق قالادى.
ۇلىنىڭ بارعان سايىن توماعا - تۇيىق، ءىس - ارەكەتىنىڭ بارعان سايىن ۇشقارى بولعاندىعىن كورىپ، اكە - شەشەسى توتەنشە ابىرجيدى. ۇيىندەگىلەردىڭ قايتا - قايتا ءناسيحاتتاۋىندا جانە اقىل - كەڭەس ايتۋىندا ابلىميت حوتان اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا كەلىپ ۇيرەنۋگە قاتىناسادى.
باۋلۋ ورتالىعىندا ابلىميت زاڭ بىلىمدەرىن جۇيەلى ۇيرەنىپ، ۇشقارى يدەيانىڭ جاۋىز كەيىپ - كەسپىرىن شىن جۇرەكتەن ايقىن تانىپ، زايا كەتىرگەن قىمباتتى ۋاقىتىنا وكىنەدى، ۇيىندەگىلەردەن قىنجىلادى. جوعارى مەكتەپ وقىعاندىقتان، مەملەكەتتە ءبىر تۇتاس قولدانىلاتىن ءتىل - جازۋ دەڭگەيى جاقسى بولعاندىقتان ول باسقا دا تاربيەلەنۋشىلەردىڭ ۇيرەنۋىنە ىرىقتى تۇردە كومەكتەسەدى.
”بۇرىن ۇشقارى يدەيامەن جۇعىمدالعان كەزدە باسقالارمەن بارىس - كەلىس جاساۋدى قالامايتىنمىن، كوپتەگەن قاتە ىستەردى دە ىستەدىم. ەگەر باۋلۋ ورتالىعىندا ۇيرەنۋدە بولماسام بارعان سايىن تەرەڭ قۇيعا باتىپ، اۋەلى، بارسا كەلمەس جولعا ءتۇسۋشى ەدىم، قازىر ويلاسام ءالى دە ۇرەيىم ۇشادى“، - دەدى ابلىميت.
ۇيىندەگىلەردىڭ جايدارى ءجۇزىن كورۋدى توتەنشە ۇناتادى
باۋلۋ ورتالىعىنان وقۋ تاۋىسقاننان كەيىن ابلىميت جاڭا تۇرمىسىن باستادى. ”جەڭىلدەپ قالدىم، ارقامداعى رۋحاني بۇعاۋدان ارىلعانداي بولدىم“، - دەدى ول.
ابلىميت پۋتۇڭحۋانى جاقسى سويلەيدى، جاقسى تاربيە العان، كومپيۋتەر دەڭگەيى دە جوعارى بولعاندىقتان، سول جەردەگى قىستاق تۇرعىندار كوميتەتى ونى قىزمەتكە قابىلداپ، ول وسىندا ءبىر مەزگىل قىزمەت ىستەيدى. ابلىميت قىزمەتتە بايسالدى، شوگەل بولعاندىقتان كوپشىلىكتىڭ قارسى الۋىنا بولەندى. قىزمەتتەسى روزىگۇل راحىمنىڭ وعان بەرگەن باعاسى: مادەنيەت ءبىلىمى بار، زاڭ تانىمى كۇشتى، كىمنىڭ تۇسىنبەيتىن ماسەلەسى بولسا ودان كەڭەس سۇرايدى.
قىستاق تۇرعىندار كوميتەتىندە ءبىر مەزگىل قىزمەت ىستەگەننەن كەيىن ابلىميت تاياۋ ماڭداعى ءبىر ءدارى - دارمەك سەرىكتەستىگىنىڭ قىزمەتكەر قابىلدايتىندىعىن ەستىپ، ءوزىن شارتقا تولامىن دەپ قاراپ، كاسىپورىنعا قىسقاشا ءومىر بايانىن تاپسىرادى. بىرنەشە كەزەك بەتپە - بەت ەمتيحان جانە جازباشا ەمتيحان ارقىلى ابلىميت قىزمەتكە قابىلدانادى، باۋلىنۋ ارقىلى تەز ارادا قىزمەتكە شىعادى. قىزمەتتە مۇقيات، جاۋاپكەرشىلىگى كۇشتى، تەز يگەرىپ العاندىقتان، ءبىر - اق ايدا ابلىميت رەسمي قىزمەتكەرلىككە ءوتىپ، ەڭبەكاقىسى دا ورنىقتى جوعارىلايدى.
وقۋ تاۋىسقاننان كەيىن، ابلىميتتىڭ تابىسى تەك قانا قىزمەتىنە رازى بولۋ عانا ەمەس، وتباسىنىڭ باقىتى دا بار ەدى. ”ۇيىمدەگىلەرگە جاقسى قاراپ، جاقسى كۇيەۋ، جاقسى ۇل جانە جاقسى اكە بولامىن“، - دەدى ابلىميت، قازىر ايەلى ەكەۋىنىڭ سۇيىسپەنشىلىگى بارعان سايىن قويۋلاي ءتۇستى.
ابلىميت وتباسىندا شينمەي اعاشى، جاڭعاق اعاشى ەگىلگەن، جەمىس پىسقاننان كەيىن ول وسى جەمىستەردەن كەپتىرىلگەن جەمىس جانە مارىنتاڭ جاسايدى. ”قىزىم ەرەكشە ۇناتىپ جەيدى“. قىزىنىڭ كوڭىلىن كوتەرۋ ءۇشىن ابلىميت اۋلاسىنا التىباقان دا جاسادى، قولى بوساي قالسا بولعانى بالاسىن ويناتادى.
”جاڭا ءۇيىمنىڭ قاسىندا بالاباقشا بار، بالامنىڭ بالاباقشاعا بارۋىنا وتە قولايلى، كەيىن ونى حوتان قالاسىندا وقىتپاقشىمىن“، - دەپ ءسوزىن ساباقتاعان ابلىميت قىزىنىڭ اناعۇرلىم جاقسى تاربيە الۋىنا مۇمكىندىك جاساۋ ءۇشىن قىزمەتكە بارعاندا كوبىرەك جول جۇرۋگە پەيىل ەكەندىگىن ايتتى.
بوس ۋاقىتىندا ابلىميت ايەلىن، قىزىن ەرتىپ جاڭادان ساتىپ العان اۆتوكولىگىمەن ماڭايىنداعى كورىنىس وڭىرلەرىنە بارىپ سەيىلدەپ، حوتان قالاسىنا بارىپ ساۋدا سارايلارىن ارالاپ، ۇيىندەگىلەرگە ءتۇرلى سالەم - ساۋقىت الاتىن. ابلىميت ءوزىنىڭ ۇيىندەگىلەردىڭ جايدارى ءجۇزىن كورۋدى توتەنشە ۇناتاتىندىعىن، ولار ءۇشىن ءوزىنىڭ قۇلشىنا ءتۇسىپ، قوس قولىمەن باقىتتى تۇرمىس جاراتۋى كەرەكتىگىن ايتتى.
