تۇراقتى مۇلىككە قوسىلعان قارجى سايكەس مەزگىلدەگىدەن ％24.1 ارتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جياڭ يياۋ 7 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، بيىل الدىڭعى 5 ايدا رايونىمىزدا جاڭادان 2269 نىسان جۇمىس باستاعان، بۇل سايكەس مەزگىلدەگىدەن 772 ارتقان، تۇراقتى مۇلىككە قوسىلعان قارجى نەداۋىر تەز ارتۋدى ساقتاعان.
ۇعىسۋعا قاراعاندا، بيىل الدىڭعى 5 ايدا بۇكىل رايونىمىزدا تۇراقتى مۇلىككە قوسىلعان قارجى (شارۋالاردى قامتىمايدى) سايكەس مەزگىلدەگىدەن ％24.1 ارتقان، ارتۋ قارقىنى وتكەن جىلى سول تۇستاعىدان 14.5 پايىز جوعارىلاعان. جاڭادان جۇمىس باستاعان نىساندار قۇرىلىسى جەدەلدەپ، قوسىلعان قارجى سايكەس مەزگىلدەگىدەن ％51.5 ارتقان، قارجى قوسۋدىڭ ارتۋىن 13.3پايىز جەدەلدەتكەن.
جىل باسىنان بەرى، رايونىمىز ”ءبىر توبىن سالۋ، ءبىر توبىنىڭ جۇمىسىن باستاۋ، ءبىر توبىن زاپاس دايىنداۋ“ تالابى بويىنشا ءتۇيىندى نىساندارعا قولباسشىلىق ەتۋ، سايكەستىرۋ مەحانيزمى، نىسانداردىڭ جۇمىس باستاۋىن، جۇمىستى قالپىنا كەلتىرۋىن ورنالاستىرۋ مەحانيزمى، ءتۇيىندى نىساندارداعى تەكسەرىپ بەكىتۋدىڭ العاشقى مەرزىمدىك قىزمەتتەرىنىڭ بىرىككەن ءماجىلىسى ءتۇزىمى سىندى ”3 مەحانيزمدى“ كەمەلدەندىردى؛ سالىنىپ جاتقان نىساندار قامباسى، جاڭادان جۇمىس باستاعان نىساندار قامباسى، اۆتونوميالى رايوننىڭ ءتۇيىندى نىساندار قامباسى سىندى ”3 نىسان قامباسىن“ تۇڭعىش رەت قۇرىپ، جۇمىس ۋاقىتىن قاۋىرت ورنالاستىرىپ، جاۋاپكەرشىلىكتى ايقىنداپ، نىسان ءتىزىمىن قالىپتاستىردى؛ ”قارىز اقشا قارجى قويماسىن“ قۇرىپ، قارجى قوسۋدى، ورنىقتى ارتۋدى جەبەيتىن ارناۋلى قارىز اقشا قورىن اقىلداسىپ قۇرىپ ، قارجى قوسۋدىڭ ورنىقتى ارتۋىن بار كۇشپەن جەبەدى.
جاڭادان جۇمىس باستاعان نىساندار قۇرىلىسىن جەدەل جۇرگىزۋىمەن بىرگە، زاپاس نىساندار دا ۇزدىكسىز جاڭادان جۇمىس باستاعان نىساندارعا اينالىپ، ناقتاپ تياناقتاندىرىلدى. اۆتونوميالى رايوندىق دامۋ جانە رەفورما كوميتەتى جەر - جەردىڭ زاپاس نىسانىن ەگجەي - تەگجەيلى تۇرگە ايىرىپ، باستى قايشىلىقتى يگەرىپ، جەر - جەردى ، تاراۋلاردى سايكەستىرىپ، زاپاس نىسانداردىڭ العاشقى مەرزىمدىك قىزمەتتەرىن جەدەل ىلگەرىلەتىپ، بەلسەنە شارت - جاعداي ازىرلەپ، ءتۇرلى قارجىنىڭ كەلۋ قاينارىن تياناقتاندىرىپ، زاپاس نىسانداردىڭ جاڭادان جۇمىس باستاعان نىساندارعا ۇزدىكسىز اينالۋىن بار كۇشپەن ىلگەرىلەتىپ، قارجى قوسۋدىڭ ۇتىمدى جەتەكتەۋ رولىن تولىق ساۋلەلەندىرىپ، بۇكىل رايونىمىز ەكونوميكاسىنىڭ باياندى اقاۋسىز دامۋىن ساقتادى.
