شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى. بيىل جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى. الداعى جەردە جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى“ ەستەلىك ىزناگى تاراتىلادى.
پارتيا مەن مەملەكەتتىڭ ەڭبەك كورسەتكەندەردى قۇرمەتتەۋ، ماداقتاپ - سيلاۋ قىزمەت كوميتەتى كەڭسەسى جاۋاپتىسىنىڭ تانىستىرۋىنا قاراعاندا، ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى“ ەستەلىك ىزناگى تومەندەگى وبيەكتىلەر اراسىندا شارتقا ۇيلەسەتىن ادامدارعا تاراتىلادى ەكەن:− امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزۋگە قاتىناسقان، كوزى ءتىرى ەرىكتىلەر ارمياسىنداعى ساقا جاۋىنگەرلەر، ساقا جولداستار.
− مەملەكەتتەن شىعىپ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى ءۇشىن قىزمەت وتەگەن، كوزى ءتىرى ەمدەۋ، تەمىر جول، تاسىمال، اۋدارما قىزمەتكەرلەرى، سوعىس توقتاتۋ كەلىسسوزى سياقتى قىزمەتتەرگە قاتىناسقان ادامدار، حالىق جاساعى، حالىق جۇمىسكەرى، اقپارات تىلشىلەرى، جازۋشىلار، فوتوشىلار سياقتى ادامدار.
− 1953 - جىلى 7 - ايدا سوعىس توقتاعاننان 1958 - جىلى 10 - ايدا ەرىكتىلەر ارمياسى چاۋشياننان تۇگەلدەي شەگىنىپ شىققانعا دەيىنگى ارالىقتا چاۋشياندا ءوندىرىستى، قۇرىلىستى قالپىنا كەلتىرۋگە كومەكتەسكەن، كوزى ءتىرى ادامدار.
2020 - جىلى 1 - ايدىڭ 1 - كۇنىنەن كەيىن قايتىس بولعاندار وسى رەتكى تاراتۋ كولەمىنە ەنگىزىلەدى.
وسى رەتكى ادامداردى ساناققا الۋدا ۇيىمدىق ساناق پەن جەكەلەي ءوتىنىش ەتۋدى ءوزارا ۇشتاستىرۋ ءتاسىلى قولدانىلادى، ۇيىمدىق ساناق نەگىز، جەكەلەردىڭ ءوتىنىش ەتۋى قوسىمشا ەتىلەدى. ۇيىمدىق ساناققا قامتىلماعان، سونداي - اق تاراتۋ شارتىنا ۇيلەسەتىن ادامدار 2020 - جىلى 7 - ايدىڭ 25 - كۇنىنەن بۇرىن، ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى“ ەستەلىك ىزناگى جەكەلەردىڭ ءوتىنىش ەتۋ كەستەسىن تولتىرۋىنا بولادى، ءوزى نەمەسە ۇقىق بەرىلگەن وكىلەتتى ادام ونىڭ نوپوس قاراستىلىعىنداعى اۋدان دارەجەلى حالىق ۇكىمەتىنىڭ قاتىستى تاراۋلارىنا ءوتىنىش ماتەريالىن تاپسىرادى، ءوتىنىش كەستەسىن توراپتان ءتۇسىرىپ الۋ ادرەسىن جانە ءارقايسى وڭىرلەردەگى قابىلداۋ تاراۋلارىنىڭ جاعدايىن ادام كۇشى بايلىعى جانە قوعامدىق قامتاماسىزداندىرۋ مينيسترلىگى سايتىنىڭ ماداقتاپ - سيلاۋ ارناۋلى ايدارىنان (www.mohrss.gov.cn) ەگجەي - تەگجەيلى كورۋگە بولادى. تەكسەرىپ تۇراقتاندىرىلعاننان كەيىن 2020 - جىلى 10 - ايدان باستاپ ىركەس - تىركەس تاراتىلادى.
