شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان 7 - ايدىڭ 3 - كۇنى ۇرىمجىدەن حابارلايدى. 2020 - جىلعى مەملەكەتتىك ادەتتەگى جوعارى مەكتەپتەرگە وقۋشى قابىلداۋ ءبىر تۇتاس ەمتيحانى 7 - ايدىڭ 7 - كۇنىنەن 7 - ايدىڭ 9 - كۇنىنە دەيىن وتكىزىلەدى، ۇرىمجىدەگى ەمتيحان رايوندارىندا 42 ەمتيحان ورنى ورنالاستىرىلدى، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى الدىن الا ءارقايسى ەمتيحان ورىندارىنداعى، سونداي - اق سول ماڭداعى اۋماقتارداعى جول - قاتىناس تارتىبىنە ارناۋلى رەتتەۋ - جونگە سالۋ ورىستەتتى، سونداي - اق ەمتيحان مەزگىلىندە ەمتيحان بەرەتىن وقۋشىلاردىڭ ءجۇرىس - تۇرىسىن كۇش سالا قامتاماسىزداندىرادى.
7 - ايدىڭ 6 - كۇنى ساعات 16دان 18گە دەيىن ەمتيحان بەرەتىن وقۋشىلار الدىن الا ەمتيحان الاڭىن كورگەن كەزدە، قاتىناس ساقشى تاراۋلارى ەمتيحان ورىندارىنىڭ الدىنداعى، سونداي - اق سول ماڭداعى جولدارداعى قاتىناس ءتارتىبىن قورعاۋ قىزمەتىن جاقسى ىستەيدى. قاتىناس ساقشىلارى ەمتيحان بەرەتىن وقۋشىلارعا، ءسوز جوق، ەمتيحان الاڭىنا بارىپ تۇراقتاندىرۋدى، ەمتيحان بەرەتىن كۇنى ەمتيحان بەرۋ ورنىنا الدىن الا، حاۋىپسىز جەتۋگە شىنايى كەپىلدىك ەتۋدى ەسكەرتەدى.
ەمتيحان مەزگىلىندە قاتىناس ساقشىلارى ءارقايسى ەمتيحان ورىندارىنىڭ الدىنداعى جول بولىكتەرىندە، قاراستى اۋماقتاعى ءتۇيىندى جول اۋىزدارىندا ەمتيحان ورنىنىڭ توڭىرەگىندەگى قاتىناستى ىركىلىسسىزدەندىرۋدى كۇشەيتىپ، ناق مايدانداعى جاعدايعا نەگىزدەلىپ، ءتۇيىندى جول بولىكتەرىندە قاتىناس باسقارۋ - تىزگىندەۋىن جۇرگىزەدى؛ سونىمەن بىرگە، ەمتيحان ورىندارىنىڭ توڭىرەگىندەگى اۋماقتاردا اۆتوكولىك توقتاتۋ ورىندارىن ۇيلەسىمدى ورنالاستىرىپ، كولىك توقتاتۋ، كولىك قويۋ قىزمەتىنە نۇسقاۋشىلىق ىستەۋدى جاقسى ىستەيدى. ءار كۇنى ساعات 11دەن 13كە دەيىن ءارقايسى ەمتيحان ورىندارىنىڭ ەمتيحان قاعازىن قايتارىپ اكەلۋ جانە ەمتيحان قاعازىن تاپسىرىپ الۋ ۋاقىتى، تارماق اترەت قاتىستى جول اۋىزدارىندا نۇسقاۋشىلىق جاساۋ، ىركىلىسسىزدەندىرۋدى كۇشەيتىپ، ەمتيحان قاعازىن جەتكىزەتىن اۆتوكولىكتەردىڭ قالىپتى قاتىناۋىنا شىنايى كەپىلدىك ەتەدى.
ەمتيحان مەزگىلىندە ءارقايسى ەمتيحان ورىندارىنىڭ توڭىرەگىندە 100 مەتر كولەم ىشىندە اۆتوكولىك توقتاتۋعا تيىم سالىنادى (كۋالىگى بار سىمسىز ەلەكترلى تەكسەرۋ - ولشەۋ كولىگى قاتىناسقا ىقپال جاساماعان جاعدايدا، ەمتيحان ورنىنىڭ ماڭىنداعى ۇيلەسىمدى ورىندا توقتاۋىنا بولادى). ەمتيحان بەرەتىن وقۋشىلاردى تاسيتىن اۆتوكولىكتەر توقتاعان سوڭ ايالداماي تەز ءجۇرىپ كەتۋ، اۆتوكولىكتەردىڭ جينالىپ، كەپتەلىپ قالۋىنىڭ الدىن الۋ كەرەك.
قاتىناس ساقشىلارى قالىڭ قالا تۇرعىندارىنا جوعارى مەكتەپ ەمتيحانى كەزىندە سىرتقا شىعۋدى ازايتۋدى نەمەسە قاربالاس مەزەتتەن اۋاشا كەزدە شىعۋدى، اسىرەسە، تاڭەرتەڭگى قاتىناستىڭ قاۋىرت مەزگىلىندە بارىنشا الەۋمەتتىك قاتىناس قۇرالدارىنا وتىرىپ سىرتقا شىعۋدى، اۆتوكولىكپەن سىرتقا شىققان كەزدەرىندە ەمتيحان ورىندارىنىڭ الدىنداعى جولداردان بارىنشا اۋاشالانىپ، زاڭعا قايشى كولىك توقتاتۋدان ساقتانىپ، قالا رايونى ىشىندە سيگنال شالۋعا تيىم سالۋ بەلگىلەمەسىنە قاتاڭ بويسۇنىپ، اۆتوكولىكتەردىڭ شۋىلىن ازايتىپ، ەمتيحان بەرەتىن وقۋشىلارعا سالىستىرمالى تىنىش ەمتيحان ورتاسىن جاراتۋدى ۇندەيدى.
ەمتيحانعا باراتىن جولداردىڭ ىركىلىسسىزدىگىن قامتاماسىز ەتۋ ءۇشىن، قاتىناس ساقشى تاراۋلارى شارلاۋ اۆتوكولىكتەرىن، ساقشى موتوتسيكلدەرىن ۇيلەسىمدى جول بولىكتەرىندە ەمتيحان بەرەتىن وقۋشىلارعا قولايلى قىزمەت وتەۋگە ورنالاستىرىپ، ەمتيحان بەرەتىن وقۋشىلاردى تاسيتىن اۆتوكولىكتەرگە ”جاسىل ارنا“ اشىپ بەرىپ، ”ەمتيحان بەرەتىن وقۋشىلاردى تاسيتىن مەيىر جەتكىزۋ اۆتوكولىكتەرىن“ ورنالاستىرىپ، الەۋمەتتىك اۆتوبۋزعا، تاكسيگە، جەكە اۆتوكولىكتەرگە (ەمتيحان بەرۋ كۋالىگى ارقىلى) وتىرعان ەمتيحان بەرەتىن وقۋشىلار ءۇشىن اۆتوكولىكتەردىڭ الدىمەن قاتىناۋىن ەڭ جوعارى شەكتە قامتاماسىز ەتەدى. ەمتيحان بەرەتىن وقۋشىلار كۋالىك الماي شىعۋ، قاتىناس كەپتەلىسى، ەمتيحان ورنىنا جاڭىلىپ بارۋ سياقتى توسىن جاعدايلارعا جولىققاندا، جول جاعالاۋىنداعى مىندەت وتەپ جۇرگەن حالىق ساقشىلارىنان كومەك سۇراۋىنا بولادى، جول جاعالاۋلارىنان مىندەت وتەپ جۇرگەن حالىق ساقشىلارى كورىنبەسە، 4801773 − 0991 تەلەفون نومىرىنە جالعاپ، كومەك سۇراۋىنا بولادى.
