تيانشان تورى   ›   جاڭالىقتار   ›   شينجياڭ حابارلارى

8725 مەتر! باتىس سولتۇستىك مۇناي الابى ازياداعى قۇرلىقتىق ەڭ تەرەڭ نىسانالى قۇدىقتى بۇرعىلادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ، ەرىكتى تىلشىلەر جاڭ جۇن، يۇي ياڭ 7 - ايدىڭ 3 - كۇنى ۇرىمجىدەن حابارلايدى. 6 - ايدىڭ 30 - كۇنى باتىس سولتۇستىك مۇناي الابى شۇنبەي 55X قۇدىعىن بۇرعىلاۋ جۇمىستارى ءساتتى اياقتاپ، قۇدىقتىڭ اقىرعى تەرەڭدىگى 8725 مەترگە جەتىپ، ازياداعى قۇرلىقتىق نىسانالى بۇرعىلانعان قۇدىقتىڭ ەڭ تەرەڭ رەكوردىن جاڭالادى.

  اتالعان قۇدىقتى بۇرعىلاۋ - بارلاۋعا قولدانىلعان اسا تەرەڭدىكتە گوريزونتال قۇدىق بۇرعىلاۋ تەحنيكاسى شينجياڭ عىلىم - تەحنيكا العاباسارلىعى 1 - دارەجەلى سيلىعىن العان بولاتىن. باتىس سولتۇستىك مۇناي الابى بۇل تەحنيكانى قولدانىپ شۇنبەي مۇناي - گاز الابىندا 8000 مەترلىك اسا تەرەڭدىكتە 40قا جۋىق قۇدىق بۇرعىلاپ، ازيانىڭ قۇرلىقتاعى ەڭ تەرەڭ مۇناي - گاز الابىن ءساتتى اشتى.

  شۇنبەي مۇناي - گاز الابى جەر قۇرىلىمىنىڭ تەرەڭ قاباتىنا ورنالاسقان، اسا تەرەڭ، اسا جوعارى تەمپەراتۋرالى، اسا جوعارى قىسىمدى مۇناي - گاز الابىنا جاتادى. 8000 مەترلىك تەرەڭدىكتەگى نىسانالى قۇدىقتاردا بۇرعى ”وڭاي بالقىپ“، بۇرعىلاۋ قۇدىعىندا قۇرال تاپشى بولۋ، قۇدىقتىڭ كوزىن مەڭگەرۋ قيىن بولۋ سياقتى قيىندىقتار ورىن الادى. بۇل ءۇشىن، باتىس سولتۇستىك مۇناي الابى تەحنيكالىق قامال الۋ نىسان گرۋپپاسىن قۇرىپ، ۇزاق جىل قامال الۋ جانە امالياتتان وتكىزۋ ارقىلى ۇيكەلىستى ازايتۋ، كەدەرگىنى تومەندەتۋ قۇرالىن زەرتتەۋ - اشۋ، بۇرعىمەن ىلەسە جۇرەتىن ءجىپسىز ولشەۋ قۇرالدارىن جاقسارتۋ، قۇدىق ارناسىن ءدال مەڭگەرۋ جانە گوريزونتال قۇدىقتى حاۋىپسىز ۇزارتۋدى ساراپتاۋ ءبىر تۇلعالانعان اسا تەرەڭدىكتە گوريزونتال قۇدىق بۇرعىلاۋ تەحنيكاسىن قالىپتاستىردى، بۇل بۇرعى باسىنا دالدىك جول نۇسقاۋ جۇيەسىن ورناتقانمەن بىردەي بولىپ، 8000 مەتر تەرەڭ جەر استىنداعى 3 ولشەمدى كەڭىستىكتە ”قايدا نۇسقاسا سول جەردى بۇرعىلاۋدى“ جۇزەگە اسىردى.

  بۇرعىنىڭ باعىتتامالى تۇردە مۇناي ىزدەۋى مۇناي جاتىنىن اشۋ ونىمدىلىگىن جوعارىلاتتى. شۇنبەي 55X قۇدىعىن بۇرعىلاۋ - بارلاۋ بارىسىندا تەحنيكالىق قىزمەتكەرلەر اسپاپتاردىڭ تەمپەراتۋراعا توتەپ بەرۋى، ناسوس شارت - جاعدايى سياقتى كوپ فاكتوردىڭ شەكتەۋىنە نەگىزدەلگەن اسا تەرەڭدىكتە گوريزونتال قۇدىقتى حاۋىپسىز بۇرعىلاۋ - ساراپتاۋ ءادىسىن العاش رەت ورناتىپ، قايتا - قايتا ەلىكتەپ تالداۋ جاساۋ ارقىلى شۇنبەي 55X قۇدىعىنىڭ گوريزونتال ورىن اۋىستىرۋىن 600 مەتردەن 900 مەترگە دەيىن ۇزارتۋعا بولاتىنىن ساراپتاپ شىعىپ، اقىرىندا بارلاۋ ماقساتىن جۇزەگە اسىردى.

  ۋاتىلعان جەر قىرتىسىنىڭ وپىرىلۋى الەمدىك قيىن تاقىرىپ، سونداي - اق شۇنبەي اسا تەرەڭ قۇدىعىن حاۋىپسىز بۇرعىلاۋ جۇمىسىنىڭ توسقاۋىلى سانالادى. تەحنيكالىق قىزمەتكەرلەر حيميالىق جولمەن قۇدىق قابىرعاسىن بەكەمدەۋ، نانومەترلىك بوگەۋ، وزدىگىنەن سورۋدى تومەندەتۋ سياقتى كوپ ءتۇرلى تەحنيكانىڭ ارتىقشىلىقتارىن جيناقتاپ، كوپ نەگىزدى سايكەستىرىپ قۇدىق قابىرعاسىن تۇراقتاندىرۋ جاڭا تەحنيكاسىن جاسامپازدىقپەن زەرتتەپ اشتى. گرۋپپا ىشىندە 500 رەتتەن استام تاجىريبە - سىناقتان وتكىزۋ جانە ساپالىلاندىرۋ ارقىلى شۇنبەي 55X قۇدىعىنداعى سيلۋر جۇيەسىندە، ساڭتام وپىرىلعان جەر قىرتىسىندا ءساتتى قولدانىپ، بۇرعىلاۋ بارىسىندا اعىپ كەتۋ مەن وپىرىلۋدىڭ بولماۋىن جۇزەگە اسىردى.

  الدىڭعى جارتى جىلدا شۇنبەي مۇناي - گاز الابىندا جيىنى 2 ميلليون 67 مىڭ 900 توننا شيكى مۇناي، 625 ميلليون تەكشەمەتر تابيعي گاز ءوندىرىلدى، قازىر كۇنىنە 2773.8 توننا شيكى مۇناي، 964 مىڭ 300 تەكشەمەتر تابيعي گاز وندىرىلۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى