شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 7 - ايدىڭ 3 - كۇنى ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنا قاراعاندا، الدىڭعى 5 ايدا شينجياڭنىڭ شەكارا وتكەلدەرىنەن ەكسپورت ەتىلگەن ماشينا - ەلەكتر جابدىقتارى ونىمدەرىنىڭ جالپى قۇنى 66 ميلليارد 30 ميلليون يۋان بولىپ، سايكەس مەزگىلدەگىدەن ％22.3 ارتقان. مۇنىڭ ىشىندە 4 - ايداعى، 5 - ايداعى ارتۋى ەڭ كورنەكتى بولىپ، جەكە - جەكە سايكەس مەزگىلدەگىدەن ％59.1، ％62.1 ارتقان.
”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەۋىنە ىلەسە، حالىقارالىق سەلبەستىك جۇلگەسىندە جۇڭگو ورتا ازيا، ورتا، شىعىس ەۆروپا سياقتى وڭىرلەردەگى مەملەكەتتەرمەن ساۋدا، نەگىزدىك قۇرىلعىلار سياقتى سالالارداعى سەلبەستىكتى ۇزدىكسىز كۇشەيتتى. ءۇرىمجى كەدەنىنىڭ ساناعىنا نەگىزدەلگەندە، شينجياڭنىڭ شەكارا وتكەلدەرىنەن ”ءبىر بەلدەۋ، ءبىر جول“ جەلى بويىنداعى مەملەكەتتەرگە 36 ميلليارد 410 ميلليون يۋان ماشينا - ەلەكتر جابدىقتارى ونىمدەرى ەكسپورت ەتىلگەن، بۇل سايكەس مەزگىلدەگىدەن ％10.8 ارتىپ، سول مەزگىلدەگى شينجياڭنىڭ شەكارا وتكەلدەرىنەن ەكسپورت ەتىلگەن ماشينا - ەلەكتر جابدىقتارى ونىمدەرى جالپى قۇنىنىڭ ％55.1ىن يەلەگەن. ”ءبىر بەلدەۋ، ءبىر جول“ جەلى بويىنداعى مەملەكەتتەردىڭ زات ساتىپ الۋ قاجەتى شينجياڭنىڭ شەكارا وتكەلدەرىنىڭ ماشينا - ەلەكتر جابدىقتارى ونىمدەرى ەكسپورتىنىڭ جالپى تۇلعالىق ارتۋىن دەمەۋدەگى فاكتورلاردىڭ بىرىنە اينالعان.
الدىڭعى 5 ايداعى ساندى مالىمەتكە نەگىزدەلگەندە، شينجياڭنىڭ شەكارا وتكەلدەرىنەن ەكسپورت ەتىلگەن ماشينا - ەلەكتر جابدىقتارى ونىمدەرىنىڭ ساتىلۋ كولەمى كادىمگى ورتا ازياداعى 5 مەملەكەتتەن گەرمانيا، فرانسيا سياقتى ەۆروپا مەملەكەتتەرىنە دەيىن كەڭەيىپ، ساۋدا سەرىگىندە كوپ نەگىزدەنە دامۋ بەتالىسى كورىلگەن. مۇنىڭ ىشىندە گەرمانياعا ەكسپورت ەتىلگەن ماشينا - ەلەكتر جابدىقتارى ونىمدەرى 12 ميلليارد 470 ميلليون يۋان بولىپ، ％34 ارتىپ، شينجياڭنىڭ شەكارا وتكەلدەرىنەن ەكسپورت ەتىلگەن ماشينا - ەلەكتر جابدىقتارى ونىمدەرى جالپى قۇنىنىڭ ％18.9ىن يەلەگەن.
ءۇرىمجى كەدەنىنىڭ تانىستىرۋىنا نەگىزدەلگەندە، ەلىمىز وندىرگەن ساندى مالىمەتتەردى اۆتوماتتى ءبىر جاقتى ەتۋ جابدىقتارى، سونداي - اق ۇساق بولشەكتەرى، توكشىلىك جابدىق - اسپاپتار مەن دىبىس - بەينە جابدىقتارى، سونداي - اق ۇساق بولشەكتەرى سياقتى ونىمدەر ”ءبىر بەلدەۋ، ءبىر جول“ جەلى بويىنداعى مەملەكەتتەردىڭ قارسى الۋىنا بولەنگەن.
الدىڭعى 5 ايدا شينجياڭنىڭ شەكارا وتكەلدەرىنەن ەكسپورت ەتىلگەن ماشينا - ەلەكتر جابدىقتارى ونىمدەرىنىڭ ىشىندە حالىق باسقارۋىنداعى كاسىپورىندار ونىمدەرى ەكسپورتى 37 ميلليارد 610 ميلليون يۋان بولىپ، ەكسپورت جالپى قۇنىنىڭ ％57ىن يەلەپ، ماشينا - ەلەكتر جابدىقتارى ونىمدەرىن شەتەلگە ەكسپورت ەتۋدەگى نەگىزگى كۇشكە اينالعان. شەتەل ساۋداگەرلەرى قارجى قوسقان كاسىپورىندار ەكسپورتى 21 ميلليارد 710 ميلليون يۋان بولىپ، ەكسپورت جالپى قۇننىڭ ％32.9ىن يەلەگەن.
