تاسقىننان ساقتانىپ، قۋاڭشىلىققا قارسى اتتانۋ قىزمەتتەرىن كۇش سالا ويداعىداي ىستەپ، حالىق بۇقاراسىنىڭ ءومىرى مەن مال - مۇلىك حاۋىپسىزدىگىن قامتاماسىز ەتەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 7 - ايدىڭ 3 - كۇنى ۇرىمجىدەن حابارلايدى. 7 - ايدىڭ 3 - كۇنى تۇستەن كەيىن اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ارناۋلى ءماجىلىس اشىپ، باس شۋجي شي جينپيڭنىڭ تاسقىننان ساقتانىپ، اپاتتان قۇتقارۋ قىزمەتى جونىندە بەرگەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن تياناقتاندىرىپ، جاۋاپكەرشىلىكتى قاتايتىپ، ناقتىلاندىرىپ، تومەنگى شەكتە ويلاۋعا تاباندى بولىپ، ساقتانۋ شارالارىن كۇشەيتىپ، تاسقىننان ساقتانىپ، قۋاڭشىلىققا قارسى اتتانۋ قىزمەتتەرىن كۇش سالا ويداعىداي ىستەپ، حالىق بۇقاراسىنىڭ ءومىرى مەن مال - مۇلىك حاۋىپسىزدىگىن شىن مانىندە قامتاماسىز ەتەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل بۇكىل رايوننىڭ تاسقىننان ساقتانۋ، قۋاڭشىلىققا قارسى اتتانۋ جاعدايى اۋىر، مىندەتى جاپالى. جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىقتى وزەك ەتكەن دامۋ يدەياسىن بەرىك ورناتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ دەڭگەيىنەن اتتانىسقا كەلىپ، تاۋقىمەت تانىمىن كۇشەيتىپ، بورىش، جاۋاپكەرشىلىك ارقالاۋدى كۇشەيتىپ، تاسقىننان ساقتانىپ، قۋاڭشىلىققا قارسى اتتانۋ قىزمەتتەرىن تىڭعىلىقتى تياناقتاندىرۋ كەرەك.
ءماجىلىس مىنالاردى باسا دارىپتەدى: باقىلاۋ - ولشەۋدى، الدىن الا مالىمەت بەرۋدى، ساقتاندىرۋدى مىقتى يگەرىپ، كەڭەسۋدى، تۇجىرىمداۋدى، تالداۋ جاساۋدى كۇشەيتىپ، اۋا رايى، سۋ رايى سياقتى الدىن الا ساقتاندىرۋ ينفورماتسيالارىن دەر كەزىندە جاريالاپ، وڭتۇستىك شينجياڭنىڭ تاۋلى وڭىرلەرىنىڭ نوسەردەن، سونداي - اق تۋىندى اپاتتان ساقتانۋ قابىلەتى قۇرىلىسىن ءتۇيىندى تۇردە كۇشەيتىپ، اپاتتان ساقتانۋدا، اپاتتان قۇتقارۋدا ىرىقتىلىققا قول جەتكىزۋ كەرەك. حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرۋدى مىقتى يگەرىپ، ءتۇيىندى وزەن بولىكتەرىنە، قاتەرلى قۇرىلىستاردىڭ قاتەرلى بولىكتەرىنە، سۋ يگىلىگى قۇرىلعىلارىنا جاپپاي، ىشكەرىلەي، مۇقيات ءبىر - بىرلەي تەكسەرۋ جۇرگىزۋ، اسىرەسە، قاتەرلى سۋ قويمالارىن قاتەردەن ارىلتۋ، بەكەمدەۋ قىزمەتىن جەدەل ىلگەرىلەتىپ، ساڭلاۋدى دەر كەزىندە بىتەپ، ولقىلىقتاردى تولىقتاپ، رەتتەۋ - تۇزەتۋدى يگەرىپ، تاسقىن مەزگىلىنەن حاۋىپسىز وتۋگە شىنايى كەپىلدىك ەتۋ كەرەك. سەلدەن ساقتانۋ، وزەندەردىڭ تاسقىننان ساقتانۋ قىزمەتىن مىقتى يگەرىپ، وزەن ارناسىن يەمدەنىپ الۋ، زاڭعا قايشى قۇم - شاعىل قازۋ سياقتى كەدەرگىلىك جاسايتىن ارەكەتتەردى زاڭ اتقارۋ ارقىلى جونگە سالۋ سەرپىنىن ارتتىرىپ، سەل اپاتى كومەسكى حاۋپى بار ورىنداردى جانە گەولوگيالىق اپات وڭاي تۋىلاتىن ورىنداردى جاپپاي بىر - بىرلەي تەكسەرىپ، شۇعىل جاعدايعا توتەپ بەرۋ دايىندىق جوباسىن ويداعىداي جاساپ، ادامداردى باسقا جەرگە كوشىرىپ، قاتەردەن اراشالاۋ، ورنالاستىرۋ قىزمەتىن الدىن الا ويداعىداي جوبالاۋ كەرەك. قۋاڭشىلىققا قارسى اتتانۋ، سۋارۋعا كەپىلدىك ەتۋ قىزمەتىن ءبىر تۇتاس جوسپارلاپ مىقتى يگەرىپ، تىرەكتى سۋ يگىلىگى ينجەنەريالارىن عىلمي رەتتەۋدى مىقتى يگەرىپ، قازىر بار سۋ يگىلىگى ينجەنەريالارىنىڭ قۋاڭشىلىققا قارسى اتتانۋ، سۋمەن قامداۋ كومەسكى كۇشىن تولىق ساۋلەلەندىرىپ، جاساندى جولمەن جاڭبىردى كوبەيتۋدى دەر كەزىندە ورىستەتىپ، قالا مەن اۋىل تۇرعىندارىنىڭ تۇرمىسقا پايدالاناتىن سۋىنا جانە ەگىن شارۋاشىلىعىندا سۋارۋعا پايدالانىلاتىن سۋعا شىنايى كەپىلدىك ەتۋ كەرەك. ءار دارەجەلى وزەن، كول باستىقتارى نازاردى تاسقىننان ساقتانىپ، قۋاڭشىلىققا قارسى اتتانۋعا شوعىرلاندىرىپ، وزەن شارلاۋ، كول شارلاۋ سياقتى قاتىستى قىزمەتتەردى دەن قويا ورىستەتىپ، بەلسەندى رولدارىن ساۋلەلەندىرۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار تاسقىننان ساقتانۋ، قۋاڭشىلىققا قارسى اتتانۋ قىزمەتىنە باسا ءمان بەرىپ، ۇيىمدىق باسشىلىقتى شىن مانىندە كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، جاۋاپكەرشىلىكتى تياناقتاندىرۋدى مىقتى يگەرىپ، قىزمەت بىرىككەن كۇشىن قالىپتاستىرۋ، نەگىزگى جاۋاپتى جولداستار ءوزى زەرتتەپ، ورنالاستىرۋ جاساۋ، قاتىستى جاۋاپتى ادامدار ءبىرىنشى شەپكە ىشكەرىلەي بارىپ، الدىڭى شەپتە قولباسشىلىق ەتۋ كەرەك. ءار دارەجەلى تاسقىننان ساقتانىپ، قۋاڭشىلىققا قارسى اتتانۋ قولباسشىلىق شتاپتارىنا مۇشە ورىنداردىڭ جاۋاپكەرشىلىگىن كۇشەيتىپ، ءار جاقتىڭ ۇشتاسۋى ىركىلىسسىز، تىعىز سايكەسكەن، شاپشاڭ، جوعارى ءونىمدى بىرگە قيمىلدايتىن تاسقىننان ساقتانىپ، قۋاڭشىلىققا قارسى اتتانۋدى سايكەستىرۋ مەحانيزمىن ورناتىپ، جاۋاپكەرشىلىكتى تياناقتاندىرۋدى، ادامدى تياناقتاندىرۋدى، شارانى تياناقتاندىرۋدى شىن مانىندە ورىنداپ، تاسقىننان ساقتانىپ، قۋاڭشىلىققا قارسى اتتانۋ قىزمەتىندە ناقتى ونىمدىلىككە قول جەتكىزۋگە شىنايى كەپىلدىك ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە جەتۋدى پارمەندى قامتاماسىز ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.
