اقسۋدىڭ ەلەكتروندى ساۋدا ارقىلى كەدەيلەردى سۇيەمەلدەۋى تەز قارقىنمەن ىلگەرىلەدى
اۋىل - قىستاقتاردا ”جاڭاشا شارۋالار“ جارىققا شىقتى
شينجياڭ گازەتىنىڭ جالپىلىق اقپارات قۇرالدارى تىلشىلەرى جيڭ بو، پەريزات ابدۋ، زوۋ ي، ان شىيۇي، يىن تۇڭيۋان
6 - ايدىڭ 16 - كۇنى اقسۋ قالاسى ەلەكتروندى ساۋدا كاسىپ باقشاسىندا شارۋاشىلىق قۇرۋشىلار ساۋدا دۇكەنىنىڭ تيجارات جۇمىستارىن اقىلداسۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن
قازىر شينجياڭنىڭ ورىك، شاپتول، قاۋىنى قاۋىرت بازارعا شىعارىلىپ، جەمىستىڭ حوش ءيىسى شار تاراپقا تارالدى.
اقسۋ قالاسى ايكول قالاشىعى تاشتا قىستاعىنىڭ ورىگى پىستى. قىستاق ەلەكتروندى ساۋدا قىزمەت وتەۋ پۋنكتىنىڭ باستىعى احىمەت تۇردى بۇتاقتا سامسىپ تۇرعان سارى ورىكتى دوۋيىن قىسقا كەسكىنى ەتىپ تارتتى، مازمۇنى قاراپايىم، جاسالۋ بارىسى ايتارلىقتاي بولماسا دا، قاراپايىم دا شىنايى ساتۋ مەن ەكراننان كورىنگەن ءدامدى جەمىس توراپتاستاردى ارت - ارتىنان تاپسىرىس بەرۋگە باۋراپ، قىسقا عانا بىرنەشە كۇندە 100 توننادان استامى ساتىلدى.
قول تەلەفون ”جاڭاشا شارۋالاردىڭ قۇرالىنا“ اينالدى، ساندى مالىمەت ”جاڭاشا شارۋالاردىڭ بايلىعىنا“ اينالدى، تىكە تاراتۋ ”جاڭاشا شارۋالاردىڭ جۇمىسىنا“ اينالدى. اقسۋ قالاسىنىڭ اۋىل - قىستاقتارىندا بارعان سايىن كوبەيگەن احىمەت سياقتى توراپپەن اينالىسقاندار ”جاڭاشا شارۋاعا“ اينالدى.
قىستاق تۇرعىندارى ”زات ساتۋ جۇرگىزۋشىسىنە“ اينالدى
6 - ايدىڭ 18 - كۇنى ءتىلشى احىمەتكە كەزدەسكەن كەزدە، ول جاڭا عانا قول تەلەفون ارقىلى ءبىر شاعىن ساۋدانى ىستەپ بولعان ەكەن: جەلىدە ساتىپ الۋشىمەن بايلانىس جاساپ، ءبىر شارۋا وتباسىنىڭ 10 كيلوگرام جەرگىلىكتى جۇمىرتقاسى مەن 5 كيلوگرام سيىر بۇرشاعىن ساتىپ، 80 يۋان پايدا تاۋىپتى. بىلتىر پۋنكت باستىعى بولعاننان بەرى، ول قىستاقتاعى ەڭ مىقتى ”زات ساتۋ جۇرگىزۋشىسىنە“ اينالدى.
3 جىلدىڭ الدىندا، احىمەت ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، وتباسىنداعى 6 جان 8. 6 مۋ جەرگە سۇيەنىپ كۇن كورەتىن. 2018 - جىلى قىستاقتىڭ كومەكتەسۋىندە شاعىن دۇكەن اشىپ، وتباسى تۇرمىسى ەداۋىر جاقساردى. قازىرگى تۇرمىسىنا قاناعاتتانا قويماعان احىمەت جان - جاقتان بايۋ جولىنا باستايتىن ساۋدا ورايىن قاراستىردى.
2019 - جىلى احىمەت اقسۋ قالالىق ساۋدا مەكەمەسى ۇيىمداستىرعان ەلەكتروندى ساۋدا شەبەرلىگى كۋرسىنا قاتىناسادى. توراپپەن اينالىسقان ول دەرەۋ ءوز رولىن ساۋلەلەندىرەدى. ”سول جىلى قىستاقتاعى 150 شارۋا وتباسىنا كومەكتەسىپ 100 توننادان استام جاڭعاق ساتتىم، ءار وتباسىنىڭ كىرىسى ورتا ەسەپپەن 1000 يۋاننان استام ارتتى، مۇنىڭ 117سى كەدەي وتباسى بولاتىن“، - دەدى احىمەت ماقتانىشپەن.
”قول تەلەفون دەگەنىڭىز اسپاپ ەكەن، مەن ەندى ءتىپتى دە جاقسىسىن ساتىپ الامىن، وسى اقشانىڭ ەسەسىنە ءتىپتى دە مول اقشا تابامىن“. قالتاسى بارعان سايىن قامپايعان احىمەت ءوزىنىڭ تىكە تاراتۋ جابدىعىن جاڭالاۋعا دايىندالىپ، قىستاقتاعى اۋىل شارۋاشىلىق ونىمدەرىن ”ەل تامساناتىنداي“ انىق سۋرەتكە الىپ، كوپتەگەن توراپتاسقا تاشتا قىستاعىنىڭ اتىن ايگىلەمەكشى بولدى.
ءجۇز اۋىل - قىستاق ”ينتەرنەت جۇلدىزىن“ جەتىلدىردى
ەلەكتروندى ساۋدانى دامىتۋدىڭ تەتىگى ادامدا. اقسۋ قالاسى دارىندى جەتىلدىرۋ سىندى كۇش سالۋ ءتۇيىنىن مىقتاپ يگەرگەندىكتەن، ءبىر توپ اۋىل - قىستاق ”ينتەرنەت جۇلدىزى“ ارت - ارتىنان جارىققا شىعۋدا.
احىمەت تىلشىگە مىنانى ايتتى: ”قازىر بەينەكەسكىن ءتۇسىرۋ تەحنيكام جاقسى ەمەس، ’جانكۇيەرلەرمەن‘ ءوزارا ىقپالداستىعىمىز دا كوپ ەمەس، جانە دە كوپتەگەن جاڭا بىلىمدەردى ۇيرەنۋىمە تۋرا كەلەدى. مەن بيىل ەلەكتروندى ساۋدا كۋرسىنا تاعى قاتىناسىپ، ۇزدىك جۇرگىزۋشى بولۋعا قۇلشىنامىن“.
اقسۋ قالالىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى گۋان بو بىلاي دەپ تانىستىردى: جاقىنعى بىرنەشە جىلدا اقسۋ قالاسىنىڭ ەلەكتروندى ساۋدا كاسىپ باقشاسى ”تيانشان جوسپارى“، ”پۋگۇڭيىڭ جوسپارى“، ”ارمانعا ۇمتىلۋ جوسپارى“، ”جول باستاۋشى جوسپارى“ سياقتى ەلەكتروندى ساۋدا كۋرستارىن ساتىلار بويىنشا ورىستەتتى. 2019 - جىلدىڭ سوڭىنا دەيىن، ەلەكتروندى ساۋدا شەبەرلىگىنە باۋلۋ كۋرسىنان جيىنى 51 كەزەك ورىستەتىپ، جيىنى 4838 ادام - رەت باۋلىدى، مۇنىڭ ىشىندە 207 ادام ارحيۆ تۇرعىزىلىپ، كارتچكالاندىرىلعان كەدەيلەر. سونىمەن بىرگە، 66 اۋىل - قىستاق ەلەكتروندى ساۋدا پۋنكت ءتۇيىنىن قۇرىپ، ءتۇيىن ارقىلى كولەمدى جەتەكتەپ، جەرگىلىكتى ەرەكشە ونىمدەردىڭ ساتىلۋى قيىن بولۋ ماسەلەسىنىڭ شەشىلۋىنە كومەكتەستى؛ ەلەكتروندى ساۋدا قوعامىن قۇرىپ، كوپ رەت ساتۋعا دەم بەرۋ ارقىلى كەدەيلەردى سۇيەمەلدەۋ قيمىلىن ۇيىمداستىرىپ، مۇشە كاسىپورىنداردى قيىنشىلىعى بار كەدەي بۇقارانىڭ اۋىل شارۋاشىلىق ونىمدەرىن الدىمەن ساتىپ الۋعا باستادى.
اقسۋ قالاسى قۇمباس اۋىلى قۇمباع قىستاعىنىڭ ەلەكتروندى ساۋدا ىستەرى قىزمەت وتەۋ پۋنكتىنىڭ باستىعى حالچام امەت يگىلىگىن كورۋشىلەردىڭ ءبىرى. 2014 - جىلى ارحيۆ تۇرعىزىلىپ، كارتچكالاندىرىلعان كەدەي وتباسى دەپ تۇراقتانعان كەزدە، ونىڭ وتباسىنىڭ جان باسىندىق كىرىسى نەبارى 2500 يۋان عانا بولاتىن؛ 2015 - جىلى كەدەي وتباسى قاتارىنان شەگىنگەن كەزدە جان باسىندىق كىرىسى 5500 يۋان بولدى. 2019 - جىلى پۋنكت باستىعى بولعاننان كەيىن، جان باسىندىق كىرىسى 8000 يۋانعا جەتتى.
گۋان بو تىلشىگە مىنانى ايتتى: بيىل 5 - ايدا اقسۋ قالاسى مەن الي اۋىل - قىستاق ەلەكتروندى ساۋدا شۋەيۋانى توقتامعا قول قويىپ، وسى جىلدا جەرگىلىكتى ورىننان 100 ”ينتەرنەت جۇلدىزى“ تاۋار ساتۋ جۇرگىزۋشىسىن باۋلىپ، ءتىپتى دە كوپ كەدەي بۇقارانىڭ كەدەيلىكتەن ارىلىپ بايۋ جولىنا تۇسۋىنە كومەكتەسىپ، اۋىل - قىستاقتى كوركەيتۋدى ىلگەرىلەتۋگە دەم بەردى.
سيفرلى بايۋدىڭ ”تەز ارناسىنا“ ءتۇستى
الارمان شاقىرعان ۇندەر، ءتىنتۋىر تىلشىگىن باسىپ ءبىر - بىرلەپ تاپسىرىس بەرۋ، ءبىر - بىرلەگەن زات اينالىمى تەز جولدامالارى... ەلەكتروندى ساۋدا ىستەرى ءدال قازىر كەدەيلىكتەن ارىلتۋدان قامال الۋ، اۋىل - قىستاقتى كوركەيتۋگە وتە زور ومىرشەڭدىك كۇش ۇستەۋدە.
ءتىلشىنىڭ ۇعىسۋىنا قاراعاندا، حاڭجوۋ قالاسىنىڭ شينجياڭعا كومەكتەسۋ قولباسشىلىق شتابىنىڭ قولداۋى مەن ىلگەرىلەتۋىندە، حاڭجوۋدىڭ ”ەلەكتروندى ساۋدا قالاسى“ بولۋداي ارتىقشىلىعى مەن اقسۋدىڭ بايلىق ارتىقشىلىعىن ءونىمدى توعىستىرىپ، حاڭجوۋدىڭ شينجياڭعا كومەكتەسۋدەگى ەلەكتروندى ساۋدا كاسىبىنىڭ دامۋ ۇلگىسىن قالىپتاستىرعان. اقسۋ قالاسىنىڭ ەلەكتروندى ساۋدا كاسىبى 2014 - جىلى باستالىپ، وركەن جايۋدان، تولىسۋدان زورايۋعا دەيىنگى تەز دامۋدى جۇزەگە اسىرىپ، كاسىپ سالاسى كولەمى مەن جالپىلىق ناقتى قۋاتى وڭتۇستىك شينجياڭ وڭىرىندە الدىعا وزىپ شىقتى.
2015 - جىلى اقسۋ قالاسى مەملەكەتتىك ەلەكتروندى ساۋدا ىستەرىن اۋىل - قىستاققا جەتكىزۋ بويىنشا جالپىلىق ۇلگى كورسەتۋدەگى اۋدان دارەجەلى قالا بولىپ بەلگىلەندى. 2019 - جىلى 3 - ايدا اقسۋ قالالىق ەلەكتروندى ساۋدا كاسىپ باقشاسى پايدالانۋعا بەرىلىپ، وڭتۇستىك شينجياڭداعى تۇڭعىش ساۋدا ىستەرى، قامبادا ساقتاۋ، زات اينالىمى، باۋلۋ، جەتىلدىرۋ سياقتى يقۋاتتار ءبىر تۇلعالانعان ارناۋلى كاسىپتىك باقشا اۋماعىنا اينالدى ءارى اليبابا، جيڭدۇڭ، يۇنجي سياقتى ايگىلى ەلەكتروندى ساۋدا تۇعىرلارىمەن سەلبەسىپ، اۋىل شارۋاشىلىعى قوسىمشا ونىمدەرىنىڭ ساتىلۋ ارناسىن كەڭەيتتى.
ەلەكتروندى ساۋدا كاسىپ باقشاسىنىڭ عيماراتىنا كىرگەندە، 15 مىڭ شارشى مەترلىك جۇمىس اۋماعىنا 84 ەلەكتروندى ساۋدا كاسىپورنى ىرگە تەۋىپتى. 1 - قاباتتاعى ونىمدەر كورمەسى اۋماعىندا ادەمى قوراپتالعان اقسۋ اۋىل شارۋاشىلىق قوسىمشا ونىمدەرى ادامدى ەرەكشە باۋرايدى؛ ”شينجياڭ ميجيە“، ”كروران قىزى“، ”شييۇي نيۋنيۋ“، ”گاۋ شاۋيە“ سياقتى ەلەكتروندى ساۋدا ماركالارى 2 -، 3 -، 4 - قاباتقا ورنالاستىرىلىپتى، ءاربىر ماركانىڭ تىكە تاراتۋ قىزمەت كەڭسەسى دە دەن قويا جوبالانىپتى.
اقسۋ قالالىق ساۋدا مەكەمەسى ەلەكتروندى ساۋدا كەڭسەسىنىڭ جاۋاپتىسى لياڭ جياني بىلاي دەپ تانىستردى: ەلەكتروندى ساۋدا كاسىپ باقشاسىنا ىرگە تەپكەن كاسىپورىندار مەن جەكەلەر جالاقىنى كەشىرىم ەتۋ، سۋ، ەلەكتر اقىسىن كەشىرىم ەتۋ ساياساتىنان يگىلىكتەنەدى، زات اينالىمى قوسىمشا قاراجاتىنان يگىلەكتەنەدى ءارى شارۋاشىلىق قۇرۋعا جەتەكشىلىك ەتۋ، باسقارۋعا ءماسليحات بەرۋ، شارۋاشىلىق قۇرۋعا باۋلۋ، زاڭدىق كومەك بەرۋ سياقتى ارنايىلانعان قىزمەت وتەۋمەن قامتاماسىز ەتىلەدى.
اتىزدان بۇقارانىڭ داستارقانىنا دەيىن، ەلەكتروندى ساۋدا ءبىر قىزىل جەلى سياقتى، ءبىر ۇشى كەڭ بايتاق اۋىل - قىستاققا بايلانىپ، ءبىر ۇشى الىپ بازارعا جالعانىپ، اقسۋ ايماعىنداعى بارعان سايىن كوبەيگەن بۇقارانىڭ سيفرلى بايۋدىڭ ”تەز ارناسىنا“ ءتۇسىپ، كەدەيلىكتەن ارىلىپ، دوڭگەلەك داۋلەتتىلىككە ۇمتىلۋىنا مۇمكىندىك جاسادى.
