ساۋ جى جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ساۋ جى جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن لي جانشۋ قاتارلىلار باباۋشان توڭكەرىستىك قابىرىنا بارىپ سۇيەكپەن قوشتاستى
شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن، كوممۋنيزمنىڭ ادال جاۋىنگەرى، ەلىمىز سوتسياليستىك زاڭ - ءتۇزىم قۇرىلىسىنىڭ كورنەكتى باسشىسى، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ساۋ جى جولداستىڭ سۇيەگى 7 - ايدىڭ 3 - كۇنى بەيجيڭ باباۋشان توڭكەرىستىك قابىرىندا ورتەلدى.
ساۋ جى جولداس 2020 - جىلى 7 - ايدىڭ 1 - كۇنى ساعات 14دەن 30 مينۋت وتكەندە بەيجيڭدە 93 جاسىندا اۋرۋدان قايتىس بولدى.
ساۋ جى جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ساۋ جى جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ قاتارلىلار 7 - ايدىڭ 3 - كۇنى باباۋشان توڭكەرىستىك قابىرىنا بارىپ، ساۋ جى جولداستىڭ سۇيەگىمەن قوشتاستى ءارى تۋىس - تۋعاندارىنان حال سۇرادى.
7 - ايدىڭ 3 - كۇنى تۇستەن بۇرىن باباۋشان توڭكەرىستىك قابىرىنىڭ ۇلكەن زالى قايعىلى جىم - جىرت كۇيگە ەندى، ازالى مۋزيكا باياۋ تولقىپ تۇردى. زالدىڭ ءتورىنىڭ جوعارعى جاعىنا «ساۋ جى جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا ساۋ جى جولداستىڭ سۋرەتى قويىلعان. شالقالاي جاتقىزىلعان ساۋ جى جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، سۇيەگىنە نارت قىزىل جۇڭگو كوممۋنيستىك پارتياسى تۋى جابىلعان.
تۇستەن بۇرىن ساعات 9 مولشەرىندە لي جانشۋ قاتارلىلار قايعىلى مۋزيكا ءۇنى ىشىندە ساۋ جى جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، ساۋ جى جولداستىڭ سۇيەگىنە 3 رەت تاعزىم ەتتى ءارى باس شۋجي شي جينپيڭ قاتارلى ورتالىقتاعى باسشى جولداستاردىڭ ساۋ جى جولداستىڭ تۋىس - تۋعاندارىنا دەگەن شىنايى حال سۇراۋىن جەتكىزدى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى جولدارمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ساۋ جى جولداستىڭ كوزى تىرىسىندەگى دوستارى قاتارلىلار دا بارىپ سۇيەكپەن قوشتاستى.
