شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى. 7 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ كامبودجا حالىق پارتياسىنىڭ ءتوراعاسى، ۇكىمەتتىڭ باس ءۋازىرى حۇڭسىنعا سالەم حات جولدادى.
شي جينپيڭ مىنالاردى ءبىلدىردى: تاياۋدا جۇڭگو كوممۋنيستىك پارتياسى قۇرىلعاندىعىنىڭ 99 جىلدىعى بايلانىسىمەن ءتوراعا مىرزا ارنايى تۇردە ماعان حات جولداپ، ءوزىڭىز بەن كامبودجا حالىق پارتياسىنىڭ جۇڭگو - كامبودجا ەكى پارتيانىڭ، ەكى ەلدىڭ قارىم - قاتىناسىن تەرەڭدەتۋ جونىندەگى تىلەكتەرىڭىزدى جانە كوزقاراستارىڭىزدى بىلدىردىڭىزدەر، مەن بۇعان ريزاشىلىق بىلدىرەمىن.
جۇڭگو مەن كامبودجا ءبىر - بىرىنە قارايلاسىپ، ءوزارا كومەكتەسىپ كەلە جاتقان جاقسى كورشىلەر، جاقسى سەرىكتەستەر. جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، جۇڭگو مەن كامبودجا ەكى جاق ءوزارا قولداۋ كورسەتىپ، تىعىز سەلبەسىپ، ءبىر نيەتپەن جۇمىلىپ، تىزە قوسا وتىرىپ ىندەتكە قارسى اتتانىپ، سونداي - اق ەلەۋلى كەزەڭدىك جەتىستىككە قول جەتكىزىپ، ناقتى ارەكەتتەرىمەن جۇڭگو - كامبودجا تاعدىرلاس ورتاق تۇلعاسىنىڭ مىزعىماس بەرىكتىگىن ءتۇسىندىردى. ءتوراعا مىرزا جۇڭگو جاقتاعى ىندەت جاعدايى اۋىر ساتتە ارنايى ساپارمەن كەلىپ، جۇڭگونىڭ پارتياسىنا، ۇكىمەتىنە، حالقىنا جانە مەنىڭ وزىمە تەرەڭ اسەر قالدىردى. جۇڭگو جاق جۇڭگو - كامبودجا قارىم - قاتىناسىن دامىتۋعا ايرىقشا ءمان بەرەدى. مەن ءتوراعا مىرزامەن بىرگە قۇلشىنىپ، ەكى پارتيانىڭ، ەكى ەلدىڭ قارىم - قاتىناسىنا ساياسي جەتەكشىلىكتى كۇشەيتىپ، پارتيالار ارا جانە باسقا سالالارداعى اۋىس - كۇيىس پەن سەلبەستىكتى تەرەڭدەتىپ، جۇڭگو - كامبودجا تاعدىرلاس ورتاق تۇلعا قۇرىلىسىن العا ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
مەن شيحاموني پاتشانىڭ جانە حۇڭسىن باس ءۋازىر باستاعان پاتشالىق ۇكىمەتتىڭ پارمەندى باسشىلىعىندا، كامبودجانىڭ ءار سالا قۇرىلىسىندا قۋانارلىق جەتىستىكتەرگە قول جەتكىزگەندىگىن قۋانىشپەن كورىپ وتىرمىن. جۇڭگو جاق كامبودجانىڭ ءوز مەملەكەت جاعدايىنا ۇيلەسەتىن دامۋ جولىمەن جۇرۋىنە باتىل قولداۋ كورسەتەدى، ءتوراعا مىرزانىڭ باسشىلىعىندا، كامبودجانىڭ، ءسوز جوق، مەملەكەت قۇرىلىسى ىستەرىندە تىڭ جەتىستىكتەرگە جەتەتىندىگىنە، سونداي - اق ءوڭىردىڭ ورنىقتىلىعى مەن دامۋى ءۇشىن بەلسەندى ۇلەس قوساتىندىعىنا سەنەدى.
حۇڭسىن وسىنىڭ الدىندا شي جينپيڭگە جولداعان حاتىندا مىنالاردى بىلدىرگەن بولاتىن: جۇڭگو كوممۋنيستىك پارتياسى ۇزاق ۋاقىت تاباندى بولعان دۇرىس دامۋ لۋشيانىنىڭ ارقاسىندا، اسىرەسە، باس شۋجيدىڭ دانىشپان باسشىلىعىندا، جۇڭگو ساياسي، ەكونوميكا، قوعام سياقتى ءار سالانىڭ دامۋىندا كۇللى دۇنيە كوز تىككەن وراسان زور جەتىستىكتەرگە قول جەتكىزدى. بۇگىنگى تاڭدا، جۇڭگونىڭ حالىقارالىق ساحناداعى ورنى كۇن سايىن جوعارىلاپ، ەلەۋلى الەمدىك ماسەلەلەردى شەشۋدە باسشىلىق رول اتقارىپ وتىر. بىلتىر جۇڭگو جاقتىڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن تابىسپەن وتكىزۋى، ”ءبىر بەلدەۋ، ءبىر جولدى“ بىرگە قۇرۋ دارىپتەمەسىنىڭ اناعۇرلىم كوپ مەملەكەت پەن قۇرىلىمنىڭ قولداۋىنا يە بولعاندىعىن تولىق ايگىلەپ، جۇڭگونىڭ ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋ ءۇشىن جاساعان قۇلشىنىسىنىڭ اناعۇرلىم كوپ مەملەكەت پەن حالىقتىڭ قۇپتاۋىنا يە بولعاندىعىن تولىق دالەلدەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو ىندەتكە قارسى اتتانۋ جانە ىندەت اكەلگەن حالىقارالىق ىقپالعا توتەپ بەرۋ جاعىندا ماڭىزدى ۇلگىلىك رول اتقاردى.
مەن كامبودجا مەن جۇڭگونىڭ مىزعىماس بەرىك دوستىق ورناتقاندىعىن، ەكى ەلدىڭ سەلبەستىك قارىم - قاتىناسىنىڭ ۇزدىكسىز بەكەمدەلە، دامي ءتۇسىپ، جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە جوعارىلاعاندىعىن قۋانىشپەن كورىپ وتىرمىن. كامبوجا حالىق پارتياسى مەن جۇڭگو كوممۋنيستىك پارتياسىنىڭ قارىم - قاتىناسى ۇزدىكسىز تەرەڭدەپ، ەكى پارتيانىڭ ءار دارەجەلى ۇيىرمەلەرى ءجيى - ءجيى ءوزارا ساپاردا بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا تاباندى قولداۋ كورسەتتى. وسى ورايدا، مەن جۇڭگو كوممۋنيستىك پارتياسىنىڭ جانە مارتەبەلى باس شۋجيدىڭ كامبودجا حالىق پارتياسىنىڭ قۇرىلىسىنا پارمەندى قولداۋ كورسەتكەندىگىنە شىن جۇرەكتەن العىس ايتامىن.
