7 - ايدىڭ 4 - كۇنى ءۇرىمجى قالاسى تيانشان رايونى حىپيڭ جولى شاعىن اۋماعىن باسقارۋ كوميتەتىنىڭ دۇڭساييۋان الەۋمەتتىك اۋماعىندا ءار ۇلت تۇرعىندارى بىرگە ءان ايتىپ، ءبي بيلەپ، اعاش ساياسىندا سالقىنداپ، اڭگىمە شەرتۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى حان لياڭ تۇسىرگەن
7 - ايدىڭ 4 - كۇنى ساياحاتشىلار شينجياڭ حالىقارالىق ۇلكەن بازار كورىنىس اۋماعىنداعى جاياۋلار كوشەسىندە سەيىلدەۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
7 - ايدىڭ 4 - كۇنى قالا تۇرعىندارى سانجى قالاسى شينحۇيجيا كەشكى بازارىندا تەڭسەلمەلى كوپىرگە شىعۋدا. سامسىعان شىراق نۇرىندا جۇرت ساۋدا سارايىن، ەرەن بازاردى ارالاپ، زات ساتىپ الىپ، ءدامدى تاعامداردان اۋىز ءتيىپ، كەشكى تۇرمىستىڭ راقاتىنا شومۋدا . سۋرەتتى لياڭ حۇڭتاۋ تۇسىرگەن
7 - ايدىڭ 4 - كۇنى قاشقار بايىرعى قالاسىندا تۇرعىن ارزىگۇل ياسىن بالالارىن ويناتىپ، جاز كۇنىنىڭ شۇعىلاسىنان ءلاززاتتانۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى وتكىر نيجات تۇسىرگەن
7 - ايدىڭ 3 - كۇنى حىجيڭ اۋدانى شەلمىربوح قالاشىعى شەلمىربوح قىستاعىنىڭ ديقانى ءبيداي جيناۋدا (سۋرەت ۇشقىشسىز ۇشاقپەن تۇسىرىلگەن) . سۋرەتتى چۋە حۇرا تۇسىرگەن
7 - ايدىڭ 4 - كۇنى كەشتە قالا تۇرعىندارى قۇمىل قالاسى يجوۋ رايونى باۋنۇڭ ”1 - شىلدە“ كەشكى بازارىندا ءدامدى قۇجىرلاردان ءدام تاتىپ، باس قوسىپ اڭگىمەلەسۋدە. سۋرەتتى لي حۋا تۇسىرگەن
7 - ايدىڭ 3 - كۇنى كەشتە ساياحاتشىلار حوتان كەشكى بازارىندا قاۋىن - قاربىز ساتىپ الىپ، وزگەشە تاعامداردان ءدام تاتۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان
جاز كۇندەرىندەگى شينجياڭ الۋان تۇسكە بولەنىپ، كورىنىسى كوز تارتىپ، فاكتورى مولايىپ، قۇددى ءبىر سايكەسپەلى كۇيگە، سيمفونيالىق جىرعا ۇقسايدى.
قالادا سابىلىسقان قالىڭ اۆتوكولىك، قايشالىسقان قالىڭ ادام، قۇرىلىس الاڭىندا ماشينالار گۇرىلدەپ، قىزۋ دۋمانعا شومعان؛ ەگىنجايدا ءبيداي پىسىپ، وڭتۇستىك شينجياڭ جيناپ بولىسىمەن سولتۇستىك شينجياڭ جيناۋعا كوشكەن، ماڭداي تەرىن سۇرتكەن ديقاننىڭ جۇزىنەن كۇلكى ەسەدى؛ جەمىس باعىندا قۇستار سايراپ، جاندىكتەر شىرىلدايدى، جەمىس - جيدەك كۇن نۇرىن ءسىمىرىپ، قانت قۇرامىن توپتاپ، بالداي ءتاتتى شىرىن ءدامىن سيلادى...
اۋا رايى دا ”ءوز ونەرىن كورسەتتى“، قازىر كۇن شىجىپ، اسپان شايداي اشىق تۇرعانىمەن، دەمدە - اق شەلەكتەپ جاڭبىر قۇيىپ، ”سارىلداپ“جاۋىپ قۋاڭ جەردىڭ ءشولىن قاندىردى، اۋەل دەسەڭىز، جاز كۇندەرى تاۋلى وڭىردە قار جاۋىپ، الۋان ءتۇرلى اسەم كورىنىستەر ساياحاتشىلاردىڭ دوستىق شەڭبەرىنىڭ كوركىن اسىردى.
باقشادا ءان اۋەلەپ، كۇي كۇمبىرلەپ، شات كۇلكىلەر شارىقتادى، ادامدار بۇرالا بيگە باسىپ، كوڭىل كۇيلەرىن جادىراتتى؛ ساۋدا سارايلاردا، ەرەن بازارلاردا قاريدارلار اياڭداي باسىپ، قالاعانىن تاڭداپ الدى، جەڭىل مۋزيكا زات ساتىپ الۋ ورتاسىن ءتىپتى دە جانعا جايلى ەتتى؛ كورىنىس وڭىرلەرىندە ادامدار فوتو اپپاراتتارىنىڭ، قول تەلەفوندارىنىڭ كنوپكاسىن جىلدام باسىپ كوركەم كورىنىستەردى ەستەلىككە الىپ، جايدارى بەينەلەردى ءتۇسىرىپ الدى؛ كەشكى بازارلاردا قاريدار شاقىرعان داۋىستار بىردە كوتەرىلىپ، بىردە باسەيىپ، ءداندى قۇجىرلاردىڭ كەڭ داستارقانى جايىلىپ، كاۋاپ مايىنىڭ شىجعىرىلعان داۋىسى قۇلاققا كەلىپ، حوش ءيىسى اڭقىپ، ادامدى ەلىتتى.
اۋىل - قىستاق تۇرمىسى قالاداعىدان قالىسپادى، اپتا سوڭى بازار ارالايتىن كەز، ەر - ايەل، كارى - جاس دەمەي ءدامدى تاعامداردى جەي ءجۇرىپ، زات ساتىپ الدى، ازىق - تۇلىك، كيىم - كەشەك، ءۇي جيھازدارى، ءۇي ەلەكتر جابدىقتارى، ويىنشىق، گۇل - شوپتەر... كەدەيلىكتەن ارىلىپ، كىرىستەرى مولايىپ، قالتالارى قامپيپ، بۇقارا ءار كۇنىن مەرەكە - مەيرامداي وتكىزدى.
تاڭ اعارا سەلدىر تۇمان سەيىلىپ، تۇستە اپتاپ ىستىق جالىن شاشادى، ال كەشتە سالقىن سامال ەسەدى، كۇن نۇرى ءبىر كۇندىك ساۋلەسىن شاشىپ ۇياسىنا باتقانىندا ادامدار قىزمەتتىڭ، ۇيرەنۋدىڭ، تۋىس - تۋعان، دوس - جارانداردى قىدىرۋدىڭ، سەيىل - سەرۋەن قۇرىپ، كوڭىل اشۋدىڭ، دەنە شىنىقتىرىپ تاماشالاۋدىڭ ءبىر كۇندىك نۇكتەسىن قويدى.
بۇل ەستەن كوتەرىلمەس ءسات، باسەڭ ۇنمەن ايتىلعان قوشتاسۋ ءانى ەڭ اسەرلى، ورتا مەكتەپكە ءتۇسۋ ەمتيحانى ەندى عانا اياقتاۋىمەن جوعارى مەكتەپ ەمتيحانى باستالۋ الدىندا تۇر، مەكتەپ ءبىتىرۋ ماۋسىمى قوشتاسار ماۋسىمى عانا ەمەس، قالىڭ وقۋشىلاردىڭ تىڭ ءومىر ساپارىنا قادام باساتىن تولىسىپ، ەسەيۋ بارىسى. وسى كەزدە قاتىناس ساقشىسى اقىرىن عانا بارلىق ادامعا: ەمتيحان كەزىندە بارىنشا تىنىشتىقتى ساقتاڭىز دەپ ”ەسكەرتۋ جاسادى“، بۇل ءسات ءۇنسىز بولعانىمەن، سۇيىسپەنشىلىككە تولى ءسات.
جاز بەينە اسەم اندەي كوركەم تۇرمىستىڭ تاماشا كۇيىن اۋەلەتتى.
