تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

ءبىر اۆتوموبيل قوي تەرىسى، ومىرلىك اعايىن دوستار

شينجياڭ گازەتىنىڭ جالپىلىق اقپارات قۇرالدارى ءتىلشىسى سۋ لۋپيڭ

  7 - ايدىڭ 3 - كۇنى تۇستەن بۇرىن ءۇرىمجى قالاسى سايباق رايونى حوتان كوشەسى شاعىن اۋماعىن باسقارۋ كوميتەتى دۇڭىرجيە الەۋمەتتىك اۋماعىنداعى ”دايانجيڭ كاۋاپ دۇكەنىندە“ 56 جاستاعى چىڭ گۇيميڭ قوي ەتىن لىپىلداتىپ ىستىككە شانشۋدا، 52 جاستاعى ءيۇسۇپ توحتى ۇستەل - ورىندىقتاردى رەتتەۋدە، بىرەۋى حىنان اكسەنتىندە، ال بىرەۋى شينجياڭ اكسەنتىندە ەكەۋ ارا ءازىل - قالجىڭ ايتىسىپ قويادى. 25 جىلدان بەرى ءبىر اۆتوموبيل قوي تەرىسى 3000 كيلومەتردەن استام شالعاي ارالىقتاعى ەكى ادامدى توننىڭ ىشكى باۋىنداي ەتەنە قىلعان ەدى.

  1994 - جىلى حىناندا تەرى مانەرلەۋ زاۆودىن باسقاراتىن چىڭ گۇيميڭ شينجياڭعا كەلىپ زات قاينارىن قاراستىرادى، ءبىرىنشى بەكەتى سول ۋاقىتتاعى ءۇرىمجى 3 - كوپىر بازارى بولدى. ءيۇسۇپ سول ۋاقىتتا چىڭ گۇيميڭگە اۋدارماشى بولادى. ”سول كەزدە ول مەنى ەرتىپ بازاردى ءبىر اينالىپ شىقتى، باعا تۇسىرۋىمە كومەكتەستى“. بۇل ”جۇمىس“ چىڭ گۇيميڭدى ءيۇسۇپتى سەلبەسۋگە جارايتىن ادام دەگەن ويعا كەلتىردى، جۇرەرىندە ول ءۇيىنىڭ تەلەفون ءنومىرىن يۇسۇپكە بەرىپ كەتەدى.

  ”چىڭ اعام ماعان ءۇرىمجىنىڭ بازارى شەكتى ەكەن، قوي تەرىسىن ىشكى ولكە بازارىنا ساۋدالاۋدى ويلاستىرۋدى ايتتى“. 1996 - جىلى ءيۇسۇپ تۇس - تۇسقا شاپقىلاپ ءجۇرىپ 550 مىڭ يۋان اقشا جيناپ، 10 مىڭ قوي تەرىسىن ساتىپ الىپ، ءبىر ۇزاق جولدى تاسىمال اۆتوموبيلىن جالعا الىپ، كوكىرەك تولى سەنىممەن حىبەيعا جول الادى. ويلاماعان جەردەن شي - انعا جەتە بەرگەندە 4 كۇن بويى جاڭبىر جاۋىپ، حىبەيعا جەتكەنىندە قوي تەرىسى سۋعا شىلانىپ بۇزىلىپ كەتەدى. ءيۇسۇپ بىرنەشە زاۆودقا بارسا دا ەشكىم ساتىپ الۋدى قالامايدى.

  ”سول كۇنى اسپان قۇلاپ تۇسكەندەي بولدى، قوي تەرىسىن ساتىپ العان اقشانىڭ كوبىن تۋىستارىمنان، دوستارىمنان قارىز العان ەدىم“. ءيۇسۇپتىڭ ويىنا چىڭ گۇيميڭ تۇسەدى، ”اسىلىندە ونىڭ ماعان جول كورسەتىپ، زياندى ەڭ تومەنگى شەككە تۇسىرۋگە كومەكتەسۋىن عانا ويلاعان ەدىم. ويلاماعان جەردەن ول ماعان 580 مىڭ يۋان بەرىپ، قوي تەرىسىنىڭ بارلىعىن ساتىپ الدى. ول: مەن ساعان قوي تەرىسىن ىشكى ولكە بازارىنا اكەلىپ سات دەپ كەڭەس بەرگەنمىن، سوندىقتان جاۋاپتى بولۋىم كەرەك“، - دەيدى.

  ۇرىمجىگە قايتىپ كەلگەننەن كەيىن، ءيۇسۇپ العان قارىزدارىن قايتارىپ، كاۋاپ جايماسىن اشادى. 2008 - جىلى ءيۇسۇپ ءوزىنىڭ كاۋاپ دۇكەنىن اشىپ، ساۋداسى بارعان سايىن كۇسەتتەنە تۇسەدى. ساۋدا - ساتتىق قارىم - قاتىناسى بولماسا دا ءيۇسۇپ پەن چىڭ گۇيميڭ اۋەلگىدەي حابارلاسىپ، اي سايىن تەلەفوندا امان - سالەم جاساسىپ تۇرادى. ءار جىلى چىڭ گۇيميڭ شينجياڭعا كەلىپ قوي تەرىسىن ساتىپ العاندا، ءيۇسۇپ وعان جاردەمدەسىپ زات قاينارىن تابادى.

  2016 - جىلدىڭ ءبىر كۇنى، ءيۇسۇپ تەلەفوندا چىڭ گۇيميڭنىڭ جۋىقتاعى حال - جايىن سۇراستىرادى. نەداۋىر ۋاقىت كىبىرتىكتەگەن چىڭ گۇيميڭ يۇسۇپكە ساۋدادان زيان تارتقانىن، زاۆودى جابىلىپ قالعانىن، قارىزعا بەرگەن اقشالارىن قايتارىپ الا الماعانىن، باسقالارعا 500 مىڭ يۋاننان استام قارىزدانىپ قالعانىن ايتادى. ءيۇسۇپ چىڭ گۇيميڭدى وزىمەن بىرگە جۇمىس ىستەۋگە ۇسىنىس ەتەدى. ”سول شاقتا ول ماعان جاردەم بەرمەگەن بولسا، مەنىڭ دە بۇگىنگى كۇنىم بولماس ەدى“.

  2017 - جىلى چىڭ گۇيميڭ ۇرىمجىگە كەلىپ، ءيۇسۇپتىڭ كاۋاپ دۇكەنىنىڭ جاۋاپتىسى بولادى. ءيۇسۇپ پەن سەرىكتەرىنىڭ ۇيرەتۋىمەن چىڭ گۇيميڭ تەز ارادا ەت شانشۋدى، كاۋاپ قاقتاۋدى، ءمانتى ءتۇيۋدى، سامسا پىسىرۋدى ۇيرەنىپ الادى. چىڭ گۇيميڭنىڭ كوڭىلىن ورنىقتىرىپ، تۇراقتاپ قالدىرۋ ءۇشىن، ءيۇسۇپ ءوزىنىڭ كوشىپ كەلىپ ورنالاسقان ءبىر ءۇيىن ونىڭ جاتىپ - تۇرۋىنا بەرەدى. كەلەسى جىلى چىڭ گۇيميڭنىڭ ايەلى دە ۇرىمجىگە كەلىپ، ءيۇسۇپ جاڭادان اشقان سامسا دۇكەنىنىڭ جاۋاپتىسى بولادى. ”ىشەر اس، جاتار ورىندى ءىنىم تۇگەلدەي قامداپ وتىر. جىل سايىن ەكەۋىمىز 100 مىڭ يۋان كىرىس تابامىز“.

  ”مەن جوق ۋاقىتتاردا ول ەكەۋى دۇكەندەردى شىپ - شىرعاسىن شىعارماي باسقارادى“.ءيۇسۇپ بىلاي دەدى: قارىزدارى قايتقاننان كەيىن، چىڭ گۇيميڭ مەن ايەلى ەكەۋى ۇرىمجىدە جالعاستى تۇراقتاپ قالۋ ويىندا بولسا، مەن تاعى دا ءبىر دۇكەن اشىپ، ولاردىڭ تيجارات جۇرگىزۋىنە بەرەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى