شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 7 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق دەنساۋلىق ساقتاۋ جانە سالاماتتىق كوميتەتىنەن ۇعىسۋعا قاراعاندا، بيىلعى ىندەتتەن ساقتانۋ - تىزگىندەۋدى ۇدايىلاندىرۋ سياقتى ەرەكشە جاعداي الدىندا، رايونىمىزداعى دەنساۋلىق ساقتاۋ جانە سالاماتتىق، وقۋ - اعارتۋ سياقتى تاراۋلار كۇنى بۇرىن ىسكە كىرىسىپ، جوعارى مەكتەپ ەمتيحانىن تاپسىرۋ الدىنداعى، ەمتيحان تاپسىرۋ بارىسىنداعى، ەمتيحان تاپسىرعاننان كەيىنگى بۋىندارعا مەڭزەس، جەر - جەردىڭ ءىس جۇزىندىگىمەن ۇشتاستىرىپ، ىندەتتەن ساقتانۋ - تىزگىندەۋ قىزمەتىن اتقارۋ جوباسىن جاساپ، ەڭ جوعارى ولشەم، ەڭ قاتاڭ شارا ارقىلى جوعارى مەكتەپ ەمتيحانىندا ىندەتتەن ساقتانۋ قىزمەتىن ويداعىداي ىستەپ، ”ساۋ - سالەمەت جوعارى مەكتەپ ەمتيحانىنا“ شىنايى كەپىلدىك ەتەدى ەكەن.
اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى شۇعىل جاعدايعا توتەپ بەرۋ كەڭسەسىنىڭ مەڭگەرۋشىسى حاي گۋاڭجيان بىلاي دەپ تانىستىردى: بيىل رايونىمىزداعى ەمتيحان تاپسىراتىن وقۋشىلار مەن ەمتيحان ىستەرى قىزمەتكەرلەرىنە ەمتيحان الدىنداعى 40 كۇندىك جابىق اينالىمدى قاتاڭ اتقاردى، اتاپ ايتقاندا، ەمتيحان تاپسىراتىن وقۋشىلار تىزىمدەلگەن اۋداندا، قالادا ۇيرەنەدى، تۇرمىس كەشىرەدى، اۋدان اۋماعىنان شىقپاي جوعارى مەكتەپ ەمتيحانىنا قاتىناسادى، سونداي - اق ەمتيحان تاپسىرۋ الدىندا قوس انتيدەنەلەر بويىنشا تەكسەرىلەدى، ولشەنەدى؛ ەمتيحان الدىنداعى 14 كۇندە ەمتيحان تاپسىرۋشىلار مەن ەمتيحان ىستەرى قىزمەتكەرلەرىنىڭ ءار كۇنى دەنساۋلىق جاعدايى باقىلانادى، ولشەنەدى، دەنە تەمپەراتۋراسى ولشەنەدى، ەستەلىككە الىنادى ءارى ىندەتتەن ساقتانۋ - تىزگىندەۋ ۋادەناماسىنا قول قويىپ، دەنساۋلىق احۋالى، قونىستانۋ تاريحى، ارالاسۋ تاريحى سياقتىلاردى شىنايى مالىمدەيدى؛ ءارقايسى ەمتيحان اۋماقتارى، ەمتيحان تۇيىندەرى ىندەتتەن ساقتانۋ - تىزگىندەۋ بەلگىلەمەسىنە قاتاڭ بويسۇنىپ، جەتكىلىكتى ساقتانۋ - تىزگىندەۋ جابدىقتارىن جانە زاتتىق ماتەريالدارىن سەپتەپ، دەنە تەمپەراتۋراسىن تەكسەرۋ - ولشەۋ ءتۇيىنىن، اۋاشالاۋ زاپاس ەمتيحان الاڭىن ورنالاستىرادى ءارى ىندەتتەن ساقتانۋ - تىزگىندەۋ بويىنشا شۇعىل جاعدايعا توتەپ بەرۋ جوباسىن ويداعىداي ىستەيدى.
حاي گۋاڭجيان بىلاي دەدى: ەمتيحان تۇيىندەرىندە لاپاس جانە دەنە تەمپەراتۋراسى قالىپسىزداردى قايتالاي تەكسەرۋ بولمەسى سياقتىلار ورنالاستىرىلادى، بارلىق ەمتيحان تاپسىرۋشىلاردىڭ، ەمتيحان قىزمەتكەرلەرىنىڭ دەنە تەمپەراتۋراسى 37.3 سەلتسي گرادۋستان تومەن بولسا ەمتيحان تۇيىنىنە كىرۋىنە بولادى، ءبىرىنشى رەت دەنە تەمپەراتۋراسىن ولشەۋدە تولىمدى بولماعانداردى لايىقتى دەمالعاننان كەيىن باسقا دا اسپاپتاردان نەمەسە باسقا دا تاسىلدەردەن پايدالانىپ تاعى ءبىر رەت ولشەيدى. تاعى دا تولىمدى بولماعانداردىڭ نەمەسە ەمتيحان كۇنى قىزۋ، جوتەلۋ سياقتى تىنىس جولى اۋرۋ جاعدايى بارلاردىڭ، ءسوز جوق، دەنساۋلىق ساقتاۋ، سالاماتتىق تاراۋلارىنىڭ ارناۋلى باعالاۋى ارقىلى ەمتيحانعا قالىپتى قاتىناسا الۋ - الماۋى تۇراقتاندىرىلادى، ەمتيحاندى جالعاستى تامامداۋ شارتىن ازىرلەگەن ەمتيحان تاپسىراتىن وقۋشىلار اۋاشالاۋ زاپاس ەمتيحان الاڭدارىندا ەمتيحان بەرەدى.
”مۇنان سىرت، دەنساۋلىق ساقتاۋ، سالاماتتىق تاراۋلارى تاعى ەمتيحان تاپسىراتىن وقۋشىلارعا، ەمتيحان قىزمەتكەرلەرىنە جانە اتا - انالارعا باعىتتاي وتىرىپ سالاماتتىق تاربيەسىن ورىستەتتى، سونىمەن بىرگە ەمتيحان تاپسىراتىن وقۋشىلاردا بايقالعان قوبالجۋ، ۋايىمداۋ سياقتى كوڭىل كۇيگە مەڭزەس، كەڭەس بەرۋ تەرەزەسىن جانە پسيحيكالىق كومەك بەرۋ ىستىق لەنياسىن اشىپ، ەمتيحان الدىنداعى پسيحيكالىق جەتەكتەۋ سياقتى قاتىستى قىزمەت وتەۋدى جاقسى ىستەدى“. حاي گۋاڭجيان سونىمەن بىرگە ەمتيحان تاپسىراتىن وقۋشىلاردىڭ اتا - اناسىنا ەمتيحان كەزىندە، ەمتيحان تاپسىراتىن وقۋشىلاردى جەتكىزگەن اتا - انالاردىڭ توپتالماي، ەمتيحان اۋماعىنان مۇمكىندىكتىڭ بارىنشا اۋاشا تۇرىپ، ەمتيحان تاپسىراتىن وقۋشىلارعا اناعۇرلىم تاماشا ەمتيحان ورتاسىن جاراتىپ بەرۋدى ەسكەرتتى.
