تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى ارناۋلى ءماجىلىس اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 4 - كۇنى ۇرىمجىدەن حابارلايدى. 7 - ايدىڭ 2 - كۇنى تۇستەن كەيىن اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى ارناۋلى ءماجىلىس اشىپ، اۆتونوميالى رايوندىق پارتكومنىڭ تالاپتارىن دايەكتىلەندىرىپ، تياناقتاندىرىپ، شەكارا وتكەلدەرىنىڭ ىندەتتەن ساقتانۋ - تىزگىندەۋ قىزمەتىن كۇشەيتۋ جونىندە قايتالاي ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى ءارى ءسوز سويلەدى.

  ءماجىلىس بىلاي دەپ اتاپ كورسەتتى: كەزەكتە شەكارا سىرتىندا ىندەت ۇزدىكسىز تارالۋدا، ىندەتتىڭ كىرۋىنەن ساقتانۋدىڭ قىسىمى مەن سايىسى ارتۋدا. ءارقايسى شەكارا وتكەلدەرى تۇرعان ايماقتىق، وبلىستىق، قالالىق پارتكومدار شەكارا وتكەلدەرىنىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جاۋاپكەرشىلىك سەزىمىن، كوكەي تەستىلىك سەزىمىن شىن مانىندە كۇشەيتىپ، سىرتتان كىرۋدەن ساقتانۋ سىندى وسى ارقاۋدى مىقتاپ شيراتىپ، ۇزاققا سوزىلاتىن شايقاس جۇرگىزۋگە، جويىمپاز شايقاس جۇرگىزۋگە تولىق دايىندالىپ، قاي - قاشان دا شايقاستىق كۇيدى، شايقاستىق وي - تولعامدى ساقتاپ، ءارقانداي سەلقوس يدەيادان، شايقاستان قاجۋ پيعىلىنان، باق سىناۋ پسيحولوگياسىنان، بوساڭسۋ كوڭىل كۇيىنەن باتىل ارىلىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىمەن بىرلىككە كەلتىرىپ، شەكارا وتكەلدەرىنىڭ ىندەتتەن ساقتانۋ - تىزگىندەۋ قىزمەتىن ۇدايىلاندىرۋدى باستان - اياق بايىپتىلىقپەن ويداعىداي يگەرىپ، ءتۇيىندى يگەرىپ، ساڭلاۋلاردى بىتەپ، ولقىلىقتاردى تولىقتاپ، ءالسىز تۇستاردى كۇشەيتىپ، ءتىپتى دە قاتاڭ، ءتىپتى دە ەگجەي - تەگجەيلى، ءتىپتى دە ناقتى شارالار ارقىلى ىندەتتىڭ شەكارا سىرتىنان كىرۋ حاۋىپ - قاتەرىن ەڭ تومەنگى شەككە تۇسىرۋگە قۇلشىنۋ كەرەك.

  ءماجىلىس مىنالاردى باسا دارىپتەدى: ىندەتتىڭ شەكارا سىرتىنان كىرۋىنەن ساقتانۋ كەزەكتەگى ىندەتتەن ساقتانۋ - تىزگىندەۋ قىزمەتىندەگى ەڭ ماڭىزدى ءتۇيىن، قۇرلىق شەكارا وتكەلى وسى قاتاڭ شايقاستى جەڭىستى جۇرگىزۋدىڭ باستى مايدانى. تالداۋ جاساۋدى، تۇجىرىمداۋدى كۇشەيتىپ، ساقتانۋ شارالارىن باعىتتامالى تۇردە كەمەلدەندىرۋ كەرەك. وتكەلدى الدىعا جىلجىتىپ، ادامداردى باسقارۋ - مەڭگەرۋدى كۇشەيتىپ، مۇلتىكسىز ۇشتاسقان باسقارۋ - مەڭگەرۋدىڭ تۇيىق اينالىمىن، قىزمەتتىڭ تۇيىق اينالىمىن قالىپتاستىرۋ كەرەك. تەكسەرۋ - ولشەۋ، قۇتقارۋ - ەمدەۋ قابىلەتىن جوعارىلاتىپ، دەر كەزىندە بايقاۋعا، جەدەل ءبىر جاقتى ەتۋگە، دالمە - ءدال باسقارۋ - مەڭگەرۋگە، ءونىمدى قۇتقارۋ - ەمدەۋگە كەپىلدىك ەتۋ كەرەك.

  ءماجىلىس مىنالاردى باسا دارىپتەدى: شەكارا وتكەلدەرى تۇرعان جەردەگى ايماقتىق، وبلىستىق، اۋداندىق، قالالىق پارتكومدار مەن قولباسشىلىق شتاپتارى قاراستى جەر جاۋاپكەرشىلىگىن جانە پارتكوم شۋجيلەرى ءبىرىنشى جاۋاپتى ادام جاۋاپكەرشىلىگىن شىن مانىندە اتقارۋ كەرەك. قاتىستى تاراۋلار جەرگىلىكتى پارتكومنىڭ ءبىر تۇتاس جوسپارلاپ ورنالاستىرۋىندا ”جابىق باسقارۋ - تىزگىندەۋدىڭ“ ساقتانۋ - تىزگىندەۋ شارالارىن ساپالىلاندىرىپ، كەمەلدەندىرىپ، قاتاڭ تياناقتاندىرىپ، قاتاڭ ساقتانىپ، قاتاڭ كۇزەتىپ، ىستەردى ءتۇن اسىرماي تىندىرىپ، شەكارا وتكەلدەرىنىڭ مۇلدە حاۋىپسىزدىگىنە شىنايى كەپىلدىك ەتۋ كەرەك. ”قايتالاي قاداعالاپ“، ولقىلىقتاردى، ساڭلاۋلاردى ىشكەرىلەي ءبىر - بىرلەپ تەكسەرىپ، تۇرلىشە اتتانىسقا كەلۋ دارەجەسىندەگى شۇعىل جاعدايعا توتەپ بەرۋ جوباسى جۇيەسىن كەمەلدەندىرىپ، ناقتى شايقاستىق جاتتىعۋدى كۇشەيتىپ، ءونىمدى بايقاۋ، تۇرلەرگە ءبولىپ ءبىر جاقتى ەتۋ قابىلەتىن ۇزبەي جوعارىلاتىپ، توسىن وقيعالاردىڭ بارلىعىنىڭ مەجەدە بولۋىن، توتەپ بەرۋ تاكتيكالارىنىڭ تۇگەل مەڭگەرۋ كولەمىندە بولۋىن جۇزەگە اسىرۋعا قۇلشىنۋ كەرەك.

  ىلە قازاق اۆتونوميالى وبلىسى، قىزىلسۋ قىرعىز اۆتونوميالى وبلىسى جەكە - جەكە شەكارا وتكەلدەرىنىڭ ىندەتتەن ساقتانۋ - تىزگىندەۋ قىزمەتى جاعدايىن تانىستىردى.

  اۆتونوميالى رايون باسشىلارىنان جاڭ چۇنلين، ۋاڭ ميڭشان، ماڭلىك سەيىت، ليۋ جيانشين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.