شينحۋا اگەنتتىگىنىڭ 7 - ايدىڭ 4 - كۇنى ۇرىمجىدەن بەرگەن حابارى (ءتىلشى گاۋ حان). 7 - ايدىڭ 4 - كۇنى قاشقار ايماقتىق ونەركاسىپ جانە ينفورماتسيالاندىرۋ مەكەمەسىنەن ۇعىسۋىمىزشا، شينجياڭداعى تەڭىز دەڭگەيىنەن ەڭ جوعارى اۋدان − تاشقورعان تاجىك اۆتونوميالى اۋدانىنىڭ بارلىق اكىمشىلىك قىستاقتارىنداعى شارۋا وتباسىلارىنا جۋىقتا وپتيكالىق تالشىق جالعانعان، سونىمەن قاشقار ايماعىنىڭ بارلىق اكىمشىلىك قىستاقتارىنداعى وتباسىلارىنا وپتيكالىق تالشىق جالعانىپ، راديو - تەلەۆيزيامەن جاپپاي قامتىلعان.
تاشقورعان پامير ءۇستىرتىنىڭ شىعىس بولىگىندە، تەڭىز دەڭگەيىنەن ورتاشا بيىكتىگى 4000 مەتردەن اسادى، قاشقار ايماعىنداعى وپتيكالىق تالشىق ەڭ سوڭىنان جالعانعان اۋدان. ۇزاق ۋاقىتتان بەرى، جاراتىلىستىق ورتانىڭ شەكتەمەسىنە ۇشىراۋدان وپتيكالىق تالشىقتى وتباسىلارىنا جەتكىزۋ ينجەنەرياسىنىڭ قيىندىعى زور بولىپ، سول جەردەگى شەت، شالعاي تاۋلى قىستاقتاردىڭ سىرتپەن بايلانىس جاسايتىن ”ينفورماتسيا ارناسىنىڭ“ ساپاسى ناشار بولىپ كەلگەن بولاتىن.
وپتيكالىق تالشىقتى وتباسىلارىنا جەتكىزۋ ينجەنەرياسى تاشقورعاننىڭ تاۋلى وڭىرلەرىندەگى 5200دەن استام تۇرعىننىڭ اناعۇرلىم كوپ راديو - تەلەۆيزيا باعدارلامالارىن تىڭداۋ، كورۋ جانە سىرتپەن جوعارى ءونىمدى بايلانىس جاساۋ قاجەتىن قاناعاتتاندىرىپ، كەدەيلىكتەن ارىلتۋدان قامال الۋ ساپاسىن جوعارىلاتىپ، ەگىنشى - مالشىلاردىڭ رۋحاني مادەنيەت تۇرمىسىن بايىتتى.
دولاتبەك وشۇر ۋەچە اۋىلىنىڭ كۇنجۇزى قىستاعىندا تۇرادى، قىستاق ءۇستىرت - سۋىق وڭىرگە ورنالاسقان، ءبىرشاما شالعايدا، جەرى كەڭ، ادامى سيرەك، اۋدان قالاشىعىنان شامامەن 80 كيلومەتر شالعايدا، حابارلاسۋدىڭ، ينفورماتسيا الىسۋدىڭ توماعا تۇيىقتىعى قىستاق تۇرعىندارىنىڭ كەدەيلىكتەن ارىلىپ، بايۋىنا تۇساۋ بولعان كەدەرگىلەردىڭ ءبىرى ەدى. ”ۇيىمدەگى 50 مەگالىق كەڭ جولاقتى بەلدەۋ ارقىلى ينتەرنەتكە شىعۋمەن بىرگە، سيفرلى تەلەۆيزور كورە الامىن، ءار ايلىق جيناقتاما اقىسى 30 يۋانعا دا جەتپەيدى“، - دەدى دولاتبەك وشۇر.