تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ءۇي ماڭىندا ”ارمان زاۆودى“ بار

اقتاۋ اۋدانى بارىن اۋىلىنىڭ ناقتى جاتتىعۋ بازاسى جۇمىستانۋدى جەبەدى

ءۇي ماڭىندا ”ارمان زاۆودى“ بار

شينجياڭ گازەتىنىڭ جالپىلىق اقپارات قۇرالدارى تىلشىلەرى جيڭ بو، ءپاريزات ابدۇل، زوۋ ي، ان شىيۇي، يىن تۇڭيۋان

  6 - ايدىڭ 18 - كۇنى جۇمىسشىلار اقتاۋ اۋدانى بارىن اۋىلىنىڭ شارۋاشىلىق قۇرۋ، جۇمىستانۋ ناقتى جاتتىعۋ بازاسىنىڭ كەدەيلەردى سۇيەمەلدەۋ سەحىندا ەلەكتروندى ونىمدەردىڭ تۇلعالىق بولشەكتەرى مەن ۇساق بولشەكتەرىن جاساۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  6 - ايدىڭ 18 - كۇنى اقتاۋ اۋدانى بارىن اۋىلى شارۋاشىلىق قۇرۋ، جۇمىستاندىرۋ ناقتى جاتتىعۋ بازاسىنداعى ءبىر ەلەكتروندى عىلىم - تەحنيكا سەرىكتەستىگى سەحىندا ايەل جۇمىسشىلاردىڭ شەبەر قولىمەن، مىس سىمدار ءبىر - ءبىر ورامعا اينالىپ جاتىر. ”تاماعىمىز جاقسى، كىرىسىمىز جوعارى، ونىڭ ۇستىنە تەحنيكا ۇيرەنۋدەمىز، مۇندا ىستەگەن قىزمەتىمىز كوڭىلدى - اق“. تۇسكى اس الەتىندە ايەل جۇمىسشى اۋانيسا ناسىر تىلشىگە قۋانىشتى تۇردە وسىلاي دەدى. بۇل ناقتى جاتتىعۋ بازاسىنا قازىر 6 كاسىپورىن ىرگە تەۋىپ، 465 ادامدى جۇمىستاندىرىپ وتىر، مۇنىڭ ىشىندە كەدەي وتباسىلاردان 343 ادام بار. بۇرىن ەگىن ەگۋمەن، مال باعۋمەن شۇعىلدانعان وسى قىستاق تۇرعىندارى قازىر زاۆودتارداعى شەبەرلەرگە اينالدى.

كىرىستى تىلگە تيەك ەتتى: قوس قولىمىزبەن باقىت جاراتامىز

  ”باقىت قوس قول ارقىلى جاراتىلادى“. 23 جاستاعى جانارقىز روزى ۇنەمى وسى سوزبەن ءوزىن شابىتتاندىرىپ كەلەدى. ورتالاۋ مەكتەپتى تاۋىسقاننان كەيىن، ول ۇيىندە ەگىس جۇمىستارىمەن اينالىستى، بارىن اۋىلى اشقان ناقتى جاتتىعۋ بازاسى ونىڭ تۇرمىسىندا بۇرىلىس تۋدىردى.

  ناقتى جاتتىعۋ بازاسى ”كاسىپورىن + شارۋا وتباسى“ سىندى دامۋ ۇلگىسى بويىنشا جۇمىسشى ىستەتۋ مولشەرى جوعارى كاسىپورىنداردى اۋىل - قىستاقتارعا كەلىپ زاۆود قۇرۋعا باۋراپ، ءار ۇلت بۇقاراسىن جاقىن ماڭدا جۇمىستانۋعا جەبەپ، كەدەيلىكتەن ارىلىپ كىرىستى ارتتىرۋدى جۇزەگە اسىردى.

  وسى ەلەكتروندى عىلىم - تەحنيكا سەرىكتەستىگىندە ىستەگەن ءبىر جىلدان استام ۋاقىتتا، جانارقىز تالپىنىسىنىڭ، تاباندىلىعىنىڭ جانە قۇلشىنىسىنىڭ قارىمجىسىنا يە بولدى، قازىر ول گرۋپپا باستىعى، ەڭبەكاقىسى دا نەداۋىر كوبەيدى.

  ”مەن قازىر ۇيدەن اقشا سۇرامايتىن بولدىم، اۋەلى، اتا - اناما اقشا بەرەمىن، ولار قۋانىپ ءماز - ءمايرام بولادى“. جانار قىز كۇلىمسىرەپ بىلاي دەدى: ”وسى اراعا قىزمەتكە كەلەمىن، ەلەكترسيكل ءمىنىپ ون نەشە مينۋتتا ۇيگە جەتىپ بارامىن، اتا - اناما قارايلاسۋىما دا قولايلى. قىزمەت ىستەگەن ءبىر جىلدان استام ۋاقىتتا، ون نەشە مىڭ يۋان امانات اقشا قويدىم، وزىمە دە ءبىرتالاي القا - مونشاق، ەڭلىك بۇيىمدار مەن كيىم - كەشەك ساتىپ الدىم“.

  اقتاۋ اۋداندىق كەدەيلەردى سۇيەمەلدەۋ، وركەندەتۋ كەڭسەسىنىڭ مەڭگەرۋشىسى ۋاڭ چيڭيۇڭ تىلشىگە تۇتاس اۋدان بويىنشا 22 كەدەيلەردى سۇيەمەلدەۋ سەحىنىڭ ”باقشا رايونى زاۆودى + اۋماقتاعى زاۆود + قىستاق اشقان زاۆود“ ۇلگىسى ارقىلى شارۋالاردى كاسىپ سالاسى جۇمىسشىلارىنا اينالدىرىپ، كىرىستى ورنىقتى ارتتىرۋدى جۇزەگە اسىرعاندىعىن ايتتى.

  كەدەيلەردى سۇيەمەلدەۋ سەحىندا قىزمەت ىستەيتىن كەدەي بۇقارا بارعان سايىن كوبەيىپ، ”ءبىر ادام جۇمىستانسا، تۇتاس وتباسى كەدەيلىكتەن ارىلۋدى“ جۇزەگە اسىرىپ قالماستان، وزدەرىنە دە سەنىمى ارتىپ، كوڭىلدەرى بولاشاققا دەگەن سەنىمگە تولدى.

باۋلۋدى تىلگە الدى: بويعا ونەر دارىدى

  2017 - جىلى ورگۇل تۇرسۇننىڭ وتباسى بارىن اۋىلى قورعان قىستاعىنداعى كەدەي وتباسى بولاتىن. ماڭىنداعى كورشىلەرىنىڭ تۇرمىسىنىڭ بارعان سايىن جاقسارعانىن، ال ءوز ۇيىندە ءبىردى - بىرگە جەتكىزە الماي، مۇزداتقىش، كىر جۋعىش الا الماي وتىرعانىن كورگەن ورگۇلدىڭ ىشتەي كوڭىلى جاي تاپپايدى. ءۇيىنىڭ الدىندا اشىلعان كەدەيلەردى سۇيەمەلدەۋ سەحى ورگۇلگە كەدەيلىكتەن ارىلىپ بايۋ ءۇمىتىن سيلادى، ول ءارى - ءسارى بولماستان، اۋىلداعى تەحنيكالىق باۋلۋ كۋرسىنا قاتىناسۋعا تىزىمدەلدى.

  شارۋالار جۇمىسشىعا اينالدى، سەحتار ساباقحانا بولدى. ”جۇمىسقا تۇسكەن جۇمىسشىلاردىڭ بارلىعى الدىمەن جارتى ايلىق تەحنيكالىق باۋلۋعا قاتىناسۋى كەرەك“. بارىن اۋىلىنىڭ ورىنباسار باستىعى جاڭ بو: ”ونەرى بولعان سوڭ، ورنىقتى جۇمىستانۋعا نەگىز قالانادى“، - دەدى.

  2019 - جىلى 7 - ايدا باۋلۋدا تولىمدى بولعان ورگۇل ارمانى ىسكە اسىپ، اقتاۋ اۋدانىنداعى ءبىر ەلەكتر سەرىكتەستىگىنىڭ قىزمەتكەرىنە اينالدى. ءوز الدىنا ەكونوميكالىق كىرىس تاپقاننان كەيىن ول وتباسىنىڭ ”جارتى الەمى“ بولدى. ”مەن ۇيگە كىرجۋعىش، تەلەۆيزور الىپ بەردىم، اكە - شەشەمە دە اقشا بەردىم، بالامنىڭ باۋلۋ قاراجاتىن تولەدىم...“ دەپ ەسەپتەپ شىقتى ورگۇل ساۋساقتارىن بۇگىپ.

  جۇمىستاندىرۋ تەحنيكاسىنا باۋلۋ كەدەي بۇقارانىڭ كەدەيلىكتەن ارىلۋ جولىنداعى قادامىن ونان ارى نىق باستىردى. ءتىلشى اقتاۋ اۋدانىنىڭ اۋىل شارۋاشىلىعى، اۋىل شارۋاشىلىعى ماشينالارى، ايەلدەر بىرلەستىگى، كاسىپتىك ورتا مەكتەپ (تەحنيكالىق مەكتەپ) سياقتى باۋلۋ بايلىقتارىن بىرىكتىرىپ، كاسىپورىننىڭ، باۋلۋ قۇرىلىمدارىنىڭ رولىن ساۋلەلەندىرىپ، شوعىرلى باۋلۋ مەن بىتىراندى باۋلۋدى ءوزارا ۇشتاستىرۋ ءتاسىلىن قولدانىپ، زاپاس فورماداعى قىزمەتتىك تەحنيكالىق باۋلۋىن، كاسىپورىنداردىڭ زاكاز بەرۋ فورماسىنداعى، جۇمىس ورنىن تۇراقتاندىرۋ فورماسىنداعى باۋلۋىن جانە جۇمىستاندىرۋعا جەتەكشىلىك ەتۋ باۋلۋىن كۇش سالا ورىستەتىپ، بيىل جالپى 13 مىڭ ادام - رەت ەڭبەككۇش باۋلىعاندىعىن ۇعىستى.

دامۋ جولىن قاراستىردى: ىشكى قوزعاۋشى كۇشتى جانداندىردى

  ”قاسىمداعى دوستارىمنىڭ، كورشىلەردىڭ سىرتقا شىعىپ جۇمىس ىستەپ اقشا تاپقانىن، ولاردىڭ كۇننەن - كۇنگە رۋحتانىپ، تۇرمىستارىنىڭ كۇن سايىن جاقسارعانىن كورىپ، مەنىڭ دە سولارداي بولعىم كەلدى“. رۇقيام ياسىن ەرتەدەن - اق وسىنداي بەكىمگە كەلگەن بولاتىن.

  كەدەي بولساڭ دا جىگەرىڭدى مۇقالتپا، كەدەيلەردى سۇيەمەلدەۋدە، ءسوز جوق، الدىمەن جىگەر - قايرات جاعىنان سۇيەمەلدەۋ كەرەك. اقتاۋ اۋدانى ءتۇرلى اقپارات قۇرالدارى تۇعىرلارىنان، ءار دارەجەلى ۇگىت - لەكسيا كۇشتەرىنەن كەڭىنەن پايدالانىپ، پارتيانىڭ كەدەيلىكتەن ارىلتۋ ساياساتىن، كەدەيلەردى سۇيەمەلدەۋ بىلىمدەرىن، كەدەيلىكتى ازايتۋ حيكايالارىن بۇقاراعا ايتىپ بەرىپ، كەدەي بۇقارانى وزدەرىنىڭ قوس قولدارىنا سۇيەنىپ، ”كەدەيلىكتىڭ تامىرىنا بالتا شاۋىپ“، ”كەدەيلىك قالپاعىن لاقتىرۋعا“ باستادى.

  رۇقيامنىڭ سەنىمى مەن قوزعاۋشى كۇشى تالاي رەتكى ۇگىت - لەكسيا بارىسىندا بىرتىندەپ بەكىدى. 2019 - جىلى 8 - ايدا زاۆودتا قىزمەت ىستەگەننەن كەيىن، قىسقا عانا بىرنەشە ايدا ول ىسىلعان جۇمىسشىعا اينالىپ شىعا كەلدى.

  ءجىپ وراۋ ىستەي كەلە پىسىپ - جەتىلەتىن قىزمەت، ”مەن قازىر باستاپقى كەزگە قاراعاندا بىرنەشە ون يۋان اقشانى كوپ تابامىن“. رۇقيام سەنىممەن ”قۇلشىنىس ارقىلى باقىتتى تۇرمىسقا كۇرەسپەن جەتۋگە بولادى“، - دەدى.

  كەدەيلەردى سۇيەمەلدەۋ سەحىنان شىققان كۇلكى ءوز الدىنا ەكونوميكالىق كىرىس تاپقاننان كەيىنگى وزىنە دەگەن ماقتانىش سەزىمىنەن باستاۋ العان، كەلەشەك تۇرمىسقا دەگەن تىلەكتەن دە تۋىنداعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.