شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى. 7 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ موڭعۇليا حالىق پارتياسىنىڭ ءتوراعاسى، ۇكىمەت زۇڭليى كۇرۇلسۇككە سالەم حات جولدادى.
شي جينپيڭ مىنالاردى ءبىلدىردى: جۇڭگو مەن موڭعۇليا تاۋ - سۋى جالعاسقان دوس كورشى ەلدەر. جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، جۇڭگو مەن موڭعۇليا ىندەتكە قارسى اتتانۋ سەلبەستىگىن تىعىز ورىستەتىپ، ءوزارا قارايلاسىپ، ءبىر - بىرىنە كومەكتەسەتىن، ۋاقىتتىق قيىندىقتى بىرگە جەڭەتىن تەرەڭ سۇيىسپەنشىلىكتى تولىق ايگىلەدى. ءتوراعا مىرزا جۇڭگو جاقتىڭ الەمدىك ىندەتكە قارسى اتتانۋعا قوسقان ۇلەسىن جوعارى باعالادى. جۇڭگو جاق موڭعۇليانى قامتىعان دۇنيە جۇزىندەگى ءار ەلمەن ىندەتكە قارسى اتتانۋ اۋىس - كۇيىسىن، سەلبەستىگىن كۇشەيتۋدى، ادامزاتتىڭ دەنساۋلىق ساقتاۋ ورتاق تۇلعاسىن بىرگە قۇرۋدى قالايدى.
مەن موڭعۇليا حالىق پارتياسىنىڭ جانە ۇكىمەتىنىڭ، سونداي - اق قوعامداعى ءار سالانىڭ بىرگە قۇلشىنۋىندا، موڭعۇليانىڭ ىندەتتەن ساقتانۋ - تىزگىندەۋدە كورنەكتى ناتيجەگە قول جەتكىزگەندىگىن، ەكونوميكاسىنىڭ، قوعامىنىڭ ورنىقتى دامىعاندىعىن، جۋىقتا تاعى پارلامەنت سايلاۋىن ءساتتى وتكىزگەندىگىن قۋانىشپەن كورىپ وتىرمىن.
تاياۋدا ءتوراعا مىرزا جۇڭگو كوممۋنيستىك پارتياسى قۇرىلعاندىعىنىڭ 99 جىلدىعى بايلانىسىمەن ارنايى تۇردە ماعان حات جولداپ، ءوزىڭىزدىڭ جانە موڭعۇليا حالىق پارتياسىنىڭ جۇڭگو - موڭعۇليا ەكى ەل پارتياسىنىڭ، ەكى ەلدىڭ قارىم - قاتىناسىنا ايرىقشا ءمان بەرەتىندىكتەرىڭىزدى تولىق ايگىلەدىڭىزدەر. جۇڭگو كوممۋنيستىك پارتياسى موڭعۇليا حالىق پارتياسىمەن ءار دارەجەدەگى، ءار سالاداعى اۋىس - كۇيىس پەن سەلبەستىكتى كۇشەيتۋدى، جۇڭگو - موڭعۇليا جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىنە جەتەكشىلىك ەتىپ، ءوڭىردىڭ بەيبىتشىلىگى مەن گۇلدەنۋى ءۇشىن ءتيىستى ۇلەس قوسۋدى قالايدى.
كۇرۇلسۇك وسىنىڭ الدىندا شي جينپيڭگە جولداعان حاتىندا مىنالاردى ءبىلدىردى: جۇڭگو كوممۋنيستىك پارتياسىنىڭ قاجىماي قۇلشىنۋىندا، جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە تابىستى توتەپ بەرىپ، ءوز حالقىنىڭ دەنساۋلىعىنىڭ حاۋىپسىزدىگىن پارمەندى قورعاپ قالماستان، دۇنيە ءجۇزى حالقىنىڭ دەنساۋلىعىن قورعاۋعا دا وراسان زور ۇلەس قوستى، مەن بۇعان ايرىقشا سۇيىنەمىن.
سوڭعى جىلدارى ەكى پارتيانىڭ اۋىس - كۇيىس، سەلبەستىك ەسكەرتپە حاتى اياسىندا، موڭعۇليا حالىق پارتياسى مەن جۇڭگو كوممۋنيستىك پارتياسى ەكى جاقتىڭ ءار دارەجەدەگى سەلبەستىكتەرىنىڭ تىڭ ساتىعا كوتەرىلۋىن تابىستى ىلگەرىلەتتى، مەن بۇعان قۋانىشتىمىن. ءبىزدىڭ ەكى پارتيانىڭ سەلبەستىك جەتىستىكتەرىن ونان ارى بەكەمدەپ، موڭعۇليا - جۇڭگو ەكى ەل قارىم - قاتىناسىنىڭ ۇزدىكسىز تەرەڭدەي دامۋىن ىلگەرىلەتىپ، گۇلدەنۋگە، قۇدىرەتتەنۋگە بىرگە قادام تاستايتىندىعىمىزعا سەنەمىن.
