بۇركىتتى قولدا بۋلۋ سالتى قىرعىز ۇلتىنىڭ ۇزاق ۋاقىتتان بەرى قالىپتاسقان ءوندىرىس - تۇرمىس سالتى. شينجياڭ قىزىلسۋ قىرعىز اۆتونوميالى وبلىسى اقشي اۋدانى يارانشى قىستاعىنداعى قۇرماش قۇتىمان ۇلى بيىل 69 جاستا ەدى، ول مەملەكەت دارەجەلى بەيزاتتىق مادەني مۇرالاردىڭ ۋاكىلدىك نىسانى بۇركىت باۋلۋ سالتىنىڭ ۋاكىلدىك مۇراگەرى.
قۇرماشتىڭ اۋلەتى ۇرپاقتار بويى بۇركىت باۋلۋدى جالعاستىرىپ كەلەدى. قارشادايىنان بۇركىت باۋلىعان قۇرماش اتى زاتىنا ساي ”قۇسبەگى“ بولىپ شىعادى. تاعى بۇركىتتى قولعا باۋلۋ وڭاي جۇمىس ەمەس، قۇسبەگى بۇركىتتى قولعا قولعا العاندا كوبىرەك زەيىن سالىپ، مۇقيات باعىپ ءوسىرۋى قاجەت. بۇركىت باۋلۋ ونەرىن ۇرپاقتار بويى جالعاستىرىپ كەلە جاتقان قۇسبەگىلەر اراسىندا اۋىزدان - اۋىزعا تارالىپ، بالاپانىن الۋ، ىرعاققا وتىرعىزۋ، بۇركىت قايرۋ، بۇركىت سالۋ سياقتىلاردى قامتىعان كەرەمەت ءىلىم قالىپتاستى. ”بۇركىت — سەزگىر جانۋار، جاقسىلىقتى بىلەدى. قاۋىرسىنىن قوزعالتۋ ارقىلى قۋانىشىن، سىزگە دەگەن ماحابباتىن بىلدىرەدى“،- دەدى قۇرماش. ”بۇركىت تە مەنىڭ ماقتاعانىمدى ءبىلىپ، داۋىس شىعارىپ، دەنە يشاراتى ارقىلى ءسوزىمدى تۇسىنگەنىن بىلدىرەدى“.
قىرعىز ۇلتىنىڭ بۇركىت باۋلۋ داستۇرىندە بۇركىت يەسىنە 1 دە 5 جىل ”قولعانات“ بولعاننان كەيىن، تابيعاتىنا ورالىپ، بوستاندىققا يە بولادى. جابايى حايۋانداردى قورعاۋعا قاتىستى زاڭ ەرەجەلەردىڭ شىعارىلۋىنا بايلانىستى، جەرگىلىكتى ورىندار دا قۇسبەگىلەردىڭ بالاپان الىپ، بۇركىت ۇستاۋىنا تيىم سالىندى، قازىر قولعا ۇيرەتىلگەن بۇركىت تابيعاتقا قويا بەرىلگەننەن كەيىن، بۇدان بىلاي بۇل ونەردى جالعاستىرۋشىلار دا جوق بولۋى مۇمكىن، بالكىم، قۇرماش سەكىلدى بۇل ۇرپاق بۇركىت باۋلۋشىلاردىڭ ەڭ سوڭعى ”قۇسبەگىگە“ اينالار.
6 - ايدىڭ 29 - كۇنى، قۇرماش قۇتىمان (وڭدا) شاكىرتتەرىنە بۇركىتىن كورسەتتى. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
6- ايدىڭ 29 - كۇنى، قۇرماش قۇتىمان جايىلىمدا شاكىرتتەرىمەن بىرگە اينالا وتىرىپ بۇركىت ۇيرەتۋ ونەرى جونىندە اڭگىمەلەستى. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
6 - ايدىڭ 29 - كۇنى، قۇرماش قۇتىمان (وڭدا) شاكىرتىمەن بىرگە بۇركىتتەرىن الىپ ساياتقا شىقتى. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
6 - ايدىڭ 29 - كۇنى، قۇرماش قۇتىماننىڭ شاكىرتى قۇرماشتىڭ ۇيىندە بۇركىت باۋلۋ ونەرى جونىندە اڭگىمەلەستى. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
6 - ايدىڭ 27 - كۇنى، قۇرماش قۇتىمان بۇركىتتىڭ توماعاسىن الدى. قۇسبەگىلەر جايشىلىقتا بۇركىتكە توماعا تاعادى، ادەتتە بۇركىت تاماقتاناتىن كەزدە، اڭ اۋلايتىن كەزىندە عانا توماعاسىن الادى. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
6 - ايدىڭ 29 - كۇنى، قۇرماش قۇتىمان ۇيىندە بۇركىتىنە جاس قوي ەتىن جەگىزۋدە. شينحۋا اگەنتتىگىنىڭ ءتىلشىسى سۇڭ يەنحۋا فوتوسى
