تيانشان تورى   ›   جاڭالىقتار   ›   ءۇرىمجى

ءۇرىمجى قالاسى نەگىزگى قالا اۋماعىندا 5G تور جەلىسىنىڭ تۇتاسىپ جاپپاي قامتۋى نەگىزىنەن جۇزەگە استى

  شينحۋا اگەنتتىگىنىڭ 7 - ايدىڭ 5 - كۇنى ۇرىمجىدەن بەرگەن حابارى (تىلشىلەر جاڭ شياۋلۇڭ، جاۋ گى). قالانىڭ وڭتۇستىگىنەن سولتۇستىگىنە دەيىن، اۋەجايدان جوعارى قارقىندى تەمىر جول ۆوكزالىنا دەيىن، بيىلدان بەرى، نەشە مىڭداعان 5G بازالىق ستانسياسىنىڭ ىسكە قوسىلۋىنا ىلەسە، ءۇرىمجى قالاسىنىڭ نەگىزگى قالا اۋماعىندا 5G تور جەلىسىنىڭ تۇتاسىپ جاپپاي قامتۋى نەگىزىنەن جۇزەگە استى.

  ءتىلشىنىڭ 7 - ايدىڭ 5 - كۇنى شينجياڭ حابارلاسۋدى باسقارۋ مەكەمەسىنەن ۇعىسۋىنشا، 6 - ايدىڭ 30 - كۇنىنە دەيىن، ءۇرىمجى قالاسىندا 5G بازالىق ستانسياسىنان 2379ى سالىنعان، مۇنىڭ ىشىندە، بيىل سالىنعان 5G بازالىق ستانسياسى 1861 بولعان. قازىر تەمىر جول مەكەمەسى ساۋدا شەڭبەرى، دوستىق ساۋدا شەڭبەرى، شياۋشيگوۋ ساۋدا شەڭبەرى، جۇڭشان جولى ساۋدا شەڭبەرى، حۋاڭحى جولى ساۋدا شەڭبەرى، ميدۇڭ ساۋدا شەڭبەرى، نانحۋ ساۋدا شەڭبەرى، اۋەجاي جولى بويى، جوعارى قارقىندى تەمىر جول بويى سياقتى ادام لەگى ءبىرشاما زور ساۋدالىق اۋماقتاردا، سونداي - اق نەگىزگى قالا اۋماعىندا 5G تور جەلىسىنىڭ تۇتاسىپ جاپپاي قامتۋى نەگىزىنەن جۇزەگە استى.

  ”نەگىزگى قالا اۋماعىنىڭ بارلىق جەرىنەن 5G تور جەلىسى سيگنالىن نەگىزىنەن تۇگەلدەي تاۋىپ الۋعا بولادى“، - دەدى جۇڭگو جىلجىمالى حابارلاسۋ شينجياڭ سەرىكتەستىگى ءۇرىمجى قالاسى بولىمشە سەرىكتەستىگى ينجەنەريا قۇرىلىسى ورتالىعىنىڭ نىسان ديرەكتورى باي تاۋ، - ”ىندەتتىڭ ىقپالى سەبەبىنەن، بيىلعى قۇرىلىس جۇرگىزۋ ۋاقىتى بۇرىنعى جىلدارداعىدان ءسال جاي بولدى، دەسەدە قۇرىلىستىڭ قارقىنى بۇرىنعى جىلدارداعىدان باياۋ بولعان جوق . بولىمشە سەرىكتەستىك 38 كۇن ۋاقىتتا 5G بازالىق ستانسياسىنان 902سىن اشتى. تەك 4 - ايدىڭ وزىندە 700 بازالىق ستانسيا سالىندى“.

  2019 - جىلى جۇڭگو تەلەگراف، جۇڭگو جىلجىمالى حابارلاسۋ، جۇڭگو بىرىككەن حابارلاسۋ سىندى 3 نەگىزدىك تەلەگراف كاسىپورنى جيىنى 126 ميلليون يۋان قارجى قوسىپ، 5G بازالىق ستانسياسىنان 518ىن سالدى. سول جىلى 10 - ايدىڭ 31 - كۇنى، ءۇرىمجى ەل ىشىندەگى تۇڭعىش توپتاعى 5G تور جەلىسى ساۋدالىق قولدانىسقا تۇسكەن 50 قالانىڭ ءبىرى رەتىندە، 5G ساۋدالىق قىزمەت وتەۋىن رەسمي باستادى.

  جۇڭگو جىلجىمالى حابارلاسۋ سەرىكتەستىگىنىڭ ءۇرىمجى قالاسى جاڭا قالا رايونى بەيجيڭ جولىنداعى ءبىر تيجارات زالىندا، ديرەكتور جاڭ لي تىلشىگە بىلاي دەدى: 5G جۇمىسى العاش ىسكە قوسىلعان كەزدە، بۇل تيجارات زالىنىڭ 5G جيناقتاماسىنان 20 جۇمىس ىستەلدى، بيىل 4 - ايدان بەرى، 5G جيناقتاما جۇمىسىنىڭ ىستەلۋ مولشەرى ورتا ەسەپپەن كۇنىنە 50دەن اينالدى.

  حابارلاسۋدى باسقارۋ تاراۋىنىڭ ساناعىنا نەگىزدەلگەندە، ءۇرىمجى قالاسىنداعى 5G ابونتتارىنىڭ سانى 234 مىڭ 300گە جەتكەن.

  ءۇرىمجى قالاسىنىڭ سولتۇستىگىندەگى گۇلدەنگەن تەمىر جول مەكەمەسى ساۋدا شەڭبەرىندە، ەلىمىزدە وندىرىلگەن قول تەلەفوندار ارنايى سورەسىنىڭ ساتۋشىسى شا حاۋدىڭ كۇنىنە ساتاتىن 10 قول تەلەفونىنىڭ 6سى 5G قول تەلەفونى.

  5G ”قول تەلەفونىنىڭ باعاسى تاعى دا ارزانداپ، جيناقتاما اقىسىنىڭ تيىمدىلىك سەرپىنى ءتىپتى دە زورايسا، 5G ابونتتارى، ءسوزسىز، بارعان سايىن كوبەيەدى“، - دەدى شا حاۋ.

  مۇنان سىرت، كوپتەگەن نەگىزدىك تەلەگراف كاسىپورىندارىنىڭ قىزمەتكەرلەرىنىڭ تانىستىرۋىنشا، ءۇرىمجى قالاسىنداعى كەيبىر كاسىپورىندار مەن ورىندار 5G تور جەلىسىن ەلەكتر كۇشىن تەكسەرۋ - رەمونتتاۋ، الىس ارالىقتان ەمدەۋ، كومىر كەن قازۋ سياقتى سالالاردا قولدانۋعا ىزدەنىس جاساي باستاپتى.

  بيىل 4 - ايدا باسىپ تاراتىلعان «شينجياڭ ۇيعۇر اۆتونوميالى رايونىنىڭ 5G تور جەلىسى قۇرىلىسىنىڭ دامۋىن ىلگەرىلەتۋدى اتقارۋ جوباسىندا» ءۇرىمجى قالاسىن جانە ءارقايسى ايماق (وبلىس، قالا) تۇرعان قالالاردى وزەك ەتە وتىرىپ بۇكىل شينجياڭدا 5Gدى قولدانۋدى جەبەۋ، ونەركاسىپتە، ساياحات كاسىبىندە 5G تور جەلىسىن الدىمەن سالۋ جانە پايدالانۋ، نازاردى ونەركاسىپ باقشا رايوندارى مەن 3Aدان جوعارى ساياحات كورىنىس وڭىرلەرىنىڭ ساياحاتشىلار شوعىرلى الاپتارىن 5G قۇرىلىسىنىڭ قولدانىلۋىمەن تەرەڭ توعىستىرۋعا شوعىرلاندىرىپ، 5Gدى قولدانۋ ورىندارى مەن قولدانۋ سالاسىن كەڭەيتۋ ارقىلى، 5G تور جەلىسىنىڭ بۇكىل شينجياڭداعى قۇرىلىسىن بىرتىندەپ كەڭەيتە جايىپ، سيفرلى ەكونوميكانىڭ جاڭا كاسىپ سالاسىن، جاڭا كاسىپ كۇيىن بەلسەندىلىكپەن جەتىلدىرۋ العا قويىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ