بەيجيڭ قالاسى كومەكتەسىپ سالعان حوتان قالاسى شورباق اۋىلى تومەنشورباق قىستاعى ٴۇمىت باستاۋىش مەكتەبىندەگى شاتتىققا شومعان بالالار (2019-جىلى 6-ايدىڭ 13-كۇنى سۋرەتكە ٴتۇسىرىلدى). سۋرەتتى بەيجيڭ قالالىق شينجياڭعا باعىتتامالى كومەكتەسۋ قولباسشىلىق شتابى قامدادى.
شىنكا (شىنجىن-قاشقار) داڭعىلى، كۇنشان كاسىپ باقشاسى، قورعاس جياڭيىن باستاۋىش مەكتەبى… پارتيانىڭ 18-قۇرىلتايىنان بەرى، شينجياڭعا كومەكتەسۋ فاكتورى شينجياڭنىڭ بايتاق دالاسىندا بارعان سايىن كوبەيىپ، شينجياڭعا كومەكتەسۋشى كۇشتەر شينجياڭنىڭ كەدەيلىكتەن ارىلتۋدان قامال الۋىنا جانە شينجياڭ ەكونوميكاسىنىڭ، قوعامىنىڭ جاپپاي دامۋىنا دەم بەرۋدە.
1. حالىق تۇرمىسىن جاقسارتىپ، دامۋدى جەبەدى بارلىق ىستە حالىق تۇرمىسىن ماڭىزدى ورىنعا قويۋ كەرەك. پارتيانىڭ 18 - قۇرىلتايىنان بەرى، شينجياڭعا كومەكتەسەتىن ولكە، قالالار پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، حالىق تۇرمىسىن قامتاماسىز ەتۋ جانە جاقسارتۋ تەبىنىن ۇزدىكسىز ارتتىرىپ، شينجياڭعا باعىتتامالى كومەكتەسۋ قارجىسىنىڭ %80 تەن استامىن حالىق تۇرمىسى سالاسىنا، نەگىزگى ساتىعا جۇمسادى.
كۇرەك سەرمەپ، توپىراق ٴۇيىپ، ىرگە قالاۋ … 4 ـ ايدىڭ 26 ـ كۇنى اقسۋ قالاسى قاراتال قالاشىعىنىڭ ورتا مەكتەبىنىڭ قۇرىلىس نىسانى ناق مايداندا، 2020 ـ جىلعى حاڭجوۋ قالاسىنىڭ شينجياڭعا باعىتتامالى كومەكتەسۋ نىسانى توپتىق جۇمىس باستادى. جاڭادان جۇمىس باستاعان 22 نىساننىڭ ىشىندە حالىق تۇرمىسى نىسانىنىڭ سالىستىرماسى %89.3 تى ۇستايدى. ” قازىرگى وتىرعانٴۇيىمنىڭ شارت - جاعدايى بۇرىنعىعا قاراعاندا كوپ جاقساردى، جاڭا ٴۇي سالىنعاننان كەيىن، ٴسوز جوق، اناعۇرلىم جاقسى بولادى ! “، ـ دەدى جۇمىس باستاۋ سالتىنا قاتىناسۋعا كەلگەن قاراتال قالاشىعىنىڭ تۇرعىنى مامەت ابيبولامامەت قۋانا.
قورعاس اۋدانى حۇييۋان قالاشىعى يانبۇلاق قىستاعى تۇرعىندار كوميتەتىنىڭ جانىندا سارى، جاسىل ٴتۇس ارالاسقان وقىتۋ بيناسى بار. بينانىڭ الدىنا رەڭدى تاس كەرپىش جاتقىزىلىپ، وقىتۋ بيناسىنان ٴار كۇنى بالالاردىڭ كوڭىلدى كۇلكىسى ەستىلەدى. جياڭسۋ ولكەسى جياڭيىن قالاسى كومەكتەسىپ سالعان وسى بالالار باقشاسىنىڭ قۇرىلىس كولەمى 800 شارشى مەتر، سايكەستى قۇرىلعىلارى كەمەلدى.
قورعاس اۋداندىق پارتكومنىڭ ورىنباسار شۋجيى، جياڭيىن قالاسىنىڭ قورعاس اۋدانىنا كومەكتەسۋ قىزمەت گرۋپپاسىنىڭ باستىعى گۋ ۋىنحاۋ بىلاي دەدى : حالىق تۇرمىسىن ماڭداي الدى ورىنعا قويۋ-جياڭيىن قالاسىنىڭ شينجياڭعا باعىتتامالى كومەكتەسۋدە باستان ـ اياق تاباندى بولاتىن ۇستانىمى. تەك 2017 - جىلدان 2019 - جىلعا دەيىن، جياڭيىن قالاسى شينجياڭعا كومەكتەسۋ نىسانىنان 37 ىن اتقارىپ، 511 ميلليون يۋان قارجى قوستى. مۇنىڭ ىشىندە شينجياڭعا كومەكتەسۋ قارجىسى 448 ميلليون يۋان. نىسان جۇمىستانۋدى جەبەۋ، وقۋ-اعارتۋ، بۇقارانىڭ نەگىزگى تۇرمىس شارت-جاعدايىن جاقسارتۋ سياقتى 8 ۇلكەن تۇرگە سايادى. قورعاس اۋداندىق جياڭسۋ شيپاحاناسىنىڭ ۋنيۆەرسال عيماراتى، جياڭيىن باستاۋىش مەكتەبى، جياڭسۋ ورتا مەكتەبى سياقتى 16 نىسان ٴتۇيىندى تۇردە سالىنادى. بيىل جياڭيىن قالاسى شينجياڭعا باعىتتامالى كومەكتەسۋ نىسانىنان 33 ىن ورنالاستىرىپ، شينجياڭعا كومەكتەسۋگە 194 ميلليون يۋان قارجى قوسۋدى جوسپارلادى. مۇنىڭ ىشىندە وقۋ ـ اعارتۋ، ەمدەۋ سياقتى حالىق تۇرمىسى نىساندارىنان 26 سى ورنالاستىرىلىپ، 117 ميلليون يۋان قارجى قوسىلىپ، قارجىنىڭ % 80 تەن استامىن ۇستادى.
ٴتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، 2014 ـ جىلدان 2019 ـ جىلعا دەيىن شينجياڭعا كومەكتەسەتىن ٴارقايسى ولكە، قالالار شينجياڭعا كومەكتەسۋگە جيىنى 75 ميلليارد يۋاننان استام قارجى قوسقان. بۇل قارجىلار جۇمىستانۋ، وقۋ ـ اعارتۋ، ەمدەۋ، تۇرعىن ٴۇي سياقتى حالىق تۇرمىسى نىساندارى قۇرىلىسىنا جۇمسالىپ، كومەك قابىلداعان جەردەگى ٴار ۇلت بۇقاراسىنىڭ باقىت كورسەتكىشىن بارىنشا جوعارىلاتقان.
2. كاسىپ سالاسى ارقىلى شينجياڭعا كومەكتەسۋدە باسقارۋدىڭ ۇزاق بولاشاعى كاسىپ سالاسى ارقىلى شينجياڭعا كومەكتەسۋ - ۇزاق بولاشاقتىق شارا. جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، ٴارقايسى ولكە، قالالاردىڭ شينجياڭعا كومەكتەسۋ قولباسشىلىق شتابى نازاردى كاسىپ سالاسى نىساندارىنا شوعىرلاندىرۋعا كۇش سالدى. ولار كاسىپ سالاسى ارقىلى شينجياڭعا كومەكتەسۋ قارجى جۇمسالىمىن ارتتىرۋمەن بىرگە، ” قان قۇيۋ “ مەن ” قان جاساۋدى “، ” قاتتى بولشەك “ پەن ” جۇمساق بولشەكتى “، ” كومەك بەرۋ “ مەن ” ٴوزارا پايدا جەتكىزۋدى “ ۇشتاستىرۋعا تاباندى بولىپ، ٴبىر توپ ساپالى نىساندار ىركەس - تىركەس ىرگە تەپتى، ٴبىر تالاي كاسىپ باقشا رايونى قۇرىلىستارى جەدەلدەتىلدى، كاسىپ سالاسىن دامىتىپ، كاسىپتەنۋدى جەبەدى.
” مەن بۇل قىزمەتتى جاقسى كورەمىن، ايىنا 3200 يۋان ەڭبەكاقى الامىن “. 6 ـ ايدىڭ 10 ـ كۇنى بايىنعولىن اۆتونوميالى وبلىسى حاۋيۇي توقىماشىلىق شەكتى سەرىكتەستىگىنىڭ ٴجىپ ٴيىرۋ سەحىندا، جۇمىسشى حالچام قۇربان اسپاپتى جەتىك مەڭگەرىپ، جۇزىنەن ريزا بولعان بەينە بايقالۋدا.
بايىنعولين وبلىسى حاۋيۇي توقىماشىلىق شەكتى سەرىكتەستىگى حىبەي ولكەسىنىڭ شينجياڭعا كومەكتەسۋدە ەنگىزگەن كاسىپورىنداردىڭ ٴبىرى. وسى سەرىكتەستىكتىڭ جاۋاپتىسى ياڭ جييۇن بىلاي دەدى : ” كاسىپ سالاسى ارقىلى شينجياڭعا كومەكتەسۋ نىسانى رەتىندە، ٴبىز جۇمىس ورنىمەن قامداۋمەن بىرگە، كەدەي بۇقاراعا ٴۇمىت الا كەلۋىمىز، ولاردىڭ تاعدىرىن شىنايى وزگەرتۋىمىز كەرەك“ .
قازىر شينجياڭنىڭ جەر-جەرىندە حالچەم سەكىلدى شينجياڭعا كومەكتەسەتىن ولكە، قالالاردىڭ ” قان قۇيۋ“، ” قان جاساۋ “ كومەگىندە، ونەركاسىپ جۇمىسشىلارىنا اينالعان بۇقارا وتە كوپ.
شينجياڭنىڭ مول ماقتا بايلىعى مەن وزگەشە جاعراپيالىق ابزالدىلىعىنا سۇيەنىپ، كاسىپ سالاسى ارقىلى شينجياڭعا كومەكتەسۋدىڭ ورايىنان پايدالانىپ، حۇڭدوۋ، حۋافۋ زاماناۋي ۇلگىسى، جيە لييا سياقتى ەل ىشىندەگى ايگىلى توقىماشىلىق، كيىم ـ كەشەك كاسىپورىندارى شينجياڭعا قارجى قوسىپ، شارۋاشىلىقپەن اينالىسىپ، توقىماشىلىق كاسىبىنىڭ دامۋىن جەبەدى.
تاياۋدا ٴتىلشى جاڭاشار اۋدانى رۋ-ي عىلىم-تەحنيكا توقىماشىلىق شەكتى سەرىكتەستىگىنە تىلشىلىك ىستەگەندە، تۇرنيساگۇل عوپۇر ماشينانىڭ الدىنا وتىرىپ، زاۆودتاعى ايەل جۇمىسشىلارمەن بىرگە كيىم تىگۋدە ەكەن. ” بۇل قىزمەت تۇرمىسىمدى وزگەرتتى“، ـ دەدى كونەشار اۋدانى ۇكساك قالاشىعى تومەنگى ۇكساك قىستاعىنان كەلگەن تۇرنيساگۇل.
2017ـ جىلى 5 ـ ايدا تۇرنيساگۇل قىستاقتاعى ٴبىر تالاي ارتىق ەڭبەككۇشتەرمەن بىرگە جاڭاشار اۋدانى رۋ-ي عىلىم ـ تەحنيكا توقىماشىلىق شەكتى سەرىكتەستىگىنىڭ جۇمىسشىسى بولدى. ولار ايىنا 3000 يۋان اينالاسىندا تۇراقتى كىرىس كىرگىزدى، وسىعان بايلانىستى وتباسى تۇرمىسىندا دا زور وزگەرىستەر بولدى.
بۇل وزگەرىستەر شينجياڭعا كومەكتەسكەن ولكە، قالالاردىڭ ” جۇمىسقا ورنالاستىرۋدى مايداي الدى ورىنعا قويىپ، اۋىل شارۋاشىلىعىنا قولايلى بولسا ەگىن شارۋاشىلىعى سالاسىنا كاسىپتەندىرۋ، ونەركاسىپكە قولايلى بولسا ونەركاسىپ سالاسىنا كاسىپتەندىرۋ، ساياحاتقا قولايلى بولسا ساياحات سالاسىنا كاسىپتەندىرۋ ““就业第一，宜农则农、宜工则工、宜游则游”سىندى كاسىپ سالاسى ارقىلى شينجياڭعا كومەكتەسۋ ۇستانىمىنىڭ ارقاسى. قىسقا عانا بىرنەشە جىلدا شينجياڭعا كومەكتەسكەن ولكە، قالالار ىشكى ولكەلەردەن 5000 نان استام كاسىپورىندى شينجياڭعا ەنگىزىپ، 100 مىڭنان استام ادامدى كاسىپتەندىردى. شينجياڭعا كومەكتەسەتىن ٴار قايسى ولكە، قالالار كومەك قابىلداعان جەرلەردىڭ كاسىپ سالاسىنىڭ دامۋ نەگىزى مەن قاجەتى نەگىزىندە، ساۋداگەر شاقىرىپ، قارجى ەنگىزۋ قيمىلىن بەلسەندى ورىستەتىپ، كاسىپ تىزبەگىن كەڭەيتىپ، ورنىقتى كاسىپتەنۋدى جەبەپ، ٴبىر قىدىرۋ ناتيجەلەرگە قول جەتكىزدى:
2018- جىلى شاندۇڭ ولكەسى 4 دارەجە قوسىلا ارەكەتتەنۋ، ٴوزارا ۇشتاسۋ جۇمىسقا ورنالاستىرۋ جاڭا ۇلگىسىن جولعا قويۋ جونىندە ىزدەنىس جاساپ، جۇڭشيڭ قولعابى، جينشي ٴبىز توقىمالارى سياقتى قىرۋار ەڭبەك كۇشتى قاجەت ەتەتىن 60 نەشە كاسىپورىندى ەنگىزىپ، 11 مىڭنان استام ادامدى كاسىپتەندىردى ؛
2019-جىلى جياڭسۋ ولكەسى جۇز كۇندىك ساۋداگەر شاقىرۋ ارناۋلى قيمىلىن بەلسەنە ورىستەتىپ، جيىنى 52 كاسىپورىن ەنگىزدى، تياناقتانعان قارجى سوماسى 4 ميلليارد 408 ميلليون يۋان بولىپ، 12 مىڭ 954 ادام سول جەردىڭ وزىندە، جاقىن ماڭدا جۇمىسقا ورنالاستى ؛
2019- جىلى حىبەي ولكەسى شينجياڭعا كومەكتەسۋگە 2 ميلليون يۋان قارجى ورنالاستىرىپ، ” جاڭزاگۋ “ كاسىبىنىڭ دامۋىنا قولداۋ كورسەتىپ، قازىر ەگىلگەن جەر كولەمى 20 مىڭ مۋعا جەتتى. ونىڭ پايداسىن كورگەن 500 دەن ارتىق وتباسىنىڭ مۋ باسىندىق كىرىسى ورتا ەسەپپەن 500 يۋان ارتىپ، 232 كەدەي وتباسىنىڭ كىرىسىن ارتتىرىن جەبەدى… شينجياڭعا باعىتتامالى كومەكتەسەتىن ٴار قايسى ولكە، قالالار كاسىپ سالاسى ارقىلى كومەكتەسۋدى شىنايى ىلگەرلەتىپ، جۇمىستانۋدى جەبەپ، كاسىپ سالاسىن دامىتۋ، سۇيەمەلدەۋ قورىن قۇردى. 2014 ـ جىلدان 2019 ـ جىلعا دەيىن كاسىپ سالاسى ارقىلى شينجياڭعا كومەكتەسۋگە جيىنى 17 ميلليارد يۋاننان استام قارجى قوسىلىپ، توقىماشىلىق، كيىم ـ كەشەك، اۋىل شارۋاشىلىق ونىمدەرىن مانەرلەۋ، ساياحات سياقتى كوپ ەڭبەككۇشتى قاجەت ەتەتىن كاسىپ سالاسى مەن ەرەكشە، باسىم كاسىپ سالاسىن دامىتۋعا قولداۋ كورسەتتى، 5000 نان استام كاسىپورىن ەنگىزىلىپ، ٴار ۇلت بۇقاراسىنىڭ جۇمىستانىپ، كىرىسىن ارتتىرۋىن ٴونىمدى جەبەدى.
3. اقىل – پاراسات ارقىلى شينجياڭعا كومەكتەسۋ تەبىنىن ارتتىردى اقىل ـ پاراسات، دارىندىلار ارقىلى شينجياڭعا كومەكتەسۋ - شينجياڭنىڭ دامۋىنىڭ جۇمساق كۇشىن جوعارىلاتۋدىڭ نەگىزى. شينجياڭعا باعىتتامالى كومەكتەسەتىن ولكە، قالالار كادر ـ دارىندىلار ارقىلى شينجياڭعا كومەكتەسۋدى شينجياڭنىڭ دامۋ جۇمساق كۇشىن ٴوسىرۋدىڭ تەتىگى ەتۋدە تاباندى بولىپ، ٴبىر قىدىرۋ دارىندىلاردى تاربيەلەۋ ٴتۇيىندى ينجەنەرياسىن ٴبىر تۇتاس جوسپارلاپ، اتقارىپ، شينجياڭنىڭ كادر-دارىندىلار قوسىنىنىڭ جالپىلىق ساپاسىن ٴونىمدى جوعارىلاتتى.
” حۋجوۋدان كەلگەن شيپاگەرلەر مەنىڭ قۇتقارۋشىم، جانىمنىڭ قالعانى راسىندا بەينە ٴبىر ٴتۇس سەكىلدى! “ 5-ايدىڭ 26 ـ كۇنى كەلپىن اۋداندىق حالىق شيپاحاناسىندا جاتىردان قان كەتۋ ناۋقاسىنان ەندى عانا ساۋىققان بوسانعان ايەل گۇلبوستان مامەتاليدىڭ كوڭىل كۇيى جاقسى ەدى.
”شينجياڭعا كومەككە كەلگەن شيپاگەرلەر بىزگە باقىتتى وتباسىن باعىشتادى. راقىمەت سىزدەرگە “، ـ دەدى گۇلبوستاننىڭ جۇبايى جاڭا تۋىلعان قىزىن قۇشاقتاپ تەبىرەنە. وسى جولى جىجياڭ ولكەسى حۋجوۋ قالاسىنان شينجياڭعا كومەككە كەلگەن شيپاگەرلەر اسا قاتەرلى بوسانعان ايەلدى ٴساتتى قۇتقاردى. بۇل تەك 19 ولكە، قالادان شينجياڭعا كومەككە كەلگەن شيپاگەرلەر قىزمەتىنىڭ ىقشام كورىنىسى عانا.
19ولكە، قالا جىبەرگەن شينجياڭعا كومەكتەسۋ ەمدەۋ ماماندارى شينجياڭنىڭ جەر-جەرىندە بەلسەنە قىزمەت ەتىپ، اجالعا اراشاشى، جارالىعا مەدەت بولۋ رۋحىن ساۋلەلەندىردى. ولار كلينيكالىق جەتەكشىلىك ەتۋ، بىرلەسىپ وپەراتسيا جاساۋ، اڭگىمەلەسىپ پىكىر الماستىرۋ سياقتى فورمالار ارقىلى كومەك قابىلداعان جەرلەرگە ەمدەۋ تىرەكتىلەرىن تاربيەلەپ، ەمدەۋ ارقىلى شينجياڭعا كومەكتەسۋ قىزمەتىنىڭ ” قان قۇيۋ “ دان ” قان جاساۋ “ عا بۇرىلىس جاساۋىن ىلگەرىلەتتى. حىبي ولكەسى ” ستۋدەنتتەردىڭ ەرىكتى قىزمەت وتەۋ باتىس بولەك جوسپار تەكشەسىنە“ سۇيەنىپ، ” ستۋدەنتتەردىڭ ەرىكتى قىزمەت وتەۋ باتىس بولەك جوسپارى بايىنعولين وبلىسىنىڭ جەرگىلىكتى نىسانى“ن 2019 ـ جىلعى يكەمدى دارىندى ەنگىزۋ نىسانىنا ەنگىزىپ، جەرگىلىكتى ورىننىڭ دارىندى ەنگىزۋ قيىن بولۋ، دارىندىلاردى الىپ قالۋ قيىن بولۋ ماسەلەسىن ٴونىمدى تۇردە باسەڭدەتتى.
شاندۇڭ ولكەسى ” شيپاحانا ارقىلى ناۋقاس ٴبولىمىن كوتەرەگە الۋ “ ۇلگىسىن قولدانىپ، شاندۇڭ ولكەلىك ولكەگە قاراستى شيپاحاناسى سياقتى ەمدەۋ قۇرىلىمدارى قاشقار ايماقتىق وكپە اۋرۋلار شيپاحاناسىنىڭ ٴتۇيىندى بولىمدەرىنىڭ دامۋىنا باعىتتامالى كومەكتەسۋدى ىلگەرىلەتىپ، الىس ارالىقتى بىرىگىپ دياگنوز قويۋ ورتالىعى ارقىلى ەمدەۋ قىزمەتكەرلەرىن تاربيەلەدى. حىنان ولكەسى شينجياڭ بويىنشا تۇڭعىش مال شارۋاشىلىق سالاسىنداعى اكادەميكتەر قىزمەت پۋنكتىن قۇرىپ، ٴوندىرۋ، وقىتۋ، زەرتتەۋ تۇعىرى قۇمىل حىنان جاڭا ەنەرگيا كاسىبىن زەرتتەۋ ورنىن قۇردى. قۇمىل قالالىق ورتالىق شيپاحاناسىنىڭ اعا دوكتورلىق قىزمەت پۋنكتىن اشىپ، جۇڭگو اۋىل شارۋاشىلىق عىلىم اكادەمياسى جىڭجوۋ جەمىس اعاشتارىن زەرتتەۋ ورنى قۇمىل عىلمي زەرتتەۋ بازاسى مەن ورتا جازىق ايگىلى مۇعالىمدارىنىڭ قۇمىل قىزمەت پۋنكتىنەن پايدالانىپ، سەلبەستىك، اۋىس ـ كۇيىستى كۇشەيتىپ، جوعارى ورەلى قولدانىلمالى تەحنيكا دارىندىلارىن تاربيەلەدى…
2014-جىلدان 2019 - جىلعا دەيىن شينجياڭعا كومەكتەسەتىن ٴار قايسى ولكە، قالالار جوسپار بويىنشا تاڭداپ جىبەرۋ، يكەمدى ەنگىزۋ، ۇيىرمە ۇيىمداستىرىپ كومەكتەسۋ سياقتى تاسىلدەر ارقىلى شينجياڭعا كومەكتەسۋ كادر ـ دارىندىلارىنان شامامەن 10 مىڭ ادام رەت جىبەرىپ، كومەك قابىلداعان جەرلەردەگى دارىندىلاردىڭ يدەيانى ازات ەتۋىنە، كوزقاراستا بۇرىلىس جاساۋىنا، قابىلەتىن وسىرۋىنە كومەكتەستى.
دارىندىلار اۋىس-كۇيىسىن جەبەۋمەن بىرگە، شينجياڭعا كومەكتەسەتىن ٴارقايسى ولكە، قالالار ۇلتتار ىنتىماعىن شىنايى سۇيىسپەنشىلىكپەن قورعاۋعا ايىرىقشا ٴمان بەردى. بۇگىنگى تاڭدا، شينجياڭعا كومەكتەسەتىن ولكە، قالالاردىڭ 4300 دەن استام كادرى كومەك قابىلداعان جەردەگى 7600 دەن استام كادر جانە بۇقارامەن جۇپ قۇراپ، تۋىس بولدى. شينجياڭعا كومەكتەسەتىن ولكە، قالالارداعى 542 كاسىپورىن 958 اۋىل ـ قىستاقپەن جۇپتاسىپ، كوپ ساتىلى ارالاسۋ، ىشتەسۋ، توعىسۋ تەكشەسىن قۇردى . ( شينجياڭ گازەتىنىڭ ٴتىلشىسى ۋاڭ شينحۇڭ)
انحۇيدان شينجياڭعا كومەككە كەلگەن وقىتۋشى گۇما اۋداندىق كاسىپتىك تەحنيكا مەكتەبىندەگى وقۋشىلارعا كيىم تىگۋ تەحنيكاسىن تۇسىندىرۋدە ( 2019 – جىلى 6-ايدىڭ 12 –كۇنى سۋرەتكە ٴتۇسىرىلدى). سۋرەتتى انحۇي ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى قامدادى
حيلۇڭجياڭ ولكەسىنەن شينجياڭعا كومەككە كەلگەن وقىتۋشى حان مىڭلەي وقۋشىلارعا جەتەكشىلىك ەتىپ، تاجىريبە جاساۋدا ( 2018 ـ جىلى 9-ايدىڭ 5 ـ كۇنى سۋرەتكە
). سۋرەتتى ليۋ مي تۇسىرگەن
سانشي ولكەسى تاييۋان قالالىق ورتالىق حالىق شيپاحاناسىنىڭ شينجياڭعا كومەكتەسۋ ەمدەۋ مامانى ۋاڭ يانبين ( وڭنان 4 ـ ادام ) بيڭتۋان 6 ـ شىسى 101 ـ تۋان شيپاحاناسىندا ناۋقاسقا تالداۋ جاساپ، ەمدەۋ قىزمەتكەرلەرىنە جەتەكشىلىك ەتۋدە ( 2017 ـ جىلى 9-ايدىڭ 18 ـ كۇنى سۋرەتكە تۇسىرىلگەن). سۋرەتتى ۋي شينجياڭ تۇسىرگەن
اۋدارعان: قادىر ماقان
