جازعى دەمالىستا قاي جەرگە بارىپ سەيىل − سەرۋەندە بولعان ءجون؟
10 سارا جەلى ءسىزدى شينجياڭدى ەركىن ساياحاتتاۋعا باستايدى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ 7 - ايدىڭ 6 - كۇنى ۇرىمجىدەن حابارلايدى. 7 - ايدىڭ 6 - كۇنى ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا، اۆتونوميالى رايوندىق مادەنيەت جانە ساياحات مەڭگەرمەسى جازعى دەمالىستا ساياحاتتايتىن 10 سارا جەلىنى جاريالادى، ماقسات شينجياڭنىڭ ساياحات بازارىن تەز ارادا قايتا جانداندىرۋ.
وسى رەت جاريالانعان 10 سارا جەلىنىڭ ەرەكشەلىگى − ءۇرىمجى، قۇمىل، قاشقار، قۇلجا سىندى 4 ءوڭىردى اتتانار جەر ەتىپ، شينجياڭداعى ەڭ تاماشا سۋرەتكە الۋ تۇيىندەرىن، زەرتتەۋ - وقىتۋ بازالارىن، قىزىل ساياحات كورىنىس رايوندارىن بايلانىستىرىپ، ساياحاتشىلاردىڭ كورىنىستەردى تاماشالاۋىنا، ينتەرنەتتە تانىمالى كورىنىس تۇيىندەرىنە، ءسوزسىز، بارۋىنا مۇمكىندىك جاساۋمەن بىرگە، زەرتتەۋ، ۇيرەنۋ سياقتى قاتىستى مازمۇنداردى دا كىرىستىرىپ، اتا - انالاردىڭ بالالارىمەن بىرگە ماعىنالى، قىزىقتى ساياحات جاساۋىنا مۇمكىندىك تۋدىرۋ.
10 سارا جەلى جەكە - جەكە مىنالار: ورتالىق قالا بۇلت ساياحاتى، كۇنلۇندا كەزدەسۋ − ۇرىمجىدەن اتتانعان ءبىر كۇندىك ساياحات جەلىسى؛ جەمسارىعا، شونجىعا، موريعا ساپار − ۇرىمجىدەن اتتانعان 2 كۇندىك ساياحات جەلىسى؛ باتىسقا ساپار. قاشقارعا ساپار بويىنشا سۋرەتكە الىپ سەزىنۋ 3 كۇندىك ساياحات جەلىسى؛ جۇلدىزدى اسپان تۇنىندە دالادا تۇنەۋ، داحايداۋدان كەسىپ ءوتىپ سۋرەتكە الۋ 3 كۇندىك ساياحات جەلىسى؛ تيانشان شوقىسىنان اسىپ، مايتاۋ - كۇشار جەلىسىن باسىپ ءوتۋ 5 كۇندىك ساياحات جەلىسى؛ ساحاراداعى الۋان گۇلدەر. ىلەگە ساپار سۋرەتكە الۋ 5 كۇندىك ساياحات جەلىسى؛ مۇز - وت سالتاناتتى قوناعاسى. شينجياڭداعى كولدەردى ارالاۋ 5 كۇندىك ساياحات جەلىسى؛ ەرتەگى الەمى. زەرتتەۋ - ۇيرەنۋ ساياحات ساپارى سۋرەتكە الۋ 5 كۇندىك ساياحات جەلىسى؛ سولتۇستىك شينجياڭ كورىنىسى. ءوز كولىگىمەن ساياحاتتاۋ 5 كۇندىك ساياحات جەلىسى؛ وڭتۇستىك شينجياڭ كەلبەتى. بايىرعى باتىس ءوڭىردىڭ سىرىنا ءۇڭىلۋ 6 كۇندىك ساياحات جەلىسى.