قالا تۇرعىندارى ءۇرىمجى حالىق باقشاسىنداعى سالقىن جايدا تىنىعىپ، اڭگىمە دۇكەن قۇرۋدا. شينحۋا اگەنتتىگىنىڭ ءتىلشىسى جاۋ گى تۇسىرگەن
تاياۋ جىلداردان بەرى، ٴۇرىمجى قالاسى ”ورتانى جاسىلداندىرۋ“ ينجەنەرياسىن ايتاقالسىن ىلگەرىلەتتى. 2020 ـ جىلى جاڭادان جاسىلداندىرىلاتىن اۋماقتى 10 مىڭ مۋدان اسىرۋدى جوسپارلاپ، شاعىن باقشا مەن كوشە بويىنداعى جاسىلداندىرىلعان اۋماقتان 157سىن، جاسىلداندىرىلعان جولدان 8ىن جاڭادان قوسادى جانە جاڭالايدى. سونىمەن بىرگە، قالا رايونى جولى، كورىنىس اۋماعى، ساياحات باقشاسى، مەكەمە اۋلاسىن جاسىلداندىرۋ قۇرىلىسىن ۇزدىكسىز كۇشەيتىپ، قالانىڭ ەكولوگيالىق ورتاسىن اناعۇرلىم جاقسارتىپ جانە جوعارىلاتىپ، قالا تۇرعىندارىنا جايلى تۇرمىس ورتاسىن ازىرلەۋگە كۇش سالدى.