تيانشان تورى   ›   ۇيرەنۋ   ›   ماڭىزدى حۇجاتتار

اۆتونوميالى رايوندىق حالىق ۇكىمەتى كەڭسەسى «اتقارۋ جوباسىن» باسىپ تاراتتى

16 تارماقتى شارا تۇتىنۋ اياسىن كەڭەيتىپ، ساپاسىن جوعارىلاتۋدى جەبەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 7 - ايدىڭ 7 - كۇنى ۇرىمجىدەن حابارلايدى. جۋىقتا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ تۇتىنۋ اياسىن كەڭەيتىپ، ساپاسىن جوعارىلاتۋ ارقىلى قۋاتتى بازاردى جەدەل قالىپتاستىرۋ جونىندەگى اتقارۋ جوباسىن» (تومەندە قىسقارتىلىپ «اتقارۋ جوباسى» دەلىنەدى) باسىپ تاراتىپ، بازاردى قامداۋدى بار كۇشپەن ساپالىلاندىرۋ، ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارۋ، ەرەكشە تۇتىنۋ تورىن بار كۇشپەن قۇرۋ، ”زەردەلى +“ تۇتىنۋ ەكولوگياسى جۇيەسىن جەدەل قۇرۋ سياقتى جاقتاردا 16 تارماقتى شارا ورتاعا قويىپ، تۇتىنۋدى جەبەۋ ءتۇزىلىسىن، مەحانيزمىن جەدەل كەمەلدەندىرىپ، قۋاتتى بازار قالىپتاستىرۋعا دەم بەردى.

  بازاردى قامداۋدى ساپالىلاندىرۋ جاعىندا، «اتقارۋ جوباسى» مىنانى ورتاعا قويدى: تاۋاردىڭ ساپاسىن جاپپاي جوعارىلاتىپ، ساپاسىن جوعارىلاتۋ ارەكەتىن جاپپاي ورىستەتىپ، ەرەكشە ايگىلى ماركا قۇرىلىسىن كۇشەيتۋ؛ كاسىپورىنداردى ساپانى نەگىز ەتكەن ايگىلى ماركانى دامىتۋ ستراتەگياسىن قۇرۋعا جەتەكتەپ، ايگىلى ماركانىڭ وزىندىك ءمانىن بايىتىپ، ايگىلى ماركانىڭ وبرازىن كوتەرۋ؛ قىزمەت وتەۋ كاسىبىنىڭ ولشەمدى جۇيەسىن كەمەلدەندىرىپ، قارتتاردى كۇتۋ، ءۇي جۇمىسى، مىندەتتەپ باقتىرۋ، مادەنيەت جانە ساياحات سياقتى سالالاردىڭ قىزمەت وتەۋ ولشەمىن جاساۋ، وزگەرىس ەنگىزۋ جانە سىناق تۇيىنىندە ۇلگى كورسەتۋدى ىلگەرىلەتۋ؛ يمپورتتى بەلسەنە كەڭەيتىپ، يمپورت قۇرىلىمىن ساپالىلاندىرىپ، زات اينالىمى وزىندىك قۇنىن تومەندەتىپ، تاۋار ءتۇرىن مولايتىپ، شينجياڭنىڭ سىرتقا باعىتتالعان ەكونوميكاسىنا تىڭ قوزعاۋشى قۋات ۇستەۋ كەرەك.

  ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارۋ جاعىندا، «اتقارۋ جوباسى» مىنانى ورتاعا قويدى: ەرەكشە مادەنيەت ساياحاتىن ۇزدىكسىز ىلگەرىلەتىپ، مادەنيەت - ساياحات تۇتىنۋىنىڭ دارەجەسىن جوعارىلاتۋدى جەبەپ، مادەنيەت - ساياحات ايگىلى ماركا ۇگىتىن ارتتىرۋ؛ جەر - جەردى شوعىرلى مادەنيەت ساياحاتى، سەرۋەندەپ كوڭىل اشۋ، اس - سۋ جانە زات ساتىپ الۋ سياقتى كوپ كاسىپ قالىبى توعىسىپ دامىعان تۇتىنۋ شوعىرلانعان جەر قۇرۋعا ىنتالاندىرۋ؛ ۇكىمەت تۇعىر ازىرلەپ، كاسىپورىن باستاماشى بولىپ، جەلىدە جانە جەلىدەن تىس توعىستىرىلىپ، ساياحاتشىلار ىقپالداسۋعا قاتىناساتىن كەمەلدى جالپىلاستىرۋ ۇلگىسىن قۇرۋعا ىزدەنىس جاساۋ كەرەك.

  «اتقارۋ جوباسى» تاعى مىنالاردى ورتاعا قويدى: ەرەكشە تۇتىنۋ تورىن بار كۇشپەن قۇرىپ، وڭىرلىك تۇتىنۋ ورتالىعىن تۇلعالاۋ؛ بۇكىل رايوندا تۇڭعىش توپتاعى جاياۋلار كوشەسىن جاڭالاپ، جوعارىلاتۋ سىناق ءتۇيىنىن ورىستەتىپ، سىناق ءتۇيىنى كولەمىن ونان ارى ۇلعايتىپ، جەرگىلىكتى ەرەكشەلىكتى تولىق ايگىلەپ، تۇتىنۋ كاسىپ كۇيىن كەمەلدەندىرىپ، ءبىر بەكەت فورماسىندا امبەباپ تۇتىنۋ تۇعىرىن تۇلعالاۋ، قالىپتاستىرۋ؛ اۋىل شارۋاشىلىق ونىمدەرىنىڭ ”ەكى تور“ وڭىرلىك ورنالاستىرۋىن كەمەلدەندىرىپ، اۋىل شارۋاشىلىق ونىمدەرىن جوسپارلاۋ - ساتۋ تورىن قۇرۋ، ورنىقتىرۋ؛ جەدەل جەتكىزۋ، زات اينالىمى قۇرىلعىلارىن ورنالاستىرۋدى ونان ارى كەمەلدەندىرىپ، ساپالىلاندىرىپ، ايماق، وبلىستاردىڭ ورتالىق قالالارىنىڭ اۆياتسيا، تاس جول، تەمىر جول تاسىمالى جيناۋ - جونەلتۋ ورتالىعى جانە ورتا، شاعىن قالا - قالاشىقتار جەدەل جەتكىزۋ، اپارۋ ورتالىعى قۇرىلىسى سياقتىلاردى ىلگەرىلەتۋ كەرەك.

  ”زەردەلى+“ تۇتىنۋ ەكولوگيالىق جۇيەسىن جەدەل قۇرۋ جاعىندا، «اتقارۋ جوباسى» مىنانى ورتاعا قويدى: 5G ينتەرنەت جەلىسى سياقتى ينفورماتسيالىق نەگىزدىك قۇرىلعىلار قۇرىلىسىن جەدەل ىلگەرىلەتىپ، 5Gدىڭ ساۋداعا پايدالانىلۋىن، تەرەڭدەي قولدانىلۋىن جانە جالپىلاسۋىن ىلگەرىلەتۋ؛ قوعامدىق الەۋمەتتىك قىزمەت وتەۋ قاجەتسىنۋىن قاناعاتتاندىراتىن ءبىر توپ بۇلتتىق قىزمەت وتەۋ تۇعىرىن قۇرىپ، جەلىدە جانە جەلىدەن تىس توعىسپالى قىزمەت وتەۋدى دەمەۋگە جەتەكتەۋ؛ جاسىل ورگانيكالى، جاڭا ەنەرگيالى اۆتوكولىك، زات ينتەرنەتى سياقتى وزىق ونىمدەرى مەن سالاماتتىق، وقۋ - اعارتۋ، قارتتاردى كۇتۋ، دەنە تاربيە، فينانس، ينفورماتسيا حاۋىپسىزدىگى سياقتى سالالارداعى قىزمەت وتەۋ كۋالاندىرۋىن ورىستەتىپ، جاسىل ءوندىرىس پەن جاسىل تۇتىنۋعا جەتەكتەۋ، جاسىل دامۋدىڭ ساپاسى مەن ونىمدىلىگىن جاپپاي جوعارىلاتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.