تيانشان تورى   ›   جاڭالىقتار   ›   سۋرەتتى حابار

اۆتونوميالى رايون باسشىلارى ۇرىمجىدە جوعارى مەكتەپ ەمتيحانى قىزمەتىن تەكسەردى

قىزمەتتەردى ەڭ جوعارى ولشەممەن جانە ەڭ قاتاڭ تالاپپەن جاقسى ىستەپ، ەمتيحان تاپسىرعان وقۋشىلاردىڭ اماندىعى مەن سالاماتتىعىنا، جوعارى مەكتەپ ەمتيحانىنىڭ حاۋىپسىز، ورنىقتى، ءتارتىپتى بولۋىنا شىنايى كەپىلدىك ەتۋ كەرەك

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي، لي ياڭ، جاۋ جىيۇن 7 - ايدىڭ 7 - كۇنى ۇرىمجىدەن حابارلايدى. 7 - ايدىڭ 7 - كۇنى 2020 - جىلعى ادەتتەگى جوعارى مەكتەپ ەمتيحانىنىڭ ءبىرىنشى كۇنى. تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين قاتارلىلار ءۇرىمجى قالاسىنداعى ءبىر ءبولىم ەمتيحان تۇيىندەرىنە جەكە - جەكە بارىپ، ەمتيحاندى ۇيىمداستىرۋ، ىندەتتەن ساقتانۋ - تىزگىندەۋ، قىزمەت وتەۋ - قامتاماسىزداندىرۋ سياقتى قىزمەتتەردى ناقتى تەكسەردى.

  بيىلعى جوعارى مەكتەپ ەمتيحانىندا تۇتاس رايون بويىنشا 229 مىڭ 300 وقۋشى 93 ەمتيحان رايونىندا، 235 ەمتيحان تۇيىنىندە ەمتيحانعا قاتىناستى.

  چىن چۋانگو ءۇرىمجى قالالىق 8 - ورتا مەكتەپتەگى، 13 - ورتا مەكتەپتەگى ەمتيحان تۇيىندەرىندە ەمتيحان جاعدايىن شارلاپ، ىندەتتەن ساقتانۋ - تىزگىندەۋ شارالارىنىڭ تياناقتانۋى جانە ەمتيحان ىستەرىنىڭ ۇيىمداستىرىلۋى، قىزمەت وتەۋ - قامتاماسىزداندىرۋ سياقتى جاعدايلاردى ۇعىستى ءارى قىزمەتكەرلەرمەن جانە العاشقى ەمتيحاندى بەرىپ شىققان ءار ۇلت وقۋشىلارىمەن ىقىلاسپەن اڭگىمەلەستى. ول ەمتيحان ىستەرى قىزمەتكەرلەرىنە قىزمەتتەردى اناعۇرلىم قاتاڭ دا ىجداعاتتىلىقپەن ىستەپ، ەمتيحان بەرگەن وقۋشىلاردىڭ ەمتيحاندى ساۋ - سالامات، امان - ەسەن بەرۋىنە شىنايى كەپىلدىك ەتۋدى تاپسىردى؛ ەمتيحان بەرگەن ءار ۇلت وقۋشىلارىن سىن - سايىستى بەلسەنە قارسى الىپ، ەڭ جاقسى ورەنى ساۋلەلەندىرىپ، وتان ءۇمىتىن اقتاۋعا، حالىققا قىزمەت ەتۋگە بەل بايلاۋعا شابىتتاندىردى.

  چىن چۋانگو ەمتيحان جاعدايىن شارلاعاندا بىلاي دەپ باسا دارىپتەدى: جوعارى مەكتەپ ەمتيحانى سان مىڭداعان وتباسىنىڭ، اسىرەسە، قالىڭ وقۋشىلاردىڭ ءتول مۇددەسىنە سايادى، جەر - جەر، تاراۋلار حالىققا بارىنشا جاۋاپتى بولۋ پوزيتسياسىمەن، ىندەتتەن ساقتانۋ - تىزگىندەۋ مەن جوعارى مەكتەپ ەمتيحانىن ۇيىمداستىرۋداعى ءار جاقتىڭ جاۋاپكەرشىلىگىن ناقتىلاندىرىپ، قىزمەتتەردى ەڭ جوعارى ولشەممەن، ەڭ قاتاڭ تالاپپەن ىشكەرىلەي، ىجداعاتتى ءارى ناقتى تۇردە ىستەپ، ەمتيحان بەرگەن وقۋشىلار مەن ەمتيحان ىستەرى قىزمەتكەرلەرىنىڭ اماندىعى مەن سالاماتتىعىنا، جوعارى مەكتەپ ەمتيحانىنىڭ حاۋىپسىز، ورنىقتى، ءتارتىپتى بولۋىنا شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋدى ويداعىداي يگەرىپ، تازالاۋ، زارارسىزداندىرۋ، دەنە تەمپەراتۋراسىن ولشەۋ، ماسكى تارتۋ، ارالىق ساقتاۋ سياقتى ساقتانۋ - تىزگىندەۋ شارالارىن قاتاڭ تياناقتاندىرىپ، جالپى تىزبەكتەگى ساقتانۋ - تىزگىندەۋ تالاپتارىن ەگجەي - تەگجەيلىلەندىرۋ كەرەك. قىزمەت وتەۋ - قامتاماسىزداندىرۋدى ساپالىلاندىرىپ، قاتىناستى ىركىلىسسىزدەندىرۋ، شۋىلدى تىزگىندەۋ، ازىق - تۇلىك حاۋىپسىزدىگى، ەمدەۋ، دەنساۋلىق ساقتاۋ سياقتى قامتاماسىزداندىرۋ قىزمەتتەرىن مۇقيات ويداعىداي يگەرىپ، حاۋىپسىز، جايلى ەمتيحان ورتاسىن قالىپتاستىرۋ كەرەك. شۇعىل جاعدايعا توتەپ بەرۋ دايىندىق جوباسىن كەمەلدەندىرىپ، جوعارى مەكتەپ ەمتيحانىنىڭ ءار بۋىنىنداعى قىزمەت تارتىپتەرىن تاعى دا سالالاپ، تاعى دا تەكسەرىپ، دەر كەزىندە رەتتەۋ، ساڭلاۋلاردى تەكسەرىپ، ولقىلىقتاردى تولىقتىرۋ كەرەك. ەمتيحان ءتارتىبىن قاتايتىپ، جالپى بارىستى باسقارۋدى تىزگىندەۋدى كۇشەيتىپ، ءار بۋىندى قاپىسىز ۇشتاستىرىپ، ەمتيحان ىستەرى بارىسىن قاتايتىپ، ەمتيحان ستيلىن، ەمتيحان ءتارتىبىن قاتايتىپ، ءار ءتۇرلى قارالىق ارەكەتتەردى نولدىك توزىمدىلىكپەن زاڭ بويىنشا قاتاڭ ءبىر جاقتى ەتۋ، جان - جاقتى جونگە سالۋ، ەمتيحان قاعازىن تەكسەرۋدىڭ ساپا وتكەلىن قاتايتىپ، ەمتيحاننىڭ ءادىل وتۋىنە، بارىسىنىڭ جاريا بولۋىنا، ناتيجەسىنىڭ تۋرا بولۋىنا شىنايى كەپىلدىك ەتۋ كەرەك. اشىق - جاريا وقۋشى قابىلداۋعا تاباندى بولىپ، مەملەكەتتىڭ وقۋشى قابىلداۋ ساياساتى مەن وقۋشى قابىلداۋ جوسپارىن قاتاڭ اتقارىپ، تولىمدىلىق تەكسەرۋدى كۇشەيتىپ، تالاپ كەستەسىن تولتىرۋعا قىزمەت وتەۋدى ساپالىلاندىرىپ، وقۋشى قابىلداۋدى باقىلاۋ - باسقارۋدى كۇشەيتىپ، ەرەجەگە قايشى ارەكەتتەردى تەكسەرىپ ءبىر جاقتى ەتۋ سەرپىنىن ارتتىرىپ، ساياساتتىق ۇگىتتى، جەتەكشىلىكتى كۇشەيتىپ، ەمتيحان بەرگەن وقۋشىلار مەن اتا - انالاردى الاڭسىز ەتۋ كەرەك. جاۋاپكەرشىلىكتىڭ تياناقتانۋىن كۇشەيتۋ كەرەك، ءار دارەجەلى پارتكوم مەن ۇكىمەت قاراستى جەر جاۋاپكەرشىلىگىن بۇلجىماي ۇستىنە الىپ، اركىم ءوز جاۋاپكەرشىلىگىن ءبىلۋى، اركىم ءوز جاۋاپكەرشىلىگىن ارقالاۋى، اركىم ءوز جاۋاپكەرشىلىگىن ادا ەتۋى، وقۋ - اعارتۋ اكىمشىلىك تاراۋى مىندەت جۇمىس ءبولىسىن اشالاپ، مۇقياتتىلىقپەن مىندەتتەرىن وتەپ، جاۋاپكەرشىلىكتەرىن ادا ەتۋى، قاتىستى تاراۋلار تىعىز سايكەسىپ، سايكەسە بىرلەسىپ قيمىلداپ، جوعارى مەكتەپ ەمتيحانى قىزمەتىنىڭ ءساتتى، تابىستى ورىندالۋىنا شىنايى كەپىلدىك ەتۋى كەرەك.

  شوكىرات زاكىر ءۇرىمجى قالالىق 23 - ورتا مەكتەپتەگى، 4 - ورتا مەكتەپتەگى ەمتيحان تۇيىندەرىندە ەمتيحان جاعدايىن شارلادى. ول بىلاي دەپ باسا دارىپتەدى: جوعارى مەكتەپ ەمتيحانى سان مىڭداعان وتباسىنا سايادى، اتا - انالار نازار اۋدارىپ، قوعام كوڭىل بولەدى. بيىلعى جوعارى مەكتەپ ەمتيحانى − ىندەتتەن ساقتانۋ - تىزگىندەۋدى ۇدايىلاندىرۋ جاعدايىنداعى ءبىر رەتكى ەرەكشە جوعارى مەكتەپ ەمتيحانى. جاۋاپكەرشىلىكتى نىعايتىپ، ناقتىلاپ، قاتىستى تاراۋلاردىڭ سايكەسە بىرلەسىپ قيمىلداۋىن كۇشەيتىپ، ەمتيحان كەزىندەگى ءتۇرلى قىزمەت شارالارىن جاپپاي تياناقتاندىرىپ، جوعارى مەكتەپ ەمتيحانىنىڭ حاۋىپسىز، ورنىقتى، ءساتتى بولۋىنا شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋ سىندى ارقاۋدى مىقتاپ شيراتىپ، ىندەتتەن ساقتانۋ جوباسىن ەگجەي - تەگجەيلى جاساپ جانە قاتاڭ تياناقتاندىرىپ، توسىن وقيعالارعا شۇعىل توتەپ بەرۋ، ءبىر جاقتى ەتۋ دايىندىق جوباسىن كەمەلدەندىرىپ، ەمتيحان الاڭدارىندا اۋا الماستىرىپ، زارارسىزداندىرۋدى كۇشەيتىپ، دەنساۋلىقتى باقىلاۋدى، تەكسەرۋدى ويداعىداي ىستەپ، ىندەتتەن ساقتانۋ - تىزگىندەۋ بۋىندارىن ەگجەي - تەگجەيلى ويلاستىرۋ، ناقتى تياناقتاندىرۋ كەرەك. ەمتيحان حاۋىپسىزدىگىن مىقتى يگەرىپ، ەمتيحان ستيلىن، ەمتيحان ءتارتىبىن اناعۇرلىم قاتايتىپ، ەمتيحان ىستەرىنىڭ ءتۇرلى ءتارتىبى مەن بۋىنىنىڭ مۇلتىكسىزدىگىنە شىنايى كەپىلدىك ەتىپ، ءادىل، ادال ەمتيحان رايىن قالىپتاستىرىپ، ءاربىر بالانىڭ تاماشا ناتيجەگە جەتۋ ورايىنان تەڭ يگىلىكتەنۋىنە مۇمكىندىك جاساۋ كەرەك. ەمتيحان كەزىندەگى قاتىناستى ۇيىمداستىرۋ، ەمتيحان بەرگەن وقۋشىلاردىڭ جاتاق تازالىعى مەن اس - سۋ حاۋىپسىزدىگى، مەتەورولوگيالىق اپاتتى اۋا رايىنان الدىن الا ساقتاندىرۋ جانە ەلەكترمەن قامداۋدى قامتاماسىز ەتۋ سياقتى ءتۇرلى قىزمەتتەردى ءبىر تۇتاس جوسپارلاپ جاقسى ىستەپ، ەمتيحان بەرگەن قالىڭ وقۋشىلارعا جايلى ەمتيحان ورتاسىن ازىرلەۋ كەرەك. مەكتەپتەردىڭ بايلانىس مەحانيزمىن جانە ەمتيحان بەرگەن وقۋشىلاردى پسيحيكالىق جەتەكتەۋدى كۇشەيتىپ، قوعام مەن ەمتيحان بەرگەن وقۋشىلار نازار اۋدارعان ماسەلەلەرگە دەر كەزىندە جاۋاپ بەرىپ، جوعارى مەكتەپ ەمتيحانىنىڭ حاۋىپسىز، ورنىقتى، ءساتتى جۇرىلۋىنە شىنايى كەپىلدىك ەتۋ كەرەك.

  لي پىڭشين ءۇرىمجى قالالىق 19 - ورتا مەكتەپ پەن ءۇرىمجى قالالىق دەنە تاربيە سپورت مەكتەبىندەگى ەمتيحان تۇيىنىندە ەمتيحان جاعدايىن شارلادى. ول بىلاي دەپ باسا دارىپتەدى: اسقاق جىگەردى ساقتاپ، ىندەتتەن ساقتانۋ - تىزگىندەۋ، ەمتيحان حاۋىپسىزدىگى، ەمتيحان بەرگەن وقۋشىلارعا قىزمەت وتەۋ سياقتى قىزمەتتەردى بارىنشا بايىپتىلىقپەن، بارىنشا ىجداعاتتىلىقپەن ويداعىداي ىستەپ، جوعارى مەكتەپ ەمتيحانىنداعى ىندەتتەن ساقتانۋعا جانە ەمتيحاننىڭ حاۋىپسىز، ءتارتىپتى، مۇلتىكسىز بولۋىنا كۇش سالا شىنايى كەپىلدىك ەتۋ كەرەك. الاڭعا كىرگەندە دەنە تەمپەراتۋراسىن ولشەۋ، ەمتيحان الاڭىن دەزينفەكسيالاپ، اۋا الماستىرۋ سياقتى ىندەتتەن ساقتانۋ قىزمەتىن تىڭعىلىقتى جاقسى ىستەپ، اۋاشا ەمتيحان الاڭدارىن جۇيەلى تۇردە پايدالانىپ، ەمتيحان بەرگەن قالىڭ وقۋشىلار مەن ەمتيحان ىستەرى قىزمەتكەرلەرىنىڭ سالاماتتىعىنا جانە ءومىرىنىڭ حاۋىپسىزدىگىنە شىنايى كەپىلدىك ەتۋ كەرەك. ەمتيحان سۇراۋىنىڭ، ەمتيحان قاعازىنىڭ حاۋىپسىزدىگى، قۇپيالىعى، ەمتيحان ىستەرىن باسقارۋ قىزمەتتەرىن قاتاڭ ويداعىداي يگەرىپ، ءاربىر بۋىندى قاتاڭ باقىلاۋ - باسقارۋ كەرەك. ەمتيحان ستيلىن، ەمتيحان ءتارتىبىن قاتايتىپ، ەمتيحاننىڭ ادىلدىگىن شىنايى قورعاۋ كەرەك. قىزمەت وتەۋ قامتاماسىزداندىرۋ قىزمەتىن بار كۇشپەن جاقسى ىستەپ، ەمتيحان بەرگەن وقۋشىلارعا پسيحيكالىق جەتەكتەۋ مەن گۋمانيتارلىق قامقورلىقتى كۇشەيتىپ، ەمتيحان ءتارتىبىن شىن مانىندە قورعاپ، حاۋىپسىز، ءتارتىپتى ەمتيحان ورتاسىن بىرگە قالىپتاستىرۋ كەرەك.

  اۆتونوميالى رايون باسشىلارىنان شۇي حايرۇڭ، جاۋ چيڭ، ۋاڭ ميڭشان قاتارلىلار بىرگە ەمتيحان جاعدايىن شارلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.