− باس شۋجي شي جينپيڭنىڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا قايتارعان ماڭىزدى جاۋاپ حاتى رايونىمىزداعى جاس وقۋشىلار اراسىندا قىزۋ اڭىس قوزعادى
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ شييا، جاۋ چۇنحۋا، بارشا تەگىس
7 - ايدىڭ 7 - كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جاۋاپ حات قايتارىپ، ولاردىڭ شەكارا ءوڭىردىڭ نەگىزگى ساتىلارىنا بارىپ قىزمەت ىستەۋ تالعامىن تۇراقتاندىرىپ، بارشا جوعارى مەكتەپتەن وقۋ تاۋىسقان وقۋشىلارعا ىقىلاستى ءۇمىت ارتتى. مەيىرىمگە، ىقىلاسقا تولى ادامدى العا باسۋعا جەلپىندىرەتىن جاۋاپ حات رايونىمىزداعى قالىڭ جاس وقۋشىلار اراسىندا قىزۋ اڭىس قوزعادى.
باس شۋجي شي جينپيڭنىڭ ماڭىزدى جاۋاپ حاتىن مۇقيات ۇيرەنگەننەن كەيىن، شينجياڭ اۋىل شارۋاشىلىق داشۋەسى ەكونوميكا جانە ساۋدا - ساتتىق شۋەيۋانىنان وقۋ تاۋىسقان تولعان نۇرلان مۇرات - سەنىمىن اناعۇرلىم بەكەمدەدى.
ەرەكشە مەكتەپ ءبىتىرۋ ماۋسىمىنداعى داشۋە تاۋىسقان وقۋشى رەتىندە، ىندەت جاعدايىندا، مەملەكەتتىڭ جانە تۇتاس قوعامنىڭ جوعارى مەكتەپتەن وقۋ تاۋىسقان وقۋشىلارعا نازار اۋدارۋى جانە قولداۋ كورسەتۋى تولعاندى ايرىقشا اسەرلەندىردى. وقۋ تاۋىسقان سوڭ، ول ۇندەۋگە بەلسەندى ءۇن قوسىپ، نەگىزگى ساتىعا بارىپ جۇمىستانىپ، نىلقى اۋدانى كىلەڭ اۋىلى ايناباستاۋ قىستاعىندا قىستاق كادرى بولدى، ءار كۇنى قىستاق تۇرعىندارىمەن بىرگە ۇيرەنىپ، بىرگە قىزمەت ىستەپ، بىرگە كۇرەس جاساپ، شىنىعىپ جەتىلدى. ”جاڭا داۋىردە اۋىل - قىستاق ۇمىتكە تولى القاپ، ءىس تىندىرىپ، شارۋاشىلىق قۇراتىن ۇلكەن ساحنا. مەن باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، نەگىزگى ساتىعا تامىر تارتىپ، ’اۋىل شارۋاشىلىعىنا، اۋىل - قىستاققا، شارۋالارعا‘ قىزمەت وتەپ، ءوز مۇرات - تالپىنىسىمدى پارتيا مەن مەملەكەت ىستەرىنە توعىستىرىپ، پارتيا ءۇشىن، وتان ءۇشىن، حالىق ءۇشىن كوپتەپ ۇلەس قوسىپ، پارتيا مەن حالىق ەڭ قاجەت ەتكەن جەردە جاستىق جالىندى لاۋلاتامىن“، - دەدى تولعان نىق سەنىممەن.
”باس شۋجي جاۋاپ حاتىندا بىزگە شىنايى ءۇمىت ارتتى، مەنىڭ نەگىزگى ساتىعا تامىر تارتىپ، نەگىزگى ساتىعا قىزمەت وتەۋ سەنىمىم مەن بەكىمىمدى اناعۇرلىم نىعايتتى، تۇلا بويىمدى كۇش كەرنەپ كەتتى“. باس شۋجيدىڭ ماڭىزدى جاۋاپ حاتىن ۇيرەنگەننەن كەيىن، شينجياڭ داشۋەسى ساياسي جانە الەۋمەتتىك باسقارۋ شۋەيۋانىنان وقۋ تاۋىسقان ىرىسبەك تەمىرجان تەبىرەنگەن سەزىممەن.
وتكەن جىلى اسپيرانتتىق تاۋىسقان سوڭ، ىرىسبەك جوعارى مەكتەپتە تاربيەشى بولۋ قىزمەت ورايىنان كەشىپ، نەگىزگى ساتىعا بارۋعا باتىلدىقپەن تىزىمدەلىپ، ۇلۇقشات اۋدانى جىعىن اۋىلى قاراتەرەك قىستاعىنىڭ كادرى بولادى. ول بۇكپەسىز تۇردە ءوزىنىڭ مالشى وتباسىنىڭ پەرزەنتىنەن ەسەيىپ داشۋە وقۋشىسى بولۋ، ونان سوڭ نەگىزگى ساتى كادرى بولۋ بارىسىندا باسقان ءاربىر قادامىنىڭ پارتيا مەن مەملەكەتتىڭ باۋلۋىنان ايرىلا الماعاندىعىن، بۇدان كەيىن باس شۋجيدىڭ تاپسىرماسىن ەستە بەرىك ساقتاپ، اسقاق ارمان ۇستانىپ، قۇنتتى دا ۇقىپتى بولىپ، جاڭالىق اشۋ وي جەلىسىمەن نەگىزگى ساتى قوعامىن جونگە سالۋدى ىلگەرىلەتىپ، اقىل - پاراساتى جانە ماڭداي تەرى ارقىلى اۋىلداستاردى كەدەيلىكتەن ارىلىپ، بايۋعا باستايتىندىعىن ايتتى.
بيىل 6 - ايدا قاشقار داشۋەسىنەن وقۋ تاۋىسقان سوڭ، گانسۋلىق جىگىت ۋي ياڭ جەرگىلىكتى ورىندا قالىپ قىزمەت ىستەۋدى تاڭدادى. باس شۋجي شي جينپيڭنىڭ ماڭىزدى جاۋاپ حاتىن مۇقيات ۇيرەنگەننەن كەيىن، ول ىشكى تەبىرەنىسىن باسا المادى. ”’ءىستىڭ وڭايىنا جۇگىرمەيتىندەر، ءسوز جوق، تابىسقا جەتەدى، قيىن ىستەن جالتارمايتىندار العا باسادى‘، شينجياڭنىڭ دامۋى ءبىز سياقتى جاستاردىڭ بەلدى بەكەم بايلاپ كۇش جالعاپ كۇرەس جۇرگىزۋىن قاجەت ەتەدى“. ۋي ياڭ ءوزىنىڭ شەكارا وڭىرگە تەرەڭ تامىر تارتىپ، ءار ۇلت بۇقاراسىمەن بىرگە كۇرەس جۇرگىزىپ، ۇلكەن ىسكە جارامدى، كەلەلى مىندەت ارقالاي الاتىن باتىس بولىكتىڭ قۇرىلىسشىسى بولۋعا قۇلشىناتىندىعىن ايتتى.
باس شۋجيدىڭ ماڭىزدى جاۋاپ حاتى جوعارى مەكتەپ ەمتيحانىنا قاتىناسقان وقۋشىلاردى دا ىنتالاندىردى. ءۇرىمجى قالالىق 1 - ورتا مەكتەپ تولىق ورتا 3 - جىلدىق 7 - كلاسىنىڭ وقۋشىسى ياڭ حۇيي بىلاي دەدى: ءوز مۇرات - تالپىنىسىمدى پارتيا مەن مەملەكەت ىستەرىنە توعىستىرىپ، ۋاقىتتى قاستەرلەپ، ەسىل ساتتەردى زايا جىبەرمەي، ۇيرەنۋ، ىشكەرىلەي ءبىلىم الۋ جانە بۇدان كەيىنگى كاسىپ جوبامدا، باس شۋجيدىڭ ىقىلاستى ءۇمىتىن ەستە بەرىك ساقتاپ، تاريحي كەلەلى مىندەت ارقالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن بەلدى بەكەم بايلاپ كۇرەس جۇرگىزەمىن!
