تيانشان تورى   ›   جاڭالىقتار   ›   وقۋ-اعارتۋ

لي پىڭشين جوعارى مەكتەپ ەمتيحانىن بەينەەكرانمەن شارلاۋ جۇمىس باسىندا بىلاي دەپ باسا دارىپتەدى

ەمتيحان مەن وقۋشى قابىلداۋ قىزمەتىنىڭ ءادىل، تۋرا جۇرگىزىلۋىن باتىل شىنايى قامتاماسىز ەتۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 8 - كۇنى ۇرىمجىدەن حابارلايدى. 7 - ايدىڭ 8 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اۆتونوميالى رايوننىڭ مەملەكەتتىك وقۋ - اعارتۋ ەمتيحانى، ەمتيحان ىستەرى قولباسشىلىق ورتالىعىندا تۇتاس رايوننىڭ جەر - جەرىندەگى جوعارى مەكتەپ ەمتيحانى جاعدايىنا بەينەەكراندا شارلاۋ جۇرگىزگەن كەزدە بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن تياناقتاندىرىپ، جاۋاپكەرشىلىكتى اناعۇرلىم قاتايتىپ، جاۋاپكەرشىلىك ارقالاۋدى كۇشەيتىپ، جوعارى مەكتەپ ەمتيحانىنىڭ ءتۇرلى قىزمەتتەرىن باستان - اياق تىڭعىلىقتى جۇرگىزىپ، كۇش ۇستىنە كۇش قوسىپ ويداعىداي ىستەپ، ەمتيحان مەن وقۋشى قابىلداۋ قىزمەتىنىڭ ءادىل دە ادىلەتتى جۇرگىزىلۋىنە باتىل شىنايى كەپىلدىك ەتۋ كەرەك.

  بەينە ەكرانمەن بايلانىس ارقىلى جەر - جەردىڭ جوعارى مەكتەپ ەمتيحانىنىڭ جۇرگىزىلۋ جاعدايىنا شارلاۋ جۇرگىزگەننەن كەيىن لي پىڭشين بىلاي دەپ اتاپ كورسەتتى: جەر - جەردىڭ، قاتىستى تاراۋلاردىڭ ورتاق قۇلشىنۋىندا، تۇتاس رايونىمىزدىڭ جوعارى مەكتەپ ەمتيحانى قىزمەتى ورنىقتى، ءتارتىپتى ورىستەتىلدى، ەمتيحاننىڭ ۇيىمداستىرىلۋى، ىندەتتەن ساقتانۋ - تىزگىندەۋ، قىزمەت وتەۋ - قامتاماسىزداندىرۋ سياقتى قىزمەتتەر تىڭعىلىقتى، پارمەندى ىلگەرىلەتىلدى. ىندەتتەن ساقتانۋ - تىزگىندەۋ سىندى وسى ارقاۋدى ۇزدىكسىز مىقتاپ شيراتىپ، تازالاۋ، زارارسىزداندىرۋ، دەنە تەمپەراتۋراسىن ولشەۋ، ماسكى تاعۋ، ارالىق ساقتاۋ سياقتى ساقتانۋ - تىزگىندەۋ شارالارىن قاتاڭ تياناقتاندىرىپ، قاتىناستى ىركىلىسسىزدەندىرۋ، شۋىلدى جونگە سالۋ، ازىق - تۇلىك حاۋىپسىزدىگى، ەمدەۋ - دەنساۋلىق ساقتاۋ سياقتى قامتاماسىزداندىرۋ قىزمەتتەرىن مۇقيات ويداعىداي يگەرىپ، توسىن وقيعالارعا توتەپ بەرۋ دايىندىق جوباسىن ورناتىپ، كەمەلدەندىرىپ، حاۋىپسىز، اقاۋسىز ەمتيحان ورتاسىن قالىپتاستىرۋ كەرەك. ەمتيحان ءتارتىبىن قاتايتىپ، جالپى بارىستى باسقارۋدى تىزگىندەۋدى كۇشەيتىپ، ءار بۋىندى قاپىسىز ۇشتاستىرىپ، ەمتيحاندا قارالىق ىستەۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرىپ، ەمتيحاننىڭ ادىلدىگىن شىنايى قورعاۋ كەرەك.

  لي پىڭشين بىلاي دەپ باسا دارىپتەدى: جوعارى مەكتەپ ەمتيحانى ۇيىمداستىرۋ قىزمەتى اياقتاعاننان كەيىن، جەر - جەر، قاتىستى تاراۋلار وقۋشى قابىلداۋ قىزمەتىن بار كۇشپەن ويداعىداي ىستەپ، ەڭ قاتاڭ قاعيدامەن، ەڭ قاتاڭ تارتىپپەن، ەڭ تاماشا ستيلمەن وقۋشى قابىلداۋدىڭ ادىلدىگىن شىنايى قامتاماسىز ەتۋ كەرەك. ەمتيحان قاعازىن تەكسەرۋ قىزمەتىن مۇقيات ۇيىمداستىرىپ، ەمتيحان قاعازىن تەكسەرۋشى وقىتۋشىلاردى سارالاۋدى قاتاڭداستىرىپ، ەمتيحان قاعازىن تەكسەرۋ ساپاسى وتكەلىن قاتاڭ يگەرۋ كەرەك. قىزمەت ءتارتىبىن قاتايتىپ، «جوعارى مەكتەپ ەمتيحانىن، وقۋشى قابىلداۋدى باسقارۋ قىزمەتىنىڭ سەگىز ءتۇرلى نەگىزگى تالابىن» قاتاڭ اتقارىپ، جوعارى مەكتەپتەرگە وقۋشى قابىلداۋدا ”التىعا جول بەرمەۋ“، ”ونعا قاتاڭ تيىم سالۋ“، ”وتىز بولمايدى“ سياقتى وقۋشى قابىلداۋ قىزمەتىنىڭ تيىمدارىن قاتاڭ تياناقتاندىرىپ، وقۋشى قابىلداۋ قىزمەتىنىڭ جۇيەلى، ءادىل بولۋىنا شىنايى كەپىلدىك ەتۋ كەرەك. ”جاريا وقۋشى قابىلداۋعا“ تاباندى بولىپ، مەملەكەت، اۆتونوميالى رايون، جوعارى مەكتەپ، ورتا مەكتەپ ءتورت دارەجە ينفورماتسياسىن اشىق ۇستاۋ ءتۇزىمىن قاتاڭ تياناقتاندىرىپ، وقۋشى قابىلداۋ ينفورماتسياسىندا ”وندا اشىق بولۋدى“ قاتاڭ تياناقتاندىرىپ، ءتارتىپ تەكسەرۋ، باقىلاۋ - تەكسەرۋ ورگاندارى مەن قوعامداعى ءار سالانىڭ باقىلاۋىن ىرىقتىلىقپەن قابىلداۋ كەرەك. بەلگىلەمەگە قايشىلىق جاساپ وقۋشى قابىلداۋدى باقىلاۋ، تەكسەرىپ ءبىر جايلى ەتۋ تەبىنىن ارتتىرىپ، بىرەۋى بايقالسا بىرەۋىن تەكسەرىپ، قاتاڭ سوققى بەرۋ، استە كەڭشىلىك ەتپەۋ كەرەك.

  لي پىڭشين بىلاي دەپ باسا دارىپتەدى: وقۋشى قابىلداۋ ساياساتىن ۇگىتتەۋ، ءتۇسىندىرۋ، تالاپ كەستەسىن تولتىرۋعا جەتەكشىلىك ەتۋ، ينفورماتسيا سۇراستىرۋ سياقتى قىزمەتتەردى جالپى بەتتىك، تىڭعىلىقتى ويداعىداي ىستەپ، ەمتيحان بەرگەن وقۋشىلارعا سەنىمدى كومەك بەرۋ قاجەت. جالعان ۇگىت، وقۋشى قابىلداۋدا الدامشىلىق ىستەۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرىپ، مالىمدەۋ، قابىلداۋ ارناسىن ىركىلىسسىزدەندىرىپ، ەمتيحان بەرگەن وقۋشىلاردىڭ زاڭدىق ۇقىق - مۇددەسىن شىنايى قورعاپ، ەمتيحان بەرگەن وقۋشىلار مەن اتا - انالاردى الاڭسىز، قامسىز ەتۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ بىرگە ەمتيحان جاعدايىن شارلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.