شينجياڭ گازەتىنىڭ شولۋشىسى
7 - ايدىڭ 7 - كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جاۋاپ حات قايتارىپ، ولاردىڭ شەكارا ءوڭىردىڭ نەگىزگى ساتىلارىنا بارىپ قىزمەت ىستەۋ تالعامىن تۇراقتاندىرىپ، بۇكىل ەلدەگى جوعارى مەكتەپتەردەن وقۋ تاۋىسقان بارشا وقۋشىلاردىڭ اسقاق ارمان ۇستانىپ، قۇنىتتى دا ۇقىپتى بولىپ، جاپادان، قيىندىقتان، قاتەردەن، بوگەتتەن تايسالماي، ءداۋىر بورىشىن جۇرەكتىلىكپەن ارقالاپ، جەكە مۇرات - تالپىنىستارىن پارتيا مەن مەملەكەت ىستەرىنە توعىستىرىپ، پارتيا ءۇشىن، وتان ءۇشىن، حالىق ءۇشىن كوپتەپ ۇلەس قوسۋىن ءۇمىت ەتتى.
باس شۋجي شي جينپيڭنىڭ ماڭىزدى جاۋاپ حاتى پارتيا مەن حالىق ىستەرىنىڭ ۇزاق بولاشاقتىق دامۋى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق بيىگىندە تۇرىپ، جوعارى مەكتەپ تاۋىسقان بارشا وقۋشىلاردى جاڭا ءداۋىردىڭ ۇلى امالياتىندا شىنىعىپ تولىسۋعا جىگەرلەندىردى، بۇل باس شۋجيدىڭ جوعارى مەكتەپتەردەن وقۋ تاۋىسقان بارشا وقۋشىلارعا ىقىلاستى قامقورلىعى مەن شىنايى ءۇمىتىن تولىق ايگىلەدى، سونداي - اق باس شۋجيدىڭ شينجياڭ قىزمەتىنە ايرىقشا ءمان بەرەتىندىگىن، شينجياڭداعى ءار ۇلت حالقىنا قويۋ سۇيىسپەنشىلىگىن دە تولىق ايگىلەدى، بۇكىل رايونداعى ءار ۇلت كادرلارى مەن بۇقاراسىن بارلىق قيىندىقتار مەن سىن - سايىستاردى جەڭەتىن ۇلى كۇش ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاساۋعا ايرىقشا شابىتتاندىراتىندىعى جانە جىگەرلەندىرەتىندىگى داۋسىز.
قارامايلى − داڭق پەن ارمانعا تولى قاھارمان قالا. 20 - عاسىردىڭ 50 - جىلدارىندا وتانىمىزدىڭ جەر - جەرىنەن كەلگەن مۇنايشىلار شينجياڭداعى ءار ۇلت حالقىمەن بىرگە ”بار الابىندا جاسىل اعاش جايقالىپ، بيىك عيماراتتار بوي سوزىپ، قىزىل تۋلار جەلبىرەگەن“ جاسامپازدىق ۇلى ىستەرىن تابىستى ورىندادى. بۇگىنگى جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 وقۋشىنىڭ شينجياڭنىڭ نەگىزگى ساتىسىنا بارىپ قىزمەت ىستەۋدى تاڭداۋى ءدال وسى سان ۇرپاق قارامايلىلىقتاردىڭ ءوزىن ارناۋ رۋحىن القاۋ مەن جالعاستىرۋ، جاڭا داۋىردەگى اسقاق ومىرلىك قۇن تالپىنىسىنىڭ ساۋلەسىن شاشۋ سانالادى. جوعارى مەكتەپتەردەن وقۋ تاۋىسقان بارشا وقۋشىلار باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ۇيرەنۋدى وراي ساناپ، قوزعاۋشى كۇش ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ جاندى امالياتى بارىسىندا جاستىق ارماندارىن بيىككە سامعاتىپ، ءومىردىڭ تاماشا تاراۋىن جازىپ، ۇلكەن ىسكە جارامدى، كەلەلى مىندەت ارقالايتىن باتىس بولىكتىڭ قۇرىلىسشىلارى بولۋعا قۇلشىنۋى كەرەك.
”ءىستىڭ وڭايىنا جۇگىرمەيتىندەر، ءسوز جوق، تابىسقا جەتەدى، قيىن ىستەن جالتارمايتىندار العا باسادى“. العا باسۋ جولى ءاردايىم ءساتتى بولا بەرمەيدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءار ۇرپاق جاستاردىڭ بەلدى بەكەم بايلاپ كۇرەس جۇرگىزۋىن قاجەت ەتەدى. بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ قاتاڭ كۇرەسى ءار ۇلت جاستارىن شىڭدالۋدان وتكىزىپ، تولىستىردى. جاستار تاماشا زاماندا تۋىپ، كەلەلى مىندەت ارقالاۋدا. جوعارى مەكتەپ بىتىرگەن بارشا وقۋشىلار باس شۋجيدىڭ ءتالىمىن ەستە بەرىك ساقتاپ، ۇلى مۇرات ورناتىپ، اسقاق ارمان ۇستانىپ، جاڭا ءداۋىردىڭ كۇرەسكەرلەرى بولۋى؛ ۇيرەنۋدى كۇشەيتىپ، قابىلەتتى ءوسىرىپ، وتان قۇرىلىسىنىڭ جارامدى دارىندىسى، تىرەگى بولۋعا قۇلشىنۋى؛ قۇنتتى دا ۇقىپتى بولىپ، تانىم مەن ارەكەتتىڭ بىرلىگىنە جەتىپ، مۇراتتى، ءبىلىمدى، قابىلەتتى ىسكەر بولۋعا قۇلشىنۋى؛ جاپا مەن قاتەردەن تايسالماي، جۇرەكتىلىكپەن بورىش ارقالاپ، وتاندى ءسۇيۋدى، شينجياڭدى ءسۇيۋدى ومىرلىك سەنىم ەتىپ، وتاننىڭ باتىس بولىگىندەگى شەكارا وڭىرگە توراڭعىداي تەرەڭ تامىر تارتىپ، شەكارا ءوڭىردى قىزۋ سۇيەتىن، شەكارا ءوڭىردى كوركەيتەتىن، شەكارا ءوڭىردى قورعايتىن، شەكارا وڭىرگە ۇلەس قوساتىن جالىندى كۇش بولۋى كەرەك.
شينجياڭ تاريحى − ءار ۇلت حالقىنىڭ شينجياڭعا تامىر تارتىپ، وتاننىڭ ءۇمىتىن اقتاۋ تاريحى. باس شۋجي شي جينپيڭنىڭ ماڭىزدى جاۋاپ حاتى مەن شىنايى قامقورلىعى شينجياڭداعى ءار ۇلت كادر - بۇقاراسىنىڭ كورىكتى شينجياڭدى كوركەيتۋ سەنىمى مەن بەكىمىن اناعۇرلىم بەكەمدەيتىندىگى، اسىرەسە، جوعارى مەكتەپتەردەن وقۋ تاۋىسقان بارشا وقۋشىلاردى مۇرات - سەنىم رۋحىن بەكەمدەۋگە، قاجىرلىلىقپەن كۇرەسىپ تەرەڭ تامىر تارتۋعا، كوكىرەك تولى سەزىممەن حالىققا قىزمەت ەتۋگە، شەكاراداعى وسى ”ۇلكەن دومنا پەشتە“ سومدالۋعا، نەگىزگى ساتى سىندى ”قايراقتا“ شىڭالۋعا، وتان ەڭ قاجەت ەتكەن جەردە جاستىق جالىندى لاۋلاتۋعا جىگەرلەندىرەتىندىگى داۋسىز.
