تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ 12 ايماق، وبلىس، قالاسىنىڭ بارىندە كۇرىش ءوسىرىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ جىلي 7 - ايدىڭ 9 - كۇنى ۇرىمجىدەن حابارلايدى. ”اقسۋعا كەلۋلەرىڭىزدى قارسى الامىز، ءبىزدىڭ بۇل جەر قۇبا ءتۇز، ءشولدى القاپ عانا ەمەس، ’سايۋاي جياڭنان‘ بالىق - كۇرىشتىڭ دە مەكەنى“. 7 - ايدىڭ 8 - كۇنى ونسۋ اۋدانى توپقان قالاشىعى توپقان قىستاعى پارتيا ياچەيكاسىنىڭ شۋجيى لان گۋاڭجۇن ىشكى وڭىردەگى دوسىنا تەلەفون شالىپ وسىنى ايتتى.

  اقسۋ ايماعى بيىل 160 مىڭ مۋداي جەرگە كۇرىش ەكتى، ۇشى - قيىرسىز كەتكەن جەمىس ورمانى مەن ماقتا اتىزىنىڭ اراسىندا سولعىن جاسىل ءتۇستى كۇرىش اتىزدارى ويدىم - ويدىم شۇراتتارعا ”جياڭنان كوركىن“ قوسىپ تۇرادى.

  شينجياڭنىڭ جالپى سۋ، توپىراق بايلىعى بىركەلكى ەمەس، ءىشىنارا وڭىرلەردە سۋ بايلىعى مول، اسىرەسە، تۇنبا قايىر جازىقتاردىڭ تومەنگى جيەگىندەگى بۇلاق - باستاۋلى ءوڭىر، سورتاڭ جەر، وزەن ارناسى سياقتى قۋاڭ وڭىرلەردە وسەتىن داقىلدار ەگۋگە ۇيلەسپەيتىن سازدى جەرلەر كۇرىش ەگۋگە باپ كەلەدى. كۇرىش ەگۋدىڭ سالىستىرمالى تيىمدىلىگى جوعارى، توپىراقتىڭ 2 - رەت سورتاڭدانۋىن، اۋىر سورتاڭ جەرلەردى، جەردىڭ شولەيتتەنۋىن جاقسارتۋ، سونداي - اق دەرت - دەربەز، زياندى جاندىكتەر اپاتىن ازايتۋ، ءوڭىر كليماتىن رەتتەۋ سياقتى ارتىقشىلىققا يە. قازىر تۇتاس رايوندا قۇمىل قالاسىنان، تۇرپان قالاسىنان سىرت، 12 ايماق، وبلىس، قالانىڭ بارىندە كۇرىش ەگىلەدى. 2019 - جىلى بۇكىل رايوندا (بيڭۋاندى قامتيدى) 853 مىڭ 800 مۋ جەرگە كۇرىش ەگىلىپ، 516 مىڭ 200 توننا ءونىم الىندى.

  رايونىمىز باسىمدىققا يە اۋىل شارۋاشىلىعى ونىمدەرى وڭىرلەرىنىڭ جايعاسۋىن ىلگەرىلەتۋدە، ىلە وزەنى اڭعارىنداعى ەرتە پىساتىن، قالىپتى ۋاقىتتا پىساتىن كۇرىش القاپتارىن، تيانشاننىڭ سولتۇستىك بوكتەرىندەگى ەرتە پىساتىن، قالىپتى ۋاقىتتا پىساتىن كۇرىش القاپتارىن، وڭتۇستىك شينجياڭنىڭ سولتۇستىك بولىگىندەگى كوكتەمدە ەگىلەتىن كۇرىش القاپتارىن جانە وڭتۇستىك شينجياڭداعى قايتالاي ەگىلەتىن كۇرىش القاپتارىن ءتۇيىندى تۇردە دامىتادى.

  ساپالى كۇرىش القاپتارىن قالىپتاستىرىپ، كۇرىش شارۋاشىلىعىن دامىتۋدا رايونىمىزداعى كۇرىش ەگىلەتىن وڭىرلەر سول جەردىڭ ءىس جۇزىندىك جاعدايىمەن ۇشتاستىرىپ، سايكەستى شارا قولدانادى.

  ”ياركەن وزەنىنە تاياۋ ءىشىنارا اۋىل - قالاشىقتاردا جالپى 12 مىڭ مۋ جەرگە كۇرىش ەكتىك، وڭدەلگەن جاسىل كۇرىش ماركا بولىپ تانىلعان، بۇل جەردىڭ ءوزىن تولىق قامداي الماي وتىر“، - دەدى ياركەن اۋداندىق اۋىل شارۋاشىلىعى تەحنيكالارىن جالپىلاستىرۋ ورتالىعىنىڭ مەڭگەرۋشىسى لۇي ايليڭ، - الداعى ۋاقىتتا جەرگىلىكتى ورىن سۋ جاعدايىنا قاراي كۇرىش ەگىلەتىن جەر اۋدانىن 15 − 20 مىڭ مۋعا دەيىن كەڭەيتەدى.

  كۇرىش ەگىلەتىن جەر اۋدانىن 170 مىڭ مۋ اۋماقتا تۇراقتاندىرعان شاپشال سىبە اۆتونوميالى اۋدانىندا ەل ىشىندەگى كۇرىش بازارىنداعى قيان - كەسكى باسەكە سياقتى فاكتورلاردىڭ اسەرىندە كۇرىش شارۋاشىلىعىنىڭ دامۋى تىعىرىققا تىرەلدى. وسى اۋداننىڭ ەگىن، مال شارۋاشىلىعىن دامىتۋ شەكتى سەرىكتەستىگىنىڭ اتقارۋشى القاسى دىڭ لي بىلاي دەپ تانىستىردى: قازىر سەرىكتەستىك ”ورگانيكا ءونىم كوزىرىن“ كوتەرىپ، ەگۋدى مىندەتتەپ باسقارتۋ جانە وڭدەۋدى مىندەتتەۋ ءتاسىلى ارقىلى بىرەگەي ساپالى كۇرىش ءوندىرىپ، بازار ءورىسىن كەڭەيتتى.

  ونسۋ اۋدانى شينجياڭ ەگىن شارۋاشىلىعى عىلىم اكادەمياسىنىڭ قولداۋىمەن كۇرىش تاجىريبە اتىزىن قۇرىپ، اۋىل شارۋاشىلىعىن كاسىپ سالالاندىرۋ نىسانىنا سۇيەنە وتىرىپ شارۋالاردى كۇرىش ەگۋگە ىنتالاندىردى؛ اقتاۋ اۋدانى ىشكى وڭىرلەردەگى كاسىپورىندار مەن عىلمي زەرتتەۋ توپتارىنىڭ كومەگىندە تەڭىز كۇرىشىن ءساتتى تۇردە ەكتى؛ ءۇرىمجى قالاسىنىڭ ميدۇڭ رايونى كۇرىش ەگىلەتىن ءوڭىردىڭ قالا رايونىنىڭ ”ءۇش بۇرىشتى وڭىرىنە“ ورنالاسۋداي ارتىقشىلىعىنان پايدالانىپ، ءتۇستى كۇرىش ەگۋ ارقىلى سەيىل - سەرۋەن اۋىل شارۋاشىلىعىن دامىتىپ، كۇرىش مادەنيەتىن جالپىلاستىردى.

  بۇگىنگى كۇندە رايونىمىز ساپالى، جاڭا كۇرىش سورتىن جەدەل ەنگىزىپ جەتىلدىرۋدى جانە ۇلگى كورسەتىپ جالپىلاستىرۋدى تەزدەتىپ، سارا ونىمدەردى وڭدەۋ جۇيەسى قۇرىلىسىن كۇشەيتىپ جانە ساتۋ بازارىن كەڭەيتىپ، سورتتى تۇقىم جەتىلدىرۋدەن ماشينامەن تۇقىم سەۋىپ مايسا وسىرۋگە، ۇشقىشسىز ۇشاقپەن ءدارى شاشۋدان ماشينامەن ورۋعا، وڭدەۋ بۋىنىنداعى بۇزىلۋ مولشەرىن تومەندەتۋدەن ساتۋ بۋىنىندا ماركا قالىپتاستىرۋعا دەيىن، كۇرىشتى ارقاۋ ەتىپ 1 -، 2 -، 3 - كاسىپتەردىڭ توعىسا دامۋىن ءونىمدى جەبەپ، جۇرتتىڭ سىرتقا شىعىپ دەمالۋ، سەيىل قۇرۋ، ساياحاتتاۋ جانە شارۋالاردىڭ كىرىستى ارتتىرۋ قاجەتىن قاناعاتتاندىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى