تيانشان تورى   ›   جاڭالىقتار   ›   وقۋ-اعارتۋ

اۆتونوميالى رايونىمىزدىڭ 2020 - جىلعى ادەتتەگى جوعارى مەكتەپ ەمتيحانى حاۋىپسىز، ورنىقتى اياقتادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 7 - ايدىڭ 9 - كۇنى ۇرىمجىدەن حابارلايدى. 7 - ايدىڭ 9 - كۇنى تۇستەن بۇرىن اۆتونوميالى رايونىمىزدىڭ 2020 - جىلعى ادەتتەگى جوعارى مەكتەپ ەمتيحانى حاۋىپسىز، ورنىقتى اياقتادى.

  بيىل تۇتاس رايونىمىزدا 229 مىڭ 300 ادام ەمتيحانعا قاتىناستى، 71 اۋداندا (قالا، رايون) 93 ەمتيحان رايونى، 235 ەمتيحان ءتۇيىنى ورنالاستىرىلدى.

  بىرنەشە كۇننەن بەرى، تۇتاس رايونىمىزداعى ەمتيحانعا قاتىستى قىزمەتكەرلەر مىندەتتەرىن مۇقيات وتەپ، قاتاڭ، قۇنتتى بولىپ، جۇمىستى ولشەمدى اتقاردى، ەمتيحان مايدانى ءتارتىپتى، جۇيەلى بولدى، ”سالاماتتى جوعارى مەكتەپ ەمتيحانى“، ”ءادىل جوعارى مەكتەپ ەمتيحانى“، ”ادال جوعارى مەكتەپ ەمتيحانى“، ”مەيىرگە تولى جوعارى مەكتەپ ەمتيحانى“، ”الاڭسىز جوعارى مەكتەپ ەمتيحانى“ بولۋ نىسانا - مىندەتى ورىندالدى.

  اۆتونوميالى رايوندىق پارتكوم بيىلعى ىندەتتەن ساقتانۋ - تىزگىندەۋدى ۇدايىلاندىرۋ جاعدايىنداعى جوعارى مەكتەپ ەمتيحانى قىزمەتىنە ايرىقشا ءمان بەرىپ، اۆتونوميالى رايون باسشىلارى ءۇرىمجى قالاسىنداعى ءبىر ءبولىم ەمتيحان تۇيىندەرىنە بارىپ سول جەردىڭ وزىندە تەكسەرۋ جۇرگىزىپ، اۆتونوميالى رايوننىڭ مەملەكەتتىك وقۋ - اعارتۋ ەمتيحانى ەمتيحان ىستەرىنە قولباسشىلىق ەتۋ ورتالىعىندا 93 ەمتيحان رايونىنداعى ەمتيحانعا دايىندىق، ىندەتتەن ساقتانۋ - تىزگىندەۋ، حاۋىپسىزدىك جانە قۇپيالىقتى ساقتاۋ سياقتى جاعدايلاردى شارلاپ تەكسەردى. ءار دارەجەلى وقۋشى قابىلداۋ كوميتەتتەرىنىڭ، وقۋ - اعارتۋ اكىمشىلىك تاراۋلارىنىڭ جاۋاپتىلارى الدىدا ءجۇرىپ جوعارى مەكتەپ ەمتيحانىن ۇيىمداستىرۋ، اتقارۋ قىزمەتىنە قولباسشىلىق ەتتى. ەمتيحان ورتاسىن جالپىلىق جونگە سالۋعا مۇشە ورىندار تەگىس يگەرۋ، بىردەي باسقارۋ، بىرلەسىپ ساقتانۋ، بىرلەسىپ تىزگىندەۋ قىزمەت مەحانيزمىن ەگجەي - تەگجەيلى تياناقتاندىرىپ، بار كۇشتەرىن سالىپ جوعارى مەكتەپ ەمتيحانىنىڭ ءساتتى وتۋىنە كەپىلدىك ەتتى.

  ۇعىسۋىمىزشا، ىندەتتەن ساقتانۋ تالابىنا ساي، بيىل اۆتونوميالى رايونىمىزداعى ءارقايسى ەمتيحان تۇيىندەرىندە تۇگەلدەي ارناۋلى اۋاشالاۋ ەمتيحان مايدانى ورنالاستىرىلۋمەن بىرگە، توتەنشە جاعدايعا توتەپ بەرۋ اۆتوكولىكتەرىن، قۇتقارۋ اۆتوكولىكتەرىن دە سايكەستىرىپ ورنالاستىرىپ، ىندەتتەن ساقتانۋ زاتتىق ماتەريالدارىن تولىق، جەتكىلىكتى دايىندادى.

  ەمتيحان تاپسىراتىن وقۋشىلارعا جوعارى مەكتەپ ەمتيحانىنىڭ جايلى ورتاسىن ازىرلەۋ ءۇشىن، اۆتونوميالى رايونىمىزدىڭ جەر - جەرى ەمتيحان تاپسىراتىن وقۋشىلارعا قىزمەت وتەۋدى ونان ارى ساپالىلاندىرىپ، ەمتيحان الدىندا ەمتيحان تاپسىراتىن وقۋشىلاردىڭ ىندەتتەن ساقتانۋدا بىلۋگە ءتيىستى ىستەرى، ەمتيحان تاپسىراتىن وقۋشىلارعا ءبىر پارشا حات سياقتى مازمۇنداردى جاريالاۋ ارقىلى ەمتيحان تاپسىراتىن وقۋشىلارعا كوڭىل بولەتىن ىستەردى ەسكەرتتى. سونىمەن قاتار، ”ەمتيحان بەرۋگە كەپىلدىك جاسىل ارناسىن“ اشىپ، ازاماتتىق كۋالىگىن، ەمتيحان كۋالىگىن ۇمىتقان جانە جول كەپتەلىسى سياقتى قيىنشىلىقتارعا ۇشىراعان ەمتيحان بەرەتىن وقۋشىلارعا قاراتا، قوعام حاۋىپسىزدىگى ورگاندارى بەلسەندى تۇردە شۇعىل جاعدايعا توتەپ بەرۋ بويىنشا قاتىناۋ سياقتى قولايلىلىقتار ازىرلەدى؛ ”قۇتقارۋ - كومەكتەسۋ جاسىل ارناسىن“ اشىپ، ەمتيحانعا وقۋشى اپاراتىن كولىكتەردە كىلتيپان نەمەسە كولىك اپاتى تۋىلعاندا دەرەۋ ساقشى شىعارىپ، جەدەل ءبىر جاقتى ەتتى، قاجەت كەزدە باسقا اۆتوكولىكتەرمەن بايلانىس جاساپ، ەمتيحان تاپسىراتىن وقۋشىلاردى جەتكىزىپ سالۋعا كومەكتەستى؛ ”ەمتيحان بەرۋگە جاردەم جاسىل ارناسىن“ اشىپ، 173 مۇگەدەك وقۋشىعا ۇلكەن ءارىپتى ەمتيحان قاعازى، ەمتيحان ورنىنا الدىمەن كىرۋ، ەستۋگە كومەكشى اسپاپ تاعىپ بەرۋ سياقتى ورىندى ۇيلەسىمدى قولايلىلىقتار ازىرلەدى؛ ەمتيحان الدىندا جازاتايىم جارالانعان نەمەسە توسىن ناۋقاستانعان 143 وقۋشى ءۇشىن 62 زاپاس ەمتيحان مايدانىن دايىنداپ، ەمدەۋ - كۇتىمدەۋ قىزمەتكەرلەرى سەرىك بولۋ سياقتى ىزگى قىزمەت وتەۋلەر ۇسىندى.

  بۇدان سىرت، اۆتونوميالى رايونىمىزداعى ءارقايسى قاتىستى تاراۋلار جالپىلىق قىزمەت وتەۋ، قامتاماسىزداندىرۋ قىزمەتىن بەلسەنە، ويداعىداي ىستەپ، قوعامداعى ءار سالا مەيىرباندىق قيمىلداردى كەڭىنەن ورىستەتىپ، ەمتيحان تاپسىراتىن وقۋشىلارعا قولايلىلىق جاراتىپ، كومەك ۇسىندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى