شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جياڭ يياۋ 7 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋعا قاراعاندا، جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتىن اناعۇرلىم جاقسى ىستەۋ ءۇشىن، بۇكىل رايونداعى مەملەكەت مەنشىگىندەگى كاسىپورىندار 5000نان استام جۇمىس ورنىن دايىنداپ، جوعارى مەكتەپتەردەن وقۋ تاۋىسقان وقۋشىلاردى جۇمىستانۋعا باۋراعان.
جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋى ميلليونداعان وتباسىنىڭ باقىتىنا سايادى، بايلىق جاراتۋمەن، جوعارى ساپالى دامۋمەن بايلانىسىپ جاتادى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتىن كەزەكتەگى ماڭىزدى مىندەت ەتىپ يگەرىپ، ايماقتىق، وبلىستىق، قالالىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتتەرىن، ءارقايسى باقىلاپ - باسقارىلاتىن كاسىپورىنداردى، ورتالىقتىڭ شينجياڭدا تۇراتىن كاسىپورىندارىن جۇمىس ورنى كومەسكى كۇشىن تولىق اشىپ، جاڭادان ارتقان جۇمىس ورنىنا %50تەن تومەن بولمايتىن سالىستىرمامەن رايونعا قاراستى (بيڭتۋان قامتىلادى) جوعارى مەكتەپتەردەن بيىل وقۋ تاۋىسقان وقۋشىلار مەن شينجياڭعا قايتقان، ىشكى وڭىرلەردەگى جوعارى مەكتەپتەردەن بيىل وقۋ تاۋىسقان شينجياڭدىق وقۋشىلاردى جۇمىسقا قابىلداۋعا جەتەكتەدى.
بۇل رەتكى قىزمەتكەر قابىلداۋ مەملەكەت مەنشىگىندەگى جالپى 100 نەشە كاسىپورىنعا سايادى، ازىرلەگەن جۇمىس ورنى جابدىق جاساۋ، حاتشىلىق، ۇگىت، فينانس، قۇرىلىس، قاتىناس - تاسىمال، اۋىل شارۋاشىلىعى، ورمانشىلىق، تولايىم ساتۋ، سۋ، ەلەكتر، جىلۋ سياقتى سالالاردى قامتيدى.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مىنالاردى تالاپ ەتتى: ءارقايسى كاسىپورىندار جەلىدە، جەلىدەن تىسقارى، مەكتەپ اۋلاسىندا قىزمەتكەر قابىلداۋ سياقتى كوپ ءتۇرلى تاسىلدەردەن پايدالانىپ، قوعامعا قىزمەتكەر قابىلداۋ ينفورماتسيالارىن دەر كەزىندە جاريالاۋى كەرەك، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ سايتى، شينجياڭ مەملەكەت مەنشىگىندەگى مال - مۇلىكتى باقىلاۋ - باسقارۋ ءۇنحات الەۋمەتتىك ءنومىرى قىزمەتكەر قابىلداۋ ينفورماتسيالارىن تەڭ قادامدا جاريالايدى، سونىمەن بىرگە قىزمەتكەر قابىلداۋدا جاريا، ءادىل، ادىلەتتى بولىپ، ادام تاڭداۋ، ادام ىستەتۋ وتكەلىن شىنايى مىقتاپ يگەرۋ تالاپ ەتىلدى.