تيانشان تورى   ›   جاڭالىقتار   ›   شينجياڭ حابارلارى

21 شارا جوعارى دەڭگەيلى ەسىك اشۋدى، جوعارى ساپالى دامۋدى جەبەيدى

اۆتونوميالى رايون «سىرتقى قارجىدان پايدالانۋ قىزمەتىن اناعۇرلىم ويداعىداي ىستەۋ شارالارىن» باسىپ تاراتتى

21 شارا جوعارى دەڭگەيلى ەسىك اشۋدى، جوعارى ساپالى دامۋدى جەبەيدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 7 - ايدىڭ 9 - كۇنى ۇرىمجىدەن حابارلايدى. تاياۋدا اۆتونوميالى رايوندىق حالىق ۇكىمەتى «سىرتقى قارجىدان پايدالانۋ قىزمەتىن اناعۇرلىم ويداعىداي ىستەۋ شارالارىن» (تومەندە قىسقارتىلىپ «شارالار» دەلىندى) باسىپ تاراتىپ، سىرتقا ەسىك اشۋدى تەرەڭدەتۋ، قارجى قوسۋدى جەبەۋ سەرپىنىن ارتتىرۋ، قارجى قوسۋعا قولايلىلىق جاساۋ رەفورماسىن تەرەڭدەتۋ سياقتى جاقتاردان 21 شارانى العا قويىپ، رايونىمىزدىڭ جوعارى دەڭگەيلى ەسىك اشۋىن، جوعارى ساپالى دامۋىن جەبەدى.

  «شارالاردا» مىنالار العا قويىلدى: سىرتقا ەسىك اشۋدى تەرەڭدەتىپ، شەتەل ساۋداگەرلەرىنىڭ جاڭادان ەسىك اشقان سالالارعا قارجى قوسۋىنا اناعۇرلىم قولداۋ كورسەتىپ، ۇنامسىز تىزىمگە ەنگىزىلمەگەن شەكتەۋ شارالارىن جاپپاي اداقتاپ، كۇشىنەن قالدىرۋ كەرەك؛ فينانس كاسىبىندە ەسىك اشۋ اياق الىسىن جەدەلدەتىپ، بازاردىڭ قامداۋىن بايىتىپ، بازاردىڭ ومىرشەڭدىك كۇشىن كۇشەيتۋ قاجەت؛ اۆتوكولىك سالاسىنا ساياتىن سىرتقى قارجى ساياساتىن ساپالىلاندىرىپ، ءىش پەن سىرت قارجىلاندىرعان اۆتوكولىك جاساۋ كاسىپورىندارى وندىرگەن جاڭا ەنەرگيالى اۆتوكولىكتەردىڭ بازارعا كىرۋگە رۇقسات ەتۋ جاعىندا ۇقساس مامىلەدەن يگىلىكتەنۋىن قامتاماسىز ەتۋ ءتيىس؛ ءادىل تيجارات ورتاسىن كۇش سالا قالىپتاستىرىپ، ايماقتار، وبلىستار (قالالار)، تاراۋلار ءادىل باسەكەلەسۋدى تەكسەرۋ ولشەمىنە قاتاڭ سالىستىرا وتىرىپ ءوزىن تەكسەرۋى كەرەك، باسەكەنى قالدىراتىن، شەكتەيتىن جۇيەلى حۇجاتتاردى جانە باسقا دا ساياساتتىق شارالاردى شىعارۋىنا بولمايدى.

  «شارالاردا» مىنالار العا قويىلدى: قارجى قوسۋدى جەبەۋ سەرپىنىن ارتتىرىپ، شەتەل ساۋداگەرلەرى قارجى قوسقان كاسىپورىنداردىڭ عىلىم - تەحنيكادا جاڭالىق اشۋىنا قىزمەت وتەۋدى ساپالىلاندىرىپ، سىرتقى قارجىنىڭ جوعارى، جاڭا تەحنيكا كاسىپورىندارىنا كوپتەپ قوسىلۋىن شابىتتاندىرۋ جانە جەتەكتەۋ كەرەك؛ جۇڭگو (شينجياڭ) ەركىن ساۋدا سىناق رايونىن قۇرۋدى بەلسەنە ءوتىنىش ەتىپ، ونىڭ ەسىكتى ايقارا اشۋ، سىرتقى قارجىنى باۋراۋ جاعىنداعى الدىمەن جۇرگىزۋ، الدىمەن سىناق ەتۋ رولىن ساۋلەلەندىرۋ قاجەت؛ سىرتقى قارجىنىڭ ساۋداگەر شاقىرىپ، قارجى ەنگىزۋ سەرپىنىن ارتتىرىپ، شەتەل ساۋداگەرلەرىنىڭ قارجى قوسۋىنا قىزمەت وتەۋ قابىلەتى مەن دەڭگەيىن ۇزدىكسىز جوعارىلاتۋ ءتيىس.

  قارجى قوسۋعا قولايلىلىق جاساۋ رەفورماسىن تەرەڭدەتۋ ءتاسىلى جاعىندا «شارالاردا» مىنالار العا قويىلدى: ناقتى ەكونوميكاعا قىزمەت وتەۋ، ساۋداعا، قارجى قوسۋعا قولايلىلىق جاساۋدى جەبەۋدى باعدار ەتىپ، كاسىپورىنداردىڭ قارجى قۇراۋ وزىندىك قۇنىن تومەندەتۋىنە كومەكتەسۋ كەرەك؛ جۇڭگوعا كەلىپ جۇمىس ىستەۋ قولايلىلىق دارەجەسىن جوعارىلاتىپ، دارىندىلاردى، اقىل - پاراساتتى ەنگىزۋ قىزمەت سەرپىنىن ارتتىرۋ قاجەت؛ شەتەل قارجىلاندىرعان نىسانداردىڭ جوباداعى پايدالانىلاتىن جەرلەرىن تەكسەرىپ بەكىتۋ ءتارتىبىن ساپالىلاندىرىپ، جوباداعى پايدالانىلاتىن جەر ”تومەنگە بەرۋ، باسقارۋ، قىزمەت وتەۋ“ رەفورماسىن ءۇرتىس تەرەڭدەتۋ ءتيىس؛ شەتەل قارجىلاندىرعان نىسانداردى تىزىمگە ءتۇسىرۋ، تەكسەرىپ بەكىتۋ راسمياتىن ىقشامداپ، نىسانداردىڭ تەز ارادا ىرگە تەبۋىن، وندىرىسكە قوسىلۋىن، جۇمىس جۇرگىزۋىن سايكەسە ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى