تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا شينجياڭ ەلەكتر قۋاتىنىڭ بازارلانعان ساۋداداعى توك مولشەرى سايكەس مەزگىلدەگىدەن %25 ارتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 7 - ايدىڭ 9 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا - ساتتىق ورتالىعى شەكتى سەرىكتەستىگىنەن ۇعىسۋىمىزشا، رايونىمىز ەلەكتر قۋاتى ءتۇزىلىسى رەفورماسىن ۇزدىكسىز تەرەڭدەتكەن، بيىل جىل باسىنان باستاپ، ەلەكتر قۋاتىنىڭ بازارلانعان ساۋدا - ساتتىققا قاتىناسۋىنا تولىق رۇقسات ەتكەننەن كەيىن، ساۋدا - ساتتىققا قاتىناسقان تۇتىنۋشى سانى ارتىپ، ساۋدا - ساتتىققا سالىنعان توك مولشەرىنىڭ ارتۋى كورنەكتى بولعان. الدىڭعى جارتى جىلدا ەلەكتر قۋاتىنىڭ بازارلانعان ساۋداداعى توك مولشەرى 65 ميلليارد 700 ميلليون كيلوۆات - ساعاتقا جەتىپ، سايكەس مەزگىلدەگىدەن %25 ارتقان.

  بيىل الدىڭعى جارتى جىلدا 400دەن استام توك تاراتاتىن كاسىپورىن، 60 توك ساتاتىن سەرىكتەستىك، 1500دەن استام توك تۇتىنۋشى ورىن ەكى جاقتى، كوپ جاقتى دەربەس ساۋدا جاساعان. ساندى مالىمەتتەردە كورسەتىلۋىنشە، الدىڭعى جارتى جىلدا ەلەكتر قۋاتىنىڭ بازارلانعان ساۋداداعى توك مولشەرى 65 ميلليارد 700 ميلليون كيلوۆات - ساعاتقا جەتكەن. مۇنىڭ ىشىندە، تىكە ساۋداعا سالىنعان توك مولشەرى 56 ميلليارد كيلوۆات - ساعاتقا، جاڭا ەنەرگيا ورنىن باسقان ساۋداداعى توك مولشەرى ءبىر ميلليارد 500 ميلليون كيلوۆات - ساعاتقا جەتكەن.

  شينجياڭ ەلەكتر قۋاتى ساۋدا - ساتتىق ورتالىعى بۇكىل ەل بويىنشا تۇڭعىش رەت تۇراقتى توك جەتكىزۋگە سايكەسكەن جاڭا ەنەرگيا مەن شينجياڭ ىشىندەگى ءوزى جابدىقتايتىن ەلەكتر ستانسيالارىنىڭ توك ىستەتۋ جوعارى ورلەۋىن رەتتەۋ ساۋدا - ساتتىعىن اشىپ، جاڭا ەنەرگيانىڭ تازارتۋ قابىلەتىن ءونىمدى جوعارىلاتتى. 6 - ايدىڭ سوڭىنا دەيىن جاڭا ەنەرگيا كاسىپورىندارىنىڭ شينجياڭ ىشىندەگى بازارلانعان توك مولشەرى 5 جىلدا جيىنى 50 ميلليارد كيلوۆات - ساعاتتان اسقان.

  2016 - جىلى شينجياڭ ەلەكتر قۋاتى ساۋدا - ساتتىق ورتالىعى قۇرىلعان العاشقى مەزگىلدە، تەك اۆتونوميالى رايوندىق حالىق ۇكىمەتىنىڭ بەكىتۋىنەن عانا وتكەن ونەركاسىپ تۇتىنۋشىلارىنىڭ ەلەكتر قۋاتى ساۋدا - ساتتىعىن ىستەۋىنە بولاتىن، ساۋدا - ساتتىق ءورىسى مەن كولەمى شەكتى ەدى. كوپ جاقتىڭ ورتاق قۇرۋى ارقىلى 2019 - جىلدىڭ سوڭىنا كەلگەندە، كومىر، بولات - تەمىر، ءتۇستى مەتال، قۇرىلىس ماتەريالدارى، كرەمنيلى جاڭا ماتەريالدار، مۇناي حيميا ونەركاسىبى جانە بۇلتتىق ەسەپتەۋ سىندى 7 سالاداعى ەلەكتر قۋاتىن تۇتىنۋشى شينجياڭ ەلەكتر قۋاتى بازارىنا كىرىپ، بازارلانعان ساۋدا - ساتتىقپەن اينالىستى.

  2019 - جىلى 11 - ايدا اۆتونوميالى رايوندىق دامۋ جانە رەفورما كوميتەتى «تيجاراتتىق ەلەكتر قۋاتى تۇتىنۋشىلارىنىڭ ەلەكتر قۋاتىنىڭ بازارلانعان ساۋدا - ساتتىققا قاتىناسۋىن جاپپاي اشىق ۇستاۋ حابارلاندىرۋىن» باسىپ تاراتتى. «حابارلاندىرۋعا» ساي، رۇقسات ەتۋ شارت - جاعدايىنا ۇيلەسۋ العى شارتىندا، ادەتتەگى ونەركاسىپ - ساۋدا سالاسى، ءىرى ونەركاسىپ تۇتىنۋشىلارى سياقتى ەلەكتر قۋاتىن قاجەت ەتەتىن ءارقانداي تۇتىنۋشىنىڭ بارلىعىنىڭ ەلەكتر قۋاتىنىڭ بازارلانعان ساۋدا - ساتتىعىمەن اينالىسۋىنا بولاتىن بولدى.

  ”بۇل بىرنەشە كەزەڭدىك وزگەرىس رايونىمىزدىڭ ەلەكتر قۋاتى ساۋدا - ساتتىعىنىڭ بازارلانعان دامۋ بارىسىن ايگىلەدى، ەلەكتر قۋاتى ءتۇزىلىسى رەفورماسىنىڭ تابىسىن بەينەلەدى. ەلەكتر قۋاتىنىڭ بازارلانعان ساۋدا - ساتتىعىنا تولىق رۇقسات ەتىلگەننەن كەيىن، بيىل ءبىزدىڭ قىزمەت وتەيتىن ەلەكتر قۋاتى تۇتىنۋشىلارىنىڭ اراسىندا جاڭادان ارتقان 7 ۇلكەن سالادان سىرت 1290 تۇتىنۋشى تىڭنان ارتىپ، ەلەكتر قۋاتىنىڭ بازارلانعان ساۋدا - ساتتىعىنا قاتىناسقان تۇتىنۋشىلاردىڭ سانى زور مولشەردە ارتىپ، ەلەكتر قۋاتى بازارىن اناعۇرلىم گۇلدەندىردى“، - دەدى شينجياڭ ەلەكتر قۋاتى ساۋدا - ساتتىق ورتالىعى شەكتى سەرىكتەستىگى شينجياڭ ىشىندەگى ساۋدا - ساتتىقتى ۇيىمداستىرۋ ىستەرىنىڭ ارناۋلى جاۋاپتىسى ي بيڭشيڭ.

  قازىرگە دەيىن، شينجياڭ ەلەكتر قۋاتى ساۋدا - ساتتىق ورتالىعى ءتۇرلى بازار نەگىزگى تۇلعالارىنان 3031ىن تىركەۋگە الدى، مۇنىڭ ىشىندە 782 توك تاراتۋ كاسىپورنى، 298 توك ساتۋ سەرىكتەستىگى، 1951 توك تۇتىنۋشىسى بار، بارلىق ونەركاسىپ سالاسىن، ءتۇرىن قامتىدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى