تيانشان تورى   ›   جاڭالىقتار   ›   وقۋ-اعارتۋ

جاستىق كوكتەمدى ەڭ قاجەت جەردە جالىنداتامىز

− جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 وقۋشى شينجياڭنىڭ نەگىزگى ساتىلارىنا تامىر تارتۋعا بەل بايلادى

شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن

  ”بيىل مەن تاعى دا جىلقى ءۇيىرىن ايداپ وسى جەردەن ءوتتىم، اينالا تۇگەل جاسىل ورمان، ءزاۋلىم عيمارات، قىزىل تۋلار، يىن تىرەسكەن مۇناي قۇدىقتارى جانە كەڭ كوسىلگەن قۇرىلىس ورىندارى، مەن جىلقىمدى ايداپ، قارامايلىعا قاراي تارتتىم...“

  7 - ايدىڭ 9 - كۇنى تاڭەرتەڭ ەرتە، ءتىلشى جۇڭگو مۇناي داشۋەسى (بەيجيڭ) قارامايلى مەكتەپ رايونىنا كەلگەن كەزدە، ءبىر وقۋشى قول تەلەفونىنان باياعى جىلداردا وتانىمىزدىڭ بايتاق دالاسىنىڭ تۇستىگى مەن تەرىستىگىندە كەڭىنەن شىرقالعان «قارامايلى ءانىن» قويىپ تۇر ەكەن.

  وسى ءبىر ءان قارامايلى دەيتىن وسىناۋ ”جاڭا جۇڭگو مۇنايىنىڭ تۇڭعىشىن“ بارشا جۇڭگولىقتاردىڭ قىزىل ءتۇستى ەستەمەسىنە اينالدىرعان بولاتىن. 2020 - جىلى 7 - ايدىڭ 7 - كۇنى وسىناۋ قۇتتى توپىراق باس شۋجيدىڭ جاۋاپ حاتىمەن جۇرت نازارىن تاعى ءبىر مارتە وزىنە باۋرادى.

  2016 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونى وقۋشى قابىلداي باستادى. جۋىقتا اتالعان مەكتەپتەن وقۋ تاۋىسقان 118 وقۋشى باس شۋجي شي جينپيڭگە حات جازىپ، داشۋەنىڭ 4 جىلىندا ۇيرەنۋ جانە يدەيا جاقتاردا العان تابىستارىنان مالىمەت بەرىپ، باتىس بولىككە تامىر تارتىپ، شەكارا ءوڭىردى كوركەيتەتىن بەرىك بەكىمدەرىن بىلدىرگەن بولاتىن. باس شۋجي شي جينپيڭ ىقىلاسپەن جاۋاپ حات قايتارىپ، وقۋشىلار جاساعان ءومىر تالعامدارىن تۇراقتاندىرىپ، ولاردى ءداۋىر بورىشىن جۇرەكتىلىكپەن ارقالاپ، جەكە مۇرات - تالپىنىستارىن پارتيا مەن مەملەكەت ىستەرىنە توعىستىرىپ، پارتيا ءۇشىن، وتان ءۇشىن، حالىق ءۇشىن كوپتەپ ۇلەس قوسۋعا ىنتالاندىردى.

وسىندا قالىپ، وزىمىزگە ەڭ جاقسى ساحنا تابامىز

  ”شينجياڭدى ءبىر كورگەن جەردەن - اق ۇناتاسىڭ، وسىندا تامىر تارتۋدى تاڭداۋ مەنىڭ ومىرلىك بايلامىم“. بۇل شاندۇڭ ولكەسى چيڭداۋ قالاسىنان كەلگەن ديڭ گۇيياڭنىڭ جۇرەك ءسوزى. قارامايلى مەكتەپ رايونى بايلىق بارلاۋ ينجەنەرياسى ماماندىعىنان وقۋ تاۋىسقان بۇل وقۋشى قازىر جۇڭگو مۇناي شينجياڭ مۇناي الابى سەرىكتەستىگىمەن كەلىسىم - شارت جاساسقان.

  حۋاڭحاي تەڭىزىنىڭ جاعاسىنان باتىس سولتۇستىكتەگى مۇناي قالاسىنا كەلىپ، قارامايلىدا وقىعان 4 جىلدا ديڭ گۇيياڭ شينجياڭمەن تانىستى، شينجياڭدى ءسۇيدى.

  داشۋەنىڭ 1 - جىلدىعىنان باستاپ، ديڭ گۇيياڭ وقىتۋشىنىڭ جەتەكشىلىگىندە پراكتيكا جاسادى. عاجايىپ سايتان كەرىش، قۇبىلمالى بالشىقتى جانارتاۋ، جالاما قۇزدى مايتاۋ اڭعارى سياقتى جەرلەردىڭ بارىندە ولاردىڭ پراكتيكا جاساعان ىزدەرى قالدى. شينجياڭنىڭ وزگەشە تاۋ - وزەن جەر ءبىتىمى، سالت - ءداستۇر، عۇرىپ - ادەتى ونىڭ جۇرەگىن بارىنشا باۋرادى.

  ”شينجياڭنىڭ كۇردەلى گەولوگيالىق قۇرىلىمى بايلىق بارلاۋ ينجەنەرياسى ماماندىعىنىڭ وقۋشىلارى ءۇشىن ەڭ تاماشا وقۋلىق سانالادى“. كاسىپتىك ءبىلىمنىڭ ۇزدىكسىز وسۋىندە، ول شينجياڭنىڭ بولاشاق دامۋىنىڭ وراسان زور كومەسكى قۋاتىن كورىپ، ءوزىنىڭ قايدا بارۋى كەرەكتىگىن ۇقتى.

  3 - جىلدىقتا كاسىپورىندا ءوندىرىس پراكتيكاسىن جاساعاندا، ديڭ گۇيياڭ شينجياڭ مۇناي الابى سەرىكتەستىگىنىڭ مۇناي الۋ جۇمىس اۋماعى، بارلاۋ - اشۋ زەرتتەۋ مەكەمەسى سياقتى ورىندارعا كىرۋدى تاڭداپ، ءوز دەڭگەيىن ۇزدىكسىز كوتەرۋدى ماقسات ەتۋمەن بىرگە، ءوزىنىڭ كوڭىلى اۋعان ساحناعا ەرتەرەك قادام تاستاۋدى اسىعا ءۇمىت ەتتى.

  ”شينجياڭ مەملەكەتىمىزدىڭ ماڭىزدى كەشەندى ەنەرگيا بازاسى، بايلىق مولشەرى وراسان كوپ، بۇل جەردە ماعان كەڭ دامۋ ءورىسى بار“. شينجياڭدا قالىپ، مەملەكەت ءۇشىن كەن بايلىقتارىن بارلاۋ سىندى داڭقتى بورىشتى ارقالاۋدى قالايمىن، - دەيدى ديڭ گۇيياڭ.

  قارامايلى مەكتەپ رايونى مۇناي ينجەنەرياسى شۋەيۋانى وقۋشىلار ۇيىمىنىڭ ءتوراعاسى رەتىندە، ۋاڭ لياڭجى جۇمىستانۋ سىندى ءومىردىڭ كوبىن تاڭداۋ سۇراعىن ءبىرىن تاڭداۋ سۇراعىنا اينالدىردى.

  بيىل 5 - ايدىڭ 17 - كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە باتىس بولىكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ جونىندەگى جەتەكشى پىكىرى» جاريالانىپ، باتىس بولىكتىڭ بولاشاق دامۋىنىڭ ايبىندى كارتيناسى ۋاڭ لياڭجىنىڭ جۇرەگىن تەرەڭ تولقىتتى.

  ”ءبىر ادامنىڭ تاڭداۋى ءداۋىردىڭ تالابىنا ساي كەلگەندە عانا، اناعۇرلىم قۇندى بولادى“، - دەيدى ۋاڭ لياڭجى.

  اقىرىندا، ول دا ديڭ گۇيياڭ سياقتى شينجياڭ مۇناي الابى سەرىكتەستىگىنە تامىر تارتۋدى تاڭدادى. قارامايلى مەكتەپ رايونىنان وقۋ تاۋىسقان 118 وقۋشى شينجياڭنىڭ نەگىزگى ساتىلارىندا قالۋعا بايلام جاسادى.

  وسىندا قالىپ ءارى تامىر تارتىپ، ۇلكەن ىسكە جارامدى، اۋىر مىندەت ارقالاي الاتىن باتىس بولىكتىڭ قۇرىلىسشىلارىنان بولۋعا قۇلشىنۋ − ولاردىڭ ورتاق تالعامى بولدى.

جالىنى ماڭگى سونبەيتىن رۋحقا مۇراگەر بولامىز

  1955 - جىلى 7 - ايدا 36 جۇمىسشىدان قۇرالعان جاستار بۇرعىلاۋ اترەتى قارامايلىعا كەلدى. سول جىلى 10 - ايدىڭ 29 - كۇنى قارامايلى 1 - ءنومىر قۇدىعىنان ونەركاسىپتىك مۇناي اعىنى اتىلىپ شىعىپ، ەلىمىزدەگى تۇڭعىش ۇلكەن مۇناي الابى قارامايلى مۇناي الابىنىڭ دۇنيەگە كەلگەندىگىن جاريالادى. وسىدان كەيىن، مۇنايدىڭ ارقاسىندا وسىندا ءبىر قالا بوي كوتەردى.

  ءار جولى قارامايلى كورمە (مۇراجاي) سارايىنا ەكسكۋرسياعا بارىپ، وسى تاريحتى قايتا ەسكە العاندا، چىن تىڭحۇيدىڭ كوڭىل تەڭىزىندە ءاردايىم تولقىن پايدا بولادى.

  اسقاق سەزىم الاۋلاعان جىلداردا سانسىز جاس مۇنايشى تابيعاتپەن كۇرەسىپ، تىڭ يگەرىپ، مۇناي بارلاپ، مۇناي الدى، قۇمدى ءشول، قۇبا تۇزدە ەرلىكپەن شايقاس جاساپ، جاستىق گۇلىنىڭ وزگەشە بايشەشەگىن قاۋلاتتى.

  ”مەن شينجياڭدىقپىن، مەن اتا مەكەنىمنىڭ دالاسىنداعى وسىناۋ تاريحتى ءارقاشان ماقتان ەتەمىن! چىن تىڭحۇي قارامايلى مەكتەپ رايونى ماشينا جوبالاۋ - جاساۋ جانە اۆتوماتتاندىرۋ ماماندىعىنان وقۋ تاۋىسقان وقۋشى، ونىڭ اتا مەكەنى بۇراتالا قالاسى.

  چىن تىڭحۇي شينجياڭداعى 10 نەشە جىلدىق وقۋ بەلەسىندە ءوزىنىڭ شينجياڭنىڭ دامۋى ءتىپتى دە كوپ ادامنىڭ ات سالىسۋىن قاجەت ەتەتىندىگىن تەرەڭ سەزىنگەندىگىن ايتتى. ورتا مەكتەپتەگى كەزىندە، مەكتەپتىڭ وقىتۋشى بايلىعى سالىستىرمالى كەمشىل بولعاندىقتان، شينجياڭعا باعىتتامالى كومەكتەسەتىن ولكە، قالالاردىڭ تاڭداۋلى وقىتۋشىلاردى وقىتۋعا كومەككە جىبەرگەندىگى ونىڭ ءالى ەسىندە.

  ”سول كەزدەن باستاپ، مەن وزىمە كەيىن داشۋەنى مەيلى قايدا وقىسام دا، شينجياڭعا قايتىپ كەلىپ قىزمەت ىستەيمىن دەگەن نىسانا بەلگىلەدىم، ويتكەنى بۇل ارا مەنىڭ تۋعان جەرىم“، - دەدى چىن تىڭحۇي.

  داشۋەنىڭ 1 - جىلدىعىنىڭ جازدىق دەمالىسىندا، چىن تىڭحۇي تارىم مۇناي الابىنىڭ جازدىق دەمالىس قوعامدىق اماليات قيمىلىنا قاتىناسىپ، تارىم مۇناي الابىنىڭ ءوندىرىس ءبىرىنشى شەبىنە بارىپ، مۇناي الابىنداعى جۇمىستىڭ جاپالىلىعى مەن قيىندىعىن جاقىن ارالىقتان سەزىندى.

  ”ءشول دالا قۇلازىعان جاپان ءتۇز بولعانىمەن، ءومىرىمىز قۇلازىمايدى“. ورتا تارىم مۇناي الابىنا باراتىن ءشول دالا تاس جولىنىڭ بويىندا وسىلاي دەپ جازىلعان ۇلكەن جازبا ۇران تۇر. چىن تىڭحۇي ونى العاش كورگەندە قاتتى تەبىرەندى.

  ”بۇل سان - ساناقسىز مۇنايشىلاردىڭ ومىرلىك تانىمى مەن رۋحىنىڭ ناعىز بەينەسى. مەن دە ءوز ءومىرىمنىڭ تىرشىلىك تىنىسىنا تولى بولۋىن ءۇمىت ەتەمىن“. قازىر دە بۇل جازبا ۇران قۇم قويناۋىندا ءالى قاسقايىپ تۇر، ال چىن تىڭحۇي دا جۇڭگو مۇناي مايتاۋ مۇناي حيميا سەرىكتەستىگىنەن وزىنە لايىق قىزمەت ورنىن تاپتى.

  ”تالاي ۇرپاق مۇنايشىلار وشپەس ەڭبەك ەتتى، مەن دە اعا بۋىنداردىڭ رۋحىن جالعاستىرىپ، زامانىمىزداعى جاستاردىڭ كەلبەتىن كەستەلەسەم دەيمىن“، - دەدى چىن تىڭحۇي.

  شينجياڭدا قالىپ قىزمەت ىستەۋدى تاڭداعان چىن تىڭحۇي سياقتى قارامايلى مەكتەپ رايونى مۇناي ينجەنەرياسى ماماندىعىنىڭ 2016 - جىلدىق وقۋشىسى ۋاڭ ينيڭ شينجياڭ مۇناي الابى سەرىكتەستىگىن تاڭدادى. ول ءوزىنىڭ پراكتيكا كەزىندە شينجياڭنىڭ كوپتەگەن جەرلەرىنە بارىپ، كوركەم شينجياڭدى تاماشالاۋمەن بىرگە، وسىناۋ شۇرايلى توپىراقتىڭ باۋرامدىلىعىن سەزىنگەندىگىن ايتتى.

  قارامايلى مەكتەپ رايونى اعاشپەن كومكەرىلگەن، ولاردى بىرنەشە جىلدىڭ الدىندا مەكتەپ قۇرىلعان كەزدە وقىتۋشى - وقۋشىلار ءوز قولدارىمەن ەككەن بولاتىن. قازىر بۇل اعاشتار ماۋەلەپ ءوستى. ال تۇتاس قارامايلىعا كوز سالساڭىز، تالايلاعان ۇرپاق مۇنايشىلار ەككەن اعاشتار تولىسا ءوسىپ، اسپانعا بوي سوزىپ تۇر.

  ”بۇل اعاشتار ءبىزدىڭ قالاداعى ادامدارعا ۇقسايدى، ولار دا شار تاراپتان وسىندا كەلىپ، تامىر تارتىپ، ەسەيىپ، ۇلەس قوسىپ، ءوسىپ - ءوربىدى!“، - دەدى قارامايلى قالالىق پارتكومنىڭ تۇراقتى مۇشەسى، باس حاتشى، وقۋ - اعارتۋ قىزمەتى كوميتەتىنىڭ شۋجيى تۇڭ جۇڭحۋا.

ىرىستى مەكەندەگى ارمان ارقالاعان ۇلاندار

  2018 - جىلى 38 جاستاعى دوتسەنت لي حايچيڭ ەرىكتى رەتىندە قارامايلى مەكتەپ رايونىنا وقىتۋعا كومەككە كەلدى. كەلۋدەن بۇرىن، ول ەلەكترون عىلىم - تەحنيكاسى داشۋەسى ماشينا جانە ەلەكتر - گازدەندىرۋ ينجەنەرياسى شۋەيۋانى ونەركاسىپ ينجەنەرياسى فاكۋلتەتىنىڭ مەڭگەرۋشىسى بولاتىن.

  ”كوڭىلىمدە بۇرىننان شينجياڭعا دەگەن سۇيىسپەنشىلىك بار بولاتىن، شينجياڭدى ۇناتۋمەن بىرگە، وسى ارا مەنى قاجەت ەتەدى دەگەن سەزىمدە ەدىم“، - دەدى لي حايچيڭ. وقىتۋعا كومەكتەسۋ كەلىسىمىنىڭ ۋاقىتى ءبىر جارىم جىل قوسىلعان ءبىر جارىم جىل بولاتىن، العاشقى ءبىر جارىم جىلدىق وقىتۋعا كومەكتەسۋ مەرزىمى اياقتالعاننان كەيىن، كەلىسىمدى جالعاستىرۋدى نەمەسە توقتاتۋدى تاڭداۋعا بولاتىن، ال ول قازىر 2 - كەزەكتىك وقىتۋعا كومەكتەسۋ كەلىسىم مەرزىمىنە ءوتتى. ول مەكتەپكە كەلگەندىكتەن دە، قارامايلى مەكتەپ رايونى ماشينا سەنىمدىلىگىن جوبالاۋ ساباعىن اشىپ، جەرگىلىكتى ورىننىڭ ەكونوميكالىق قۇرىلىسىنا شۇعىل قاجەتتى دارىندىلاردى باۋلي الدى.

  ”وتانىڭدى سۇيسەڭ، مەملەكەت پەن ۇلتتىڭ تاعدىرىن جەكەنىڭ تاعدىرىمەن بايلانىستىرا الاسىڭ؛ حالىقتى سۇيسەڭ، ۇلەس قوسىپ، جاۋاپكەرشىلىك ارقالاي الاسىڭ؛ كاسىپتى سۇيسەڭ، باتىس بولىكتى تاڭدايسىڭ، شينجياڭدى تاڭدايسىڭ، ويتكەنى وندا سەن قاجەت ەتكەن ءورىس بار“، - دەيتىن لي حايچيڭ وقۋشىلارىنا ۇنەمى.

  ”ساباقتاستار باس شۋجيدىڭ تاپسىرماسىن ەستە بەرىك ساقتاپ، جاستىق ورال ارمانىن ارقالاپ، توراڭعى سياقتى شينجياڭعا تامىر تارتىپ، شينجياڭدى كوركەيتۋ ءۇشىن ءومىردىڭ تىڭ ساپارىنا قادام باستى. مەن ولاردىڭ بارلىعىنىڭ ءوز قىزمەت ورىندارىندا ءوز قۇندارىن ايگىلەپ، جاستىق ورالدىڭ شۇعىلاسىن شاشتىرا بەرۋىن تىلەيمىن!“، - دەدى جۇڭگو مۇناي داشۋەسىنىڭ (بەيجيڭ) ورىنباسار باستىعى چىن دا - ىن.

  2016 - جىلى جۇڭگو مۇناي داشۋەسى قارامايلىدا مەكتەپ رايونىن قۇرىپ، جوعارى مەكتەپتى مۇناي الابىندا سالدى، چىن دا - ىن مەكتەپ رايونى قۇرىلىسىن ىلگەرىلەتۋ گرۋپپاسىنىڭ باستىعى بولدى. ول بىلاي دەدى: 2018 - جىلدان بەرى، وقۋ - اعارتۋ مينيسترلىگى ەل ىشىندەگى جوعارى ورەلى 15 مەكتەپتى قارامايلى مەكتەپ رايونىن سالۋعا باعىتتامالى كومەكتەسۋگە ۇيىمداستىردى، شينجياڭ مەن قارامايلى قالاسى دا بار كۇشپەن قولداۋ كورسەتتى.

  ”قارامايلى مەكتەپ رايونىن سالۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى، ’ءبىر بەلدەۋ، ءبىر جول‘ قۇرىلىسىنا قىزمەت ەت−ۋدەگى كەلەلى شارا“. چىن دا - ىن بىلاي دەدى: مەيلى قارامايلىعا، الدە شينجياڭعا كوز جىبەرسەك تە، بارلىعىنان وسى شۇرايلى ءوڭىردىڭ دارىندىعا اسا ءزارۋ ەكەندىگىن، دارىندىنى قىزۋ سۇيەتىندىگىن تەرەڭ سەزىنەسىز.وسىلاي بولعاندىقتان دا، مەكتەپ تاۋىسقان 118 وقۋشى شينجياڭنىڭ نەگىزگى ساتىسىندا قالۋدى تاڭدادى.

  ”دارىندى جاعىندا، قارامايلى قالاسى قاي - قاشان دا ولارعا ىستىق ىقىلاسپەن قۇشاق جايادى“. تۇڭ جۇڭحۋا بىلاي دەدى: جوعارى مەكتەپتەن وقۋ تاۋىسقاندار جاعىندا، قارامايلى قالاسى ارناۋلى قىزمەت وتەۋدى جولعا قويىپ، ءاربىر دارىندىنىڭ جۇمىس ورنىنا يە بولۋىنا، دارىنىن ايگىلەيتىن ساحناسى بولۋىنا، دامۋ كەڭىستىگى بولۋىنا مۇمكىندىك جاسايدى.

  قارامايلى قالاسىنىڭ قاتىستى تاراۋىنىڭ ساناق ساندى مالىمەتىندە كورسەتىلۋىنشە، 2019 - جىلدىڭ اياعىنا دەيىن، قارامايلى قالاسىنداعى دارىندىلاردىڭ جالپى سانى 106 مىڭ ادامعا جەتىپ، دارىندىلاردىڭ ۇلەس قوسۋ مولشەرى %33.3كە جەتكەن.

  ”قارامايلى شينجياڭنىڭ شاعىن كورىنىسى ىسپەتتى، اناعۇرلىم تاماشا شينجياڭنىڭ كەلەشەگىنەن كۇتەر ءۇمىت زور!“، - دەدى لي حايچيڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.