چىن چۋانگو قارامايلىدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن بار كۇشپەن تياناقتاندىرىپ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرۋ كەرەك
جۋىقتا اۆتونوميالى رايوندىق پارتكومنىڭ شۋجيى چىن چۋانگو قارامايلىدا ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى. سۋرەتتە: چىن چۋانگو قارامايلى مۇناي حيميا سەرىكتەستىگى 2 - ءنومىرلى ورتالىق مەڭگەرۋ بولمەسىندە ءار ۇلت جۇمىسشى - قىزمەتكەرلەرمەن ىقىلاسپەن اڭگىمەلەسىپ، ىندەتتەن ساقتانۋ - تىزگىندەۋ جانە ءوندىرىس - تيجارات قاتارلى جاعدايلاردى ىشكەرىلەي ۇعىسۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ 7 - ايدىڭ 9 - كۇنى قارامايلىدان حابارلايدى. جۋىقتا اۆتونوميالى رايوندىق پارتكومنىڭ شۋجيى چىن چۋانگو قارامايلىدا ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى. چىن چۋانگو بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، تەبىن توپتاۋعا، كۇش جيناۋعا، اۋقىمدى جوسپارلاۋعا، وزگەرىستى تانۋعا، وزگەرىسكە تالپىنۋعا، وزگەرىسكە توتەپ بەرۋگە شەبەر بولىپ، ىرىقتىلىقپەن ىسكەرلىك كورسەتىپ، قيىندىقتان قامال الىپ، ىندەتتەن ساقتانۋ - تىزگىندەۋدى ۇدايىلاندىرۋ جانە كەدەيلىكتەن ارىلتۋدان قامال الۋ، ەكونوميكالىق دامۋ، قوعام ورنىقتىلىعى قاتارلى قىزمەتتەردى ءبىر تۇتاس جوسپارلاپ جاقسى ىستەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ كەرەك.
قارامايلى مۇناي حيميا سەرىكتەستىگى جاڭا جۇڭگومەن بىرگە قۇرىلعان ءبىرىنشى ءىرى مۇناي الابى − قارامايلى مۇناي الابى اشىپ قۇرعان زاۆود، بۇگىنگى تاڭدا ول ەلىمىزدىڭ قويۋ مۇناي مانەرلەۋ بازاسى جانە جوعارى سورتتى جىبىتكىش ماي، اسفالت ءوندىرۋ بازاسى. چىن چۋانگو زاۆود اۋماعىنا كىرىپ، كاسىپورىن جاۋاپتىلارىمەن جانە ءار ۇلت جۇمىسشى - قىزمەتكەرلەرىمەن ىقىلاسپەن اڭگىمەلەسىپ، ىندەتتەن ساقتانۋ - تىزگىندەۋ جانە ءوندىرىس، تيجارات، ت. ب جاعدايلاردى ىشكەرىلەي ۇعىسىپ، ولاردى داچيڭ رۋحىن، قۇرىش ادام رۋحىن بارىنشا اسقاقتاتىپ، مۇناي رەفورماسىنىڭ، جاڭالىق اشۋدىڭ، ورنىقتى دا اقاۋسىز دامۋدىڭ جاڭا تاراۋىن جازۋ بارىسىندا تاعى دا تىڭ ەڭبەك سىڭىرۋگە شابىتتاندىردى.
قارامايلى قالالىق 100 ميللياردتىق كاسىپ سالاسى شوعىرى كەڭسەسىندە چىن چۋانگو تۇتاس قالانىڭ ساۋداگەر شاقىرىپ، قارجى ەنگىزۋ، كاسىپورىن جەتىلدىرۋ، كاسىپ سالاسىن جوبالاۋ سياقتى جاعدايلارىنان بەرىلگەن مالىمەتتى تىڭدادى. چىن چۋانگو بىلاي دەپ اتاپ كورسەتتى: ەكونوميكالىق دامۋدىڭ جاڭا كەزەڭىنەن، عىلىم - تەحنيكا دامۋىنىڭ جاڭا العى شەبىنەن كوز جازباي، ساپانى ءبىرىنشى ورىنعا قويۋعا، ونىمدىلىكتى الدىمەن ويلاستىرۋعا تاباندى بولىپ، ناقتى ەكونوميكا، عىلىم - تەحنيكادا جاڭالىق اشۋ، وسى زامانعى فينانس، ادام كۇشى بايلىعى سايكەستى داميتىن كاسىپ سالاسى جۇيەسىن جەدەل قۇرىپ، جاڭا ەكونوميكالىق ارتۋ ۇيەگىن بەلسەندىلىكپەن تۇلعالاۋ كەرەك.
قارامايلى بۇلتتىق ەسەپتەۋ كاسىپ سالاسى باقشاسى اۆتونوميالى رايوننىڭ ”تيانشان بۇلت“ جوسپارىنىڭ وزەكتى بازاسى ءارى تۇتاس رايونداعى بىردەن - ءبىر بۇلتتىق ەسەپتەۋ كاسىپ سالاسى باقشا رايونى. چىن چۋانگو وسى اراعا كەلىپ، باقشا رايونى جوباسى، جۇمىس باسقارۋ، ينفورماتسيا كاسىپ سالاسىنىڭ دامۋى سياقتى جاعدايلاردى ەگجەي - تەگجەيلى ۇعىستى. ول: جاڭاشا نەگىزدىك قۇرىلعى قۇرىلىسىن كۇشەيتىپ، ينفورماتسيا تەحنيكاسىنىڭ، ينتەرنەت تەحنيكاسىنىڭ عىلمي زەرتتەۋ جەتىستىكتەرىن كادەگە جاراتۋدى زور كۇشپەن جاقسى ىستەۋ كەرەك، - دەدى.
چىن چۋانگو تەكسەرۋ - زەرتتەۋ بارىسىندا قارامايلى قالاسىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ىشكەرىلەي ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، 3 ءىرى قامال الۋ شايقاسىن باتىل، ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، قارامايلىنىڭ ورنىقتىلىق، دامۋ ىستەرىنىڭ تىڭ ناتيجەلەرگە قول جەتكىزۋىن ۇزدىكسىز ىلگەرىلەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋعا تاباندى بولۋدان بوساڭسىماۋ كەرەك. باستان - اياق ساق بولىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن ناقتى، ەگجەي - تەگجەيلى تياناقتاندىرىپ، ءتۇيىندى وتكەلدەردەگى، ءتۇيىندى ورىندارداعى، ءتۇيىندى شوعىرلارداعى دالمە - ءدال، عىلمي ساقتانۋ - تىزگىندەۋدى ۇزدىكسىز جاقسى ىستەپ، ىندەتتەن ساقتانۋ - تىزگىندەۋدىڭ ىرىقتىلىق ۇقىعىن مىقتاپ يگەرۋ كەرەك. جوعارى ساپالى دامۋدى ىلگەرىلەتۋدەن بوساڭسىماۋ كەرەك. جاڭا دامۋ ۇستانىمىن دايەكتىلەندىرىپ، ەكونوميكالىق دامۋ تاسىلىندە جەدەل بۇرىلىس جاساپ، قارجى قوسۋدى كەڭەيتۋگە، تۇتىنۋدى جەبەۋگە، سىرتقى قارجىسىن ورنىقتىرۋعا كۇش سالىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، قالا - قالاشىقتانۋدىڭ ساپاسىن ۇزدىكسىز جوعارىلاتىپ، شەشۋشى سيپاتتى رەفورمالاردى تەرەڭدەتىپ، جوعارى دەڭگەيدە ەسىك اشۋدى كەڭەيتىپ، ەكونوميكالىق دامۋدىڭ ۇزبەي مولشەرىن جوعارىلاتىپ، ساپاسىن ارتتىرۋدى ىلگەرىلەتۋ كەرەك. حالىق تۇرمىسىن قامتاماسىز ەتۋدە جانە جاقسارتۋدا سالعىرتتىق ىستەمەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جاساۋ ساياساتتارىن، اسىرەسە، جۇمىستانۋدى ورنىقتىرۋ ساياساتىن ۇزدىكسىز تياناقتاندىرىپ، ءتۇيىندى شوعىرلاردى جۇمىستاندىرۋدى ويداعىداي يگەرىپ، ەرەكشە قيىنشىلىعى بار شوعىرلاردى ەڭ تومەنگى شەكتەن تۇسىرمەي قامتاماسىز ەتۋدى كۇشەيتىپ، بۇقارانىڭ قيىن ماسەلەلەرىن شەشۋىنە، قۇت - ىرىسىن مولايتۋىنا شىنايى كومەكتەسىپ، دامۋدىڭ جەتىستىكتەرىن حالىق تۇرمىسىن جاقسارتۋدا، جۇرت تىلەگىن ۇيىستىرۋدا تياناقتاندىرۋ كەرەك. شارۋاشىلىق - ساۋدا ورتاسىن ساپالىلاندىرۋدى ۇزدىكسىز جالعاستىرۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، كاسىپورىندارعا تيىمدىلىك جەتكىزۋ ساياساتتارىن جالپى بەتتىك تياناقتاندىرىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، كاسىپورىنداردىڭ قيىنشىلىعىن دەر كەزىندە شەشىپ، ءتۇرلى بازار تۇلعالارىنىڭ ومىرشەڭدىك كۇشىن تولىق قاۋلاتۋ كەرەك. قوعام ورنىقتىلىعىن قورعاۋدان اۋىتقىماۋ كەرەك. ساقتىق دابىلىن ۇزبەي قاعىپ، قىراعىلىقتى قاي - قاشان دا ساقتاپ، نازاردى باس نىساناعا شوعىرلاندىرىپ، كەشەندى شارالاردى ويداعىداي جۇرگىزىپ، ۇتىمدى دا ءونىمدى ورنىقتىلىقتى قورعاۋ شارالارىنا اۋىتقىماي تاباندى بولىپ، بۇقارالىق قىزمەتتى ىشكەرىلەي، ەگجەي - تەگجەيلى جاقسى ىستەپ، ءوندىرىس حاۋىپسىزدىگىن بار كۇشپەن ويداعىداي يگەرىپ، قوعامنىڭ كەلەلى جاعدايىنىڭ جاراسىمدىلىعىن، ورنىقتىلىعىن باتىل قورعاۋ كەرەك.
اۆتونوميالى رايون باسشىلارىنان ليۋ جيانشين قاتارلىلار بىرگە تەكسەرۋ - زەرتتەۋ جۇرگىزدى.
