رايونىمىزداعى جوعارى مەكتەپ وقىتۋشى - وقۋشىلارى باس شۋجي شي جينپيڭنىڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا قايتارعان ماڭىزدى جاۋاپ حاتىنىڭ رۋحىن مۇقيات ۇيرەندى −
بەلدى بەكەم بۋىپ كۇرەس جاساپ، وتاننىڭ شينجياڭىن اناعۇرلىم كوركەم ەتىپ قۇرىپ شىعامىز
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ شييا، ءجازيرا نەسىپبەك، جاڭ جىلي
7 - ايدىڭ 7 - كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جاۋاپ حات قايتارىپ، ولاردىڭ شەكارا ءوڭىردىڭ نەگىزگى ساتىلارىنا بارىپ قىزمەت ىستەۋ تالعامدارىن تۇراقتاندىرىپ، جوعارى مەكتەپتەن وقۋ تاۋىسقان بارشا وقۋشىلارعا ىقىلاستى ءۇمىت ارتتى. باس شۋجيدىڭ ىقىلاستى تاپسىرماسى رايونىمىزداعى جوعارى مەكتەپ وقىتۋشى - وقۋشىلارىن ايرىقشا اسەرلەندىرىپ، ەرەكشە شابىتتاندىردى. كوپشىلىك جاپپاي باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن مۇقيات ۇيرەنىپ، ءىس جۇزىندىك ارەكەتتەرى ارقىلى ءداۋىر بورىشىن جۇرەكتىلىكپەن ارقالاپ، بوران - شاشىننان تايسالماي، اۋىر مىندەتتەردى جۇرەكتىلىكپەن ارقالاپ، وتاننىڭ شينجياڭىن ءتىپتى دە كوركەم ەتىپ قۇرىپ شىعامىز دەستى.
باس شۋجيدىڭ ماڭىزدى جاۋاپ حاتىن ۇيرەنگەننەن كەيىن، ىلە شىفان داشۋەسى ەلەكترون جانە ينفورماتسيا ينجەنەرياسى شۋەيۋانىنان وقۋ تاۋىسقان وقۋشى زاۋ ليڭ ۇزاققا دەيىن تەبىرەنگەن كوڭىل كۇيدە بولدى. ”باس شۋجيدىڭ قالىڭ قاربالاستىقتان قىمباتتى ۋاقىتىن شىعارىپ، جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جاۋاپ حات جازۋى باس شۋجيدىڭ جوعارى مەكتەپتەردەن وقۋ تاۋىسقان بارشا وقۋشىلارعا دەگەن قامقورلىعىن، ىقىلاسىن، شينجياڭداعى ءار ۇلت حالقىنا دەگەن تەرەڭ سۇيىسپەنشىلىگىن تولىق ايگىلەدى“. زاۋ ليڭ بىلاي دەدى: تاعى دا ءبىر جىلعى وقۋ تاۋىسۋ ماۋسىمى كەلىپ جەتتى، ماڭايىمداعى وقۋ تاۋىسقان ىشكى وڭىردەگى كوپتەگەن ساباقتاسىم شينجياڭدا قالىپ، شينجياڭدى گۇلدەندىرۋدى تاڭداعانىن كوردىم، بۇل مەنى تەرەڭ اسەرلەندىردى. وسى ارادا تۋىپ - وسكەن شينجياڭدىق رەتىندە زاۋ ليڭ دا شينجياڭداعى نەگىزگى ساتىعا بارىپ قىزمەت ىستەۋدى تاڭدادى. زاۋ ليڭ مىنالاردى ءبىلدىردى: باس شۋجيدىڭ شىنايى ءتالىمى مەن ىقىلاستى تاپسىرماسىن، ءسوز جوق، ەستە بەرىك ساقتاپ، اسقاق ارمان ۇستانىپ، قۇنتتى دا ۇقىپتى بولىپ، جاپادان، قيىندىقتان، قاتەردەن، بوگەتتەن تايسالماي، ءداۋىر بورىشىن جۇرەكتىلىكپەن ارقالاپ، ءار ۇلت حالقىمەن تىزە قوسا كۇرەس جاساپ، كوركەم شينجياڭدى بىرگە قۇرامىن.
اقسۋ كاسىپتىك - تەحنيكالىق شۋەيۋانىنان وقۋ تاۋىسقان وقۋشى ءسايدا راحىمان قازىر توقسۋ اۋداندىق حالىق شيپاحاناسىنا پراكتيكانت بولىپ ىستەپ ءجۇر. ءسايدا بىلاي دەدى: وڭتۇستىك شينجياڭداعى نەگىزگى ساتى داشۋە وقۋشىلارىن ەرەكشە قاجەت ەتەدى، مەكتەپتەن بيىل وقۋ تاۋىسقان 2600دەن استام وقۋشىنىڭ ％80ى وڭتۇستىك شينجياڭدا قالۋدى تاڭدادى. ”ءبىز باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ءىس جۇزىندىك ارەكەتىمىز بارىسىندا تياناقتاندىرىپ، قىزمەت ورنىندا شىڭدالۋدى قابىلداپ، قابىلەت - قارىمىمىزدى ارتتىرىپ، كوركەم شينجياڭ قۇرۋعا ۇلەس قوسامىز!“
”باس شۋجي شي جينپيڭ جاۋاپ حاتىندا كوپشىلىكتى ۇلكەن ىسكە جارامدى، كەلەلى مىندەت ارقالايتىن باتىس بولىكتىڭ قۇرىلىسشىلارى بولۋعا شابىتتاندىردى، مەن بۇدان ەرەكشە شابىت الدىم، جاۋاپكەرشىلىگىمنىڭ اۋىر، بورىشىمنىڭ داڭقتى ەكەنىن سەزىندىم“. شينجياڭ قازىنا - ەكونوميكا داشۋەسى ينفورماتسيا باسقارۋ شۋەيۋانىنىڭ دوتسەنتى گو جينجۇڭ مىنالاردى ءبىلدىردى: ”كاسىپتىك ءپاننىڭ وقىتۋشىسى رەتىندە، مەن ءاربىر ساعات ساباقتى دەن قويا دايىنداپ، ءاربىر ءبىلىم تۇيىنىندەگى يدەيالىق - ساياسي فاكتورلاردى تولىق اشىپ، قۇنمەن جەتەكتەۋ، قابىلەتىن جەتىلدىرۋ، ءبىلىم بەرۋ ارقىلى وقۋشىلاردى مۇرات - سەنىمدەرىن بەكەمدەپ، وتانشىلدىق سۇيىسپەنشىلىكتەرىن، وتان ءۇمىتىن اقتاۋ جىگەرلەرىن، قۋاتتى ەل قۇرۋ تىلەكتەرىن وتاننىڭ رەفورما، دامۋ ۇلى ىستەرىمەن توعىستىرۋعا، حالىقتىڭ تاريحتى جاراتۋداي ۇلى كۇرەسىمەن توعىستىرۋعا باستايمىن، تاربيەلەيمىن“.
”وسى 2 كۇندە تۇتاس مەكتەپتەگى وقىتۋشى - وقۋشىلار اڭگىمە ءماجىلىسى، نەگىزگى تاقىرىپتىق پارتيا ساباعى سياقتى ءتۇرلى فورمالار ارقىلى باس شۋجي شي جينپيڭنىڭ ماڭىزدى جاۋاپ حاتىن بىرگە ۇيرەندى، كوپشىلىك مۇنان ەرەكشە شابىت الدى“. شينجياڭ داشۋەسى پارتكومىنىڭ شۋجيى شۇي شيان - ي مىنالاردى ءبىلدىردى: مەكتەپ باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ىشكەرىلەي ۇيرەنىپ، دايەكتىلەندىرىپ، سوتسياليستىك مەكتەپ باسقارۋ باعىتىنا اناعۇرلىم تاباندى بولىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، ونەگە كورسەتىپ ادام تاربيەلەۋ ءتۇبىرلى مىندەتىن دايەكتىلەندىرىپ، تياناقتاندىرىپ، مەكتەپ تاۋىسقان بارشا وقۋشىلاردى نەگىزگى ساتىعا بارىپ، وتان ەڭ قاجەت ەتكەن جەرگە بارىپ، قۇنتتى دا ۇقىپتى بولىپ، ءبىلىم مەن ارەكەتتى بىرلىككە كەلتىرىپ، مۇراتتى، ءبىلىمدى، دارىندى بولۋعا قۇلشىنىپ، جاپادان، قيىندىقتان تايسالمايتىن، ءداۋىر بورىشىن جۇرەكتىلىكپەن ارقالايتىن ۇزدىك دارىندىلاردان بولۋعا، وتاننىڭ شينجياڭىن اناعۇرلىم كوركەم ەتىپ قۇرىپ شىعۋعا تاربيەلەيدى، باستايدى.
