تيانشان تورى   ›   جاڭالىقتار   ›   وقۋ-اعارتۋ

الدىڭعى جارتى جىلدا ”بۇلتتىق قىزمەتكەر قابىلداۋ“ رايونىمىزداعى جوعارى مەكتەپتەردەن وقۋ تاۋىسقان وقۋشىلار ءۇشىن 300 مىڭعا جۋىق جۇمىس ورنىن دايىندادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 7 - ايدىڭ 10 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، بيىل الدىڭعى جارتى جىلدا رايونىمىزداعى وقۋ - اعارتۋ، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلار ينتەرنەت جەلىسىندە ”بۇلتتىق قىزمەتكەر قابىلداۋ“ قيمىلىن ءونىمدى ۇيىمداستىرىپ، جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋ ارناسىن كەڭەيتكەن، قازىرگە دەيىن ينتەرنەت جەلىسىندە قىزمەتكەر قابىلداۋ قيمىلدارىنان 4000 كەزەكتەن استام رەت وتكىزىپ، 300 مىڭعا جۋىق جۇمىس ورنىن دايىنداعان.

  ”ينتەرنەت جەلىسىندە قىزمەت ىزدەۋ بۇكىلدەي جاڭا سەزىنۋ، وقۋ تاۋىسقان وقۋشىلار مۇنداي جاڭا فورماعا ىرىقتىلىقپەن سايكەسىپ، جەتكىلىكتى دايىندالىپ، قىزمەت ىزدەپ جۇمىستانۋعا بار كۇشىن سالۋى كەرەك“. 7 - ايدىڭ 10 - كۇنى داشۋەدەن وقۋ تاۋىسىپ، شينجياڭ زىجين ءتۇستى مەتال شەكتى سەرىكتەستىگىندە الدەقاشان جۇمىستانعان ارزىگۇل مامەت وسىلاي دەدى.

  ارزىگۇل شينجياڭ ينجەنەريا شۋەيۋانىنان وقۋ بىتىرگەن، بيىل 4 - ايدا مۇعالىمداردىڭ جەتەكشىلىك جاساپ كومەكتەسىپ سۇيەمەلدەۋىندە مەكتەپ ۇيىمداستىرعان ينتەرنەت جەلىسىندەگى قوس باعىتتا تاڭداۋ جيىنىنا قاتىناستى، كاسىپورىنمەن ينتەرنەت جەلىسىندە اۋىس - كۇيىس جاساۋ، تەكسەرۋ - باعالاۋ، بەتپە - بەت ەمتيحان سياقتى بارىستاردى وتكىزگەننەن كەيىن، ول باعالاۋدان ءساتتى ءوتىپ قىزمەتكە قابىلداندى.

  ۇعىسۋعا قاراعاندا، بيىل بۇكىل رايوندا جوعارى مەكتەپتەردەن 89 مىڭ 300 وقۋشى وقۋ تاۋىسقان، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتىن جاقسى ىستەۋ ءۇشىن، اۆتونوميالى رايون قاتىستى ادىستەردى شىعارىپ، قاتىستى تاراۋلاردان، ءارقايسى جوعارى مەكتەپتەردەن ينتەرنەتتە جۇمىستاندىرۋ ءىرى بازارىن بەلسەنە ۇيىمداستىرىپ، وقۋ تاۋىسقان وقۋشىلاردىڭ جۇمىستانۋىنا جەتەكشىلىك ەتۋ، قىزمەت وتەۋ ورەسىن جوعارىلاتىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارداعى وقۋشىلار مەن مۇگەدەك وقۋشىلار سياقتى وقۋ تاۋىسقان وقۋشىلاردى ”ءبىر ادامعا ءبىر شارا“ بويىنشا تۇرگە ءبولىپ كومەكتەسىپ - سۇيەمەلدەپ، ىندەتتىڭ وقۋ تاۋىسقان وقۋشىلاردىڭ جۇمىستانۋىنا بولعان ىقپالىن ەڭ تومەنگى شەككە ءتۇسىرۋدى تالاپ ەتكەن. قازىر بۇكىل شينجياڭدا جوعارى مەكتەپتەردىڭ جۇمىستانۋعا قىزمەت وتەۋ جۇيەسى وقۋ - اعارتۋ مينيسترلىگىنىڭ ”’24365‘ قىزمەتكەر قابىلداۋ تۇعىرى“، ادام كۇشى بايلىعى جانە قوعامدىق قامتاماسىزداندىرۋ مينسترلىگىنىڭ ”100 كۇندە 10 ميلليون ادامدى ينتەرنەتتە قىزمەتكە قابىلداۋ ارناۋلى ارەكەتى“، ”شينجياڭ الەۋمەتتىك جۇمىستاندىرۋ قىزمەت وتەۋ تورى“، ”شينجياڭ جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋعا قىزمەت وتەۋ تۇعىرى“ ۋيچات شاعىن پروگرامماسى سياقتىلاردى ۇلاستىرۋ - تۇتاستىرۋدى الدەقاشان جۇزەگە اسىرىپ، ينتەرنەت جەلىسىندە جۇمىستاندىرۋ قىزمەت وتەۋ تۇعىرىن قالىپتاستىرىپ، وقۋ تاۋىسقان وقۋشىلاردى بەلسەنە جۇمىستانۋعا جەتەكتەپ، ينتەرنەت جەلىسىندەگى جانە جەلىدەن سىرتقىنى ءوزارا ۇشتاستىرۋ ءتاسىلى ارقىلى وقۋ تاۋىسقان وقۋشىلاردىڭ ەرتەرەك جۇمىستانۋىنا ەڭ جوعارى شەكتە كومەكتەسكەن.

  بۇدان سىرت، ءارقايسى جوعارى مەكتەپتەر ينتەرنەت جەلىسىندە جۇمىستانۋعا جەتەكشىلىك ەتۋ ساباعى، نەگىزگى تاقىرىپتىق كلاس جيىنى، كاسىپتىك ءومىردى جوبالاۋ باسەكەسى، سونداي - اق مامانداردىڭ لەكسياسى سياقتى كوپ ءتۇرلى فورمالار ارقىلى وقۋ تاۋىسقان وقۋشىلاردىڭ جۇمىستاندىرۋ ساياساتى جونىندەگى تۇسىنىگىن كۇشەيتىپ، كوز اياسىن ۇزدىكسىز كەڭەيتىپ، ءوز ماماندىعىنا بولعان دارىندىلار قاجەتى مەن كاسىپ سالاسىنا تۇسىنىگىن كۇشەيتىپ، جەكە باسىنىڭ جۇمىستانۋ جاعدايى مەن بولاشاعىن دۇرىس تۇجىرىمداۋىنا مۇمكىندىك جاساعان. سونىمەن بىرگە، وقۋ تاۋىسقان وقۋشىلاردى مەكتەپ اۋلاسىندا قىزمەتكەر قابىلداۋ، ينتەرنەتتە قىزمەتكەر قابىلداۋ، ءوز الدىنا جۇمىستانۋ، شارۋاشىلىق قۇرۋ ارقىلى بەلسەندىلىكپەن ”شاقىرۋعا ساي قوسىنعا كىرۋ“، ”ءۇشتى قولداۋ، ءبىردى سۇيەمەلدەۋگە“ قاتىناسۋ سياقتى كوپ ءتۇرلى فورمالارمەن كوپ ارنالى يكەمدى جۇمىستانۋدى جۇزەگە اسىرۋعا شابىتتاندىرعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى