− رايونىمىز باس شۋجي شي جينپيڭنىڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا قايتارعان ماڭىزدى جاۋاپ حاتىنىڭ رۋحىن بەلسەنە دايەكتىلەندىردى، تياناقتاندىردى
شينجياڭ گازەتىنىڭ جالپىلىق اقپارات قۇرالدارى تىلشىلەرى
7 - ايدىڭ 7 - كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا قايتارعان جاۋاپ حاتىندا بىلاي دەپ باسا دارىپتەدى: ءار دارەجەلى پارتكوم، ۇكىمەت جانە قوعامداعى ءار سالا جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن شىنايى، ويداعىداي ىستەپ، ءونىمدى شارالار قولدانىپ، جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالدى جەڭىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا ءادىس - امالدىڭ بارىنشا كومەك كورسەتىپ، جوعارى مەكتەپتەن وقۋ تاۋىسقان وقۋشىلاردىڭ ءوز قىزمەت ورىندارىندا پارتيا مەن حالىق ءۇشىن ەڭبەك كورسەتىپ، ەسە قوسۋىنا ىستىق ىنتامەن قولداۋ كورسەتۋ كەرەك.
باس شۋجي جاۋاپ حاتىندا جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىنە ايرىقشا ءمان بەردى جانە شىنايى قامقورلىق جاسادى. رايونىمىزداعى ءارقايسى تاراۋلار مەن ورىندارداعى قاتىستى جاۋاپتىلار مىنالاردى ءبىلدىردى: باس شۋجي شي جينپيڭنىڭ جاۋاپ حاتىنىڭ رۋحىن بەلسەنە دايەكتەندىرىپ، تياناقتاندىرىپ، بەلسەندى، ءونىمدى شارالار قولدانىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا ءادىس - امالدىڭ بارىنشا كومەك كورسەتەمىز.
”باس شۋجيدىڭ جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىنە كوڭىل ءبولۋى ءبىزدى ەرەكشە جىگەرلەندىردى. جوعارى مەكتەپ تەك وقۋشىلاردىڭ ءبىلىمىن جەتىلدىرۋىنە، ىسكەرلىكتەرىن ارتتىرۋىنا، بەلسەندى جۇمىستانۋىنا كومەك كورسەتىپ قالماستان، ونان دا ماڭىزدىسى، ولاردى نەگىزگى ساتىعا قىزمەت وتەۋگە جەتەكتەۋى كەرەك“. شينجياڭ ينجەنەريا شۋەيۋانىنىڭ پارتكوم شۋجيى لي يۇيحۇڭ مىنالاردى ءبىلدىردى: باس شۋجي شي جينپيڭنىڭ تاپسىرماسىن ەستە بەرىك ساقتاپ، وقۋ تاۋىساتىن وقۋشىلاردىڭ دالمە - ءدال جۇمىستانۋىنا جەتەكشىلىك ەتىپ جانە جۇمىستانۋىنا مەيىرىممەن قىزمەت وتەپ، ءارقايسى ورىنداردىڭ قىزمەتكەر قابىلداۋ ينفورماتسياسىن، جۇمىستانۋ جونىنەن كاسىپتىك جەتەكشىلىك ىستەۋدى جانە كاسىپتىك اقىل - كەڭەس بەرۋدى ۇزدىكسىز تانىستىرىپ، جۇمىستانۋعا جەتەكشىلىك ىستەۋدى توقتاتپاۋعا، جۇمىستانۋعا قىزمەت وتەۋدە ءۇزىلىس بولماۋىنا شىنايى كەپىلدىك ەتۋىمىز كەرەك. سونىمەن بىرگە، پارتيا مۇشەلەرىنىڭ، مامانداردىڭ، پروفەسسورلاردىڭ، ”ۇشكە كىرۋ، ەكىمەن بايلانىس جاساۋ، بىرمەن دوس بولۋ“ وقىتۋشىلارى نەگىزگى كۇشتەرىنىڭ رولىن ساۋلەلەندىرىپ، تۇيىننەن - تۇيىنگە باعىتتاپ، ادامعا ساي شارا اتقارىپ، دارالىق ەرەكشەلىككە يە جۇمىستاندىرۋعا جەتەكشىلىك ەتۋدى ورىستەتىپ، ولاردىڭ ەرتەرەك جۇمىستانۋىنا، ويداعىداي جۇمىستانۋىنا كومەكتەسەمىز.
باس شۋجيدىڭ جاۋاپ حاتىن ۇيرەنگەننەن كەيىن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ قىزمەتكەرى باتىر جاۋاپكەرشىلىگىنىڭ سالماقتى ەكەندىگىن سەزىندى.
”باس شۋجيدىڭ جاۋاپ حاتى، تەك جوعارى مەكتەپتەن وقۋ تاۋىساتىن بارشا وقۋشىلاردى شابىتتاندىرىپ قالماستان، ءبىزدىڭ جوعارى مەكتەپتەن وقۋ تاۋىساتىن وقۋشىلاردى جۇمىستاندىرۋ قىزمەتىمىزگە ايقىن بەتالىس كورسەتىپ بەردى“. باتىر مىنالاردى ءبىلدىردى: ”ءبىز جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن جەبەيتىن ءتيىمدى ساياساتتاردى اناعۇرلىم كەمەلدەندىرىپ، سايكەستى قامتاماسىز ەتۋ شارالارىن ەگجەي - تەگجەيلى تياناقتاندىرىپ، كوپ ءتۇرلى ادىستەرمەن جۇمىستانۋ كومەسكى كۇشىن اشىپ، جۇمىستانۋ ارناسىن كەڭەيتىپ، الۋان ءتۇرلى، دارالىق ەرەكشەلىككە يە جۇمىستاندىرۋ قىزمەت وتەۋىمەن قامداپ، جوعارى مەكتەپتەن وقۋ تاۋىسقان وقۋشىلاردىڭ شينجياڭعا تامىر تارتۋىنا، الاڭسىز قىزمەت ىستەۋىنە، تولىسىپ، جەتىلۋىنە، دارىندى بولۋىنا تۇعىر ورناتىپ، شارت - جاعداي جاراتىپ، قامتاماسىزدىق جاسايمىز. جوعارى مەكتەپتەن وقۋ تاۋىسقان وقۋشىلاردى نەگىزگى ساتىعا بارىپ قىزمەت وتەپ، وتان ەڭ قاجەت ەتكەن جەرگە بارىپ قابىلەت - دارىندارىن ايگىلەپ، ەڭبەك كورسەتىپ، ەسە قوسۋعا شابىتتاندىرامىز.
”ءبىز ەگجەي - تەگجەيلى، اناعۇرلىم ناقتى شارالار ارقىلى جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن بار كۇشپەن تىڭعىلىقتى ويداعىداي ىستەيمىز“. قاشقار ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى يالقۇن اۋىت بىلاي دەدى: قاشقار ايماعى كۇن ىلگەرى جوبالاپ، ورنالاستىرۋ جاساپ، جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتى اڭگىمە ءماجىلىسىن، ينتەرنەت جەلىسىندە، جەلىدەن سىرت قىزمەتكەر قابىلداۋ قيمىلىن ۇيىمداستىرىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋ ارناسىن كەڭەيتتى. سونىمەن بىرگە، كاسىپورىندارعا، ءىسورىندارىنا بارىپ، قامداۋ مەن قاجەتسىنۋدى ءونىمدى ۇشتاستىرۋدى ىلگەرىلەتىپ، جوعارى مەكتەپتەن وقۋ تاۋىسقان وقۋشىلارعا دالمە - ءدال جۇمىستاندىرۋ قىزمەتىن وتەپ، ساياساتتىق جەتەكشىلىك ەتۋ ارقىلى ءتىپتى دە كوپ جوعارى مەكتەپتەن وقۋ تاۋىسقان وقۋشىلاردىڭ نەگىزگى ساتىعا بارىپ، ەڭبەك كورسەتىپ، ەسە قوسۋىنا مۇمكىندىك جاسادى.
”ءبىز مەملەكەت مەنشىگىندەگى كاسىپورىنداردىڭ جۇمىستاندىرۋدى ورنىقتىرۋ، جۇمىستاندىرۋدى جەبەۋ سىندى قوعامدىق جاۋاپكەرشىلىگىن مۇقيات اتقارىپ، باتىلدىقپەن جاۋاپكەرشىلىك ارقالاپ، بەلسەندى ىسكەرلىك كورسەتىپ، جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن دەن قويا، شىن سۇيىسپەنشىلىكپەن، كۇش سالا ويداعىداي ىستەپ، جاستاردىڭ ءوسىپ - جەتىلۋى، دارىندى بولۋى ءۇشىن تۇعىر ورناتامىز“، - دەدى شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستگى ادام كۇشى بايلىعى ءبولىمىنىڭ مەڭگەرۋشىسى ۋاڭ ليجيان.
(ءتىلشى جاۋ شييا، جازۋعا قاتىناسقان تىلشىلەر لي چۇنشيا، حان چينيان، شى شين، پراكتيكانت جياڭ يياۋ )
